អន្តរជាតិ
មេទ័ពអ៊ីរ៉ង់៖ មីស៊ីលអ៊ីរ៉ង់មានសមត្ថភាពគ្រប់គ្រាន់ដើម្បីវាយប្រហារគោលដៅអាមេរិក
មីស៊ីលរយៈចម្ងាយមធ្យមរបស់អ៊ីរ៉ង់ Shahab-3 (រូបភាព៖ Reuters)
×![]()
ដោយ: តន ចាន់រិទ្ធារ៉ា
ប្រមុខកងទ័ពអ៊ីរ៉ង់ Mohammad Ali Jafari បានផ្ញើសារព្រមានថ្មីមួយទៀតទៅកាន់អាមេរិក ដែលកំពុងដាក់ទណ្ឌកម្មលើអ៊ីរ៉ង់ជុំវិញកម្មវិធីមីស៊ីលបាលីស្ទិក និងការគាំទ្រក្រុមភេរវកម្ម។ លោកឧត្តមសេនីយ៍ Jafari និយាយថា កងឆ្មាំបដិវត្តន៍អ៊ីរ៉ង់មានមីស៊ីលដែលអាចរត់បានចម្ងាយត្រឹមពីរពាន់គីឡូម៉ែត្រ ដែលល្មមគ្រប់គ្រាន់ដើម្បីវាយប្រហារគោលដៅអាមេរិកបាន ក្នុងករណីទទួលបញ្ជាដើម្បីសងសឹកអាមេរិកវិញ។
ទំនាក់ទំនងរវាងអ៊ីរ៉ង់ និងអាមេរិកក្រោមរដ្ឋបាលប្រធានាធិបតី ដូណាល់ ត្រាំ កាន់តែល្អក់កករទៅៗហើយ។ ដោយសារមិនពេញចិត្តនឹងកិច្ចព្រមព្រៀងនុយក្លេអ៊ែរឆ្នាំ២០១៥ លោក ត្រាំ បានគំរាមដើរចេញពីកិច្ចព្រមព្រៀងអន្តរជាតិនេះ ហើយបានដាក់ទណ្ឌកម្មជាច្រើនលើអ៊ីរ៉ង់ រាប់ទាំងកងទ័ពអ៊ីរ៉ង់ផងដោយចោទថាគាំទ្រភេរវកម្មនិយម។ អ៊ីរ៉ង់ឯណោះវិញ ក៏គំរាមឆ្លើយតបវិញ បើអាមេរិកដកខ្លួនពីកិច្ចព្រមព្រៀង ព្រមទាំងគំរាមប្រើកម្លាំងយោធាទៀតផង។
យោងតាមសារព័ត៌មាន RT មេបញ្ជាការកងឆ្មាំបដិវត្តន៍អ៊ីរ៉ង់ Mohammad Ali Jafari បាននិយាយក្នុងសន្និសីទអន្តរជាតិមួយនៅថ្ងៃទី៣១ ខែតុលា ថា អ៊ីរ៉ង់មានមីស៊ីលដែលអាចកម្ទេចគោលដៅអាមេរិកក្នុងរង្វង់ពីរពាន់គីឡូម៉ែត្រ។ លោក Jafari បន្តថា អ៊ីរ៉ង់កំណត់រយៈចម្ងាយមីស៊ីលត្រឹមនេះតាមនយោបាយរបស់មេដឹកនាំកំពូល Ayatollah Khamenei ប៉ុន្តែវាមានសមត្ថភាពគ្រប់គ្រាន់ដើម្បីឆ្លើយតបការវាយប្រហារណាមួយរបស់អាមេរិក។
ការលើកឡើងរបស់ប្រមុខកងឆ្មាំបដិវត្តន៍អ៊ីរ៉ង់ ធ្វើឡើងជាការឆ្លើយតបនឹងការដាក់ទណ្ឌកម្មថ្មីទៀតលើស្ថាប័នយោធាដ៏មានឥទ្ធិពលនេះពីសំណាក់រដ្ឋបាលលោក ត្រាំ ។ នៅថ្ងៃទី៣១ ក្រសួងរតនាគារអាមេរិកដាក់ទណ្ឌកម្មលើអង្គភាពមួយចំនួនឆ្មាំបដិវត្តន៍អ៊ីរ៉ង់ដូចជាអង្គភាពទ័ពអាកាស អង្គភាពទ័ពមីស៊ីលនិងអង្គភាពអវកាស ដោយប្រើហេតុផលថាបានគាំទ្រក្រុមភេរវជន។ ក្រៅពីអង្គភាពទ័ព មន្ត្រីយោធាអ៊ីរ៉ង់មួយចំនួនទៀតក៏ជាប់ឈ្មោះក្នុងបញ្ជីទណ្ឌកម្មដែរ។
ទោះជាយ៉ាងណាក្ដី លោកឧត្តមសេនីយ៍ Jafari អះអាងថា ជម្លោះប្រដាប់អាវុធរវាងអ៊ីរ៉ង់ និងអាមេរិក ទំនងជាមិនអាចកើតមានឡើយ ព្រោះអាមេរិកនឹងមិនហ៊ានធ្វើសង្គ្រាមទេ។ «ពួកគេដឹងថា បើពួកគេចាប់ផ្ដើមសង្គ្រាម ពួកគេនឹងចាញ់យ៉ាងពិតប្រាកដ ហើយក៏គ្មានអ្វីមកធានាពីជោគជ័យអ្វីដែរ។ ដូច្នេះពួកគេនឹងមិនចាប់ផ្ដើមមុនឡើយ។» នេះជាពាក្យសម្ដីឌឺដងរបស់លោក Jafari ដាក់អាមេរិក តែបានបង្កប់ពាក្យពាក្យគំរាមដែរ ព្រោះអ៊ីរ៉ង់ក៏ជាមហាអំណាចយោធាមួយនៅមជ្ឈិមបូព៌ាដែរ។
តាមពិតទៅ ក្រុងវ៉ាស៊ិនតោនអាចដាក់ទណ្ឌកម្មលើក្រុងតេហេរ៉ង់បាន ព្រោះកម្មវិធីមីស៊ីលរបស់អ៊ីរ៉ង់ មិនស្ថិតក្រោមកិច្ចព្រមព្រៀងនុយក្លេអ៊ែរឡើយ។ ទំនងដោយសាររឿងនេះ ទើបរដ្ឋបាលលោក ត្រាំ មិនសប្បាយចិត្ត និងបានប្រឹងប្រែងដាក់ទណ្ឌកម្មលើអង្គភាពយោធាអ៊ីរ៉ង់ដែលជាប់ពាក់ព័ន្ធកម្មវិធីផលិតមីស៊ីលបាលីស្ទិកតែម្ដង៕
ទំនាក់ទំនងរវាងអ៊ីរ៉ង់ និងអាមេរិកក្រោមរដ្ឋបាលប្រធានាធិបតី ដូណាល់ ត្រាំ កាន់តែល្អក់កករទៅៗហើយ។ ដោយសារមិនពេញចិត្តនឹងកិច្ចព្រមព្រៀងនុយក្លេអ៊ែរឆ្នាំ២០១៥ លោក ត្រាំ បានគំរាមដើរចេញពីកិច្ចព្រមព្រៀងអន្តរជាតិនេះ ហើយបានដាក់ទណ្ឌកម្មជាច្រើនលើអ៊ីរ៉ង់ រាប់ទាំងកងទ័ពអ៊ីរ៉ង់ផងដោយចោទថាគាំទ្រភេរវកម្មនិយម។ អ៊ីរ៉ង់ឯណោះវិញ ក៏គំរាមឆ្លើយតបវិញ បើអាមេរិកដកខ្លួនពីកិច្ចព្រមព្រៀង ព្រមទាំងគំរាមប្រើកម្លាំងយោធាទៀតផង។
យោងតាមសារព័ត៌មាន RT មេបញ្ជាការកងឆ្មាំបដិវត្តន៍អ៊ីរ៉ង់ Mohammad Ali Jafari បាននិយាយក្នុងសន្និសីទអន្តរជាតិមួយនៅថ្ងៃទី៣១ ខែតុលា ថា អ៊ីរ៉ង់មានមីស៊ីលដែលអាចកម្ទេចគោលដៅអាមេរិកក្នុងរង្វង់ពីរពាន់គីឡូម៉ែត្រ។ លោក Jafari បន្តថា អ៊ីរ៉ង់កំណត់រយៈចម្ងាយមីស៊ីលត្រឹមនេះតាមនយោបាយរបស់មេដឹកនាំកំពូល Ayatollah Khamenei ប៉ុន្តែវាមានសមត្ថភាពគ្រប់គ្រាន់ដើម្បីឆ្លើយតបការវាយប្រហារណាមួយរបស់អាមេរិក។
ការលើកឡើងរបស់ប្រមុខកងឆ្មាំបដិវត្តន៍អ៊ីរ៉ង់ ធ្វើឡើងជាការឆ្លើយតបនឹងការដាក់ទណ្ឌកម្មថ្មីទៀតលើស្ថាប័នយោធាដ៏មានឥទ្ធិពលនេះពីសំណាក់រដ្ឋបាលលោក ត្រាំ ។ នៅថ្ងៃទី៣១ ក្រសួងរតនាគារអាមេរិកដាក់ទណ្ឌកម្មលើអង្គភាពមួយចំនួនឆ្មាំបដិវត្តន៍អ៊ីរ៉ង់ដូចជាអង្គភាពទ័ពអាកាស អង្គភាពទ័ពមីស៊ីលនិងអង្គភាពអវកាស ដោយប្រើហេតុផលថាបានគាំទ្រក្រុមភេរវជន។ ក្រៅពីអង្គភាពទ័ព មន្ត្រីយោធាអ៊ីរ៉ង់មួយចំនួនទៀតក៏ជាប់ឈ្មោះក្នុងបញ្ជីទណ្ឌកម្មដែរ។
ទោះជាយ៉ាងណាក្ដី លោកឧត្តមសេនីយ៍ Jafari អះអាងថា ជម្លោះប្រដាប់អាវុធរវាងអ៊ីរ៉ង់ និងអាមេរិក ទំនងជាមិនអាចកើតមានឡើយ ព្រោះអាមេរិកនឹងមិនហ៊ានធ្វើសង្គ្រាមទេ។ «ពួកគេដឹងថា បើពួកគេចាប់ផ្ដើមសង្គ្រាម ពួកគេនឹងចាញ់យ៉ាងពិតប្រាកដ ហើយក៏គ្មានអ្វីមកធានាពីជោគជ័យអ្វីដែរ។ ដូច្នេះពួកគេនឹងមិនចាប់ផ្ដើមមុនឡើយ។» នេះជាពាក្យសម្ដីឌឺដងរបស់លោក Jafari ដាក់អាមេរិក តែបានបង្កប់ពាក្យពាក្យគំរាមដែរ ព្រោះអ៊ីរ៉ង់ក៏ជាមហាអំណាចយោធាមួយនៅមជ្ឈិមបូព៌ាដែរ។
តាមពិតទៅ ក្រុងវ៉ាស៊ិនតោនអាចដាក់ទណ្ឌកម្មលើក្រុងតេហេរ៉ង់បាន ព្រោះកម្មវិធីមីស៊ីលរបស់អ៊ីរ៉ង់ មិនស្ថិតក្រោមកិច្ចព្រមព្រៀងនុយក្លេអ៊ែរឡើយ។ ទំនងដោយសាររឿងនេះ ទើបរដ្ឋបាលលោក ត្រាំ មិនសប្បាយចិត្ត និងបានប្រឹងប្រែងដាក់ទណ្ឌកម្មលើអង្គភាពយោធាអ៊ីរ៉ង់ដែលជាប់ពាក់ព័ន្ធកម្មវិធីផលិតមីស៊ីលបាលីស្ទិកតែម្ដង៕
Tag:
អ៊ីរ៉ង់
អាមេរិក
Mohammad Ali Jafari
© រក្សាសិទ្ធិដោយ thmeythmey.com
