អត្ថបទពាណិជ្ជកម្ម
ក្រុមហ៊ុន អ អិម អេ ខេមបូឌា ប្រកាសជ្រើសរើសបុគ្គលិកជាង ១០០កន្លែង ក្នុងពិព័រណ៍ការងារ និងផលិតភាពជាតិ២០១៧
× រាជធានីភ្នំពេញ៖ ក្រុមហ៊ុន អ អិម អេ ខេមបូឌា បានចូលរូមពិព័រណ៍ការងារ និងផលិតភាពជាតិលើកទី៧ នៅថ្ងែទី២៧ ដល់២៨ ខែតុលា ឆ្នាំ២០១៧ ដែលស្ថិតនៅបញ្ជរទីP004 នៅមណ្ឈមណ្ឌលតាំងពិព័រណ៍កោះពេជ្រ ចាប់ពីម៉ោង ៨:00ព្រឹក ដល់ម៉ោង៨:០០ល្ងាច។
បើយោងតាមប្រសាសន៍របស់លោក ឃាង សុឃីន ប្រធានផ្នែកធនធានមនុស្សប្រចាំក្រុមហ៊ុន អ អិម អេ ខេមបូឌា គ្រុប លោកបាននិយាយប្រាប់អ្នកសារព័ត៌មានថា អ អិម អេ ខេមបូឌា នឹងប្រកាសជ្រើសរើសបុគ្គលិកជាង ១០០កន្លែង ឲ្យមកបម្រើការងារក្នុងក្រុមហ៊ុនរបស់ខ្លួនក្នុងឆ្នាំនេះ។ លោក ក៏បញ្ជាក់ផងដែរថា ក្រុមហ៊ុន អ អិម អេ ខេមបូឌា បានផ្ដល់អត្ថប្រយោជន៍ច្រើនចំពោះអ្នកមកបម្រើការងារក្នុងក្រុមហ៊ុន អ អិម អេ ខេមបូឌា ដូចជា ទទួលបានប្រាក់ខែសមរម្យការងារធានារ៉ាប់រងអាយុជីវិត និងប្រាក់ឧបត្ថម្ភផ្សេងៗទៀត។ ក្រៅពីនេះ បុគ្គលិកទាំងអស់ នឹងទទួលបានការហ្វឹកហាត់បន្ថែមទៅការងាររបស់ខ្លួន និងឱកាសជាច្រើនទៀតផងដែរ។
បញ្ជាក់ផងដែរថា ក្រុមហ៊ុន RMA Cambodia គឺជាក្រុមហ៊ុនធំមួយដែលបាននាំចូលផលិតផលម៉ាកល្បីៗជាច្រើនមកប្រទេសកម្ពុជាយើងតាំងពីឆ្នាំ ១៩៩២ មកម្លេះ។ សព្វថ្ងៃនេះ ក្រុមហ៊ុនបានផ្ដល់ការងារដល់ប្រជាជនកម្ពុជាយើងច្រើនជាង ២,០០០នាក់ ហើយកំពុងតែស្វែងរកបុគ្គលិកជាច្រើននាក់បន្ថែមទៀត ឲ្យមកបំរើការក្នុងក្រុមហ៊ុនរបស់ខ្លួន។ ក្រុមហ៊ុន RMA Cambodia បាននាំចូលផ្ដាច់មុខផលិតផលជាច្រើនផ្នែករួមមាន ផ្នែកគ្រឿងយន្ដ (Ford, Jaguar Land Rover) ផ្នែកហេដ្ឋារចនាសម្ព័ន្ធ និងកសិកម្ម (JCB, FUSO, John Deere) ផ្នែកចំណីអាហារ (The Pizza Company, Swensen, Dairy Queen, BBQ Chicken, Costa Coffee, Krispy Kreme, BAR•B•Q Plaza) ផ្នែកសេវាកម្មជួលរថយន្ដ (AVIS) ផ្នែកផលិតផលចម្រុះ(Hako, Powerboss, Miuteman, TCM, JLG, 3M, Starke, Megger, MS Pallet) និងផ្នែកសេវាកម្មហិរញ្ញប្បទាន (RMA Financial Services) ដែលសរុបមានជាង ២៤ផលិតផល។
នេះជាលើកទី៧ហើយ ដែលពិព័រណ៍ការងារ និងផលិតភាពថ្នាក់ជាតិបានបង្កើតឡើង ដើម្បីផ្ដល់ជូនឱកាសការងារដោយសិស្សនិស្សិត ឫបេក្ខជនដែលមានបំណងចង់ស្វែងរកការងារធ្វើ។នៅក្នុងឆ្នាំនេះផងដែរ មានក្រុមហ៊ុនធំៗជាច្រើនមកពីស្ថាប័ននាសរុប ១០០ស្ថាប័ន ដែលកំពុងស្វែងរកបុគ្គលិកឲ្យមកបំរើការក្នុងក្រុមហ៊ុនរបស់ខ្លួន និងផ្ដល់ងឱកាសការងារជាង ២០, ០០០កន្លែង នៅថ្ងៃពិព័រណ៍ការងារ និងផលិតភាពជាតិ ២០១៧នេះផងដែរ។
ដូច្នេះហើយ សូមបេក្ខជនទាំងអស់កុំភ្លេចមកចូលរួមឲ្យបានច្រើន ហើយនឹងយកមកជាមួយប្រវត្តិរូបសង្ខេបផង ដើម្បីទទួលបានការសម្ភាសការងារ និងជ្រើសរើសបុគ្គលិកដោយផ្ទាល់ ទទួលបានការណែនាំអំពីអាជីព និងជំនាញបច្ចេកទេស។លើសពីនេះទៅទៀត នឹងទទួលបានពត៍មានអំពីទីផ្សារការងារក្នុងប្រទេសកម្ពុជាផងដែរ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com