អត្ថបទពាណិជ្ជកម្ម
ហេតុផល៥ យ៉ាងដែលមុខជំនាញគណនេយ្យ និងហិរញ្ញវត្ថុជាជំនាញដ៏ល្អ
× រាជធានីភ្នំពេញ៖ ហិរញ្ញវត្ថុគឺជាជំនាញដ៏មានសារៈសំខាន់មួយនឹងមានសក្តានុពលដែលអាចរកប្រាក់ចំណូលបានច្រើន និងជាជម្រើសការងារនៅក្នុងវិស័យឧស្សាហកម្ម។ ពិតណាស់មានហេតុផលជាច្រើន ដែលសិក្សាជំនាញហិរញ្ញវត្ថុគឺជាជម្រើសដ៏ឆ្លាតវៃមួយសម្រាប់សិស្ស។
បានចងក្រងបញ្ជីនៃហេតុផលមួយចំនួនដែលជាទុនសម្រាប់ជួយអ្នកក្នុងការសម្រេចចិត្តថាកម្មវិធីសិក្សាណាដែលត្រឹមត្រូវសម្រាប់អ្នក! ខាងក្រោមនេះជាហេតុផល និងអត្ថប្រយោជន៍មួយចំនួននៃការសិក្សាលើមុខជំនាញគណនេយ្យ និងហិរញ្ញវត្ថុ៖
១. ការសិក្សាជំនាញមួយដែលទទួលបានចំណេះដឹងទូលំទួលាយ
ប្រសិនបើអ្នកចាប់អារម្មណ៍លើការធ្វើពាណិជ្ជកម្ម អ្នកអាចជ្រើសសិក្សាថ្នាក់មហាវិទ្យាល័យដូចជា ជំនួញគណនេយ្យ ឬការគ្រប់គ្រងហិរញ្ញវត្ថុជាដើម។ មូលហេតុដ៏ចម្បងនោះគឺ ការសិក្សានូវជំនាញគណនេយ្យ និងហិរញ្ញវត្ថុ វាអនុញ្ញាតឱ្យអ្នកស្វែងយល់ពីវិស័យហិរញ្ញវត្ថុ និងវិស័យជំនួញជាច្រើន ដែលរួមផ្សំនូវឱកាសការងារបន្ថែមទៀត។ ម្យ៉ាងទៀតជាមួយសញ្ញាបត្រផ្នែកហិរញ្ញវត្ថុ វាអនុញ្ញាតឱ្យអ្នកអាចក្លាយជាអ្នកធ្វើសេចក្តីសម្រេចចិត្តរបស់អង្គការទាំងខាងក្នុង និងខាងក្រៅ។
ឧទាហរណ៍៖ នៅក្នុងអង្គការមួយរួមមាន ធនាគារ ភ្នាក់ងាររដ្ឋាភិបាល ម្ចាស់ហ៊ុន អ្នកផ្គត់ផ្គង់ អ្នកជំនួញ និងច្រើនទៀត។ ការធ្វើការងារផ្នែកហិរញ្ញវត្ថុនឹងជួយអ្នកស្វែងយល់ពីការងារជាច្រើន ជាពិសេសគឺជំនាញធំៗជាច្រើនប្រភេទ។
២. ការបំផុសគំនិតផ្ទាល់ខ្លួន
អ្នកណាក៏អាចសិក្សា និងបញ្ចប់ការសិក្សាថ្នាក់បរិញ្ញាបត្រធុរកិច្ច ឬគណនេយ្យ និងហិរញ្ញវត្ថុដែរ។ ប៉ុន្តែដើម្បីក្លាយខ្លួនជាអ្នកអាជីពខាងផ្នែកហិរញ្ញវត្ថុ អ្នកត្រូវតែចេះ និងរៀនស្វែងយល់ពីជំនាញផ្សេងៗទៀត។ ឧទាហរណ៍៖ បើទោះបីអ្នកពូកែគណិតវិទ្យា ប៉ុន្តែអ្នកក៏ត្រូវតែចេះ និងយល់ពីរបៀបក្នុងការទំនាក់ទំនងជាមួយអ្នកដទៃ និងយល់ដឹងពីមុខវិជ្ជាផ្សេងៗ។ ដូច្នេះការអប់រំបញ្ញា និងបុគ្គលិកលក្ខណៈ និងការយល់ដឹងពីជំនាញទន់ ត្រូវបានយកទៅពិចារណា និងស្វែងយល់សម្រាប់ការងារហិរញ្ញវត្ថុ។
៣. ការរីកចម្រើននូវទស្សនៈវិស័យការងារ
បើយោងតាមការិយាល័យស្ថិតិការងារដោយផ្អែកលើការស្រាវជ្រាវលើប្រធានបទ "ផលិតផលហិរញ្ញវត្ថុកាន់តែច្រើនឡើង និងតម្រូវការនៃចំណេះដឹងស៊ីជំរៅនៃតំបន់ភូមិសាស្ត្រ" បានបញ្ជាក់ថា មធ្យមភាគនៃមុខតំណែងហិរញ្ញវត្ថុកំពុងកើនឡើងលឿនជាងមធ្យមភាគសម្រាប់ការងារដទៃទៀត ប៉ុន្តែធនធាននៃអ្នកមានចំណេះដឹងលើផ្នែកគណនេយ្យ និងហិរញ្ញវត្ថុនៅមានកំណត់នៅឡើយ។ សបញ្ជាក់ថាទីផ្សារការងារលើផ្នែកហិរញ្ញវត្ថុមានលក្ខណៈទូលំទូលាយ និងមានភាពងាយស្រួលជាងទីផ្សារដទៃទៀត។
៤. ភាពទូលំទូលាយនៃឱកាសការងារ
ដូចដែលអ្នកអាចឃើញខាងលើអាជីពហិរញ្ញវត្ថុកំពុងតែរីកលូតលាស់យ៉ាងខ្លាំង។ នេះក៏មានន័យផងដែរថា ភាពខុសគ្នានៃឱកាសការងារក៏កំពុងកើនឡើងផងដែរ។ ដូច្នេះជាមួយនឹងបរិញ្ញាបត្រហិរញ្ញវត្ថុអ្នកអាចធ្វើការនៅក្នុង:
• ការគ្រប់គ្រងសាជីវកម្ម
• ការគ្រប់គ្រងហិរញ្ញវត្ថុអន្តរជាតិ
• សេវាកម្មវិនិយោគ
• សេវាកម្មផែនការហិរញ្ញវត្ថុ
• ផែនការហិរញ្ញវត្ថុផ្ទាល់ខ្លួនសម្រាប់បុគ្គលនិងអង្គការឯកជន
• ក្រុមហ៊ុនជើងសារ
• ក្រុមហ៊ុនធានារ៉ាប់រង
• ធនាគារពាណិជ្ជកម្ម និងវិនិយោគ
• សហជីពឥណទាន និងធនាគារឯកជន
ក៏ដូចជាក្រុមហ៊ុនអន្តរការីផ្នែកហិរញ្ញវត្ថុជាច្រើនទៀតទាំងអស់សុទ្ធតែផ្តល់ការងារដល់និស្សិតបញ្ចប់ការសិក្សាហិរញ្ញវត្ថុ។
៥. អាជីពខាងហិរញ្ញវត្ថុប្រកបដោយកិត្តិយស
ក្រៅពីមានឱកាសការងារជាច្រើន អាជីពខាងហិរញ្ញវត្ថុក៏បានបង្ហាញពីភាពលេចធ្លោមួយចំនួនដូចជា ហិរញ្ញវត្ថុជាការងារដែលប្រកបដោយកិត្តិយស និងថ្លៃថ្នូរ អាចទទួលបានប្រាក់រង្វាន់ ការលើកទឹកចិត្ត និងប្រាក់ខែខ្ពស់។ បើយោងតាមពត៌មាននៃប្រាក់ខែនៃមុខតំណែងនីមួយៗផ្សេងៗគ្នាទៅតាមប្រភេទការងារ និងបទពិសោធន៍ បានបង្ហាញអោយឃើញថាប្រាក់ខែមធ្យមក្នុងមួយឆ្នាំ សម្រាប់អ្នកធ្វើការងារពាក់ព័ន្ធទៅនឹងផ្នែកហិរញ្ញវត្ថុ និងមានសញ្ញាបត្រផ្នែកហិរញ្ញវត្ថុមានដូចជា៖
• ទីប្រឹក្សាហិរញ្ញវត្ថុផ្ទាល់ខ្លួន៖ $ 64,750
• អ្នកគ្រប់គ្រងហិរញ្ញវត្ថុ៖ $ 103,910
• អ្នកវិភាគហិរញ្ញវត្ថុ៖ $ 74,350
• អ្នកពិនិត្យហិរញ្ញវត្ថុ៖ $ 74,940
ជាមួយគ្នានេះ វិទ្យស្ថានខេមអេដជាវិទ្យាស្ថានមួយដែលមានការបណ្តុះបណ្ដាលលើផ្នែកគណនេយ្យ ហិរញ្ញវត្ថុ និងសវនកម្ម ប្រកបដោយគុណភាពដែលមានការទទួលស្គាល់ទាំងលើឆាកអន្តរជាតិ និងក្នុងប្រទេស។ ក្នុងនោះដែរ ក្រោយពីការសិក្សាថ្នាក់បរិញ្ញាបត្រគណនេយ្យ និងហិរញ្ញវត្ថុ លោកអ្នកអាចទទួលបានសញ្ញាបត្រពីរក្នុងពេលតែមួយគឺ សញ្ញាបត្របរិញ្ញាបត្រផ្នែកគណនេយ្យ និងហិរញ្ញវត្ថុ និងសញ្ញាបត្រជំនាញគណនេយ្យករ (CAT) ពីចក្រភពអង់គ្លេស។
សម្រាប់ពត៌មានបន្ថែមសូមទំនាក់ទំនង ០២៣ ៩៨៦ ៥២២ / ៥២៣ ឬចូលកាន់គេហទំព័រ www.cam-ed.com ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com