អន្តរជាតិ
លី សៀនឡុង៖ «សិង្ហបុរីនឹងបន្តធ្វើជាមិត្តមហាអំណាចទាំងពីរអាមេរិក និងចិន»
×![]()
នាយករដ្ឋមន្ត្រីសិង្ហបុរី លី សៀនឡុង បង្ហាញជំហរច្បាស់ថា សិង្ហបុរីនឹងនៅជាមិត្តមហាអំណាចទាំងពីរចិន និងអាមេរិក ដោយមិនជ្រើសរើសយកភាគីណាមួយក្នុងចំណោមមហាអំណាចទាំងពីរឡើយ។ លោកក៏សង្ឃឹមថា អាមេរិក និងចិននឹងអាចរក្សាចំណងមិត្តភាពនិងកិច្ចសហប្រតិបត្តិការទ្វេភាគីដើម្បីធានាប្រយោជន៍សម្រាប់ពិភពលោក។
ក្នុងកិច្ចពិភាក្សាមួយពីទំនាក់ទំនងអាមេរិក និងសិង្ហបុរីនៅក្រុមប្រឹក្សាទំនាក់ទំនងអន្តរជាតិ (Council on Foreign Relations) នាយករដ្ឋមន្ត្រីសិង្ហបុរី លី សៀនឡុង បានបញ្ជាក់ប្រាប់អ្នកចូលរួមថា សិង្ហបុរីធ្វើជាមិត្តរបស់ចិន និងអាមេរិក ដោយមិនជ្រើសរើសមហាអំណាចណាមួយឡើយ ហើយលោកសង្ឃឹមថាទំនាក់ទំនងរវាងអាមេរិកនិងចិនកាន់តែល្អប្រសើរ។
យោងតាមវីដេអូចុះផ្សាយដោយក្រុមប្រឹក្សាទំនាក់ទំនងអន្តរជាតិ លោក លី សៀនឡុង បាននិយាយដូច្នេះ៖ «យើងចង់នៅជាមិត្តជាមួយមហាអំណាចទាំងពីរ ចិន និងអាមេរិក។ ប្រសិនបើមិត្តភាពរវាងអ្នកទាំងពីរតានតឹងនោះ ភាគីណាមួយឬអាចទាំងពីរនិយាយថា អ្នកឯងនៅជាមួយខ្ញុំ ឬក៏ប្រឆាំងខ្ញុំ។ ដូច្នេះយើងនឹងស្ថិតក្នុងស្ថានភាពមួយលំបាកមិនខាន»។
លោក លី សៀនឡុង បានកត់សម្គាល់ផងដែរថា ទំនាក់ទំនងរវាងអាមេរិក និងចិនជាទំនាក់ទំនងដ៏សំខាន់បំផុតលើពិភពលោក ហើយលោកសង្ឃឹមមុតមាំថា មហាអំណាចទាំងពីរនឹងអាចរក្សាទំនាក់ទំនងនេះឲ្យមានស្ថិរភាព ឬអាចអភិវឌ្ឍវាឲ្យប្រសើរឡើងផង។ វាមានន័យថា គ្រប់គ្នានឹងអាចបន្តទទួលបានប្រយោជន៍ពីទំនាក់ទំនងល្អរវាងមហាអំណាចទាំងពីរនេះដូចគ្នា។
នាយករដ្ឋមន្ត្រីរូបនេះពន្យល់បន្ថែមថា សេដ្ឋកិច្ចរបស់ចិនរីកចម្រើនជាលំដាប់រៀងរាល់ឆ្នាំ ហើយវាមិនអាចប្រកែកបានឡើយដែលថា មហាអំណាចនេះមានសារសំខាន់ទាំងសេដ្ឋកិច្ច និងយុទ្ធសាស្ត្រសម្រាប់ប្រទេសទាំងអស់។ លោក លី សៀន ឡុង ក៏បានលើកឡើងពីឱកាសនានាដែលប្រទេសនានាដែលចាប់យកបានដោយការចូលរួមអនុវត្តគំនិតផ្តួចផ្តើមរបស់ចិន «ខ្សែក្រវាត់មួយវិថីមួយ»ដូចគ្នា។
ក្រៅពីនេះ មេដឹកនាំសិង្ហបុរីក៏យល់ថាឃើញថា អាមេរិកត្រូវការចាប់ដៃជាមួយមហាអំណាចថ្មីចិននេះ ដើម្បីអាចដោះស្រាយបញ្ហាប្រឈមនានាក្នុងទំនាក់ទំនងទ្វេភាគី និងបញ្ហាពិភពលោកដែលកើតឡើងនៅពេលបច្ចុប្បន្ន និងធានាសន្តិសុខ ស្ថិរភាព និងសន្តិភាពពិភពលោកផង។
«ចិនកាន់តែខ្លាំង និងកាន់តែធំនៅពេលនេះ។ វាមានន័យថា អាមេរិកត្រូវការការសហការកាន់តែច្រើនបន្ថែមទៀត មិនត្រឹមតែលើទំនាក់ទំនងទ្វេភាគីទេ ប៉ុន្តែវាអាចទាក់ទំនងបញ្ហាយុទ្ធសាស្ត្រផ្សេងទៀត។ ដើម្បីដោះស្រាយបញ្ហាប្រែប្រួលអាកាសធាតុ អ្នកត្រូវមានចិនចូលរួម។ ដើម្បីដោះស្រាយបញ្ហាអាវុធនុយក្លេអ៊ែរ អ្នកក៏ត្រូវមានចិនចូលរួម។ ដោះស្រាយបញ្ហាកូរ៉េខាងជើង អ្នកក៏ត្រូវការចិនដូចគ្នា»។ លោក លី សៀន ឡុង បានអធិប្បាយដូច្នេះ៕
ក្នុងកិច្ចពិភាក្សាមួយពីទំនាក់ទំនងអាមេរិក និងសិង្ហបុរីនៅក្រុមប្រឹក្សាទំនាក់ទំនងអន្តរជាតិ (Council on Foreign Relations) នាយករដ្ឋមន្ត្រីសិង្ហបុរី លី សៀនឡុង បានបញ្ជាក់ប្រាប់អ្នកចូលរួមថា សិង្ហបុរីធ្វើជាមិត្តរបស់ចិន និងអាមេរិក ដោយមិនជ្រើសរើសមហាអំណាចណាមួយឡើយ ហើយលោកសង្ឃឹមថាទំនាក់ទំនងរវាងអាមេរិកនិងចិនកាន់តែល្អប្រសើរ។
យោងតាមវីដេអូចុះផ្សាយដោយក្រុមប្រឹក្សាទំនាក់ទំនងអន្តរជាតិ លោក លី សៀនឡុង បាននិយាយដូច្នេះ៖ «យើងចង់នៅជាមិត្តជាមួយមហាអំណាចទាំងពីរ ចិន និងអាមេរិក។ ប្រសិនបើមិត្តភាពរវាងអ្នកទាំងពីរតានតឹងនោះ ភាគីណាមួយឬអាចទាំងពីរនិយាយថា អ្នកឯងនៅជាមួយខ្ញុំ ឬក៏ប្រឆាំងខ្ញុំ។ ដូច្នេះយើងនឹងស្ថិតក្នុងស្ថានភាពមួយលំបាកមិនខាន»។
លោក លី សៀនឡុង បានកត់សម្គាល់ផងដែរថា ទំនាក់ទំនងរវាងអាមេរិក និងចិនជាទំនាក់ទំនងដ៏សំខាន់បំផុតលើពិភពលោក ហើយលោកសង្ឃឹមមុតមាំថា មហាអំណាចទាំងពីរនឹងអាចរក្សាទំនាក់ទំនងនេះឲ្យមានស្ថិរភាព ឬអាចអភិវឌ្ឍវាឲ្យប្រសើរឡើងផង។ វាមានន័យថា គ្រប់គ្នានឹងអាចបន្តទទួលបានប្រយោជន៍ពីទំនាក់ទំនងល្អរវាងមហាអំណាចទាំងពីរនេះដូចគ្នា។
នាយករដ្ឋមន្ត្រីរូបនេះពន្យល់បន្ថែមថា សេដ្ឋកិច្ចរបស់ចិនរីកចម្រើនជាលំដាប់រៀងរាល់ឆ្នាំ ហើយវាមិនអាចប្រកែកបានឡើយដែលថា មហាអំណាចនេះមានសារសំខាន់ទាំងសេដ្ឋកិច្ច និងយុទ្ធសាស្ត្រសម្រាប់ប្រទេសទាំងអស់។ លោក លី សៀន ឡុង ក៏បានលើកឡើងពីឱកាសនានាដែលប្រទេសនានាដែលចាប់យកបានដោយការចូលរួមអនុវត្តគំនិតផ្តួចផ្តើមរបស់ចិន «ខ្សែក្រវាត់មួយវិថីមួយ»ដូចគ្នា។
ក្រៅពីនេះ មេដឹកនាំសិង្ហបុរីក៏យល់ថាឃើញថា អាមេរិកត្រូវការចាប់ដៃជាមួយមហាអំណាចថ្មីចិននេះ ដើម្បីអាចដោះស្រាយបញ្ហាប្រឈមនានាក្នុងទំនាក់ទំនងទ្វេភាគី និងបញ្ហាពិភពលោកដែលកើតឡើងនៅពេលបច្ចុប្បន្ន និងធានាសន្តិសុខ ស្ថិរភាព និងសន្តិភាពពិភពលោកផង។
«ចិនកាន់តែខ្លាំង និងកាន់តែធំនៅពេលនេះ។ វាមានន័យថា អាមេរិកត្រូវការការសហការកាន់តែច្រើនបន្ថែមទៀត មិនត្រឹមតែលើទំនាក់ទំនងទ្វេភាគីទេ ប៉ុន្តែវាអាចទាក់ទំនងបញ្ហាយុទ្ធសាស្ត្រផ្សេងទៀត។ ដើម្បីដោះស្រាយបញ្ហាប្រែប្រួលអាកាសធាតុ អ្នកត្រូវមានចិនចូលរួម។ ដើម្បីដោះស្រាយបញ្ហាអាវុធនុយក្លេអ៊ែរ អ្នកក៏ត្រូវមានចិនចូលរួម។ ដោះស្រាយបញ្ហាកូរ៉េខាងជើង អ្នកក៏ត្រូវការចិនដូចគ្នា»។ លោក លី សៀន ឡុង បានអធិប្បាយដូច្នេះ៕
Tag:
លី សៀនឡុង
ចិន
អាមេរិក
សិង្ហបុរី
© រក្សាសិទ្ធិដោយ thmeythmey.com
