អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីរុស្ស៊ី វ្ល៉ាឌីមៀ ពូទីន បានបង្ហាញការព្រួយបារម្ភជុំវិញការបោះឆ្នោតជ្រើសរើសប្រធានាធិបតី និងកីឡាអូឡាំពិកនៅឆ្នាំ២០១៨ ។ លោក ពូទីន បារម្ភថា អាមេរិករៀបចំផែនការអុកឡុកព្រឹត្តិការណ៍ដ៏ធំទាំងពីរនេះ ដើម្បីសងសឹកចំពោះរុស្ស៊ីដែលអាមេរិកចោទថាបានលូកលាន់ក្នុងការបោះឆ្នោតប្រធានាធិបតីអាមេរិកឆ្នាំ២០១៦ ។ ដោយសារបញ្ហានេះ ទើបទំនាក់ទំនងរុស្ស៊ី និងអាមេរិកមិនសូវល្អប៉ុន្មានឡើយ។
រឿងរ៉ាវនៃការបោះឆ្នោតជ្រើសរើសប្រធានាធិបតីអាមេរិកដែលកន្លងផុតមួយឆ្នាំទៅហើយនោះ មិនទាន់រសាត់ទៅឆ្ងាយឡើយ។ អ្នកនយោបាយនៅអាមេរិក ជាពិសេសក្រុមប្រជាធិបតេយ្យបានចោទរុស្ស៊ីថាបានជ្រៀតជ្រែកកិច្ចការបោះឆ្នោតឆ្នាំ២០១៦ និងជួយឲ្យលោក ដូណាល់ ត្រាំ ឈ្នះឆ្នោតក្លាយជាប្រធានាធិបតី។ សភាអាមេរិកក៏បានដាក់ទណ្ឌកម្មបន្តបន្ទាប់លើរុស្ស៊ី ទោះជារុស្ស៊ីទាត់ចោលរាល់ការចោទប្រកាន់ក្ដី។
ដោយសារការបោះឆ្នោតជ្រើសរើសប្រធានាធិបតីរុស្ស៊ីត្រូវរៀបចំនៅឆ្នាំ២០១៨ ប្រធានាធិបតីរុស្ស៊ីបច្ចុប្បន្ន វ្ល៉ាឌីមៀ ពូទីន ក៏ភ័យព្រួយ ព្រោះខ្លាចអាមេរិកឆ្លៀតឱកាសនេះសងសឹកវិញ។ ក្នុងដំណើរទៅកាន់ទីក្រុង Chelyabinsk នៅថ្ងៃទី៩ ខែវិច្ឆិកា លោក ពូទីន និយាយថា ឆ្លើយតបនឹងសកម្មភាពរបស់រុស្ស៊ី អាមេរិកចង់បង្កើតបញ្ហាក្នុងការបោះឆ្នោតប្រធានាធិបតីឆ្នាំក្រោយ ហើយអាមេរិកអាចប្រើប្រាស់បណ្ដាញរបស់ខ្លួននៅគណៈកម្មាធិការអូឡាំពិកអន្តរជាតិ (IOC) ដើម្បីធ្វើរឿងនេះ។
យោងតាមសារព័ត៌មាន RT ប្រធានាធិបតីរុស្ស៊ីរូបនេះបញ្ជាក់ថា លោកពិតជាបារម្ភ និងសង្ស័យខ្លាំងណាស់ចំពោះបញ្ហានេះ ព្រោះក្រុងវ៉ាស៊ិនតោនអាចបង្កបញ្ហាណាមួយក្នុងពិភពកីឡា។ នេះក៏ព្រោះតែព្រឹត្តិការណ៍កីឡាអូឡាំពិករដូវរងារ និងការបោះឆ្នោតនៅរុស្ស៊ី នឹងត្រូវឡើងនៅកាលបរិច្ឆេទកៀកគ្នាខ្លាំងពេក។ លោក ពូទីន សង្កត់ធ្ងន់ថា ប្រសិនបើមានបញ្ហាអ្វីនោះ វាប៉ះពាល់ស្មារតីកីឡាអន្តរជាតិមិនខានឡើយ។
បើតាសម្ដីលោក ពូទីន គណៈកម្មាធិការអូឡាំពិកអន្តរជាតិពឹងផ្អែកយ៉ាងខ្លាំងលើអាមេរិក ព្រោះក្រុមហ៊ុនធំៗជាច្រើនដែលទិញសិទ្ធិផ្សាយផ្ទាល់ព្រឹត្តិការណ៍កីឡា និងជាអ្នកឧបត្ថម្ភ មានមូលដ្ឋាននៅអាមេរិក។ លោកសង្ស័យថា ក្រុងវ៉ាស៊ិនតោនអាចប្រើប្រាស់ឥទ្ធិពលរបស់ខ្លួនដើម្បីបង្កបញ្ហា ដែលអាចរាលដាលដល់រុស្ស៊ីបាន។
សូមរំឭកថា ក្រុងវ៉ាស៊ិនតោនបានចោទប្រកាន់ក្រុងមូស្គូចំៗថា បានកកូរកកាយកិច្ចការបោះឆ្នោតរបស់ខ្លួនដូចជាការលួចចូលកែប្រែទិន្នន័យបោះឆ្នោតជាដើម ប៉ុន្តែគេមិនទាន់ឃើញមានភស្តុតាងបញ្ជាក់ឡើយ ឯក្រុងមូស្គូក៏បានបដិសេធវិញដែរ។ សភាអាមេរិកឯណោះ ក៏បានអនុម័តច្បាប់ដាក់ទណ្ឌកម្មជាបន្តបន្ទាប់ដើម្បីដាក់គំនាបលើរុស្ស៊ី ដែលធ្វើឲ្យបំណងរបស់លោក ត្រាំ ចង់ស្ដារទំនាក់ទំនងឡើងវិញ ត្រូវរលាយអស់៕
រឿងរ៉ាវនៃការបោះឆ្នោតជ្រើសរើសប្រធានាធិបតីអាមេរិកដែលកន្លងផុតមួយឆ្នាំទៅហើយនោះ មិនទាន់រសាត់ទៅឆ្ងាយឡើយ។ អ្នកនយោបាយនៅអាមេរិក ជាពិសេសក្រុមប្រជាធិបតេយ្យបានចោទរុស្ស៊ីថាបានជ្រៀតជ្រែកកិច្ចការបោះឆ្នោតឆ្នាំ២០១៦ និងជួយឲ្យលោក ដូណាល់ ត្រាំ ឈ្នះឆ្នោតក្លាយជាប្រធានាធិបតី។ សភាអាមេរិកក៏បានដាក់ទណ្ឌកម្មបន្តបន្ទាប់លើរុស្ស៊ី ទោះជារុស្ស៊ីទាត់ចោលរាល់ការចោទប្រកាន់ក្ដី។
ដោយសារការបោះឆ្នោតជ្រើសរើសប្រធានាធិបតីរុស្ស៊ីត្រូវរៀបចំនៅឆ្នាំ២០១៨ ប្រធានាធិបតីរុស្ស៊ីបច្ចុប្បន្ន វ្ល៉ាឌីមៀ ពូទីន ក៏ភ័យព្រួយ ព្រោះខ្លាចអាមេរិកឆ្លៀតឱកាសនេះសងសឹកវិញ។ ក្នុងដំណើរទៅកាន់ទីក្រុង Chelyabinsk នៅថ្ងៃទី៩ ខែវិច្ឆិកា លោក ពូទីន និយាយថា ឆ្លើយតបនឹងសកម្មភាពរបស់រុស្ស៊ី អាមេរិកចង់បង្កើតបញ្ហាក្នុងការបោះឆ្នោតប្រធានាធិបតីឆ្នាំក្រោយ ហើយអាមេរិកអាចប្រើប្រាស់បណ្ដាញរបស់ខ្លួននៅគណៈកម្មាធិការអូឡាំពិកអន្តរជាតិ (IOC) ដើម្បីធ្វើរឿងនេះ។
យោងតាមសារព័ត៌មាន RT ប្រធានាធិបតីរុស្ស៊ីរូបនេះបញ្ជាក់ថា លោកពិតជាបារម្ភ និងសង្ស័យខ្លាំងណាស់ចំពោះបញ្ហានេះ ព្រោះក្រុងវ៉ាស៊ិនតោនអាចបង្កបញ្ហាណាមួយក្នុងពិភពកីឡា។ នេះក៏ព្រោះតែព្រឹត្តិការណ៍កីឡាអូឡាំពិករដូវរងារ និងការបោះឆ្នោតនៅរុស្ស៊ី នឹងត្រូវឡើងនៅកាលបរិច្ឆេទកៀកគ្នាខ្លាំងពេក។ លោក ពូទីន សង្កត់ធ្ងន់ថា ប្រសិនបើមានបញ្ហាអ្វីនោះ វាប៉ះពាល់ស្មារតីកីឡាអន្តរជាតិមិនខានឡើយ។
បើតាសម្ដីលោក ពូទីន គណៈកម្មាធិការអូឡាំពិកអន្តរជាតិពឹងផ្អែកយ៉ាងខ្លាំងលើអាមេរិក ព្រោះក្រុមហ៊ុនធំៗជាច្រើនដែលទិញសិទ្ធិផ្សាយផ្ទាល់ព្រឹត្តិការណ៍កីឡា និងជាអ្នកឧបត្ថម្ភ មានមូលដ្ឋាននៅអាមេរិក។ លោកសង្ស័យថា ក្រុងវ៉ាស៊ិនតោនអាចប្រើប្រាស់ឥទ្ធិពលរបស់ខ្លួនដើម្បីបង្កបញ្ហា ដែលអាចរាលដាលដល់រុស្ស៊ីបាន។
សូមរំឭកថា ក្រុងវ៉ាស៊ិនតោនបានចោទប្រកាន់ក្រុងមូស្គូចំៗថា បានកកូរកកាយកិច្ចការបោះឆ្នោតរបស់ខ្លួនដូចជាការលួចចូលកែប្រែទិន្នន័យបោះឆ្នោតជាដើម ប៉ុន្តែគេមិនទាន់ឃើញមានភស្តុតាងបញ្ជាក់ឡើយ ឯក្រុងមូស្គូក៏បានបដិសេធវិញដែរ។ សភាអាមេរិកឯណោះ ក៏បានអនុម័តច្បាប់ដាក់ទណ្ឌកម្មជាបន្តបន្ទាប់ដើម្បីដាក់គំនាបលើរុស្ស៊ី ដែលធ្វើឲ្យបំណងរបស់លោក ត្រាំ ចង់ស្ដារទំនាក់ទំនងឡើងវិញ ត្រូវរលាយអស់៕
Tag:
រុស្ស៊ី
អាមេរិក
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
