កីឡាអន្តរជាតិ
អន្តរជាតិ
Eboue ធ្លាប់លេងឲ្យ Arsenal ចាប់ពីឆ្នាំ២០០៤ ដល់ឆ្នាំ២០១១។ រូបថត AFP
×![]()
ដោយ: ទេព ពិទូរ្យ
Emmanuel Eboue អតីតខ្សែការពារ Arsenal កំពុងធ្លាក់ខ្លួនវេទនាខ្លាំងដល់ថ្នាក់គ្មានផ្ទះសំបែង រហូតដល់ពេលខ្លះចង់សម្លាប់ខ្លួនទៀត បន្ទាប់ពីរូបគេបានលែងលះ និងចាញ់ក្តីអតីតភរិយាខ្លួន។ នេះបើតាមការរៀបរាប់នៅក្នុងបទសម្ភាសជាមួយកាសែត Sunday Mirror។
«ជារៀងរាល់ថ្ងៃ ខ្ញុំបោកខោអាវដោយខ្លួនឯង។ ដៃរបស់ខ្ញុំពិបាកណាស់។ ខ្ញុំកំពុងធ្វើការនៅកសិដ្ឋានមួយកន្លែង»។ នេះជាការរៀបរាប់របស់ Emmanuel Eboue អាយុ៣៤ឆ្នាំ ទាក់ទងនឹងជីវិតដ៏អាប់អួររបស់ខ្លួន។
អតីតខ្សែការពារជម្រើសជាតិកូឌីវ័ររូបនេះ ធ្លាប់រកលុយបានរាប់លានដុល្លារអាមេរិកកាលពីប្រកបអាជីពជាមួយក្រុមកាំភ្លើងធំ Arsenal ក្នុងក្របខណ្ឌ Premier League ប៉ុន្តែឥឡូវនេះរូបគេគ្នានផ្ទះសំបែង រស់នៅក្នុងផ្ទះរបស់មិត្តភក្តិ បោកខោអាវដោយដៃខ្លួនឯង និងគេចពីប៉ូលិសទៀតផង។
Eboue បានបន្ថែមថា៖«ជួនកាលខ្ញុំបិទភ្លើង ព្រោះខ្ញុំមិនចង់ឲ្យអ្នកដទៃដឹងថាខ្ញុំនៅទីនេះ។ ខ្ញុំនៅផ្ទះតែខ្ញុំភ័យខ្លាចពីព្រោះខ្ញុំមិនដឹងថាតើប៉ូលិសនឹងមកដល់នៅពេលណានោះទេ។ ខ្ញុំបានគិតរឿងកាលពីមុនហើយសួរខ្លួនឯងថា ហេតុអ្វីក៏ខ្ញុំជាមនុស្សឆោតល្ងង់? វាពិបាកណាស់»។
ក្នុងបទសម្ភាសជាមួយ Sunday Mirror អតីតកីឡាករ Eboue បានរៀបរាប់ពីភាពវេទនាក្រោយចាញ់ក្តីលែងលះភរិយាបែលហ្ស៊ិក Aurelie អស់ទាំងទ្រព្យសម្បត្តិពីខ្លួនគ្មានទីពឹង ថែមទាំងមិនបានជួបមុខកូនទាំងពីរ Clara វ័យ១៤ឆ្នាំ និង Maeva វ័យ១២ឆ្នាំ ហើយរហូតឈានដល់ចង់ធ្វើអត្តឃាតទៀតផង។
Eboue ធ្លាប់លេងឲ្យ Arsenal អស់រយៈពេល៧រដូវកាល មុនពេលផ្លាស់ទៅ Galatasaray នៃលីកកំពូលរបស់តួកគីក្នុងឆ្នាំ២០១១។ គេបានត្រឡប់មក Premier League វិញដោយចូលរួមជាមួយ Sunderland ប៉ុន្តែត្រូវ FIFA ពិន័យមិនឲ្យចូលប្រកួតរយៈពេល១២ខែ ព្រោះមានជម្លោះជាមួយអតីតទីប្រឹក្សារបស់ក្លិបរហស្សនាមឆ្មាខ្មៅ។
ក្រោយមក Eboue ក៏ធ្លាក់ខ្លួនឈឺ ហើយត្រូវប្រពន្ធប្តឹងលែងដោយទាមទារទ្រព្យសម្បត្តិទាំងអស់ ព្រមទាំងផ្តាច់ទំនាក់ទំនងរវាងកូនៗជាមួយឪពុកទៀតផង៕
«ជារៀងរាល់ថ្ងៃ ខ្ញុំបោកខោអាវដោយខ្លួនឯង។ ដៃរបស់ខ្ញុំពិបាកណាស់។ ខ្ញុំកំពុងធ្វើការនៅកសិដ្ឋានមួយកន្លែង»។ នេះជាការរៀបរាប់របស់ Emmanuel Eboue អាយុ៣៤ឆ្នាំ ទាក់ទងនឹងជីវិតដ៏អាប់អួររបស់ខ្លួន។
អតីតខ្សែការពារជម្រើសជាតិកូឌីវ័ររូបនេះ ធ្លាប់រកលុយបានរាប់លានដុល្លារអាមេរិកកាលពីប្រកបអាជីពជាមួយក្រុមកាំភ្លើងធំ Arsenal ក្នុងក្របខណ្ឌ Premier League ប៉ុន្តែឥឡូវនេះរូបគេគ្នានផ្ទះសំបែង រស់នៅក្នុងផ្ទះរបស់មិត្តភក្តិ បោកខោអាវដោយដៃខ្លួនឯង និងគេចពីប៉ូលិសទៀតផង។
Eboue បានបន្ថែមថា៖«ជួនកាលខ្ញុំបិទភ្លើង ព្រោះខ្ញុំមិនចង់ឲ្យអ្នកដទៃដឹងថាខ្ញុំនៅទីនេះ។ ខ្ញុំនៅផ្ទះតែខ្ញុំភ័យខ្លាចពីព្រោះខ្ញុំមិនដឹងថាតើប៉ូលិសនឹងមកដល់នៅពេលណានោះទេ។ ខ្ញុំបានគិតរឿងកាលពីមុនហើយសួរខ្លួនឯងថា ហេតុអ្វីក៏ខ្ញុំជាមនុស្សឆោតល្ងង់? វាពិបាកណាស់»។
ក្នុងបទសម្ភាសជាមួយ Sunday Mirror អតីតកីឡាករ Eboue បានរៀបរាប់ពីភាពវេទនាក្រោយចាញ់ក្តីលែងលះភរិយាបែលហ្ស៊ិក Aurelie អស់ទាំងទ្រព្យសម្បត្តិពីខ្លួនគ្មានទីពឹង ថែមទាំងមិនបានជួបមុខកូនទាំងពីរ Clara វ័យ១៤ឆ្នាំ និង Maeva វ័យ១២ឆ្នាំ ហើយរហូតឈានដល់ចង់ធ្វើអត្តឃាតទៀតផង។
Eboue ធ្លាប់លេងឲ្យ Arsenal អស់រយៈពេល៧រដូវកាល មុនពេលផ្លាស់ទៅ Galatasaray នៃលីកកំពូលរបស់តួកគីក្នុងឆ្នាំ២០១១។ គេបានត្រឡប់មក Premier League វិញដោយចូលរួមជាមួយ Sunderland ប៉ុន្តែត្រូវ FIFA ពិន័យមិនឲ្យចូលប្រកួតរយៈពេល១២ខែ ព្រោះមានជម្លោះជាមួយអតីតទីប្រឹក្សារបស់ក្លិបរហស្សនាមឆ្មាខ្មៅ។
ក្រោយមក Eboue ក៏ធ្លាក់ខ្លួនឈឺ ហើយត្រូវប្រពន្ធប្តឹងលែងដោយទាមទារទ្រព្យសម្បត្តិទាំងអស់ ព្រមទាំងផ្តាច់ទំនាក់ទំនងរវាងកូនៗជាមួយឪពុកទៀតផង៕
Tag:
បាល់ទាត់
Emmanuel Eboue
Arsenal
© រក្សាសិទ្ធិដោយ thmeythmey.com
