អន្តរជាតិ
នាយករដ្ឋមន្ត្រីអេស្ប៉ាញ៖ កាតាឡូនីអាចបាត់បង់សិទ្ធិស្វយ័ត បើហ៊ានប្រកាសឯករាជ្យ
នាយករដ្ឋមន្រ្តីអេស្ប៉ាញ Mariano Rajoy (រូបភាព៖ Xinhua)
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីអេស្ប៉ាញ Mariano Rajoy បានគំរាមដកសិទ្ធិស្វយ័តរបស់តំបន់កាតាឡូនី បើមេដឹកនាំតំបន់នេះបន្តជម្នះប្រកាសឯករាជ្យទៀតនោះ។ រដ្ឋាភិបាលតំបន់កាតាឡូនីបានប្រកាសផែនការប្រកាសឯករាជ្យរបស់ខ្លួន ក្រោយការធ្វើប្រជាមតិហិង្សាដែលអ្នកបោះឆ្នោត៩០ភាគរយយល់ព្រមផ្ដាច់ខ្លួនពីអេស្ប៉ាញ។ រដ្ឋាភិបាលម៉ាឌ្រីដបានជំទាស់ដាច់ខាតប្រជាមតិនេះ និងចាត់ទុកជារឿងខុសច្បាប់ទៀតផង។
ខណៈដែលប្រជាជនរាប់ពាន់នាក់ដង្ហែរក្បួនក្នុងតំបន់កាតាឡូនីដើម្បីអំពាវនាវឲ្យមានការរួបរួមជាតិ នាយករដ្ឋមន្ត្រីអេស្ប៉ាញ Mariano Rajoy បានព្រមានប្រើប្រាស់អំណាចរបស់លោកដើម្បីព្យួរសិទ្ធិស្វយ័តរបស់តំបន់នេះ។ លោក Rajoy ព្រមានបែបនេះ ខណៈដែលមេដឹកនាំតំបន់កាតាឡូនីប៉ុនប៉ងប្រកាសឯករាជ្យនៅសប្ដាហ៍នេះ ដោយបានអះអាងថា ប្រជាជនភាគច្រើនលែងចង់រស់នៅក្រោមការដឹកនាំរបស់ក្រុងម៉ាឌ្រីដទៀតហើយ។
ស្ថានភាពនយោបាយអេស្ប៉ាញ ធ្លាក់ក្នុងភាពស្រពិចស្រពិលចាប់តាំងពីប្រជាមតិនៅកាតាឡូនីនៅថ្ងៃទី១ ខែតុលា។ មេដឹកនាំកាតាឡូនីបានយកលទ្ធផលប្រជាមតិចម្រូងចម្រាស់ធ្វើលេសប្រកាសឯករាជ្យ ប៉ុន្តែរដ្ឋាភិបាលក្រុងម៉ាឌ្រីដចាត់ទុកជាប្រជាមតិខុសច្បាប់។ ចលនាទាមទារឯករាជ្យនៅកាតាឡូនីមានអាយុច្រើនឆ្នាំមកហើយ ហើយក្រោយការទាមទារជាយូរមក តំបន់នេះទទួលសិទ្ធិស្វយ័តគ្រប់គ្រងដោយខ្លួនឯង។
យ៉ាងណាមិញ រដ្ឋាភិបាលអេស្ប៉ាញបានព្រមានប្រើអំណាចក្នុងរដ្ឋធម្មនុញ្ញដើម្បីដកសិទ្ធិនេះ ក្នុងករណីប្រកាសឯករាជ្យខុសច្បាប់នោះ។ រដ្ឋធម្មនុញ្ញអេស្ប៉ាញឆ្នាំ១៩៧៨ ចែងថា អេស្ប៉ាញជារដ្ឋមិនអាចបំបែកបាន ហើយរដ្ឋាភិបាលតែមួយគត់់ដែលអាចធ្វើប្រជាមតិបាន។ បើតាមសារព័ត៌មាន CNN លោកនាយករដ្ឋមន្ត្រី Rajoy និយាយថា៖ «រដ្ឋាភិបាលនឹងធ្វើអ្វីគ្រប់យ៉ាងដើម្បីធានាថា ការប្រកាសឯករាជ្យរបស់កាតាឡូនីគឺជារឿងអត់ប្រយោជន៍»។
ខណៈដែលស្ថានភាពនយោបាយកំពុងជ្រួលច្របល់ ប្រជាជននៅតំបន់កាតាឡូនីបានប្រមូលផ្ដុំគ្នាតាមដងផ្លូវក្នុងទីក្រុង Barcelona ដែលជារដ្ឋធានីតំបន់ដើម្បីស្នើឲ្យមានការបង្រួបបង្រួមជាតិ។ មនុស្សប្រមាណ៣៥ម៉ឺននាក់បានបានចូលរួមក្នុងក្បួនដង្ហែរដ៏ធំនេះ ដោយមានកាន់បដាជាច្រើនដូចជា «ទាំងអស់គ្នាយើងនឹងកាន់តែខ្លាំង» និង «កាតាឡូនីគឺអេស្ប៉ាញ» ជាដើមផង។ នេះជាការជួបជុំដ៏ធំនៅកាតាឡូនីប្រឈមមុខស្ថានភាពមិនល្អបែបនេះ។
ដោយឡែក កិច្ចប្រជុំសភាតំបន់កាតាឡូនី ដែលគ្រោងរៀបចំនៅថ្ងៃ៩ ខែតុលា ត្រូវបានតុលាការធម្មនុញ្ញអេស្ប៉ាញបញ្ជាឲ្យផ្អាក ក្រោយមេដឹកនាំកាតាឡូនីគ្រោងប្រកាសឯករាជ្យអំឡុងពេលកិច្ចប្រជុំនេះ។ យ៉ាងណាមិញ ប្រធានាធិបតីកាតាឡូនី Carles Puigdemont នឹងថ្លែងចំពោះមុខសភាតំបន់នៅថ្ងៃទី១០ ខែតុលាវិញ និងប្រគល់លទ្ធផលប្រជាមតិឲ្យសភាផង៕
ខណៈដែលប្រជាជនរាប់ពាន់នាក់ដង្ហែរក្បួនក្នុងតំបន់កាតាឡូនីដើម្បីអំពាវនាវឲ្យមានការរួបរួមជាតិ នាយករដ្ឋមន្ត្រីអេស្ប៉ាញ Mariano Rajoy បានព្រមានប្រើប្រាស់អំណាចរបស់លោកដើម្បីព្យួរសិទ្ធិស្វយ័តរបស់តំបន់នេះ។ លោក Rajoy ព្រមានបែបនេះ ខណៈដែលមេដឹកនាំតំបន់កាតាឡូនីប៉ុនប៉ងប្រកាសឯករាជ្យនៅសប្ដាហ៍នេះ ដោយបានអះអាងថា ប្រជាជនភាគច្រើនលែងចង់រស់នៅក្រោមការដឹកនាំរបស់ក្រុងម៉ាឌ្រីដទៀតហើយ។
ស្ថានភាពនយោបាយអេស្ប៉ាញ ធ្លាក់ក្នុងភាពស្រពិចស្រពិលចាប់តាំងពីប្រជាមតិនៅកាតាឡូនីនៅថ្ងៃទី១ ខែតុលា។ មេដឹកនាំកាតាឡូនីបានយកលទ្ធផលប្រជាមតិចម្រូងចម្រាស់ធ្វើលេសប្រកាសឯករាជ្យ ប៉ុន្តែរដ្ឋាភិបាលក្រុងម៉ាឌ្រីដចាត់ទុកជាប្រជាមតិខុសច្បាប់។ ចលនាទាមទារឯករាជ្យនៅកាតាឡូនីមានអាយុច្រើនឆ្នាំមកហើយ ហើយក្រោយការទាមទារជាយូរមក តំបន់នេះទទួលសិទ្ធិស្វយ័តគ្រប់គ្រងដោយខ្លួនឯង។
យ៉ាងណាមិញ រដ្ឋាភិបាលអេស្ប៉ាញបានព្រមានប្រើអំណាចក្នុងរដ្ឋធម្មនុញ្ញដើម្បីដកសិទ្ធិនេះ ក្នុងករណីប្រកាសឯករាជ្យខុសច្បាប់នោះ។ រដ្ឋធម្មនុញ្ញអេស្ប៉ាញឆ្នាំ១៩៧៨ ចែងថា អេស្ប៉ាញជារដ្ឋមិនអាចបំបែកបាន ហើយរដ្ឋាភិបាលតែមួយគត់់ដែលអាចធ្វើប្រជាមតិបាន។ បើតាមសារព័ត៌មាន CNN លោកនាយករដ្ឋមន្ត្រី Rajoy និយាយថា៖ «រដ្ឋាភិបាលនឹងធ្វើអ្វីគ្រប់យ៉ាងដើម្បីធានាថា ការប្រកាសឯករាជ្យរបស់កាតាឡូនីគឺជារឿងអត់ប្រយោជន៍»។
ខណៈដែលស្ថានភាពនយោបាយកំពុងជ្រួលច្របល់ ប្រជាជននៅតំបន់កាតាឡូនីបានប្រមូលផ្ដុំគ្នាតាមដងផ្លូវក្នុងទីក្រុង Barcelona ដែលជារដ្ឋធានីតំបន់ដើម្បីស្នើឲ្យមានការបង្រួបបង្រួមជាតិ។ មនុស្សប្រមាណ៣៥ម៉ឺននាក់បានបានចូលរួមក្នុងក្បួនដង្ហែរដ៏ធំនេះ ដោយមានកាន់បដាជាច្រើនដូចជា «ទាំងអស់គ្នាយើងនឹងកាន់តែខ្លាំង» និង «កាតាឡូនីគឺអេស្ប៉ាញ» ជាដើមផង។ នេះជាការជួបជុំដ៏ធំនៅកាតាឡូនីប្រឈមមុខស្ថានភាពមិនល្អបែបនេះ។
ដោយឡែក កិច្ចប្រជុំសភាតំបន់កាតាឡូនី ដែលគ្រោងរៀបចំនៅថ្ងៃ៩ ខែតុលា ត្រូវបានតុលាការធម្មនុញ្ញអេស្ប៉ាញបញ្ជាឲ្យផ្អាក ក្រោយមេដឹកនាំកាតាឡូនីគ្រោងប្រកាសឯករាជ្យអំឡុងពេលកិច្ចប្រជុំនេះ។ យ៉ាងណាមិញ ប្រធានាធិបតីកាតាឡូនី Carles Puigdemont នឹងថ្លែងចំពោះមុខសភាតំបន់នៅថ្ងៃទី១០ ខែតុលាវិញ និងប្រគល់លទ្ធផលប្រជាមតិឲ្យសភាផង៕
Tag:
អេស្ប៉ាញ
កាតាឡូនី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
