អន្តរជាតិ
×![]()
ដោយ: តន ចាន់រិទ្ធារ៉ា
អាមេរិកបានសម្រេចចិត្តលុបចោលទណ្ឌកម្មដ៏តឹងរ៉ឹងរយៈពេល២០ឆ្នាំលើរដ្ឋអាហ្វ្រិកស៊ូដង់ ដោយលើកឡើងថា រដ្ឋាភិបាលស៊ូដង់ធ្វើសកម្មភាពវិជ្ជមានក្នុងការដោះស្រាយជម្លោះក្នុងប្រទេស ក៏ដូចជាចាប់ដៃជាមួយអាមេរិកក្នុងការដោះស្រាយបញ្ហាក្នុងតំបន់។ នេះបើតាមការប្រកាសរបស់ក្រសួងការបរទេសអាមេរិក។ ក្រុងខាទុំបានស្វាគមន៍ការសម្រេចចិត្តរបស់ក្រុងវ៉ាស៊ីនតោន ដែលធ្វើឡើងក្រោយការចរចាអស់ពេលជាច្រើនខែរួចមកនោះ។
ក្រសួងការបរទេសអាមេរិក នៅថ្ងៃទី៦ ខែតុលា បានចេញសេចក្ដីប្រកាសព័ត៌មានជុំវិញការលុបចោលទណ្ឌកម្មសេដ្ឋកិច្ច និងពាណិជ្ជកម្មលើស៊ូដង់ ដែលអនុវត្តតាំងពីឆ្នាំ១៩៩៧ មក។ អ្នកនាំពាក្យក្រសួងការបរទេសអាមេរិក Heather Nauert និយាយថា ការលុបចោលទណ្ឌកម្មនេះនឹងមានប្រសិទ្ធភាពចាប់ពីថ្ងៃទី១២ ខែតុលាតទៅ។
ទាក់ទងហេតុផលនៃការលុបចោលនេះ សេចក្ដីប្រកាសរបស់ក្រសួងការបរទេសអាមេរិកបញ្ជាក់ថា ស៊ូដង់បានធ្វើសកម្មភាពវិជ្ជមានក្នុងការទប់ស្កាត់ចំនួនមនុស្សស្លាប់ក្នុងតំបន់ជម្លោះរបស់ខ្លួន បង្កើនការផ្ដល់ជំនួយមនុស្សធម៌នៅទូទាំងប្រទេស ក៏ដូចជាបានរក្សាកិច្ចសហប្រតិបត្តិការជាមួយអាមេរិកក្នុងការដោះស្រាយបញ្ហាតំបន់ និងការគំរាមកំហែងនៃភេរវកម្មនិយម។ ប៉ុន្តែទណ្ឌកម្មខ្លះនៅតែបន្តអនុវត្ត ហើយស៊ូដង់នៅតែស្ថិតក្នុងបញ្ជីប្រទេសគាំទ្រភេរវកម្មដដែល។
យោងតាមសារព័ត៌មាន Al Jazeera រដ្ឋាភិបាលស៊ូដង់របស់ប្រធានាធិបតី Omar al Bashir បង្ហាញក្ដីរីករាយខ្លាំងចំពោះការដកទណ្ឌកម្មនេះ និងចាត់ទុកជាជំហានវិជ្ជមានក្នុងការពង្រឹងទំនាក់ទំនងទ្វេភាគីឲ្យល្អប្រសើរ។ ស៊ូដង់ក៏បានស្នើឲ្យអាមេរិកផ្អាកទណ្ឌកម្មដែលនៅសេសសល់បន្ថែមទៀត។ ដោយមានឈ្មោះក្នុងបញ្ជីរដ្ឋគាំទ្រភេរវករ អាមេរិកបានហាមឃាត់ការលក់អាវុធទៅឲ្យស៊ូដង់ និងរឹតត្បិតការផ្ដល់ជំនួយផងដែរ។
ក្រសួងការបរទេសស៊ូដង់បញ្ជាក់ថា ការសម្រេចចិត្តជាប្រវត្តិសាស្ត្រនេះជួយឲ្យស៊ូដង់សហការជាមួយអាមេរិកលើបញ្ហាអន្តរជាតិជាច្រើនដូចជាសន្តិភាព និងស្ថិរភាពអន្តរជាតិ អន្តោប្រវេសន៍ និងការជួញដូរមនុស្សខុសច្បាប់ ព្រមទាំងការប្រយុទ្ធប្រឆាំងភេរវកម្មផងដែរ។ យ៉ាងណាក្ដី ក្រុងខាទុំនៅតែទទូចឲ្យអាមេរិកដកឈ្មោះខ្លួនជារដ្ឋគាំទ្រភេរវកម្មនិយម ព្រោះគ្មានមូលហេតុដែលស៊ូដង់ត្រូវមានឈ្មោះបែបនោះទេ។
ការសម្រេចចិត្តលុបចោលទណ្ឌកម្មពីសំណាក់រដ្ឋបាលប្រធានាធិបតី ដូណាល់ ត្រាំ ធ្វើឡើងបន្ទាប់ពីការចរចាអស់ពេល១៦ខេរវាងក្រុងវ៉ាស៊ីនតោន និងក្រុងខាទុំ។ ការពិភាក្សាចាប់ផ្ដើមនៅចុងអាណត្តិអតីតប្រធានាធិបតី បារ៉ាក់ អូបាម៉ា ដែលបានផ្អាកទណ្ឌកម្មខ្លះៗរូចមកហើយដែរ។ ការសម្រួលទណ្ឌកម្មនេះ បានផ្អែកលើសកម្មភាពរបស់ស៊ូដង់ដែលស្រោចស្រង់ស្ថិរភាពក្នុងប្រទេសគួរឲ្យកត់សម្គាល់ ទោះជាមានជម្លោះបន្តកើតឡើងក្ដី៕
ក្រសួងការបរទេសអាមេរិក នៅថ្ងៃទី៦ ខែតុលា បានចេញសេចក្ដីប្រកាសព័ត៌មានជុំវិញការលុបចោលទណ្ឌកម្មសេដ្ឋកិច្ច និងពាណិជ្ជកម្មលើស៊ូដង់ ដែលអនុវត្តតាំងពីឆ្នាំ១៩៩៧ មក។ អ្នកនាំពាក្យក្រសួងការបរទេសអាមេរិក Heather Nauert និយាយថា ការលុបចោលទណ្ឌកម្មនេះនឹងមានប្រសិទ្ធភាពចាប់ពីថ្ងៃទី១២ ខែតុលាតទៅ។
ទាក់ទងហេតុផលនៃការលុបចោលនេះ សេចក្ដីប្រកាសរបស់ក្រសួងការបរទេសអាមេរិកបញ្ជាក់ថា ស៊ូដង់បានធ្វើសកម្មភាពវិជ្ជមានក្នុងការទប់ស្កាត់ចំនួនមនុស្សស្លាប់ក្នុងតំបន់ជម្លោះរបស់ខ្លួន បង្កើនការផ្ដល់ជំនួយមនុស្សធម៌នៅទូទាំងប្រទេស ក៏ដូចជាបានរក្សាកិច្ចសហប្រតិបត្តិការជាមួយអាមេរិកក្នុងការដោះស្រាយបញ្ហាតំបន់ និងការគំរាមកំហែងនៃភេរវកម្មនិយម។ ប៉ុន្តែទណ្ឌកម្មខ្លះនៅតែបន្តអនុវត្ត ហើយស៊ូដង់នៅតែស្ថិតក្នុងបញ្ជីប្រទេសគាំទ្រភេរវកម្មដដែល។
យោងតាមសារព័ត៌មាន Al Jazeera រដ្ឋាភិបាលស៊ូដង់របស់ប្រធានាធិបតី Omar al Bashir បង្ហាញក្ដីរីករាយខ្លាំងចំពោះការដកទណ្ឌកម្មនេះ និងចាត់ទុកជាជំហានវិជ្ជមានក្នុងការពង្រឹងទំនាក់ទំនងទ្វេភាគីឲ្យល្អប្រសើរ។ ស៊ូដង់ក៏បានស្នើឲ្យអាមេរិកផ្អាកទណ្ឌកម្មដែលនៅសេសសល់បន្ថែមទៀត។ ដោយមានឈ្មោះក្នុងបញ្ជីរដ្ឋគាំទ្រភេរវករ អាមេរិកបានហាមឃាត់ការលក់អាវុធទៅឲ្យស៊ូដង់ និងរឹតត្បិតការផ្ដល់ជំនួយផងដែរ។
ក្រសួងការបរទេសស៊ូដង់បញ្ជាក់ថា ការសម្រេចចិត្តជាប្រវត្តិសាស្ត្រនេះជួយឲ្យស៊ូដង់សហការជាមួយអាមេរិកលើបញ្ហាអន្តរជាតិជាច្រើនដូចជាសន្តិភាព និងស្ថិរភាពអន្តរជាតិ អន្តោប្រវេសន៍ និងការជួញដូរមនុស្សខុសច្បាប់ ព្រមទាំងការប្រយុទ្ធប្រឆាំងភេរវកម្មផងដែរ។ យ៉ាងណាក្ដី ក្រុងខាទុំនៅតែទទូចឲ្យអាមេរិកដកឈ្មោះខ្លួនជារដ្ឋគាំទ្រភេរវកម្មនិយម ព្រោះគ្មានមូលហេតុដែលស៊ូដង់ត្រូវមានឈ្មោះបែបនោះទេ។
ការសម្រេចចិត្តលុបចោលទណ្ឌកម្មពីសំណាក់រដ្ឋបាលប្រធានាធិបតី ដូណាល់ ត្រាំ ធ្វើឡើងបន្ទាប់ពីការចរចាអស់ពេល១៦ខេរវាងក្រុងវ៉ាស៊ីនតោន និងក្រុងខាទុំ។ ការពិភាក្សាចាប់ផ្ដើមនៅចុងអាណត្តិអតីតប្រធានាធិបតី បារ៉ាក់ អូបាម៉ា ដែលបានផ្អាកទណ្ឌកម្មខ្លះៗរូចមកហើយដែរ។ ការសម្រួលទណ្ឌកម្មនេះ បានផ្អែកលើសកម្មភាពរបស់ស៊ូដង់ដែលស្រោចស្រង់ស្ថិរភាពក្នុងប្រទេសគួរឲ្យកត់សម្គាល់ ទោះជាមានជម្លោះបន្តកើតឡើងក្ដី៕
Tag:
អាមេរិក
ស៊ូដង់
អាហ្វ្រិក
ទណ្ឌកម្ម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
