អន្តរជាតិ
លោក ត្រាំ ហៅមេទ័ពកំពូលៗមកជួបនៅសេតវិមាន ដើម្បីពិភាក្សារឿងកូរ៉េខាងជើងនិងអ៊ីរ៉ង់
ប្រធានាធិបតី ដូណាល់ ត្រាំ ជួបជាមួយមេទ័ពកំពូលៗនៅសេតវិមាន (រូបភាព៖ Reuters)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ នៅថ្ងៃទី៥ ខែតុលា បានជួបជាមួយមន្ត្រីយោធាជាន់ខ្ពស់ជាច្រើនរូបនៅសេតវិមានលើប្រធានបទកូរ៉េខាងជើង និងអ៊ីរ៉ង់។ លោក ត្រាំ ចាត់ទុកជំនួបនេះជា «ភាពស្ងប់ស្ងាត់មុនព្យុះមកដល់» ដែលអាចជាជំនួបស្វែងរកច្រកចេញក្នុងវិបត្តិនុយក្លេអ៊ែរជាមួយកូរ៉េខាងជើង និងអ៊ីរ៉ង់។ ឆ្លៀតឱកាសនោះ លោក ត្រាំ នៅតែអះអាងថា លោកនឹងចាត់វិធានការគ្រប់យ៉ាងដើម្បីបញ្ឈប់កម្មវិធីនុយក្លេអ៊ែរនេះ។
រដ្ឋមន្ត្រីការពារជាតិ ជេម ម៉ាធីស នាយសេធិការចម្រុះកងទ័ព ចូសេហ្វ ដាន់ហ្វត មេបញ្ជាការកងទ័ពទាំងអស់ និងមេបញ្ជាការកងទ័ពប្រចាំតំបន់ប៉ាស៊ីហ្វិក ហារី ហារីស បានជួបជាមួយប្រធានាធិបតី ដូណាល់ ត្រាំ នៅសេតវិមាន ដើម្បីពិភាក្សាពីបញ្ហានុយក្លេអ៊ែរកូរ៉េខាងជើង និងអ៊ីរ៉ង់។ ជំនួបនេះបានផ្ដោតសំខាន់លើការចាត់វិធានការដើម្បីទប់ស្កាត់ការគំរាមកំហែងរបស់កូរ៉េខាងជើង ក៏ដូចជាការរារាំងអ៊ីរ៉ង់ពីការផលិតនុយក្លេអ៊ែរផងដែរ។
ពីក្នុងបន្ទប់លាងសាយភោជន៍នៃសេតវិមាន លោក ត្រាំ ដែលឈរអមដោយក្រុមឧត្តមសេនីយ៍ជាន់ខ្ពស់ជាច្រើនរូប បាននិយាយថា៖ «អ្នកទាំងអស់គ្នាដឹងថាជំនួបនេះតំណាងឲ្យអ្វីទេ។ ប្រហែលជាភាពស្ងប់ស្ងាត់មុនព្យុះមកដល់ហើយ»។ ភ្លាមនោះ អ្នកសារព័ត៌មានដែលរង់ចាំថតរូបក៏សួរលោក ត្រាំ ថា ព្យុះអ្វីទៅ? ប្រធានាធិបតីអាមេរិករូបនេះក៏ឆ្លើយវិញថា អ្នកនឹងដឹងនៅពេលក្រោយ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
ជុំវិញកម្មវិធីនុយក្លេអ៊ែរកូរ៉េខាងជើង លោក ត្រាំ បញ្ជាក់ច្បាស់ៗទៅកាន់បណ្ដាមេទ័ពកំពូលៗថា គោលដៅរបស់អាមេរិក គឺការរំសាយអាវុធនុយក្លេអ៊ែរ ហើយលោកនឹងមិនអនុញ្ញាតឲ្យរបបផ្ដាច់ការមួយនេះគំរាមកំហែងអាមេរិក និងសម្ព័ន្ធមិត្តឡើយ។ ដោយចង់សំដៅដល់ការប្រើកម្លាំងទ័ពបញ្ចប់បញ្ហា លោក ត្រាំ ក៏បង្ហាញជំនឿចិត្តដែរថា អ្វីគ្រប់យ៉ាងនឹងចេញជាលទ្ធផល បើអាមេរិកពិតជាចាត់វិធានការមែននោះ។
ជាមួយគ្នានោះ ប្រធានាធិបតីអាមេរិកដែលគំរាមកម្ទេចកូរ៉េខាងជើងក្នុងកិច្ចប្រជុំមហាសន្និបាតអង្គការសហប្រជាជាតិកាលពីខែកញ្ញា ក៏ប្រាប់ឲ្យមន្ត្រីយោធាទាំងអស់ផ្ដល់ជម្រើសផ្នែកយោធាឲ្យទាន់ពេល ក្នុងករណីលោកត្រូវការ។ «ខ្ញុំរំពឹងថា អ្នកទាំងអស់គ្នានឹងរៀបចំជម្រើសយោធាឲ្យបានច្រើនសម្រាប់ខ្ញុំឲ្យបានលឿនបំផុត ព្រោះប្រព័ន្ធការិយាធិបតេយ្យរដ្ឋាភិបាលយឺតណាស់។ ប៉ុន្តែខ្ញុំត្រូវការអ្នកទាំងអស់ដើម្បីជម្នះការលំបាកនេះ»។ នេះជាការបញ្ជាក់បន្ថែមរបស់លោក ត្រាំ ។
កន្លងមក លោកប្រធានាធិបតី ត្រាំ ធ្លាប់លើកឡើងថា យោធាមិនមែនជាជម្រើសអាទិភាពទីមួយសម្រាប់លោកឡើយ គឺជាជម្រើសទីពីរប៉ុណ្ណោះ ប៉ុន្តែជម្រើសនេះបានត្រៀមរួចស្រេចអស់ហើយ។ សម្រាប់លោក ត្រាំ ការដាក់ទណ្ឌកម្មសេដ្ឋកិច្ច នៅតែជាការងារចម្បង ទោះជាលោកធ្លាប់សារភាពថា គ្មានប្រសិទ្ធភាពក៏ដោយចុះ។ លោក ត្រាំ ក៏បានគំរាមទុកហើយថា ក្នុងករណីលោកប្រើប្រាស់យោធា កូរ៉េខាងជើងនឹងវិនាសមិនខាន៕
រដ្ឋមន្ត្រីការពារជាតិ ជេម ម៉ាធីស នាយសេធិការចម្រុះកងទ័ព ចូសេហ្វ ដាន់ហ្វត មេបញ្ជាការកងទ័ពទាំងអស់ និងមេបញ្ជាការកងទ័ពប្រចាំតំបន់ប៉ាស៊ីហ្វិក ហារី ហារីស បានជួបជាមួយប្រធានាធិបតី ដូណាល់ ត្រាំ នៅសេតវិមាន ដើម្បីពិភាក្សាពីបញ្ហានុយក្លេអ៊ែរកូរ៉េខាងជើង និងអ៊ីរ៉ង់។ ជំនួបនេះបានផ្ដោតសំខាន់លើការចាត់វិធានការដើម្បីទប់ស្កាត់ការគំរាមកំហែងរបស់កូរ៉េខាងជើង ក៏ដូចជាការរារាំងអ៊ីរ៉ង់ពីការផលិតនុយក្លេអ៊ែរផងដែរ។
ពីក្នុងបន្ទប់លាងសាយភោជន៍នៃសេតវិមាន លោក ត្រាំ ដែលឈរអមដោយក្រុមឧត្តមសេនីយ៍ជាន់ខ្ពស់ជាច្រើនរូប បាននិយាយថា៖ «អ្នកទាំងអស់គ្នាដឹងថាជំនួបនេះតំណាងឲ្យអ្វីទេ។ ប្រហែលជាភាពស្ងប់ស្ងាត់មុនព្យុះមកដល់ហើយ»។ ភ្លាមនោះ អ្នកសារព័ត៌មានដែលរង់ចាំថតរូបក៏សួរលោក ត្រាំ ថា ព្យុះអ្វីទៅ? ប្រធានាធិបតីអាមេរិករូបនេះក៏ឆ្លើយវិញថា អ្នកនឹងដឹងនៅពេលក្រោយ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
ជុំវិញកម្មវិធីនុយក្លេអ៊ែរកូរ៉េខាងជើង លោក ត្រាំ បញ្ជាក់ច្បាស់ៗទៅកាន់បណ្ដាមេទ័ពកំពូលៗថា គោលដៅរបស់អាមេរិក គឺការរំសាយអាវុធនុយក្លេអ៊ែរ ហើយលោកនឹងមិនអនុញ្ញាតឲ្យរបបផ្ដាច់ការមួយនេះគំរាមកំហែងអាមេរិក និងសម្ព័ន្ធមិត្តឡើយ។ ដោយចង់សំដៅដល់ការប្រើកម្លាំងទ័ពបញ្ចប់បញ្ហា លោក ត្រាំ ក៏បង្ហាញជំនឿចិត្តដែរថា អ្វីគ្រប់យ៉ាងនឹងចេញជាលទ្ធផល បើអាមេរិកពិតជាចាត់វិធានការមែននោះ។
ជាមួយគ្នានោះ ប្រធានាធិបតីអាមេរិកដែលគំរាមកម្ទេចកូរ៉េខាងជើងក្នុងកិច្ចប្រជុំមហាសន្និបាតអង្គការសហប្រជាជាតិកាលពីខែកញ្ញា ក៏ប្រាប់ឲ្យមន្ត្រីយោធាទាំងអស់ផ្ដល់ជម្រើសផ្នែកយោធាឲ្យទាន់ពេល ក្នុងករណីលោកត្រូវការ។ «ខ្ញុំរំពឹងថា អ្នកទាំងអស់គ្នានឹងរៀបចំជម្រើសយោធាឲ្យបានច្រើនសម្រាប់ខ្ញុំឲ្យបានលឿនបំផុត ព្រោះប្រព័ន្ធការិយាធិបតេយ្យរដ្ឋាភិបាលយឺតណាស់។ ប៉ុន្តែខ្ញុំត្រូវការអ្នកទាំងអស់ដើម្បីជម្នះការលំបាកនេះ»។ នេះជាការបញ្ជាក់បន្ថែមរបស់លោក ត្រាំ ។
កន្លងមក លោកប្រធានាធិបតី ត្រាំ ធ្លាប់លើកឡើងថា យោធាមិនមែនជាជម្រើសអាទិភាពទីមួយសម្រាប់លោកឡើយ គឺជាជម្រើសទីពីរប៉ុណ្ណោះ ប៉ុន្តែជម្រើសនេះបានត្រៀមរួចស្រេចអស់ហើយ។ សម្រាប់លោក ត្រាំ ការដាក់ទណ្ឌកម្មសេដ្ឋកិច្ច នៅតែជាការងារចម្បង ទោះជាលោកធ្លាប់សារភាពថា គ្មានប្រសិទ្ធភាពក៏ដោយចុះ។ លោក ត្រាំ ក៏បានគំរាមទុកហើយថា ក្នុងករណីលោកប្រើប្រាស់យោធា កូរ៉េខាងជើងនឹងវិនាសមិនខាន៕
Tag:
អាមេរិក
ដូណាល់ ត្រាំ
កូរ៉េខាងជើង
អ៊ីរ៉ង់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
