ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
Hun Sen Cup៖ ណាហ្គាវើល និងស្វាយរៀងឡើងទៅប៉ះគ្នានៅវគ្គផ្តាច់ព្រ័ត្រលើកទី៣
18, Dec 2017 ,
2:14 pm
រូបភាព
×
ដោយ:
ក្រោយទម្លាក់គូប្រជែងរៀងៗខ្លួនកាលពីល្ងាចថ្ងៃទី១៧ ខែធ្នូ ក្នុងនោះណាហ្គាវើលទម្លាក់បឹងកេត រីឯព្រះខ័នរាជស្វាយរៀងទម្លាក់អគ្គិសនីកម្ពុជារួចមក ក្រុមទាំងពីរត្រូវប្រជែងគ្នាដណ្តើមជើងឯកពានរង្វាន់សម្តេច ហ៊ុន សែន ប្រចាំឆ្នាំ២០១៧។ នេះជាលើកទី៣ហើយ ដែលក្រុមទាំងពីរឡើងទៅជួបគ្នានៅវគ្គផ្តាច់ព្រ័ត្រ តាំងពីបង្កើតព្រឹត្តិការណ៍នេះនៅឆ្នាំ២០០៧។ តែវាជាលើកទី៥ និងទី៦សម្រាប់ណាហ្គាវើល(ណាហ្គាខប) និងព្រះខ័នរាជស្វាយរៀង(ព្រះខ័នរាជ)ដែលបង្ហាញខ្លួនក្នុងវគ្គផ្តាច់ព្រ័ត្រ។
ចាប់ពីឆ្នាំ២០០៧នៃការបង្កើតព្រឹត្តិការណ៍ប្រកួតបាល់ទាត់ដណ្តើមពានរង្វាន់សម្តេច ហ៊ុន សែន វាជាលើកទី៣ហើយដែលក្រុមណាហ្គាវើលបានឡើងទៅជួបក្រុមព្រះខ័នរាជស្វាយរៀងក្នុងវគ្គផ្តាច់ព្រ័ត្រដើម្បីដណ្តើមជើងឯកពានរង្វាន់សម្តេច ហ៊ុន សែន នៅឆ្នាំនេះ។ ក្រុមទាំងពីរធ្លាប់ជួបគ្នាពីរលើករួចមកហើយនៅឆ្នាំ២០១២ និង ២០១៥ ដោយលទ្ធផលព្រះខ័នរាជស្វាយរៀងយកឈ្នះ ២-១ ទាំងពីរប្រកួតដូចគ្នា។
ការឡើងដល់វគ្គផ្តាច់ព្រ័ត្ររបស់ក្រុមទាំងពីរឆ្នាំនេះ វាលើកទី៥សម្រាប់ណាហ្គាវើល និងលើកទី៦សម្រាប់ព្រះរាជស្វាយរៀង។ ប៉ុន្តែព្រះខ័នរាជស្វាយរៀងធ្លាប់គ្រងជើងឯកពានរង្វាន់នេះបាន៣លើក(២០១១, ២០១២, ២០១៥) ឯណាហ្គាវើលបានតែ១លើកប៉ុណ្ណោះនៅឆ្នាំ២០១៣ ក្រោយឈ្នះក្រសួងការពារជាតិក្នុងលទ្ធផល ៥-៣។
មុនឡើងមកជួបគ្នាក្នុងវគ្គផ្តាច់ព្រ័ត្រដើម្បីដណ្តើមជើងឯកនៅឆ្នាំនេះ ក្រុមណាហ្គាវើលបានទម្លាក់បឹងកេតជាមួយលទ្ធផលសរុបទាំងពីរជើង ៤-២ ក្នុងនោះជើងទី១ណាហ្គាវើលយកឈ្នះបឹងកេត ១-០ និងជើងទី២ឈ្នះ ៣-២។ ចំណែកក្រុមព្រះខ័នរាជស្វាយរៀងបានទម្លាក់ក្រុមអគ្គិសនីកម្ពុជាដោយលទ្ធផលសរុបទាំងពីរជើង ៦-៤ ក្នុងនោះជើងទី១ក្រុមទាំងពីររក្សាលទ្ធផលស្មើ ២-២ និងជើងទី២ព្រះខ័នរាជស្វាយរៀងយកឈ្នះអគ្គិសនី ៤-២។
ក្រុមគ្រងជើងឯកពានរង្វាន់សម្តេច ហ៊ុន សែន តាំងពីឆ្នាំ២០០៧ ដល់ឆ្នាំ២០១៦ រួមមានក្រុមខេមរាកីឡាជាក្រុមគ្រងជើងឯកឆ្នាំដំបូងគេក្រោយយកឈ្នះក្រុមបៀលប្រាយយូណាយធីតដោយបាល់១១ម៉ែត្រ ៤-២ បន្ទាប់ពីក្រុមទាំងរក្សាលទ្ធផលស្មើ ១-១។ បន្ទាប់មកក្រុមភ្នំពេញក្រោនបានគ្រងជើងឯកពីរឆ្នាំជាប់គ្នាគឺឆ្នាំ២០០៨ និង ២០០៩ ក្រោយយកឈ្នះព្រះខ័នរាជស្វាយរៀង និងណាហ្គាវើលក្នុងលទ្ធផល ១-០ ដូចគ្នា។
នៅឆ្នាំ២០១០ក្រុមក្រសួងការពារជាតិគ្រងជើងឯកជាលើកដំបូងរបស់ខ្លួនក្រោយយកឈ្នះក្រុមភ្នំពេញក្រោន ៣-២ ក្នុងវគ្គផ្តាច់ព្រ័ត្រ។ ឆ្នាំ២០១១ និង ២០១២ ព្រះខ័នរាជស្វាយរៀងបានក្រសោបយកជើងឯកទាំងពីរឆ្នាំក្រោយយកឈ្នះបៀលប្រាយយូណាយធីត ២-០ និងណាហ្គាវើល ២-១ តាមលំដាប់។ ណាហ្គាវើលក្រោយយកឈ្នះទ័ព ៥-៣ បានគ្រងជើងឯកឆ្នាំ២០១៣ ជាលើកដំបូងរបស់ខ្លួន មុនក្រុមអគ្គស្នងការនគរបាលជាតិគ្រងជើងឯកឆ្នាំ២០១៤ ក្រោយយកឈ្នះបៀលប្រាយ ២-០។
នៅឆ្នាំ២០១៥ ព្រះខ័នរាជស្វាយរៀងបានបន្តគ្រងជើងឯកពានរង្វាន់សម្តេច ហ៊ុន សែន ជាលើកទី៣ក្រោយយកឈ្នះណាហ្គាវើល ២-១ មុនក្រសួងការពារជាតិយកឈ្នះខ្លួនដោយបាល់កាត់សេចក្តី១១ម៉ែត្រ ៦-៥(១-១) ដើម្បីគ្រងជើងឯកពានរង្វាន់នេះនៅឆ្នាំ២០១៦៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
ព្រះខ័នរាជស្វាយរៀង
ណាហ្គាវើល
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
6 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
7 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
3 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
7 ថ្ងៃ
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
6 ថ្ងៃ
អត្ថបទពេញនិយមបន្ថែម