អន្តរជាតិ
លោក មូហ្កាបេ ទៅពិនិត្យសុខភាពនៅសិង្ហបុរីលើកដំបូងក្រោយធ្លាក់ពីតំណែង
អតីតប្រធានាធិបតីស៊ីមបាវ៉េ លោក រ៉ូបឺត មូហ្កាបេ នាកិច្ចប្រជុំមួយនៅតំបន់អាហ្វ្រិក។ រូបថត AFP
×![]()
ដោយ: ថ្មីៗ
អតីតមេដឹកនាំផ្តាច់ការស៊ីមបាវ៉េវ័យ ៩២ឆ្នាំ រ៉ូបឺត មូហ្កាបេ បានអញ្ជើញទៅពិនិត្យសុខភាពនៅសិង្ហបុរីនៅសប្តាហ៍នេះ។ វាដំណើរទៅក្រៅព្រទេសជាលើកដំបូងបំផុតរបស់មេដឹកនាំរូបនេះ ក្រោយត្រូវគេបង្ខំឲ្យចុះចេញពីតំណែងនោះ។
អតីតប្រធានាធិបតីស៊ីមបាវ៉េ លោក រ៉ូបឺត មូហ្កាបេ ចាប់ផ្តើមចាកចេញពីប្រទេសនៅសប្តាហ៍នេះដើម្បីធ្វើទៅដំណើរទៅកាន់ប្រទេសសិង្ហបុរីដើម្បីពិនិត្យសុខភាព។ វាជាដំណើរទៅក្រៅប្រទេសលើកដំបូងរបស់លោកចាប់តាំងពីត្រូវបានគេទម្លាក់ពីតំណែងចុងខែវិច្ឆិកាកន្លងមកនេះ។
យោងតាមទីភ្នាក់ងារព័ត៌មាន Reuters លោក មូហ្កាបេ ចាកចេញពីស៊ីមបាវ៉េកាលពីថ្ងៃចន្ទដោយមានភរិយាខ្លួន និងមនុស្សជំនិតជាច្រើននាក់ផង។ ក្នុងដំណើរទៅសិង្ហបុរីនេះលោកក៏ឆ្លៀតចូលម៉ាឡេស៊ីផងដែរដើម្បីសួរសុខទុក្ខកូនស្រីរបស់ខ្លួនដែលរៀបនឹងសម្រាលកូនទីពីររបស់ខ្លួននៅទីនោះផង។
មន្ត្រីស៊ីមបាវ៉េម្នាក់ដែលជាអ្នកទទួលខុសត្រូវរៀបចំសន្តិសុខជូនអតីតមេដឹកនាំ និងមិនបានបង្ហាញអតីតសញ្ញាណបានបញ្ជាក់ដូច្នេះ៖« គាត់តែធ្វើដំណើរជាទម្លាប់ទៅហើយទៅពិនិត្យជំងឺនៅសិង្ហបុរីនោះ។ គាត់ត្រូវដល់ពេលត្រួតពិនិត្យជំងឺទៀតប៉ុន្តែដោយសារបញ្ហាកើតឡើងពីរឬបីសប្តាហ៍មុននេះធ្វើឲ្យគាត់មិនអាចចេញទៅរួច»។
ពេលលោក មូហ្កាបេ អវត្តមាននេះ គណបក្សកាន់អំណាច ZANU PF បានសម្រេចប្រកាសគាំទ្រប្រធានាធិបតី Emmerson Mnangagwa ជាមេបក្សបន្តទៀត និងជាបេក្ខជនប្រធានាធិបតីសម្រាប់ការបោះឆ្នោតឆ្នាំក្រោយផងដែរ។
ពាក់ព័ន្ធដំណើរទៅព្យាបាលជំងឺក្រៅប្រទេសនេះ មន្ត្រីសន្តិសុខរបស់លោក មូហ្កាបេ មិនបានបញ្ជាក់ឡើយថា លោកបានធ្វើដំណើរដោយរបៀបណានោះ ប៉ុន្តែសារព័ត៌មានក្នុងស្រុកបានចុះផ្សាយថា លោកធ្វើដំណើរទៅសិង្ហបុរីដោយយន្តហោះរដ្ឋ។
ថ្វីបើអស់តំណែងក៏ដោយ លោក មូហ្កាបេ នៅមានអភ័យឯកសិទ្ធិដែលរួចផុតពីការកាត់ទោស និងមានការធានាសន្តិសុខ និងសុវត្ថិភាពពេញលេញ។ វាជាលក្ខខណ្ឌមួយជាថ្នូរនឹងការចុះចេញពីតំណែងរបស់មេដឹកនាំផ្តាច់ការនេះដែរ។ ប៉ុន្តែប្រជាជនស៊ីមបាវ៉េភាគច្រើនហាក់មិនពេញចិត្តនឹងលក្ខខណ្ឌនេះទាល់តែសោះហើយគេចោទថា លោកមូហ្កាបេ កេងប្រវញ្ចរដ្ឋ និងបំផ្លាញសេដ្ឋកិច្ចជាតិក្នុងពេលលោកមានអំណាច៕
អតីតប្រធានាធិបតីស៊ីមបាវ៉េ លោក រ៉ូបឺត មូហ្កាបេ ចាប់ផ្តើមចាកចេញពីប្រទេសនៅសប្តាហ៍នេះដើម្បីធ្វើទៅដំណើរទៅកាន់ប្រទេសសិង្ហបុរីដើម្បីពិនិត្យសុខភាព។ វាជាដំណើរទៅក្រៅប្រទេសលើកដំបូងរបស់លោកចាប់តាំងពីត្រូវបានគេទម្លាក់ពីតំណែងចុងខែវិច្ឆិកាកន្លងមកនេះ។
យោងតាមទីភ្នាក់ងារព័ត៌មាន Reuters លោក មូហ្កាបេ ចាកចេញពីស៊ីមបាវ៉េកាលពីថ្ងៃចន្ទដោយមានភរិយាខ្លួន និងមនុស្សជំនិតជាច្រើននាក់ផង។ ក្នុងដំណើរទៅសិង្ហបុរីនេះលោកក៏ឆ្លៀតចូលម៉ាឡេស៊ីផងដែរដើម្បីសួរសុខទុក្ខកូនស្រីរបស់ខ្លួនដែលរៀបនឹងសម្រាលកូនទីពីររបស់ខ្លួននៅទីនោះផង។
មន្ត្រីស៊ីមបាវ៉េម្នាក់ដែលជាអ្នកទទួលខុសត្រូវរៀបចំសន្តិសុខជូនអតីតមេដឹកនាំ និងមិនបានបង្ហាញអតីតសញ្ញាណបានបញ្ជាក់ដូច្នេះ៖« គាត់តែធ្វើដំណើរជាទម្លាប់ទៅហើយទៅពិនិត្យជំងឺនៅសិង្ហបុរីនោះ។ គាត់ត្រូវដល់ពេលត្រួតពិនិត្យជំងឺទៀតប៉ុន្តែដោយសារបញ្ហាកើតឡើងពីរឬបីសប្តាហ៍មុននេះធ្វើឲ្យគាត់មិនអាចចេញទៅរួច»។
ពេលលោក មូហ្កាបេ អវត្តមាននេះ គណបក្សកាន់អំណាច ZANU PF បានសម្រេចប្រកាសគាំទ្រប្រធានាធិបតី Emmerson Mnangagwa ជាមេបក្សបន្តទៀត និងជាបេក្ខជនប្រធានាធិបតីសម្រាប់ការបោះឆ្នោតឆ្នាំក្រោយផងដែរ។
ពាក់ព័ន្ធដំណើរទៅព្យាបាលជំងឺក្រៅប្រទេសនេះ មន្ត្រីសន្តិសុខរបស់លោក មូហ្កាបេ មិនបានបញ្ជាក់ឡើយថា លោកបានធ្វើដំណើរដោយរបៀបណានោះ ប៉ុន្តែសារព័ត៌មានក្នុងស្រុកបានចុះផ្សាយថា លោកធ្វើដំណើរទៅសិង្ហបុរីដោយយន្តហោះរដ្ឋ។
ថ្វីបើអស់តំណែងក៏ដោយ លោក មូហ្កាបេ នៅមានអភ័យឯកសិទ្ធិដែលរួចផុតពីការកាត់ទោស និងមានការធានាសន្តិសុខ និងសុវត្ថិភាពពេញលេញ។ វាជាលក្ខខណ្ឌមួយជាថ្នូរនឹងការចុះចេញពីតំណែងរបស់មេដឹកនាំផ្តាច់ការនេះដែរ។ ប៉ុន្តែប្រជាជនស៊ីមបាវ៉េភាគច្រើនហាក់មិនពេញចិត្តនឹងលក្ខខណ្ឌនេះទាល់តែសោះហើយគេចោទថា លោកមូហ្កាបេ កេងប្រវញ្ចរដ្ឋ និងបំផ្លាញសេដ្ឋកិច្ចជាតិក្នុងពេលលោកមានអំណាច៕
Tag:
រ៉ូបឺតម៉ូហ្កាបេ
សិង្ហបុរី
ស៊ីមបាវ៉េ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 12 ម៉ោង
