ជាតិ
សេដ្ឋកិច្ច
×![]()
ដោយ: ថ្មីៗ
ម្ចាស់ផ្ទះ ឬម្ចាស់អចលនទ្រព្យដែលឆ្លាតវៃត្រូវដឹងថា ការទាក់ទាញអ្នកជួលជាជនបរទេស វាជាការជួលដ៏ល្អ ហើយវាជាមធ្យោបាយដ៏មានប្រសិទ្ធភាពមួយ ដើម្បីទទួលបានប្រាក់ចំណូលជាច្រើន ពីអចលនទ្រព្យរបស់ពួកគេ។ ដូច្នេះ តើអ្នកទាក់ទាញអ្នកជួលជាជនបរទេស មកជួលអចលនទ្រព្យរបស់អ្នក ដោយរបៀបណា?
១.ផ្សព្វផ្សាយអចលនទ្រព្យរបស់អ្នកតាមអនឡាញ៖ អ្នកជួលជាជនបរទេស តែងតែស្វែងរកផ្ទះជួលតាមអនឡាញ មុននឹងផ្លាស់ប្ដូរមករស់នៅក្នុងប្រទេសកម្ពុជា។ ដូច្នេះលោកអ្នក ត្រូវផ្សព្វផ្សាយអចលនទ្រព្យ របស់អ្នកតាមប្រព័ន្ធអនឡាញណាមួយ ចាប់ពីរយៈពេល៣ខែឡើងទៅ មុននឹងអាចរកអ្នកជួលបាន។ ការផ្សព្វផ្សាយអចលនទ្រព្យរបស់អ្នក ជាមួយ Realestate.com.kh គឺជាមធ្យោបាយដ៏មានប្រសិទ្ធភាពបំផុតមួយ ដើម្បីឱ្យដល់អ្នកជួលជាជនបរទេស។
២.រូបថត៖ ជនបរទេសកម្រនឹងមកមើលអចនទ្រព្យបានដោយផ្ទាល់នោះទេ ដោយសារពួកគេជាជនចំណូលថ្មី ដែលមករស់នៅក្នុងតំបន់។ ពួកគេផ្អែកទៅលើរូបភាព ដែលមានគុណភាពខ្ពស់ ដូច្នេះត្រូវប្រើកាមេរ៉ាដ៏ល្អមួយ ចូរកុំប្រើកាមេរ៉ាទូរសព្ទរបស់អ្នក! រូបថតអចលនទ្រព្យ ត្រូវតែច្បាស់ ហើយថតចេញពី កាមេរ៉ា ដែលគុណភាពខ្ពស់។
៣.សេវាកម្ម៖ អ្នកជួលបរទេសផ្លាស់ទីលំនៅមកកាន់ប្រទេសកម្ពុជា ពួកគេអាចរស់ជាមួយកូនក្មេងតូចៗ។ ដូច្នេះប្រសិនបើផ្ទះរបស់លោកអ្នក មានទីតាំងនៅជិតសាលារៀន វាពិតជាល្អមែនទែន។ សាលារៀនជាផ្នែកដ៏សំខាន់មួយនៃសហគម ជនបរទេស ដែលផ្លាស់ទីលំនៅមករស់នៅ ជាមួយកូនក្មេងតូចៗរបស់ពួកគេ។
៤.ការរៀបចំ៖ តើមានគ្រឿងសង្ហារឹមគ្រប់គ្រាន់ដែរឬទេ? ត្រូវរៀបចំឱ្យបានល្អ ដើម្បីផ្ដល់នូវគ្រឿងសង្ហារឹមដែលពួកគេត្រូវការ ដើម្បីជួយឱ្យជនបរទេស បានចាប់ផ្ដើមរស់នៅក្នុងប្រទេសកម្ពុជាបាន។
៥.ភាពស្រស់ស្អាត៖ មធ្យោបាយតែមួយប៉ុណ្ណោះ ដែលអ្នកអាចកំណត់តម្លៃជួលបាន គឺថាតើអចលនទ្រព្យដែលអ្នកកំពុងតែជួល មើលទៅល្អដែរឬទេ? ចូរយករបស់របរផ្ទាល់ខ្លួនទាំងឡាយចេញឱ្យអស់ជញ្ជាំងមើលទៅមានភាពស្រស់ស្អាត មានសោភ័ណភាព បង្ហាញនូវលក្ខណៈពិសេសនៃអចលនទ្រព្យរបស់អ្នកនៅក្នុងរូបភាព ហើយរៀបរាប់ព័ត៌មានលម្អិត នៃអចលនទ្រព្យរបស់អ្នកឱ្យបានច្បាស់ អំពី លក្ខណៈពិសេស ដែលមិនបានបង្ហាញនោះហើយ គឺជាការផ្សព្វផ្សាយដែលល្អបំផុត។
៦.សុវត្ថិភាព៖ សុវត្ថិភាពគឺជារឿងដែលសំខាន់បំផុត សម្រាប់អ្នកជួលជាជនបរទេស ដូច្នេះត្រូវយកចិត្តទុកដាក់ ពន្យល់អំពីសុវត្ថិភាព លើអចលនទ្រព្យរបស់អ្នក ដែលមានដូចជា៖ កាមេរ៉ាសុវត្ថិភាព សន្តិសុខ របងការពារ អ្នកជិតខាងមានសន្ដានចិត្តល្អ ហើយធានាសុវត្ថិភាព សម្រាប់អ្នកដែលចូលរស់នៅថ្មី។
(សារព័ត៌មានThmeythmey ទទួលបានសិទ្ធិដកស្រង់ និងផ្សព្វផ្សាយបន្តពី https://www.realestate.com.kh/km/news/how-can-i-attract-expat-rental-tenants/)
Tag:
អចលនទ្រព្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 វិនាទី
