អន្តរជាតិ
អ៊ីរ៉ង់ប្រាប់អាមេរិកឲ្យរើមូលដ្ឋានទ័ពចម្ងាយពីរពាន់គីឡូម៉ែត្រ បើហ៊ានដាក់កងទ័ពខ្លួនក្នុងបញ្ជីភេរវកម្ម
មេបញ្ជាការកងឆ្មាំបដិវត្តន៍អ៊ីរ៉ង់ ឧត្តមសេនីយ៍ Ali Jafari (រូបភាព៖ ISNA)
×![]()
ដោយ: តន ចាន់រិទ្ធារ៉ា
ប្រមុខកងទ័ពអ៊ីរ៉ង់ នៅថ្ងៃទី៨ ខែតុលា បានចេញសារព្រមានមួយចំពោះអាមេរិក ដែលចង់ដាក់កងឆ្មាំបដិវត្តន៍ក្នុងបញ្ជីភេរវករ ជាការឆ្លើយតបនឹងការសាកល្បងមីស៊ីលរបស់អ៊ីរ៉ង់។ អ៊ីរ៉ង់បានគំរាមថា បើអាមេរិកហ៊ានចុះឈ្មោះកងឆ្នាំបដិវត្តន៍ជាក្រុមគាំទ្រភេរវកម្ម នោះអ៊ីរ៉ង់នឹងចាត់ទុកកងទ័ពអាមេរិកជាក្រុមជ្រុលនិយមរដ្ឋឥស្លាមដែរ។ ប្រមុខកងទ័ពអ៊ីរ៉ង់ក៏ប្រាប់ឲ្យអាមេរិករើមូលដ្ឋានទ័ពឲ្យឆ្ងាយពីដែនដីខ្លួនផងដែរ។
សំណុំរឿងនុយក្លេអ៊ែរអ៊ីរ៉ង់ដែលស្ងៀមស្ងាត់មួយរយៈមកនោះ បានឡើងកម្ដៅជាថ្មីក្រោមអាណត្តិរបស់ប្រធានាធិបតី ដូណាល់ ត្រាំ ។ ប្រធានាធិបតីអាមេរិករូបនេះគំរាមដើរចេញពីកិច្ចព្រមព្រៀងនុយក្លេអ៊ែររវាងអ៊ីរ៉ង់ និងមហាអំណាច៦ប្រទេសទៀត ដោយអះអាងថា វាជាកិច្ចព្រមព្រៀងដ៏អាក្រក់បំផុត។ លើសពីនោះ រដ្ឋបាលលោក ត្រាំ ក៏ត្រៀមដាក់ទណ្ឌកម្មប្រឆាំងអ៊ីរ៉ង់ដែលបានបាញ់សាកល្បងមីស៊ីលជាច្រើនលើក។
លើសពីនោះ គេក៏ឃើញមានព័ត៌មានលេចលឺថា អាមេរិកចង់ដាក់កងឆ្មាំបដិវត្តន៍អ៊ីរ៉ង់ក្នុងបញ្ជីក្រុមភេរវកម្មទៀតផង។ មេបញ្ជាការកងឆ្មាំបដិវត្តន៍ ឧត្តមសេនីយ៍ Ali Jafari បានរិះគន់របាយការណ៍ និងចាត់វិធានការសងសឹកវិញ បើអាមេរិកពិតជាដើរលើផ្លូវនេះមែន។ នៅថ្ងៃទី៨ ខែតុលា មេបញ្ជាការជាន់ខ្ពស់រូបនេះព្រមានថា កងទ័ពអាមេរិកនៅជុំវិញពិភពលោក ជាពិសេសនៅមជ្ឈិមបូព៌ា នឹងប្រឈមមុខគ្រោះថ្នាក់មិនខាន។
បើតាមទីភ្នាក់ងារព័ត៌មាន Reuters លោកឧត្តមសេនីយ៍ Ali Jafari បញ្ជាក់ថា៖ «ដូចបានប្រកាសពីលើកមុន បើច្បាប់ថ្មីស្ដីពីទណ្ឌកម្មត្រូវបានអនុម័ត អាមេរិកត្រូវរើមូលដ្ឋានកងទ័ពនៅមជ្ឈិមបូព៌ាឲ្យឆ្ងាយពីរង្វង់ពីរពាន់គីឡូម៉ែត្រដែលមីស៊ីលអ៊ីរ៉ង់បាញ់ដល់»។ លោកបន្តថា ទណ្ឌកម្មបន្ថែមទៀតនឹងមិនអាចជួយដោះស្រាយបញ្ហាអ្វីបានទេ តែវានឹងបញ្ចប់ឱកាសចរចានៅថ្ងៃអនាគតរវាងអ៊ីរ៉ង់ និងអាមេរិកឲ្យកាន់តែតូច។
ទាក់ទងកិច្ចព្រមព្រៀងឆ្នាំ២០១៥ មេបញ្ជាការកងឆ្មាំបដិវត្តន៍ដ៏មានឥទ្ធិពលក៏ព្រមានដែរថា ការដើរចេញរបស់អាមេរិក នឹងក្លាយជាឱកាសសម្រាប់ក្រុងតេហេរ៉ង់ក្នុងការពង្រឹងសមត្ថភាពយោធារបស់ខ្លួនថែមទៀត។ លោក Jafari សង្កត់ធ្ងន់ថា អាកប្បកិរិយាល្ងង់ខ្លៅរបស់រដ្ឋបាលលោក ត្រាំ ជុំវិញកិច្ចព្រមព្រៀងនុយក្លេអ៊ែរ នឹងត្រូវប្រើប្រាស់ដោយអ៊ីរ៉ង់ដើម្បីបង្កើនកម្មវិធីមីស៊ីល ក៏ដូចជាកម្មវិធីការពារតំបន់ផងដែរ។
សូមបញ្ជាក់ថា កិច្ចព្រមព្រៀងនុយក្លេអ៊ែរឆ្នាំ២០១៥ គឺជាសមិទ្ធផលគួរឲ្យកត់សម្គាល់មួយក្នុងការទប់ស្កាត់អ៊ីរ៉ង់ពីការអភិវឌ្ឍនុយក្លេអ៊ែរ។ ក្រោមកិច្ចព្រមព្រៀងនេះ អ៊ីរ៉ង់សុខចិត្តផ្អាកកម្មវិធីនុយក្លេអ៊ែរ ជាថ្នូរនឹងការព្យួរទណ្ឌកម្មសេដ្ឋកិច្ចពីសំណាក់អន្តរជាតិ។ យ៉ាងណាក្ដី ការគំរាមដើរចេញរបស់អាមេរិក ធ្វើឲ្យប្រទេសពាក់ព័ន្ធផ្សេងទៀតព្រួយបារម្ភ ព្រោះខ្លាចស្ថានភាពនេះរាលដាលទៅជាករណីនុយក្លេអ៊ែរកូរ៉េខាងជើង៕
សំណុំរឿងនុយក្លេអ៊ែរអ៊ីរ៉ង់ដែលស្ងៀមស្ងាត់មួយរយៈមកនោះ បានឡើងកម្ដៅជាថ្មីក្រោមអាណត្តិរបស់ប្រធានាធិបតី ដូណាល់ ត្រាំ ។ ប្រធានាធិបតីអាមេរិករូបនេះគំរាមដើរចេញពីកិច្ចព្រមព្រៀងនុយក្លេអ៊ែររវាងអ៊ីរ៉ង់ និងមហាអំណាច៦ប្រទេសទៀត ដោយអះអាងថា វាជាកិច្ចព្រមព្រៀងដ៏អាក្រក់បំផុត។ លើសពីនោះ រដ្ឋបាលលោក ត្រាំ ក៏ត្រៀមដាក់ទណ្ឌកម្មប្រឆាំងអ៊ីរ៉ង់ដែលបានបាញ់សាកល្បងមីស៊ីលជាច្រើនលើក។
លើសពីនោះ គេក៏ឃើញមានព័ត៌មានលេចលឺថា អាមេរិកចង់ដាក់កងឆ្មាំបដិវត្តន៍អ៊ីរ៉ង់ក្នុងបញ្ជីក្រុមភេរវកម្មទៀតផង។ មេបញ្ជាការកងឆ្មាំបដិវត្តន៍ ឧត្តមសេនីយ៍ Ali Jafari បានរិះគន់របាយការណ៍ និងចាត់វិធានការសងសឹកវិញ បើអាមេរិកពិតជាដើរលើផ្លូវនេះមែន។ នៅថ្ងៃទី៨ ខែតុលា មេបញ្ជាការជាន់ខ្ពស់រូបនេះព្រមានថា កងទ័ពអាមេរិកនៅជុំវិញពិភពលោក ជាពិសេសនៅមជ្ឈិមបូព៌ា នឹងប្រឈមមុខគ្រោះថ្នាក់មិនខាន។
បើតាមទីភ្នាក់ងារព័ត៌មាន Reuters លោកឧត្តមសេនីយ៍ Ali Jafari បញ្ជាក់ថា៖ «ដូចបានប្រកាសពីលើកមុន បើច្បាប់ថ្មីស្ដីពីទណ្ឌកម្មត្រូវបានអនុម័ត អាមេរិកត្រូវរើមូលដ្ឋានកងទ័ពនៅមជ្ឈិមបូព៌ាឲ្យឆ្ងាយពីរង្វង់ពីរពាន់គីឡូម៉ែត្រដែលមីស៊ីលអ៊ីរ៉ង់បាញ់ដល់»។ លោកបន្តថា ទណ្ឌកម្មបន្ថែមទៀតនឹងមិនអាចជួយដោះស្រាយបញ្ហាអ្វីបានទេ តែវានឹងបញ្ចប់ឱកាសចរចានៅថ្ងៃអនាគតរវាងអ៊ីរ៉ង់ និងអាមេរិកឲ្យកាន់តែតូច។
ទាក់ទងកិច្ចព្រមព្រៀងឆ្នាំ២០១៥ មេបញ្ជាការកងឆ្មាំបដិវត្តន៍ដ៏មានឥទ្ធិពលក៏ព្រមានដែរថា ការដើរចេញរបស់អាមេរិក នឹងក្លាយជាឱកាសសម្រាប់ក្រុងតេហេរ៉ង់ក្នុងការពង្រឹងសមត្ថភាពយោធារបស់ខ្លួនថែមទៀត។ លោក Jafari សង្កត់ធ្ងន់ថា អាកប្បកិរិយាល្ងង់ខ្លៅរបស់រដ្ឋបាលលោក ត្រាំ ជុំវិញកិច្ចព្រមព្រៀងនុយក្លេអ៊ែរ នឹងត្រូវប្រើប្រាស់ដោយអ៊ីរ៉ង់ដើម្បីបង្កើនកម្មវិធីមីស៊ីល ក៏ដូចជាកម្មវិធីការពារតំបន់ផងដែរ។
សូមបញ្ជាក់ថា កិច្ចព្រមព្រៀងនុយក្លេអ៊ែរឆ្នាំ២០១៥ គឺជាសមិទ្ធផលគួរឲ្យកត់សម្គាល់មួយក្នុងការទប់ស្កាត់អ៊ីរ៉ង់ពីការអភិវឌ្ឍនុយក្លេអ៊ែរ។ ក្រោមកិច្ចព្រមព្រៀងនេះ អ៊ីរ៉ង់សុខចិត្តផ្អាកកម្មវិធីនុយក្លេអ៊ែរ ជាថ្នូរនឹងការព្យួរទណ្ឌកម្មសេដ្ឋកិច្ចពីសំណាក់អន្តរជាតិ។ យ៉ាងណាក្ដី ការគំរាមដើរចេញរបស់អាមេរិក ធ្វើឲ្យប្រទេសពាក់ព័ន្ធផ្សេងទៀតព្រួយបារម្ភ ព្រោះខ្លាចស្ថានភាពនេះរាលដាលទៅជាករណីនុយក្លេអ៊ែរកូរ៉េខាងជើង៕
Tag:
អ៊ីរ៉ង់
អាមេរិក
ដូណាល់ ត្រាំ
ភេរវកម្ម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
