អន្តរជាតិ
អាមេរិក-ហ្វីលីពីន សន្យាធ្វើការរួមគ្នាបញ្ចប់ការបង្កហេតុរបស់កូរ៉េខាងជើង
×![]()
រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងម៉ានីល បានព្រមព្រៀង និងប្តេជ្ញាចិត្តជាថ្មីបន្ថែមក្នុងការធ្វើការរួមគ្នាលើវិស័យការពារជាតិ សេដ្ឋកិច្ច និងសន្តិសុខក្នុងតំបន់ជាដើម ។ បញ្ហាសមុទ្រចិនខាងត្បូង និងវិបត្តិនៅឧបទ្វីបកូរ៉េ ក៏ស្ថិតនៅក្នុងក្តីបារម្ភរួម ដែលភាគីទាំងពីរ ព្រមព្រៀងដោះស្រាយរួមគ្នាផងដែរ ។
មន្ត្រីជាន់ខ្ពស់អាមេរិក និងហ្វីលីពីន នៅថ្ងៃទី១ ធ្នូ បានបើកកិច្ចប្រជុំកិច្ចសន្ទនាយុទ្ធសាស្ត្រទ្វេភាគីមួយនៅក្នុងក្រុងវ៉ាស៊ីនតោន ដោយភាគីទាំងពីរ ផ្តោតលើយន្តការ និងបញ្ហាជាច្រើនរួមទាំងកិច្ចសហប្រតិបត្តិការនយោបាយ សន្តិសុខ និងសេដ្ឋកិច្ច ។ កិច្ចប្រជុំនេះ អាចប្រព្រឹត្តឡើងបាន បន្ទាប់ពីមានជំនួបមួយមុន រវាងប្រមុខរដ្ឋទាំងពីរ ដែលបានធ្វើឡើងនៅខែវិច្ឆិកាក្នុងក្រុងម៉ានីលកន្លងទៅ ។
បើតាមសេចក្តីប្រកាសព័ត៌មានដែលសារព័ត៌មានថ្មីៗទទួលបានពីការិយាល័យអ្នកនាំពាក្យក្រសួងការបរទេសអាមេរិក ក្នុងជំនួបនោះដែរ មន្ត្រីជាន់ខ្ពស់ប្រទេសទាំងពីរ បានបញ្ជាក់ពីសារៈសំខាន់នៃនីតិរដ្ឋ សិទ្ធិមនុស្ស និងសេរីភាពមូលដ្ឋានជាដើម ។ ភាគីអាមេរិក ក៏បានសរសើរពីភាពដឹកនាំរបស់ប្រធានាធិបតីហ្វីលីពីនក្នុងការវាយកម្ទេចក្រុមភេវរករនៅរដ្ឋ Mindanao និងថែមទាំងសន្យាបន្តគាំទ្រហ្វីលីពីនដើម្បីកម្ទេចក្រុមភេរវកម្ម និងស្តានីតិសម្បទានៅរដ្ឋ Marawi ផងដែរ ។
អ្វីដែលគួរកត់សម្គាល់នោះ បន្ថែមពីការជជែកលើទំនាក់ទំនងទ្វេភាគី អាមេរិក និងហ្វីលីពីន ក៏បានជជែកពីក្តីបារម្ភរួមពាក់ព័ន្ធនឹងបញ្ហាប្រឈមសន្តិសុខនៅក្នុងតំបន់ និងថែមទាំងសន្យាធ្វើការរួមគ្នាដើម្បីបញ្ចប់បញ្ហាបង្កដោយកូរ៉េខាងជើង ដែលភាគីទាំងពីរ ពណ៌នាថា ជាការបាញ់សាកល្បងមីសីល និងកម្មវិធីនុយក្លេអ៊ែរគឺជាសកម្មភាពខុសច្បាប់នោះ ។ ការប្តេជ្ញាចិត្តក្នុងការគាំទ្រការគោរពច្បាប់អន្តរជាតិ ពាក់ព័ន្ធរឿងសមុទ្រចិនខាងត្បូង ក៏ត្រូវបានលើកឡើងផងដែរ ។
គួរជម្រាបផងដែរ ហ្វីលីពីន គឺជាដៃសម្ព័ន្ធមិត្តតាមសន្ធិសញ្ញាមួយរបស់អាមេរិកនៅក្នុងតំបន់អាស៊ីប៉ាស៊ីហ្វិក ។ ទំនាក់ទំនងប្រទេសទាំងពីរ ហាក់បានឃ្លាតឆ្ងាយពីគ្នាបន្តិច បន្ទាប់ពីប្រមុខរដ្ឋហ្វីលីពីនថ្មី លោកប្រធានាធិបតី រ៉ូឌ្រីហ្គូ ឌូទើតេ ឡើងកាន់តំណែង ។ ប្រមុខរដ្ឋហ្វីលីពីនរូបនេះ មានរឿងថ្នាំងថ្នាក់ជាមួយនឹងអាមេរិក ដ្បិតអាមេរិក បានប្រឆាំងនឹងគោលនយោបាយអាទិភាពរបស់លោកលើការបង្ក្រាបបទល្មើសគ្រឿងញៀន ។ និន្នាការទៅរកចិនរបស់ហ្វីលីពីន ក៏ជាចំណែកមួយផងដែរ ៕
មន្ត្រីជាន់ខ្ពស់អាមេរិក និងហ្វីលីពីន នៅថ្ងៃទី១ ធ្នូ បានបើកកិច្ចប្រជុំកិច្ចសន្ទនាយុទ្ធសាស្ត្រទ្វេភាគីមួយនៅក្នុងក្រុងវ៉ាស៊ីនតោន ដោយភាគីទាំងពីរ ផ្តោតលើយន្តការ និងបញ្ហាជាច្រើនរួមទាំងកិច្ចសហប្រតិបត្តិការនយោបាយ សន្តិសុខ និងសេដ្ឋកិច្ច ។ កិច្ចប្រជុំនេះ អាចប្រព្រឹត្តឡើងបាន បន្ទាប់ពីមានជំនួបមួយមុន រវាងប្រមុខរដ្ឋទាំងពីរ ដែលបានធ្វើឡើងនៅខែវិច្ឆិកាក្នុងក្រុងម៉ានីលកន្លងទៅ ។
បើតាមសេចក្តីប្រកាសព័ត៌មានដែលសារព័ត៌មានថ្មីៗទទួលបានពីការិយាល័យអ្នកនាំពាក្យក្រសួងការបរទេសអាមេរិក ក្នុងជំនួបនោះដែរ មន្ត្រីជាន់ខ្ពស់ប្រទេសទាំងពីរ បានបញ្ជាក់ពីសារៈសំខាន់នៃនីតិរដ្ឋ សិទ្ធិមនុស្ស និងសេរីភាពមូលដ្ឋានជាដើម ។ ភាគីអាមេរិក ក៏បានសរសើរពីភាពដឹកនាំរបស់ប្រធានាធិបតីហ្វីលីពីនក្នុងការវាយកម្ទេចក្រុមភេវរករនៅរដ្ឋ Mindanao និងថែមទាំងសន្យាបន្តគាំទ្រហ្វីលីពីនដើម្បីកម្ទេចក្រុមភេរវកម្ម និងស្តានីតិសម្បទានៅរដ្ឋ Marawi ផងដែរ ។
អ្វីដែលគួរកត់សម្គាល់នោះ បន្ថែមពីការជជែកលើទំនាក់ទំនងទ្វេភាគី អាមេរិក និងហ្វីលីពីន ក៏បានជជែកពីក្តីបារម្ភរួមពាក់ព័ន្ធនឹងបញ្ហាប្រឈមសន្តិសុខនៅក្នុងតំបន់ និងថែមទាំងសន្យាធ្វើការរួមគ្នាដើម្បីបញ្ចប់បញ្ហាបង្កដោយកូរ៉េខាងជើង ដែលភាគីទាំងពីរ ពណ៌នាថា ជាការបាញ់សាកល្បងមីសីល និងកម្មវិធីនុយក្លេអ៊ែរគឺជាសកម្មភាពខុសច្បាប់នោះ ។ ការប្តេជ្ញាចិត្តក្នុងការគាំទ្រការគោរពច្បាប់អន្តរជាតិ ពាក់ព័ន្ធរឿងសមុទ្រចិនខាងត្បូង ក៏ត្រូវបានលើកឡើងផងដែរ ។
គួរជម្រាបផងដែរ ហ្វីលីពីន គឺជាដៃសម្ព័ន្ធមិត្តតាមសន្ធិសញ្ញាមួយរបស់អាមេរិកនៅក្នុងតំបន់អាស៊ីប៉ាស៊ីហ្វិក ។ ទំនាក់ទំនងប្រទេសទាំងពីរ ហាក់បានឃ្លាតឆ្ងាយពីគ្នាបន្តិច បន្ទាប់ពីប្រមុខរដ្ឋហ្វីលីពីនថ្មី លោកប្រធានាធិបតី រ៉ូឌ្រីហ្គូ ឌូទើតេ ឡើងកាន់តំណែង ។ ប្រមុខរដ្ឋហ្វីលីពីនរូបនេះ មានរឿងថ្នាំងថ្នាក់ជាមួយនឹងអាមេរិក ដ្បិតអាមេរិក បានប្រឆាំងនឹងគោលនយោបាយអាទិភាពរបស់លោកលើការបង្ក្រាបបទល្មើសគ្រឿងញៀន ។ និន្នាការទៅរកចិនរបស់ហ្វីលីពីន ក៏ជាចំណែកមួយផងដែរ ៕
Tag:
ហ្វីលីពីន
អាមេរិក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 8 ម៉ោង
