អន្តរជាតិ
ប្រធានាធិបតីឥណ្ឌូណេស៊ី ចូកូ វីដូដូ អមដំណើរដោយមន្រ្តីយោធាជាន់ខ្ពស់ កំពុងដើរទៅកន្លែងប្រារព្ធពិធីកំណើតកងទ័ព (រូបភាព Kompas.com)
×![]()
ដោយ: តន ចាន់រិទ្ធារ៉ា
ការកកស្ទះចរាចរណ៍នៅឥណ្ឌូណេស៊ី បានបង្ខំឲ្យប្រធានាធិបតី ចូកូ វីដូដូ (Joko Widodo) សម្រេចចិត្តលើចម្ងាយផ្លូវច្រើនជាងពីរគីឡូម៉ែត្រដើម្បីឲ្យទាន់កម្មវិធីព្យុហយាត្រាកងទ័ព។ ហេតុការណ៍នេះកើតឡើងនៅថ្ងៃទី៥ ខែតុលា នៅទីក្រុងកំពង់ផែ Cilegon ។ សកម្មភាពរបស់លោក វីដូដូ ធ្វើឲ្យប្រជាជនឥណ្ឌូណេស៊ីឈរតាមដងផ្លូវសាទរយ៉ាងខ្លាំង និងបានស្រែកឈ្មោះរបស់លោកយ៉ាងកងរំពងផងដែរ។
ប្រធានាធិបតីឥណ្ឌូណេស៊ី ចូកូ វីដូដូ និងមន្ត្រីជាន់ខ្ពស់ជាច្រើនទៀត ត្រូវបង្ខំចិត្តធ្វើដំណើរដោយថ្មើរជើងដើម្បីចូលរួមកម្មវិធីថ្ងៃកំណើតកងទ័ពឥណ្ឌូណេស៊ី ដែលធ្វើឡើងនៅទីក្រុង Cilegon ដែលត្រូវប្រើពេលធ្វើដំណើរពីរម៉ោងកន្លះពីរដ្ឋធានីហ្សាការតា។ ក្បួនរថយន្តរបស់លោក វីដូដូ បានស្ទះជាប់មិនអាចធ្វើដំណើរទៅមុខបានទៀតឡើយ ព្រោះផ្លូវកកកុញដោយប្រជាជនដែលរង់ចាំទស្សនាព្យុហយាត្រាយោធា ខណៈដែលកន្លែងប្រារព្ធពិធីស្ថិតចម្ងាយជាងពីរគីឡូម៉ែត្រទៀត។
បើតាមសារព័ត៌មាន The Jakarta Post បន្ទាប់ពីរង់ចាំអស់រយៈពេល៣០នាទី ប្រធានាធិបតីឥណ្ឌូណេស៊ី បានសម្រេចចិត្តពេលអង្គុយក្នុងរថយន្តថា លោកនឹងដើរទៅកន្លែងប្រារព្ធពិធីតែម្ដង។ លោក វីដូដូ បានដើរក្រោមកម្ដៅថ្ងៃក្ដៅក្រហែងទាំងសម្លៀកបំពាក់អាវធំ និងអមដោយមន្ត្រីជាច្រើនដូចជាអគ្គបញ្ជាការកងទ័ព Gatot Nurmantyo មេប៉ូលិសជាតិ Tito Karnavian និងរដ្ឋមន្ត្រីការពារជាតិ Ryamizard Ryacudu ។
មិនត្រឹមតែប្រធានាធិបតី និងមន្ត្រីជាន់ខ្ពស់ឡើយដែលបង្ខំចិត្តដើរនោះ យោធាឥណ្ឌណេស៊ីដែលត្រូវចូលរួមកម្មវិធីនេះក៏ត្រូវចុះពីរថយន្តរបស់ពួកគេ និងដើរទៅកាន់កំពង់ផែ PT Indah Kiat ដែលជាកន្លែងប្រមូលផ្ដុំឲ្យបានកម្មវិធីចាប់ផ្ដើមនៅម៉ោង៧ និង៣០នាទី។ អវត្តមានលោក វីដូដូ ធ្វើឲ្យពិធីនេះពន្យារពេលជាងមួយម៉ោង ហើយរហូតដល់លោក វីដូដូ ដើរដល់កន្លែងប្រារព្ធពិធីនៅម៉ោង៨ និង៤០នាទី ទើបកម្មវិធីចាប់ផ្ដើម។
ឧត្តមសេនីយ៍ Gatot បានសុំទោសប្រធានាធិបតី និងមន្ត្រីទាំងអស់ដែលជាប់ខ្លួនក្នុងការស្ទះចរាចរណ៍នៅថ្ងៃទី៥ ខែតុលា។ ថ្លែងក្នុងថ្ងៃខួបកំណើតកងទ័ព លោក Gatot និយាយថា លោកពិតជាសុំទោសដែលមន្ត្រីទាំងអស់ត្រូវជិះម៉ូតូឌុបមកកាន់ទីនេះ ស្របដែលលោកប្រធានាធិបតីត្រូវដើរជាងពីរគីឡូម៉ែត្រ។ លោកបន្តថា ប្រជាជនបានមកកាន់កន្លែងប្រារព្ធពិធីតាំងពីម៉ោង២ព្រឹក ដែលនេះបង្ហាញពីការស្រឡាញ់ចំពោះកងទ័ព៕
ប្រធានាធិបតីឥណ្ឌូណេស៊ី ចូកូ វីដូដូ និងមន្ត្រីជាន់ខ្ពស់ជាច្រើនទៀត ត្រូវបង្ខំចិត្តធ្វើដំណើរដោយថ្មើរជើងដើម្បីចូលរួមកម្មវិធីថ្ងៃកំណើតកងទ័ពឥណ្ឌូណេស៊ី ដែលធ្វើឡើងនៅទីក្រុង Cilegon ដែលត្រូវប្រើពេលធ្វើដំណើរពីរម៉ោងកន្លះពីរដ្ឋធានីហ្សាការតា។ ក្បួនរថយន្តរបស់លោក វីដូដូ បានស្ទះជាប់មិនអាចធ្វើដំណើរទៅមុខបានទៀតឡើយ ព្រោះផ្លូវកកកុញដោយប្រជាជនដែលរង់ចាំទស្សនាព្យុហយាត្រាយោធា ខណៈដែលកន្លែងប្រារព្ធពិធីស្ថិតចម្ងាយជាងពីរគីឡូម៉ែត្រទៀត។
បើតាមសារព័ត៌មាន The Jakarta Post បន្ទាប់ពីរង់ចាំអស់រយៈពេល៣០នាទី ប្រធានាធិបតីឥណ្ឌូណេស៊ី បានសម្រេចចិត្តពេលអង្គុយក្នុងរថយន្តថា លោកនឹងដើរទៅកន្លែងប្រារព្ធពិធីតែម្ដង។ លោក វីដូដូ បានដើរក្រោមកម្ដៅថ្ងៃក្ដៅក្រហែងទាំងសម្លៀកបំពាក់អាវធំ និងអមដោយមន្ត្រីជាច្រើនដូចជាអគ្គបញ្ជាការកងទ័ព Gatot Nurmantyo មេប៉ូលិសជាតិ Tito Karnavian និងរដ្ឋមន្ត្រីការពារជាតិ Ryamizard Ryacudu ។
មិនត្រឹមតែប្រធានាធិបតី និងមន្ត្រីជាន់ខ្ពស់ឡើយដែលបង្ខំចិត្តដើរនោះ យោធាឥណ្ឌណេស៊ីដែលត្រូវចូលរួមកម្មវិធីនេះក៏ត្រូវចុះពីរថយន្តរបស់ពួកគេ និងដើរទៅកាន់កំពង់ផែ PT Indah Kiat ដែលជាកន្លែងប្រមូលផ្ដុំឲ្យបានកម្មវិធីចាប់ផ្ដើមនៅម៉ោង៧ និង៣០នាទី។ អវត្តមានលោក វីដូដូ ធ្វើឲ្យពិធីនេះពន្យារពេលជាងមួយម៉ោង ហើយរហូតដល់លោក វីដូដូ ដើរដល់កន្លែងប្រារព្ធពិធីនៅម៉ោង៨ និង៤០នាទី ទើបកម្មវិធីចាប់ផ្ដើម។
ឧត្តមសេនីយ៍ Gatot បានសុំទោសប្រធានាធិបតី និងមន្ត្រីទាំងអស់ដែលជាប់ខ្លួនក្នុងការស្ទះចរាចរណ៍នៅថ្ងៃទី៥ ខែតុលា។ ថ្លែងក្នុងថ្ងៃខួបកំណើតកងទ័ព លោក Gatot និយាយថា លោកពិតជាសុំទោសដែលមន្ត្រីទាំងអស់ត្រូវជិះម៉ូតូឌុបមកកាន់ទីនេះ ស្របដែលលោកប្រធានាធិបតីត្រូវដើរជាងពីរគីឡូម៉ែត្រ។ លោកបន្តថា ប្រជាជនបានមកកាន់កន្លែងប្រារព្ធពិធីតាំងពីម៉ោង២ព្រឹក ដែលនេះបង្ហាញពីការស្រឡាញ់ចំពោះកងទ័ព៕
Tag:
ឥណ្ឌូណេស៊ី
Joko Widodo
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
