ទូតអាមេរិក យករូបថតទស្សនកិច្ចរបស់លោកស្រី Kennedy នៅកម្ពុជា កាលពី៥០ឆ្នាំមុន តាំងពិព័រណ៍

ជាតិ

ទូតអាមេរិក យករូបថតទស្សនកិច្ចរបស់លោកស្រី Kennedy នៅកម្ពុជា កាលពី៥០ឆ្នាំមុន តាំងពិព័រណ៍

13, Nov 2017 , 5:35 pm

រូបភាព

ដោយ: ថ្មីៗ

ស្ថានទូតអាមេរិក នឹងរៀបចំពិព័រណ៍រូបថត នៃទស្សនកិច្ចរបស់អតីតស្ត្រីទី១អាមេរិក លោកស្រី Jacqueline Kennedy នៅកម្ពុជា នាឆ្នាំ១៩៦៧ ។ កាលពី ៥០ ឆ្នាំមុន លោកស្រី Jaqueline Kennedy បានធ្វើទស្សនកិច្ចនៅកម្ពុជា ដើម្បីមកទស្សនាប្រាសាទអង្គរវត្ត។ ទស្សនកិច្ចនាពេលនោះ ជាការាសម្រេចសុបិនពីកុមារភាពរបស់លោកស្រី។

ស្ថានទូតសហរដ្ឋអាមេរិកនៅភ្នំពេញ រៀបចំពិព័រណ៍រូបថតនៃទស្សនកិច្ច របស់រអតីតស្ត្រីទី១អាមេរិក លោកស្រី Jacqueline Kennedy នៅកម្ពុជា នាឆ្នាំ១៩៦៧ ដើម្បីអបអរខួបលើកទី៥០ នៃដំណើររបស់លោកស្រីមកកម្ពុជា។ នេះបើតាមសេចក្តីប្រកាសព៧ត៌មានរបស់ស្ថានទូតអាមេរិករបស់កម្ពុជានៅថ្ងៃទី១៣ ខែវិច្ឆិកា ដែលបន្តថា ពិព័រណ៍នេះ ក៏ជាការអបអរសារៈសំខាន់ នៃទំនាក់ទំនងការទូត រវាងសហរដ្ឋអាមេរិក និងប្រទេសកម្ពុជាដែរ។ លោក William Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នឹងកាត់ខ្សែបូរបើកពិធី តាំងពិព័រណ៌រូបថតនេះ នៅម៉ោង ៥កន្លះល្ងាច ថ្ងៃទី១៤ ខែវិច្ឆិកា នាសណ្ឋាគារ Raffles Hotel Le Royal រាជធានីភ្នំពេញ។

កាលពី ៥០ ឆ្នាំមុន លោកស្រី Jaqueline Kennedy បានមកធ្វើទស្សនកិច្ចនៅកម្ពុជា ដើម្បីបំពេញនូវ «សុបិនក្នុងមួយជីវិត កាលពីនៅក្មេង» ក្នុងការបានមើលប្រាសាទអង្គរ ដែលជាប្រាសាទបុរាណខ្មែរ។ ទស្សនាវដ្តីដ៏ល្បីរបស់អាមេរិកឈ្មោះ «Life» បានសរសេរពីដំណើរទស្សនកិច្ចរបស់លោកជំទាវមកកាន់ប្រទេសកម្ពុជា៕