អន្តរជាតិ
×![]()
ដោយ: តន ចាន់រិទ្ធារ៉ា
នាវាចម្បាំងអាមេរិកមួយកងបានទៅដល់ដែនទឹកឧបទ្វីបកូរ៉េដើម្បីធ្វើសមយុទ្ធជាមួយយោធាកូរ៉េខាងត្បូងដែលគ្រោងចាប់ផ្ដើមនៅថ្ងៃទី២០ ខែតុលា។ សមយុទ្ធនេះមានគោលដៅបង្អួតកម្លាំងយោធារបស់សម្ព័ន្ធមិត្តអាមេរិក និងកូរ៉េខាងត្បូង ប្រឈមមុខការគំរាមកំហែងពីសំណាក់កូរ៉េខាងជើង។ ប្រធានាធិបតី ដូណាល់ ត្រាំ និយាយម្ដងហើយម្ដងទៀតហើយថា អាមេរិកនឹងធ្វើគ្រប់យ៉ាងដើម្បីការពារខ្លួនឯង និងសម្ព័ន្ធមិត្ត។
នាវាដឹកយន្តហោះដ៏ធំរបស់អាមេរិក USS Ronald Regan ដែលអមកប៉ាល់ចម្បាំងមួយគ្រឿង និងនាវាមុជទឹកមួយគ្រឿងស្ថិតលើផ្លូវទៅកាន់កូរ៉េខាងត្បូង។ នៅត្រឹមថ្ងៃទី៦ ខែតុលា នាវាអាមេរិកទាំងបីគ្រឿងនេះស្ថិតក្នុងដែនទឹកសមុទ្រចិនខាងត្បូងក្នុងដំណើរទៅកាន់ឧបទ្វីបកូរ៉េដើម្បីធ្វើសមយុទ្ធរួមគ្នាជាមួយកូរ៉េខាងត្បូង។
យោងតាមទីភ្នាក់ងារព័ត៌មាន Yonhap មន្ត្រីកូរ៉េខាងត្បូងនិយាយថា សមយុទ្ធរួមគ្នានេះនឹងផ្ដោតសំខាន់លើលំហាត់ចាប់សញ្ញា តាមដាន និងបាញ់ស្កាត់មីស៊ីល ក៏ដូចជាលំហាត់ប្រឆាំងនាវាមុជទឹកដែរ។ លំហាត់នេះធ្វើឡើងបន្ទាប់ពីកូរ៉េខាងជើងទទួលជោគជ័យក្នុងការសាកល្បងមីស៊ីលចម្ងាយឆ្ងាយរបស់ខ្លួនជាបន្តបន្ទាប់ ដែលកូរ៉េខាងជើងអះអាងថា អាចបាញ់ដល់ទឹកដីអាមេរិកឯណោះ។
លោក Marc Dalton មេបញ្ជាការកងនាវា USS Ronald Regan និយាយថា សមយុទ្ធយោធាជាមួយកូរ៉េខាងត្បូង គឺជាការប្រុងប្រៀបខ្លួនរបស់អាមេរិកដើម្បីការពារសម្ព័ន្ធមិត្តរបស់ខ្លួន ក៏ដូចជាការថែរក្សាស្ថិរភាពតំបន់ដែរ។ មេបញ្ជាការរូបនេះបន្តថា អាមេរិកមានជំហរច្បាស់លាស់ក្នុងការប្រើប្រាស់គ្រប់មធ្យោបាយដើម្បីបង្ខំឲ្យកូរ៉េខាងជើងងាកមកដើរលើផ្លូវត្រូវវិញ។
ច្បាស់ណាស់ថា គម្រោងធ្វើសមយុទ្ធលើកនេះប្រាកដជាធ្វើឲ្យកូរ៉េខាងជើងក្ដៅស្លឹកត្រចៀកមិនខាន។ កាលពីមុនសមយុទ្ធរួមគ្នារបស់អាមេរិកនិងកូរ៉េខាងត្បូងកាលពីខែសីហា ក្រុងព្យុងយ៉ាងធ្លាប់គំរាមឆ្លើយតបដោយមិនត្រាប្រណីមិនខាន។ របបដឹកនាំរដ្ឋកុម្មុយនីស្តឯកោមួយនេះតែងចាត់ទុកសមយុទ្ធរួមគ្នាជាការត្រៀមរបស់អាមេរិកដើម្បីឈ្លានពានខ្លួន ហើយដែលអាចរាលដាលក្លាយជាសង្គ្រាមទ្រង់ទ្រាយមិនខាន។
ចំណែកឯក្រុងវ៉ាស៊ីនតោនបដិសេធដាច់ខាតក្នុងការបន្ថយទំហំសមយុទ្ធនេះ និងចាត់ទុកនេះជាសិទ្ធិស្របច្បាប់របស់ខ្លួន និងក្រុងសេអ៊ូល ហើយលំហាត់នេះគ្មានថ្ងៃផ្លាស់ប្ដូរឡើយ។ ក្នុងមួយឆ្នាំៗ អាមេរិក និងកូរ៉េខាងត្បូងធ្វើសមយុទ្ធរួមគ្នាជាច្រើនលើក ទាំងកម្លាំងជើងគោក ជើងទឹក និងជើងអាកាស ហើយពេលខ្លះក៏មានវត្តមានទ័ពជប៉ុនដែរ។ ជារឿយៗក្រោយកូរ៉េខាងជើងសាកល្បងមីស៊ីល កូរ៉េខាងត្បូងក៏៏បានបាញ់មីស៊ីលឆ្លើយតបវិញផងដែរ៕
នាវាដឹកយន្តហោះដ៏ធំរបស់អាមេរិក USS Ronald Regan ដែលអមកប៉ាល់ចម្បាំងមួយគ្រឿង និងនាវាមុជទឹកមួយគ្រឿងស្ថិតលើផ្លូវទៅកាន់កូរ៉េខាងត្បូង។ នៅត្រឹមថ្ងៃទី៦ ខែតុលា នាវាអាមេរិកទាំងបីគ្រឿងនេះស្ថិតក្នុងដែនទឹកសមុទ្រចិនខាងត្បូងក្នុងដំណើរទៅកាន់ឧបទ្វីបកូរ៉េដើម្បីធ្វើសមយុទ្ធរួមគ្នាជាមួយកូរ៉េខាងត្បូង។
យោងតាមទីភ្នាក់ងារព័ត៌មាន Yonhap មន្ត្រីកូរ៉េខាងត្បូងនិយាយថា សមយុទ្ធរួមគ្នានេះនឹងផ្ដោតសំខាន់លើលំហាត់ចាប់សញ្ញា តាមដាន និងបាញ់ស្កាត់មីស៊ីល ក៏ដូចជាលំហាត់ប្រឆាំងនាវាមុជទឹកដែរ។ លំហាត់នេះធ្វើឡើងបន្ទាប់ពីកូរ៉េខាងជើងទទួលជោគជ័យក្នុងការសាកល្បងមីស៊ីលចម្ងាយឆ្ងាយរបស់ខ្លួនជាបន្តបន្ទាប់ ដែលកូរ៉េខាងជើងអះអាងថា អាចបាញ់ដល់ទឹកដីអាមេរិកឯណោះ។
លោក Marc Dalton មេបញ្ជាការកងនាវា USS Ronald Regan និយាយថា សមយុទ្ធយោធាជាមួយកូរ៉េខាងត្បូង គឺជាការប្រុងប្រៀបខ្លួនរបស់អាមេរិកដើម្បីការពារសម្ព័ន្ធមិត្តរបស់ខ្លួន ក៏ដូចជាការថែរក្សាស្ថិរភាពតំបន់ដែរ។ មេបញ្ជាការរូបនេះបន្តថា អាមេរិកមានជំហរច្បាស់លាស់ក្នុងការប្រើប្រាស់គ្រប់មធ្យោបាយដើម្បីបង្ខំឲ្យកូរ៉េខាងជើងងាកមកដើរលើផ្លូវត្រូវវិញ។
ច្បាស់ណាស់ថា គម្រោងធ្វើសមយុទ្ធលើកនេះប្រាកដជាធ្វើឲ្យកូរ៉េខាងជើងក្ដៅស្លឹកត្រចៀកមិនខាន។ កាលពីមុនសមយុទ្ធរួមគ្នារបស់អាមេរិកនិងកូរ៉េខាងត្បូងកាលពីខែសីហា ក្រុងព្យុងយ៉ាងធ្លាប់គំរាមឆ្លើយតបដោយមិនត្រាប្រណីមិនខាន។ របបដឹកនាំរដ្ឋកុម្មុយនីស្តឯកោមួយនេះតែងចាត់ទុកសមយុទ្ធរួមគ្នាជាការត្រៀមរបស់អាមេរិកដើម្បីឈ្លានពានខ្លួន ហើយដែលអាចរាលដាលក្លាយជាសង្គ្រាមទ្រង់ទ្រាយមិនខាន។
ចំណែកឯក្រុងវ៉ាស៊ីនតោនបដិសេធដាច់ខាតក្នុងការបន្ថយទំហំសមយុទ្ធនេះ និងចាត់ទុកនេះជាសិទ្ធិស្របច្បាប់របស់ខ្លួន និងក្រុងសេអ៊ូល ហើយលំហាត់នេះគ្មានថ្ងៃផ្លាស់ប្ដូរឡើយ។ ក្នុងមួយឆ្នាំៗ អាមេរិក និងកូរ៉េខាងត្បូងធ្វើសមយុទ្ធរួមគ្នាជាច្រើនលើក ទាំងកម្លាំងជើងគោក ជើងទឹក និងជើងអាកាស ហើយពេលខ្លះក៏មានវត្តមានទ័ពជប៉ុនដែរ។ ជារឿយៗក្រោយកូរ៉េខាងជើងសាកល្បងមីស៊ីល កូរ៉េខាងត្បូងក៏៏បានបាញ់មីស៊ីលឆ្លើយតបវិញផងដែរ៕
Tag:
អាមេរិក
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
