អន្តរជាតិ
នាវាដឹកយន្តហោះអាមេរិកបីគ្រឿងធ្វើសមយុទ្ធក្បែរឧបទ្វីបកូរ៉េ ព្រោះឱកាសកម្របានមកដល់
នាវាដឹកយន្តហោះ USS Nimitz (រូបភាពពីកងទ័ពជើងទឹកអាមេរិក)
×![]()
ដោយ: តន ចាន់រិទ្ធារ៉ា
កងទ័ពជើងទឹកអាមេរិកបានចេញមកប្រកាសថា នាវាដឹកយន្តហោះបីគ្រឿងនឹងធ្វើសមយុទ្ធរួមគ្នានៅតំបន់មហាសមុទ្រប៉ាស៊ីហ្វិកខាងលិចនៅចុងនេះសប្ដាហ៍។ សមយុទ្ធនេះធ្វើឡើងចំពេលដែលប្រធានាធិបតី ដូណាល់ ត្រាំ កំពុងទស្សនកិច្ចរយៈពេលវែងនៅតំបន់អាស៊ី ហើយទំនងជាការសម្ញែងកម្លាំងយោធាដាក់កូរ៉េខាងជើងផង។ នាវាចម្បាំងមកពីជប៉ុនក៏ត្រូវបានរាយការណ៍ថានឹងចូលរួមក្នុងសមយុទ្ធលើកនេះដែរ។
កងទ័ពជើងទឹកអាមេរិកនឹងធ្វើសមយុទ្ធទ្រង់ទ្រាយធំនៅតំបន់ប៉ាស៊ីហ្វិកខាងលិច ដែលនៅមិនឆ្ងាយប៉ុន្មានឡើងពីឧបទ្វីបកូរ៉េ។ ក្នុងសេចក្ដីប្រកាសរបស់កងនាវាចរណ៍ទី៧ នៃកងទ័ពជើងទឹកអាមេរិក ក្រុមនាវាចរណ៍ចំនួនបីក្រុមដឹកនាំដោយនាវាដឹកយន្តហោះ USS Nimitz, USS Ronald Reagan និង USS Theodore Roosevelt នឹងធ្វើសមយុទ្ធរួមគ្នាចាប់ពីថ្ងៃទី១១ ដល់ថ្ងៃទី១៤ ខែវិច្ឆកា ខណៈដែលប្រធានាធិបតី ដូណាល់ ត្រាំ កំពុងទស្សនកិច្ចនៅអាស៊ីនៅឡើយ។
នេះជាសមយុទ្ធធំជាងគេក្នុងរយៈពេលមួយទសវត្សរ៍មកនេះ។ កាលពីឆ្នាំ២០០៧ អាមេរិកក៏ធ្លាប់រៀបចំសមយុទ្ធបែបនេះម្ដងដែរនៅក្បែរកោះហ្គាម ដោយមានវត្តមាននាវាដឹកយន្តហោះចំនួនបីគ្រឿងដែរ គឺនាវាដឹកយន្តហោះ USS Nimitz, USS John C. Stennis និង USS Kitty Hawk ។ ដោយឡែកសមយុទ្ធឆ្នាំ២០១៧ ក៏មានវត្តមាននាវាពិឃាតរបស់ជប៉ុន Inazuma ដែរ។ នេះបើតាមការផ្សាយរបស់ទីភ្នាកងារព័ត៌មាននៅដើមសប្ដាហ៍នេះ។
ឧត្តមនាវី Scott Swift មេបញ្ជាការកងទ័នាវាចរណ៍អាមេរិកប្រចាំតំបន់ប៉ាស៊ីហ្វិកនិយាយថា វាជាឱកាសកម្រដែលធ្វើសមយុទ្ធជាមួយនាវាដឹកយន្តហោះចំនួនពីរគ្រឿង ហើយរឹតតែជារឿងកម្រទៅទៀតដែលអាចធ្វើសមយុទ្ធជាមួយនាវាដឹកយន្តហោះដល់ទៅបីគ្រឿងនោះ។ វត្តមាននាវាដឹកយន្តហោះដល់ទៅបីគ្រឿងជាស្មុគស្មាញ តែលោក Swift អះអាងថា នេះជាភស្តុតាងបង្ហាញពីសមត្ថភាពរបស់ទ័ពអាមេរិក និងជាការប្ដេជា្ញចិត្តដើម្បីស្ថិរភាពតំបន់។
សមយុទ្ធរយៈពេលបួនថ្ងៃនេះ នឹងផ្ដោតលើលំហាត់ការពារអាកាស ការស៊ើបការណ៍លើដែនសមុទ្រ ក៏ដូចជាការហាត់សមលំហាត់ប្រយុទ្ធដើម្បីការពារខ្លួនដែរ។ បើតាមសេចក្ដីប្រកាសរបស់កងនាវាទី៧ អង្គភាពដែលចូលរួមសមយុទ្ធនេះនឹងធ្វើលំហាត់រួមគ្នានៅដែនទឹកអន្តរជាតិដើម្បីបង្ហាញពីសមត្ថភាពអស្ចារ្យរបស់កងទ័ពអាមេរិកក្នុងប្រតិបត្តិការសម្របសម្រួលគ្នាដែលមានវត្តមាននាវាដឹកយន្តហោះច្រើនគ្រឿង។
អ្វីគួរកត់សម្គាល់នោះ លោក ត្រាំ នឹងស្ថិតនៅតំបន់អាស៊ីនៅឡើយអំឡុងពេលសមយុទ្ធរួមគ្នាដ៏ធំនេះ។ ប្រធានាធិបតីកំពុងស្ថិតប្រទេសចិនដើម្បីទស្សនកិច្ចផ្លូវរដ្ឋ ដែលជាផ្នែកមួយនៃទស្សនកិច្ច៥ប្រទេសនៅអាស៊ី។ សំណុំរឿងនុយក្លេអ៊ែរកូរ៉េខាងជើងជារបៀបវារៈសំខាន់នៃទស្សនកិច្ចនេះ ដោយលោក ត្រាំ ចង់ប្រមូលការគាំទ្ររបស់អន្តរជាតិដើម្បីបង្ខំឲ្យកូរ៉េខាងជើងបោះបង់កម្មវិធីនុយក្លេអ៊ែរ និងមីស៊ីលបាលីស្ទិករបស់ខ្លួន៕
កងទ័ពជើងទឹកអាមេរិកនឹងធ្វើសមយុទ្ធទ្រង់ទ្រាយធំនៅតំបន់ប៉ាស៊ីហ្វិកខាងលិច ដែលនៅមិនឆ្ងាយប៉ុន្មានឡើងពីឧបទ្វីបកូរ៉េ។ ក្នុងសេចក្ដីប្រកាសរបស់កងនាវាចរណ៍ទី៧ នៃកងទ័ពជើងទឹកអាមេរិក ក្រុមនាវាចរណ៍ចំនួនបីក្រុមដឹកនាំដោយនាវាដឹកយន្តហោះ USS Nimitz, USS Ronald Reagan និង USS Theodore Roosevelt នឹងធ្វើសមយុទ្ធរួមគ្នាចាប់ពីថ្ងៃទី១១ ដល់ថ្ងៃទី១៤ ខែវិច្ឆកា ខណៈដែលប្រធានាធិបតី ដូណាល់ ត្រាំ កំពុងទស្សនកិច្ចនៅអាស៊ីនៅឡើយ។
នេះជាសមយុទ្ធធំជាងគេក្នុងរយៈពេលមួយទសវត្សរ៍មកនេះ។ កាលពីឆ្នាំ២០០៧ អាមេរិកក៏ធ្លាប់រៀបចំសមយុទ្ធបែបនេះម្ដងដែរនៅក្បែរកោះហ្គាម ដោយមានវត្តមាននាវាដឹកយន្តហោះចំនួនបីគ្រឿងដែរ គឺនាវាដឹកយន្តហោះ USS Nimitz, USS John C. Stennis និង USS Kitty Hawk ។ ដោយឡែកសមយុទ្ធឆ្នាំ២០១៧ ក៏មានវត្តមាននាវាពិឃាតរបស់ជប៉ុន Inazuma ដែរ។ នេះបើតាមការផ្សាយរបស់ទីភ្នាកងារព័ត៌មាននៅដើមសប្ដាហ៍នេះ។
ឧត្តមនាវី Scott Swift មេបញ្ជាការកងទ័នាវាចរណ៍អាមេរិកប្រចាំតំបន់ប៉ាស៊ីហ្វិកនិយាយថា វាជាឱកាសកម្រដែលធ្វើសមយុទ្ធជាមួយនាវាដឹកយន្តហោះចំនួនពីរគ្រឿង ហើយរឹតតែជារឿងកម្រទៅទៀតដែលអាចធ្វើសមយុទ្ធជាមួយនាវាដឹកយន្តហោះដល់ទៅបីគ្រឿងនោះ។ វត្តមាននាវាដឹកយន្តហោះដល់ទៅបីគ្រឿងជាស្មុគស្មាញ តែលោក Swift អះអាងថា នេះជាភស្តុតាងបង្ហាញពីសមត្ថភាពរបស់ទ័ពអាមេរិក និងជាការប្ដេជា្ញចិត្តដើម្បីស្ថិរភាពតំបន់។
សមយុទ្ធរយៈពេលបួនថ្ងៃនេះ នឹងផ្ដោតលើលំហាត់ការពារអាកាស ការស៊ើបការណ៍លើដែនសមុទ្រ ក៏ដូចជាការហាត់សមលំហាត់ប្រយុទ្ធដើម្បីការពារខ្លួនដែរ។ បើតាមសេចក្ដីប្រកាសរបស់កងនាវាទី៧ អង្គភាពដែលចូលរួមសមយុទ្ធនេះនឹងធ្វើលំហាត់រួមគ្នានៅដែនទឹកអន្តរជាតិដើម្បីបង្ហាញពីសមត្ថភាពអស្ចារ្យរបស់កងទ័ពអាមេរិកក្នុងប្រតិបត្តិការសម្របសម្រួលគ្នាដែលមានវត្តមាននាវាដឹកយន្តហោះច្រើនគ្រឿង។
អ្វីគួរកត់សម្គាល់នោះ លោក ត្រាំ នឹងស្ថិតនៅតំបន់អាស៊ីនៅឡើយអំឡុងពេលសមយុទ្ធរួមគ្នាដ៏ធំនេះ។ ប្រធានាធិបតីកំពុងស្ថិតប្រទេសចិនដើម្បីទស្សនកិច្ចផ្លូវរដ្ឋ ដែលជាផ្នែកមួយនៃទស្សនកិច្ច៥ប្រទេសនៅអាស៊ី។ សំណុំរឿងនុយក្លេអ៊ែរកូរ៉េខាងជើងជារបៀបវារៈសំខាន់នៃទស្សនកិច្ចនេះ ដោយលោក ត្រាំ ចង់ប្រមូលការគាំទ្ររបស់អន្តរជាតិដើម្បីបង្ខំឲ្យកូរ៉េខាងជើងបោះបង់កម្មវិធីនុយក្លេអ៊ែរ និងមីស៊ីលបាលីស្ទិករបស់ខ្លួន៕
Tag:
អាមេរិក
ឧបទ្វីបកូរ៉េ
© រក្សាសិទ្ធិដោយ thmeythmey.com
