អន្តរជាតិ
ប្រធានាធិបតីរុស្ស៊ី វ្ល៉ាឌីមៀ ពូទីន (រូបភាពពីគេហទំព័រប្រធានាធិបតីរុស្ស៊ី)
×![]()
ដោយ: តន ចាន់រិទ្ធារ៉ា
ប្រធានាធិបតីរុស្ស៊ី វ្ល៉ាឌីមៀ ពូទីន នៅថ្ងៃទី៤ ខែតុលា បានលើកឡើងពីលទ្ធភាពដែលពិភពលោកនាំគ្នាប្រើកម្លាំងដើម្បីដោះស្រាយបញ្ហានុយក្លេអ៊ែររបស់កូរ៉េខាងជើង។ លោក ពូទីន អះអាងថា ទោះជាសង្គ្រាមអាចកើតមានមែនក្ដី លទ្ធផលមិនអាចប៉ាន់ស្មានបានឡើយ ដ្បិតកូរ៉េខាងជើងជារដ្ឋឯកោបិទជិតបំផុត។ យ៉ាងណាមិញ ប្រមុខរដ្ឋរុស្ស៊ីរូបនេះនៅតែស្នើឲ្យមានការបើកការចរចាបញ្ចប់បញ្ហាជាជាងការប្រើប្រាស់កម្លាំងយោធាដែលបង្កវិនាសកម្មស្មានមិនដល់។
សង្គ្រាមនៅឧបទ្វីបកូរ៉េនៅតែអាចកើតឡើងបាន។ នេះជាសម្ដីរបស់ប្រធានាធិបតីរុស្ស៊ី វ្ល៉ាឌីមៀ ពូទីន ជុំវិញដំណោះស្រាយនៃវិបត្តិនុយក្លេអ៊ែរកូរ៉េខាងជើង។ ប៉ុន្តែលោក ពូទីន ក៏ព្រមានដែរថា ដំណោះស្រាយតាមផ្លូវសង្គ្រាមនេះ ទំនងជាមិនហុចផលតាមការគ្រោងទុកទេ ព្រោះកូរ៉េខាងជើងជាប្រទេសដែលនៅដាច់ពីគេឯង មិនសូវមានទំនាក់ទំនងខាងក្រៅ ដែលធ្វើឲ្យគេមិនដឹងច្បាស់ថា នុយក្លេអ៊ែរត្រូវលាក់នៅទីណាដែរ។
ក្នុងសន្និសីទអន្តរជាតិមួយនៅថ្ងៃទី៤ ខែតុលា ប្រធានាធិបតីរុស្ស៊ីរូបនេះបញ្ជាក់ថា ការវាយប្រហារដោយអន្តរជាតិសំដៅរំសាយអាវុធនុយក្លេអ៊ែររបស់កូរ៉េខាងជើង គឺជារឿងអាចទៅរួច ប៉ុន្តែអាចកម្ទេចគោលដៅបានឬអត់ ជារឿងមិនច្បាស់ទេ។ បើយោងតាមសារព័ត៌មាន RT លោក ពូទីន រៀបរាប់ទៀតថា គ្មាននរណាដឹងពីកន្លែងលាក់ទុកអាវុធប្រល័យលោកនេះឡើយ ព្រោះរបបក្រុងព្យុងយ៉ាងមិនដែលបើកចំហអ្វីទេ។
ទំនងនិយាយសំដៅប្រធានាធិបតីអាមេរិក ដូណាល់ ត្រាំ លោក ពូទីន ចាត់ទុកការប្រើប្រាស់ពាក្យសម្ដីខ្លាំងៗ និងការប៉ុនប៉ងបង្ហាញពីភាពខ្លាំងក្លានោះ បានត្រឹមតែពង្រឹងអំណាចរបស់មេដឹកនាំកូរ៉េខាងជើង គីម ជុងអ៊ុន ប៉ុណ្ណោះ។ ជាថ្មីម្ដងទៀត ប្រធានាធិបតីរុស្ស៊ីក៏ឆ្លៀតស្នើដោយមិនចំឈ្មោះអាមេរិក និងកូរ៉េខាងជើង ឲ្យឈប់ផ្លោងពាក្យគំរាមដាក់គ្នា និងត្រូវងាកមកចរចាទល់មុខគ្នារកច្រកចេញវិញ ទើបអាចបញ្ចប់បញ្ហាបាន។
យ៉ាងណាមិញ ចរចាឬអត់ គឺស៊ីសងលើអាមេរិកផ្ទាល់ ដោយលោក ពូទីន និយាយថា លោកនាទីអ្វីទៅរៀបចំ ឬវាយតម្លៃគោលនយោបាយរបស់ប្រធានាធិបតីអាមេរិកឡើយ។ បែបនេះក្ដី រុស្ស៊ីក៏មិនអាចធ្វើមិនដឹងមិនឮចំពោះបញ្ហាកូរ៉េខាងជើងនេះដែរ ហើយរុស្ស៊ីទៅវិញទេដែលត្រូវបារម្ភខ្លាំងជាងអាមេរិកនោះ ព្រោះរុស្ស៊ីក៏មានព្រំដែនជាប់កូរ៉េខាងជើង។ ឯទីកន្លែងសាកល្បងនុយក្លេអ៊ែរវិញមានចំងាយប្រហែល២០០គីឡូម៉ែត្រប៉ុណ្ណោះពីទឹកដីរុស្ស៊ី។
«តើអាមេរិកនៅឯណា? តើរុស្ស៊ី និងកូរ៉េខាងជើងនៅឯណា? យើងព្រួយបារម្ភមិនចាញ់អាមេរិកទេ។ អាចបារម្ភច្រើនជាងផង»។ នេះជាសំណួររបស់មេដឹកនាំរុស្ស៊ី ដែលទំនងជាឆ្លើយតបនឹងការព្រួយបារម្ភរបស់អាមេរិកដែលស្ថិតនៅត្រើយម្ខាងទៀតនៅមហាសមុទ្រប៉ាស៊ីហ្វិក ហើយជារឿយៗគំរាមប្រើកម្លាំងបាយលើរបបដឹកនាំក្រុងព្យុងយ៉ាង៕
សង្គ្រាមនៅឧបទ្វីបកូរ៉េនៅតែអាចកើតឡើងបាន។ នេះជាសម្ដីរបស់ប្រធានាធិបតីរុស្ស៊ី វ្ល៉ាឌីមៀ ពូទីន ជុំវិញដំណោះស្រាយនៃវិបត្តិនុយក្លេអ៊ែរកូរ៉េខាងជើង។ ប៉ុន្តែលោក ពូទីន ក៏ព្រមានដែរថា ដំណោះស្រាយតាមផ្លូវសង្គ្រាមនេះ ទំនងជាមិនហុចផលតាមការគ្រោងទុកទេ ព្រោះកូរ៉េខាងជើងជាប្រទេសដែលនៅដាច់ពីគេឯង មិនសូវមានទំនាក់ទំនងខាងក្រៅ ដែលធ្វើឲ្យគេមិនដឹងច្បាស់ថា នុយក្លេអ៊ែរត្រូវលាក់នៅទីណាដែរ។
ក្នុងសន្និសីទអន្តរជាតិមួយនៅថ្ងៃទី៤ ខែតុលា ប្រធានាធិបតីរុស្ស៊ីរូបនេះបញ្ជាក់ថា ការវាយប្រហារដោយអន្តរជាតិសំដៅរំសាយអាវុធនុយក្លេអ៊ែររបស់កូរ៉េខាងជើង គឺជារឿងអាចទៅរួច ប៉ុន្តែអាចកម្ទេចគោលដៅបានឬអត់ ជារឿងមិនច្បាស់ទេ។ បើយោងតាមសារព័ត៌មាន RT លោក ពូទីន រៀបរាប់ទៀតថា គ្មាននរណាដឹងពីកន្លែងលាក់ទុកអាវុធប្រល័យលោកនេះឡើយ ព្រោះរបបក្រុងព្យុងយ៉ាងមិនដែលបើកចំហអ្វីទេ។
ទំនងនិយាយសំដៅប្រធានាធិបតីអាមេរិក ដូណាល់ ត្រាំ លោក ពូទីន ចាត់ទុកការប្រើប្រាស់ពាក្យសម្ដីខ្លាំងៗ និងការប៉ុនប៉ងបង្ហាញពីភាពខ្លាំងក្លានោះ បានត្រឹមតែពង្រឹងអំណាចរបស់មេដឹកនាំកូរ៉េខាងជើង គីម ជុងអ៊ុន ប៉ុណ្ណោះ។ ជាថ្មីម្ដងទៀត ប្រធានាធិបតីរុស្ស៊ីក៏ឆ្លៀតស្នើដោយមិនចំឈ្មោះអាមេរិក និងកូរ៉េខាងជើង ឲ្យឈប់ផ្លោងពាក្យគំរាមដាក់គ្នា និងត្រូវងាកមកចរចាទល់មុខគ្នារកច្រកចេញវិញ ទើបអាចបញ្ចប់បញ្ហាបាន។
យ៉ាងណាមិញ ចរចាឬអត់ គឺស៊ីសងលើអាមេរិកផ្ទាល់ ដោយលោក ពូទីន និយាយថា លោកនាទីអ្វីទៅរៀបចំ ឬវាយតម្លៃគោលនយោបាយរបស់ប្រធានាធិបតីអាមេរិកឡើយ។ បែបនេះក្ដី រុស្ស៊ីក៏មិនអាចធ្វើមិនដឹងមិនឮចំពោះបញ្ហាកូរ៉េខាងជើងនេះដែរ ហើយរុស្ស៊ីទៅវិញទេដែលត្រូវបារម្ភខ្លាំងជាងអាមេរិកនោះ ព្រោះរុស្ស៊ីក៏មានព្រំដែនជាប់កូរ៉េខាងជើង។ ឯទីកន្លែងសាកល្បងនុយក្លេអ៊ែរវិញមានចំងាយប្រហែល២០០គីឡូម៉ែត្រប៉ុណ្ណោះពីទឹកដីរុស្ស៊ី។
«តើអាមេរិកនៅឯណា? តើរុស្ស៊ី និងកូរ៉េខាងជើងនៅឯណា? យើងព្រួយបារម្ភមិនចាញ់អាមេរិកទេ។ អាចបារម្ភច្រើនជាងផង»។ នេះជាសំណួររបស់មេដឹកនាំរុស្ស៊ី ដែលទំនងជាឆ្លើយតបនឹងការព្រួយបារម្ភរបស់អាមេរិកដែលស្ថិតនៅត្រើយម្ខាងទៀតនៅមហាសមុទ្រប៉ាស៊ីហ្វិក ហើយជារឿយៗគំរាមប្រើកម្លាំងបាយលើរបបដឹកនាំក្រុងព្យុងយ៉ាង៕
Tag:
រុស្ស៊ី
ឧបទ្វីបកូរ៉េ
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
