​ក្នុង​ដំណើរ​លើ​យន្តហោះ American Airlines ពី​បូ​ស្តុ​ន​ទៅ​វ៉ាស៊ីនតោន​ឌី​ស៊ី លោកយាយ Bette Nash ហាក់​មិន​មានការ នឿយហត់​នោះឡើយ ដោយ​គាត់​តែងតែ​ផ្តល់​ស្នាមញញឹម​ដាក់​អ្នកដំណើរ​ជានិច្ច ដូច​អ្វីដែល​គាត់​តែង​ធ្វើ​នា​រយៈពេល​៦​ទសវត្ស​ន៍​កន្លងមកនេះ​។​

 

​នៅ​សហរដ្ឋអាមេរិក អ្នកបើកបរ​យន្តហោះ ត្រូវ​ចូលនិវត្តន៍​ក្នុង​អាយុ​៦៥​ឆ្នាំ ប៉ុន្តែ​មិនមាន​ការដាក់កំហិត​ណាមួយ​លើ​មុខងារ​ជា បាហុនិកា​នោះឡើយ ដូច្នេះ​លោកយាយ Bette Nash អាច​បន្ត​អាជីព​របស់ខ្លួន ហើយ​ទំនងជា​មនុស្ស​ដែលមាន​វ័យ​ចំណាស់​ជាងគេ​ផងដែរ​។​

 

​ក្នុង​បទ​សម្ភាស​ជាមួយ AFP លោកយាយ Bette Nash បាន​រៀបរាប់ថា​៖ «​ខ្ញុំ​ចូល​គេង​រៀងរាល់​ម៉ោង​២​យប់ និង​ក្រោក​យ៉ាង​ទៀងទាត់​»​។ គាត់​មាន​លំ​ដៅ​ដ្ឋា​នៅ Virginia ជាមួយ​កូនប្រុស​តែ​ម្នាក់​គត់​ដែល​ពិការ ហើយ​តែងតែ​រង់ចាំ​វត្តមាន​លោកយាយ​មកពី​ធ្វើការ​ជានិច្ច​។​

 

​លោកយាយ Nash ចូល​បម្រើការ​ជា​បាហុនិកា​តាម​យន្តហោះ​តាំងពី​អាយុ​២១​ឆ្នាំ ខណៈ​លោក Dwingh Eisenhower ជា​ប្រធាន​ក្រុមហ៊ុន Eastern Air Lines​។ នា​អំឡុង​ឆ្នាំ​១៩៩០ គាត់​ក៏​ធ្លាប់​បម្រើការ​រយៈពេល​ខ្លី​នៅ​ក្រុមហ៊ុន​អាកាសចរណ៍ Trump Shuttle របស់លោក​ប្រធានាធិបតី​អាមេរិក​បច្ចុប្បន្ន​ផងដែរ​។​

 

​លោកយាយ Nash នឹង​ប្រារព្ធ​ខួបកំណើត​អាយុ​៨២​ឆ្នាំ​របស់ខ្លួន​នា​ថ្ងៃទី​៣១ ខែធ្នូ​។ តើ​លោកយាយ​នឹង​បម្រើការ​រហូតដល់​អាយុ​៩០​ឆ្នាំ ឬ​យ៉ាងណា​? លោកយាយ​ថា ប្រហែលជា​មិន​ដល់​ឡើយ ប៉ុន្តែ​បច្ចុប្បន្ន​គាត់​ក៏​មិនទាន់មាន​គម្រោង​ចូលនិវត្តន៍​នោះដែរ​៕

 

​