អន្តរជាតិ
ប្រមុខការទូតរុស្ស៊ី៖ រដ្ឋបាលត្រាំ ចូលចិត្តប្រើកម្លាំង ជាជាងការប្រើនយោបាយការទូត
ប្រមុខការទូតរុស្ស៊ី Sergey Lavrov (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ប្រមុខការទូតរុស្ស៊ី Sergey Lavrov បាននិយាយរិះគន់នយោបាយការបរទេសរបស់អាមេរិកក្រោមរដ្ឋបាលប្រធានាធិបតី ដូណាល់ ត្រាំ ដែលចូលចិត្តប្រើធម៌ក្ដៅដាក់ទណ្ឌកម្មគេឯង ជាជាងការប្រើនយោបាយការទូតដើម្បីដោះស្រាយបញ្ហា។ ប៉ុន្តែនយោបាយរបស់អាមេរិក មិនមែនសុទ្ធតែជោគជ័យទាំងអស់ទេ ហើយថែមទាំងបង្កជាបញ្ហាឲ្យខ្លួនឯងផង និងអន្តរជាតិផង ព្រោះអាមេរិកមិនអាចធ្វើតាមការសន្យារបស់ខ្លួនបាន។
វិបត្តិនុយក្លេអ៊ែរកូរ៉េខាងជើង និងសំណុំរឿងកិច្ចព្រមព្រៀងនុយក្លេអ៊ែរជាមួយអ៊ីរ៉ង់ គឺជាបញ្ហាចន្លោះប្រហោងរបស់អាមេរិក។ នេះបើតាមការមើលឃើញរបស់រដ្ឋមន្ត្រីការបរទេសរុស្ស៊ី Sergey Lavrov ក្នុងកិច្ចសម្ភាសជាមួយសារព័ត៌មាន RT ជុំវិញកិច្ចការពិភពលោកនៅថ្ងៃទី២៥ ខែធ្នូ។ លោក Lavrov បានលើកឡើងពីការផ្លាស់ប្ដូររបៀបវារៈនយោបាយរបស់អាមេរិក ដែលបោះបង់ការចរចា ហើយងាកទៅរកការប្រើប្រាស់កម្លាំងវិញ។
ចំពោះរឿងនុយក្លេអ៊ែរនៅឧបទ្វីបកូរ៉េ ប្រមុខការទូតរុស្ស៊ីចាត់ទុកជាឧទាហរណ៍ជាក់ស្ដែងនៃការផ្លាស់ប្ដូររបស់ក្រុងវ៉ាស៊ីនតោនក្រោមរដ្ឋបាលប្រធានាធិបតី ដូណាល់ ត្រាំ ។ លោក ត្រាំ បានជ្រើសរើសវិធីសាស្ត្រក្ដៅតាមរយៈការដាក់ទណ្ឌកម្ម ជាជាងការចរចា។ កាលពីខែកញ្ញា អាមេរិកចង់ចរចា និងមិនធ្វើសមយុទ្ធឡើងរហូតដល់និទាឃរដូវឆ្នាំ២០១៨ ឯកូរ៉េខាងជើងក៏ស្ងប់ស្ងាត់ដែរ។ រុស្ស៊ីចាត់ទុកសកម្មភាពនេះជារឿងល្អ ដល់ការចរចា។
ប៉ុន្តែក្រោយមក អាមេរិកបែរជាប្រកាសធ្វើសមយុទ្ធជាបន្តបន្ទាប់ទៅវិញ ហើយកូរ៉េខាងជើងក៏ឆ្លើយតបវិញ។ លោក Lavrov យល់ថា នយោបាយមិនច្បាស់លាស់របស់អាមេរិក ពិតជាមិនអាចទាក់ចិត្តកូរ៉េខាងជើងឡើយ តែធ្វើឲ្យការចរចាអសារបង់ទៅវិញ។ ក្រៅពីកូរ៉េខាងជើង មន្ត្រីការទូតរុស្ស៊ីរូបនេះក៏ឆ្លៀតនិយាយដល់នយោបាយរបស់រដ្ឋបាលលោក ត្រាំ ដែលចង់ហែកកិច្ចព្រមព្រៀងនុយក្លេអ៊ែរជាមួយអ៊ីរ៉ង់ ដែលសម្រេចក្នុងឆ្នាំ២០១៥ ។
ហត្ថលេខីទាំងអស់នៃកិច្ចព្រមព្រៀងនេះ មិនសប្បាយចិត្តនឹងជំហររបស់លោក ត្រាំ ឡើយ។ នេះក៏ព្រោះតែពួកគេយល់ថា កិច្ចព្រមព្រៀងនេះជួយកាត់បន្ថយកម្មវិធីនុយក្លេអ៊ែរ និងអាចជាគម្រូសម្រាប់ដោះស្រាយវិបត្តិនុយក្លេអ៊ែរកូរ៉េខាងជើងផង។ លោក Lavrov ជឿថា នយោបាយរបស់លោក ត្រាំ លើកនេះ ត្រូវកូរ៉េខាងជើងចាត់ទុកជាសារបង្ហាញពីការផ្លាស់ប្ដូរនយោបាយការបរទេសពីប្រធានាធិបតីមួយ ទៅប្រធានាធិបតីមួយទៀត។
ជាមួយនឹងការផ្លាស់ប្ដូរនយោបាយមិនបានព្រាងទុករបស់អាមេរិក អ្នការទូតជើងចាស់រុស្ស៊ីរូបនេះអះអាងថា អាមេរិកមានទំនោរប្រើប្រាស់ទណ្ឌកម្ម នៅពេលដែលការចរចាមិនបានជោគជ័យ ដោយសារខ្លួនជាមហាអំណាចលើពិភពលោក ហើយមិនត្រូវការវិធីសាស្ត្រត្រជាក់ដើម្បីដោះស្រាយបញ្ហាឡើយ។ មិនត្រឹមកូរ៉េខាងជើង និងអ៊ីរ៉ង់ លោក Lavrov ក៏រិះគន់នយោបាយអាមេរិកនៅគុយបា និងស៊ីរី ដែលរេរាមិនច្បាស់លាស់ដូចគ្នា៕
វិបត្តិនុយក្លេអ៊ែរកូរ៉េខាងជើង និងសំណុំរឿងកិច្ចព្រមព្រៀងនុយក្លេអ៊ែរជាមួយអ៊ីរ៉ង់ គឺជាបញ្ហាចន្លោះប្រហោងរបស់អាមេរិក។ នេះបើតាមការមើលឃើញរបស់រដ្ឋមន្ត្រីការបរទេសរុស្ស៊ី Sergey Lavrov ក្នុងកិច្ចសម្ភាសជាមួយសារព័ត៌មាន RT ជុំវិញកិច្ចការពិភពលោកនៅថ្ងៃទី២៥ ខែធ្នូ។ លោក Lavrov បានលើកឡើងពីការផ្លាស់ប្ដូររបៀបវារៈនយោបាយរបស់អាមេរិក ដែលបោះបង់ការចរចា ហើយងាកទៅរកការប្រើប្រាស់កម្លាំងវិញ។
ចំពោះរឿងនុយក្លេអ៊ែរនៅឧបទ្វីបកូរ៉េ ប្រមុខការទូតរុស្ស៊ីចាត់ទុកជាឧទាហរណ៍ជាក់ស្ដែងនៃការផ្លាស់ប្ដូររបស់ក្រុងវ៉ាស៊ីនតោនក្រោមរដ្ឋបាលប្រធានាធិបតី ដូណាល់ ត្រាំ ។ លោក ត្រាំ បានជ្រើសរើសវិធីសាស្ត្រក្ដៅតាមរយៈការដាក់ទណ្ឌកម្ម ជាជាងការចរចា។ កាលពីខែកញ្ញា អាមេរិកចង់ចរចា និងមិនធ្វើសមយុទ្ធឡើងរហូតដល់និទាឃរដូវឆ្នាំ២០១៨ ឯកូរ៉េខាងជើងក៏ស្ងប់ស្ងាត់ដែរ។ រុស្ស៊ីចាត់ទុកសកម្មភាពនេះជារឿងល្អ ដល់ការចរចា។
ប៉ុន្តែក្រោយមក អាមេរិកបែរជាប្រកាសធ្វើសមយុទ្ធជាបន្តបន្ទាប់ទៅវិញ ហើយកូរ៉េខាងជើងក៏ឆ្លើយតបវិញ។ លោក Lavrov យល់ថា នយោបាយមិនច្បាស់លាស់របស់អាមេរិក ពិតជាមិនអាចទាក់ចិត្តកូរ៉េខាងជើងឡើយ តែធ្វើឲ្យការចរចាអសារបង់ទៅវិញ។ ក្រៅពីកូរ៉េខាងជើង មន្ត្រីការទូតរុស្ស៊ីរូបនេះក៏ឆ្លៀតនិយាយដល់នយោបាយរបស់រដ្ឋបាលលោក ត្រាំ ដែលចង់ហែកកិច្ចព្រមព្រៀងនុយក្លេអ៊ែរជាមួយអ៊ីរ៉ង់ ដែលសម្រេចក្នុងឆ្នាំ២០១៥ ។
ហត្ថលេខីទាំងអស់នៃកិច្ចព្រមព្រៀងនេះ មិនសប្បាយចិត្តនឹងជំហររបស់លោក ត្រាំ ឡើយ។ នេះក៏ព្រោះតែពួកគេយល់ថា កិច្ចព្រមព្រៀងនេះជួយកាត់បន្ថយកម្មវិធីនុយក្លេអ៊ែរ និងអាចជាគម្រូសម្រាប់ដោះស្រាយវិបត្តិនុយក្លេអ៊ែរកូរ៉េខាងជើងផង។ លោក Lavrov ជឿថា នយោបាយរបស់លោក ត្រាំ លើកនេះ ត្រូវកូរ៉េខាងជើងចាត់ទុកជាសារបង្ហាញពីការផ្លាស់ប្ដូរនយោបាយការបរទេសពីប្រធានាធិបតីមួយ ទៅប្រធានាធិបតីមួយទៀត។
ជាមួយនឹងការផ្លាស់ប្ដូរនយោបាយមិនបានព្រាងទុករបស់អាមេរិក អ្នការទូតជើងចាស់រុស្ស៊ីរូបនេះអះអាងថា អាមេរិកមានទំនោរប្រើប្រាស់ទណ្ឌកម្ម នៅពេលដែលការចរចាមិនបានជោគជ័យ ដោយសារខ្លួនជាមហាអំណាចលើពិភពលោក ហើយមិនត្រូវការវិធីសាស្ត្រត្រជាក់ដើម្បីដោះស្រាយបញ្ហាឡើយ។ មិនត្រឹមកូរ៉េខាងជើង និងអ៊ីរ៉ង់ លោក Lavrov ក៏រិះគន់នយោបាយអាមេរិកនៅគុយបា និងស៊ីរី ដែលរេរាមិនច្បាស់លាស់ដូចគ្នា៕
Tag:
រុស្ស៊ី
អាមេរិក
Sergey Lavrov
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
