អន្តរជាតិ
ប្រធានាធិបតីកាតាឡូនី Carles Puigdemont (រូបភាព៖ Xinhua)
×![]()
ដោយ: តន ចាន់រិទ្ធារ៉ា
មេដឹកនាំតំបន់កាតាឡូនី Carles Puigdemont បានស្នើឲ្យសភាតំបន់ផ្អាកការប្រកាសឯករាជ្យជាបណ្ដោះអាសន្នសិន និងបានអំពាវនាវឲ្យមានការចរចាដើម្បីបញ្ចប់វិបត្តិដ៏អាក្រក់នេះជាមួយរដ្ឋាភិបាលអេស្ប៉ាញ។ ក្រុងម៉ាឌ្រីដបានបដិសេធដាច់អហង្ការរួចហើយជុំវិញការប៉ុនប៉ងប្រកាសឯករាជ្យរបស់កាតាឡូនី ហើយថែមទាំងគំរាមព្យួរសិទ្ធិស្វយ័តរបស់តំបន់ទៀតផង ហើយហ៊ានប្រកាសផ្ដាច់ខ្លួនដោយឯកតោភាគីនោះ។
នៅនាទីចុងក្រោយ មេដឹកនាំចលនាទាមទារឯករាជ្យរបស់កាតាឡូនីបានសម្រេចចិត្តមិនទាន់ប្រកាសឯករាជ្យឡើយ។ នៅថ្ងៃទី១០ ខែតុលា មុនចូលប្រជុំសភា ប្រធានាធិបតីកាតាឡូនី លោក Carles Puigdemont បានចុះហត្ថលេខាលើការប្រកាសឯករាជ្យពីអេស្ប៉ាញ ប៉ុន្តែលោកបែរជាស្នើឲ្យផ្អាកការប្រកាសសិន ដើម្បីស្វែងរកផ្លូវចរចាជាមួយរដ្ឋាភិបាលក្រុងម៉ាឌ្រីដ ដែលទាត់ចោលបំណងផ្ដាច់ខ្លួនណាមួយនោះ។
ក្នុងកិច្ចប្រជុំសភាក្នុងទីក្រុងបាសេឡូណា លោក Puigdemont និយាយថា លោកទទួលយកអាណត្តិពីប្រជាជននៅកាតាឡូនីដើម្បីក្លាយជាសាធារណរដ្ឋឯករាជ្យមួយ។ លោកចង់សំដៅដល់លទ្ធផលបោះឆ្នោតក្នុងប្រជាមតិខុសច្បាប់ថ្ងៃទី១ ខែតុលា ដែលអ្នកបោះឆ្នោត៩០ភាគរយយល់ព្រមចាកចេញពីអស្ប៉ាញ។ យ៉ាងណាមិញ លោកបានប្រាប់ឲ្យសភាផ្អាកការចូលធរមាននៃការប្រកាសឯករាជ្យសិន ដើម្បីជជែកជាមួយរដ្ឋាភិបាលកណ្ដាលអេស្ប៉ាញ។
បើតាមទីភ្នាក់ងារព័ត៌មាន AFP នាយករដ្ឋមន្ត្រីអេស្ប៉ាញ Mariano Rajoy បានកោះប្រជុំបន្ទាន់គណៈរដ្ឋមន្ត្រីនៅថ្ងៃទី១១ ខែតុលា ដើម្បីឆ្លើយតបសំណើរបស់មេដឹកនាំកាតាឡូនី។ កន្លងមក លោក Rajoy ធ្លាប់បានប្រកាសហើយថា លោកនឹងប្រើប្រាស់អំណាចដែលមានក្នុងដៃដើម្បីរាំងខ្ទប់ការប្រកាសឯករាជ្យរបស់តំបន់ស្វយ័តមួយនេះ។ លោកក៏គំរាមប្រើអំណាចដើម្បីដកសិទ្ធិស្វយ័តរបស់កាតាឡូនីដែរ បើមេដឹកនាំតំបន់នៅតែរឹងទទឹងប្រកាសឯករាជ្យ ប៉ុន្តែនេះអាចជាជម្រើសចុងក្រោយបង្អស់។
យ៉ាងណាមិញ ប្រធានាធិបតីកាតាឡូនី លោក Puigdemont បានប្រាប់កិច្ចប្រជុំសភាថា ការទាមទាររបស់កាតាឡូនី ធ្វើឡើងដោយសន្តិភាព ហើយកាតាឡូនីក៏មិនមែនធ្វើរដ្ឋប្រហារអ្វីដែរ។ ទំនងចង់សំដៅការជំទាស់របស់រដ្ឋាភិបាលលោក Rajoy មេដឹកនាំទាមទារឯករាជ្យរូបនេះបញ្ជាក់ថា យើងមិនអាចបង្ខំឲ្យប្រជាជនទទួលយកស្ថានភាពបច្ចុប្បន្នទាំងដែលពួកគេមិនអាចទទួលយកបានឡើយ។
មេដឹកនាំនយោបាយកាតាឡូនី អេស្ប៉ាញ និងអឺរ៉ុប សុទ្ធតែជំទាស់បំណងរបស់ចលនាទាមទារឯករាជ្យដែលដឹកនាំដោយលោក Puigdemont ព្រោះបញ្ហានេះអាចក្លាយជាវិបត្តិដ៏ធំបំផុតនៅអេស្ប៉ាញក្រោយការវិលត្រឡប់មកអនុវត្តលទ្ធិប្រជាធិបតេយ្យពេញលេញនៅទសវត្សរ៍១៩៧០ ។ អឺរ៉ុបកាន់តែបារម្ភខ្លាំង ព្រោះការបែកបាក់របស់អេស្ប៉ាញនឹងប៉ះពាល់សមាហរណកម្មតំបន់ ដែលកំពុងរងគ្រោះដោយសារការចាកចេញរបស់អង់គ្លេសស្រាប់ផង៕
នៅនាទីចុងក្រោយ មេដឹកនាំចលនាទាមទារឯករាជ្យរបស់កាតាឡូនីបានសម្រេចចិត្តមិនទាន់ប្រកាសឯករាជ្យឡើយ។ នៅថ្ងៃទី១០ ខែតុលា មុនចូលប្រជុំសភា ប្រធានាធិបតីកាតាឡូនី លោក Carles Puigdemont បានចុះហត្ថលេខាលើការប្រកាសឯករាជ្យពីអេស្ប៉ាញ ប៉ុន្តែលោកបែរជាស្នើឲ្យផ្អាកការប្រកាសសិន ដើម្បីស្វែងរកផ្លូវចរចាជាមួយរដ្ឋាភិបាលក្រុងម៉ាឌ្រីដ ដែលទាត់ចោលបំណងផ្ដាច់ខ្លួនណាមួយនោះ។
ក្នុងកិច្ចប្រជុំសភាក្នុងទីក្រុងបាសេឡូណា លោក Puigdemont និយាយថា លោកទទួលយកអាណត្តិពីប្រជាជននៅកាតាឡូនីដើម្បីក្លាយជាសាធារណរដ្ឋឯករាជ្យមួយ។ លោកចង់សំដៅដល់លទ្ធផលបោះឆ្នោតក្នុងប្រជាមតិខុសច្បាប់ថ្ងៃទី១ ខែតុលា ដែលអ្នកបោះឆ្នោត៩០ភាគរយយល់ព្រមចាកចេញពីអស្ប៉ាញ។ យ៉ាងណាមិញ លោកបានប្រាប់ឲ្យសភាផ្អាកការចូលធរមាននៃការប្រកាសឯករាជ្យសិន ដើម្បីជជែកជាមួយរដ្ឋាភិបាលកណ្ដាលអេស្ប៉ាញ។
បើតាមទីភ្នាក់ងារព័ត៌មាន AFP នាយករដ្ឋមន្ត្រីអេស្ប៉ាញ Mariano Rajoy បានកោះប្រជុំបន្ទាន់គណៈរដ្ឋមន្ត្រីនៅថ្ងៃទី១១ ខែតុលា ដើម្បីឆ្លើយតបសំណើរបស់មេដឹកនាំកាតាឡូនី។ កន្លងមក លោក Rajoy ធ្លាប់បានប្រកាសហើយថា លោកនឹងប្រើប្រាស់អំណាចដែលមានក្នុងដៃដើម្បីរាំងខ្ទប់ការប្រកាសឯករាជ្យរបស់តំបន់ស្វយ័តមួយនេះ។ លោកក៏គំរាមប្រើអំណាចដើម្បីដកសិទ្ធិស្វយ័តរបស់កាតាឡូនីដែរ បើមេដឹកនាំតំបន់នៅតែរឹងទទឹងប្រកាសឯករាជ្យ ប៉ុន្តែនេះអាចជាជម្រើសចុងក្រោយបង្អស់។
យ៉ាងណាមិញ ប្រធានាធិបតីកាតាឡូនី លោក Puigdemont បានប្រាប់កិច្ចប្រជុំសភាថា ការទាមទាររបស់កាតាឡូនី ធ្វើឡើងដោយសន្តិភាព ហើយកាតាឡូនីក៏មិនមែនធ្វើរដ្ឋប្រហារអ្វីដែរ។ ទំនងចង់សំដៅការជំទាស់របស់រដ្ឋាភិបាលលោក Rajoy មេដឹកនាំទាមទារឯករាជ្យរូបនេះបញ្ជាក់ថា យើងមិនអាចបង្ខំឲ្យប្រជាជនទទួលយកស្ថានភាពបច្ចុប្បន្នទាំងដែលពួកគេមិនអាចទទួលយកបានឡើយ។
មេដឹកនាំនយោបាយកាតាឡូនី អេស្ប៉ាញ និងអឺរ៉ុប សុទ្ធតែជំទាស់បំណងរបស់ចលនាទាមទារឯករាជ្យដែលដឹកនាំដោយលោក Puigdemont ព្រោះបញ្ហានេះអាចក្លាយជាវិបត្តិដ៏ធំបំផុតនៅអេស្ប៉ាញក្រោយការវិលត្រឡប់មកអនុវត្តលទ្ធិប្រជាធិបតេយ្យពេញលេញនៅទសវត្សរ៍១៩៧០ ។ អឺរ៉ុបកាន់តែបារម្ភខ្លាំង ព្រោះការបែកបាក់របស់អេស្ប៉ាញនឹងប៉ះពាល់សមាហរណកម្មតំបន់ ដែលកំពុងរងគ្រោះដោយសារការចាកចេញរបស់អង់គ្លេសស្រាប់ផង៕
Tag:
អឺរ៉ុប
អេស្ប៉ាញ
កាតាឡូនី
© រក្សាសិទ្ធិដោយ thmeythmey.com
