អន្តរជាតិ
ទោះបារម្ភពីកូរ៉េខាងជើង កូរ៉េខាងត្បូងស្ទាក់ស្ទើរបង្កើតសម្ព័ន្ធយោធាជាមួយអាមេរិកនិងជប៉ុន
×![]()
ដោយ: តន ចាន់រិទ្ធារ៉ា
ខណៈដែលកូរ៉េខាងជើងនៅតែការគំរាមកំហែងសន្តិសុខនៅឧបទ្វីបកូរ៉េ ប្រធានាធិបតីកូរ៉េខាងត្បូង មូន ចេអ៊ីន និយាយថា កិច្ចសហប្រតិបត្តិការយោធារវាងកូរ៉េខាងត្បូង អាមេរិក និងជប៉ុន គឺជារឿងចាំបាច់ដើម្បីទប់ស្កាត់ការគំរាមកំហែងនេះ។ ប៉ុន្តែ លោក មូន ចេអ៊ីន ហាក់នៅស្ទាក់ស្ទើរក្នុងការដំឡើងកិច្ចសហប្រតិបត្តិការកងទ័ពនេះទៅជាសម្ព័ន្ធភាពយោធាត្រីភាគី ដោយចាត់ទុកជារឿងមិនសមរម្យឡើយ និងនៅសង្ស័យមហិច្ឆតារបស់ជប៉ុន។
ប្រធានាធិបតីកូរ៉េខាងត្បូង មូន ចេអ៊ីន បាននិយាយថា វាជារឿងសំខាន់ក្នុងការធ្វើកិច្ចសហប្រតិបត្តិការជាមួយអាមេរិក និងជប៉ុន ដើម្បីទប់ទល់កូរ៉េខាងជើង។ ប៉ុន្តែលោក មូន ចេអ៊ីន ក៏បញ្ជាក់ដែរថា កិច្ចសហប្រតិបត្តិការយោធាត្រីភាគីនេះសំដៅលើកូរ៉េខាងជើងតែមួយប៉ុណ្ណោះ មិនមែនដើម្បីពង្រីកមហិច្ឆតាយោធាអ្វីឡើយ។ លោក មូន បញ្ជាក់ដូចនេះក្នុងកិច្ចសម្ភាសជាមួយទូរទស្សន៍សិង្ហបុរី Channel NewsAsia នៅថ្ងៃទី៣ ខែវិច្ឆិកា។
ក្នុងកិច្ចសម្ភាសខាងលើ លោក មូន ចេអ៊ីន ជឿថា ការពង្រឹងកិច្ចសហប្រតិបត្តិការយោធាជាមួយជប៉ុនឲ្យកាន់តែរឹងមាំជាងបច្ចុប្បន្ន មិនមែនជារឿងចាំបាច់ឡើយ។ បើតាមសម្ដីប្រធានាធិបតីកូរ៉េខាងត្បូងរូបនេះ មូលហេតុនៃការពង្រឹងបេសកកម្មយោធាត្រីភាគី គឺដើម្បីឆ្លើយតបទង្វើបង្ករឿងរបស់កូរ៉េខាងជើង តែកូរ៉េខាងត្បូងគ្មានបំណងធ្វើឲ្យកិច្ចសហប្រតិបត្តិការនេះមានកម្រិតខ្ពស់ជាសម្ព័ន្ធភាពយោធាត្រីភាគីឡើយ។
លោក មូន ចេអ៊ីន ទំនងជាសង្ស័យគោលដៅពិតប្រាកដរបស់ជប៉ុនក្នុងការពង្រីកឥទ្ធិពលយោធារបស់ខ្លួនដូចដែលនាយករដ្ឋមន្ត្រី ស៊ិនហ្សូ អាបេ បានសន្យាពេលឃោសនាកន្លងមក។ ដើម្បីទាក់ទាញសំឡេងឆ្នោត លោក អាបេ សន្យាបង្កើនអានុភាពយោធាជប៉ុន និងធ្វើវិសោធនកម្មរដ្ឋធម្មនុញ្ញសន្តិភាពនិយមរបស់ខ្លួន។ ជោគជ័យក្នុងការបោះឆ្នោតថ្មីៗនេះ រឹតតែធ្វើឲ្យក្ដីសង្ឃឹមរបស់លោក អាបេ មានសន្ទុះកាន់តែខ្ពស់ ព្រោះវាបង្ហាញពីការគាំទ្ររបស់ប្រជាជនចំពោះនយោបាយរបស់លោក។
ដោយសារនយោបាយរបស់លោក អាបេ នេះហើយទើបលោក មូន ចេអ៊ីន ស្ទាក់ស្ទើរចិត្ត ទោះជាការគំរាមកំហែងពីកូរ៉េខាងជើងកើនឡើងដែរក្ដី។ សម្រាប់ប្រជាជនកូរ៉េខាងត្បូង រឿងរ៉ាវឈឺចាប់ពីអតីតកាលមិនទាន់សាបសូន្យនៅឡើយទេ ជាពិសេសសកម្មភាពឃោរឃៅរបស់កងទ័ពជប៉ុនតែម្ដង។ ជាមួយនឹងគំនិតអវិជ្ជមានចំពោះយោធាជប៉ុនបែបនេះ ការបង្កើតសម្ព័ន្ធយោធាចម្រុះមិនមែនជារឿងល្អសម្រាប់រដ្ឋបាលលោក មូន ចេអីន ទេ។
ចំពោះបញ្ហាកូរ៉េខាងជើងវិញ ប្រធានាធិបតីកូរ៉េខាងត្បូងនៅតែប្រកាន់ជំហរដោះស្រាយបញ្ហាដោយសន្តិវិធី ទន្ទឹមគ្នានឹងការដាក់សម្ពាធកាន់តែខ្លាំងដើម្បីបង្ខំឲ្យកូរ៉េខាងជើងចូលតុចរចាឲ្យបាន។ ជាមួយនឹងការពង្រឹងទំនាក់ទំនងជាមួយក្រុងវ៉ាស៊ិនតោន លោក មូន ចេអ៊ីន ក៏នឹងប្រើទំនាក់ទំនងជាមួយក្រុងប៉េកាំងដើម្បីបញ្ចប់មហិច្ឆតានុយក្លេអ៊ែររបស់ក្រុងព្យុងយ៉ាងផងដែរ៕
ប្រធានាធិបតីកូរ៉េខាងត្បូង មូន ចេអ៊ីន បាននិយាយថា វាជារឿងសំខាន់ក្នុងការធ្វើកិច្ចសហប្រតិបត្តិការជាមួយអាមេរិក និងជប៉ុន ដើម្បីទប់ទល់កូរ៉េខាងជើង។ ប៉ុន្តែលោក មូន ចេអ៊ីន ក៏បញ្ជាក់ដែរថា កិច្ចសហប្រតិបត្តិការយោធាត្រីភាគីនេះសំដៅលើកូរ៉េខាងជើងតែមួយប៉ុណ្ណោះ មិនមែនដើម្បីពង្រីកមហិច្ឆតាយោធាអ្វីឡើយ។ លោក មូន បញ្ជាក់ដូចនេះក្នុងកិច្ចសម្ភាសជាមួយទូរទស្សន៍សិង្ហបុរី Channel NewsAsia នៅថ្ងៃទី៣ ខែវិច្ឆិកា។
ក្នុងកិច្ចសម្ភាសខាងលើ លោក មូន ចេអ៊ីន ជឿថា ការពង្រឹងកិច្ចសហប្រតិបត្តិការយោធាជាមួយជប៉ុនឲ្យកាន់តែរឹងមាំជាងបច្ចុប្បន្ន មិនមែនជារឿងចាំបាច់ឡើយ។ បើតាមសម្ដីប្រធានាធិបតីកូរ៉េខាងត្បូងរូបនេះ មូលហេតុនៃការពង្រឹងបេសកកម្មយោធាត្រីភាគី គឺដើម្បីឆ្លើយតបទង្វើបង្ករឿងរបស់កូរ៉េខាងជើង តែកូរ៉េខាងត្បូងគ្មានបំណងធ្វើឲ្យកិច្ចសហប្រតិបត្តិការនេះមានកម្រិតខ្ពស់ជាសម្ព័ន្ធភាពយោធាត្រីភាគីឡើយ។
លោក មូន ចេអ៊ីន ទំនងជាសង្ស័យគោលដៅពិតប្រាកដរបស់ជប៉ុនក្នុងការពង្រីកឥទ្ធិពលយោធារបស់ខ្លួនដូចដែលនាយករដ្ឋមន្ត្រី ស៊ិនហ្សូ អាបេ បានសន្យាពេលឃោសនាកន្លងមក។ ដើម្បីទាក់ទាញសំឡេងឆ្នោត លោក អាបេ សន្យាបង្កើនអានុភាពយោធាជប៉ុន និងធ្វើវិសោធនកម្មរដ្ឋធម្មនុញ្ញសន្តិភាពនិយមរបស់ខ្លួន។ ជោគជ័យក្នុងការបោះឆ្នោតថ្មីៗនេះ រឹតតែធ្វើឲ្យក្ដីសង្ឃឹមរបស់លោក អាបេ មានសន្ទុះកាន់តែខ្ពស់ ព្រោះវាបង្ហាញពីការគាំទ្ររបស់ប្រជាជនចំពោះនយោបាយរបស់លោក។
ដោយសារនយោបាយរបស់លោក អាបេ នេះហើយទើបលោក មូន ចេអ៊ីន ស្ទាក់ស្ទើរចិត្ត ទោះជាការគំរាមកំហែងពីកូរ៉េខាងជើងកើនឡើងដែរក្ដី។ សម្រាប់ប្រជាជនកូរ៉េខាងត្បូង រឿងរ៉ាវឈឺចាប់ពីអតីតកាលមិនទាន់សាបសូន្យនៅឡើយទេ ជាពិសេសសកម្មភាពឃោរឃៅរបស់កងទ័ពជប៉ុនតែម្ដង។ ជាមួយនឹងគំនិតអវិជ្ជមានចំពោះយោធាជប៉ុនបែបនេះ ការបង្កើតសម្ព័ន្ធយោធាចម្រុះមិនមែនជារឿងល្អសម្រាប់រដ្ឋបាលលោក មូន ចេអីន ទេ។
ចំពោះបញ្ហាកូរ៉េខាងជើងវិញ ប្រធានាធិបតីកូរ៉េខាងត្បូងនៅតែប្រកាន់ជំហរដោះស្រាយបញ្ហាដោយសន្តិវិធី ទន្ទឹមគ្នានឹងការដាក់សម្ពាធកាន់តែខ្លាំងដើម្បីបង្ខំឲ្យកូរ៉េខាងជើងចូលតុចរចាឲ្យបាន។ ជាមួយនឹងការពង្រឹងទំនាក់ទំនងជាមួយក្រុងវ៉ាស៊ិនតោន លោក មូន ចេអ៊ីន ក៏នឹងប្រើទំនាក់ទំនងជាមួយក្រុងប៉េកាំងដើម្បីបញ្ចប់មហិច្ឆតានុយក្លេអ៊ែររបស់ក្រុងព្យុងយ៉ាងផងដែរ៕
Tag:
កូរ៉េខាងត្បូង
អាមេរិក
ជប៉ុន
មូន ចេអ៊ីន
© រក្សាសិទ្ធិដោយ thmeythmey.com
