អន្តរជាតិ
ប៉ាឡេស្ទីនចង់ឲ្យចិនជំនួសអាមេរិកក្នុងការដោះស្រាយបញ្ហាជាមួយអ៊ីស្រាអែល
លោក Nabil Shaath ទីប្រឹក្សាប្រធានាធិបតីប៉ាឡេស្ទីនទទួលបន្ទុកកិច្ចការបរទេស (រូបភាព៖ AP)
×![]()
ដោយ: តន ចាន់រិទ្ធារ៉ា
ក្រោយប្រធានាធិបតី ដូណាល់ ត្រាំ ប្រកាសប្ដូរទីតាំងស្ថានទូតអាមរិកទៅកាន់ទីក្រុងហ្ស៊េរុយសាឡិមមក អាមេរិកលែងមានទឹកមាត់ប្រៃក្នុងការជួយសម្រុះសម្រួលភាគីជម្លោះប៉ាឡេស្ទីន-អ៊ីស្រាអែលទៀតហើយ។ នេះក៏ដោយសារការសម្រេចចិត្តរបស់អាមេរិកបង្ហាញពីភាពលម្អៀងរបស់ខ្លួនក្នុងការគាំទ្រអ៊ីស្រាអែលយ៉ាងច្បាស់ក្រឡែត។ នៅពេលនេះ ប៉ាឡេស្ទីនទំនងជារកឃើញតួអង្គសម្របសម្រួលថ្មីដែលអាចដោះស្រាយបញ្ហារ៉ាំរ៉ៃនេះបាន ហើយគ្មាននរណាក្រៅពីចិនឡើយ។
មន្ត្រីជាន់ខ្ពស់ប៉ាឡេស្ទីនបានស្នើឲ្យចិនដើរតួជាអ្នកដោះស្រាយជម្លោះប៉ាឡេស្ទីន-អ៊ីស្រាអែល ជំនួសអាមេរិកដែលប្រកាន់ជំហរទៅរកអ៊ីស្រាអែល។ ប៉ាឡេស្ទីនលែងជឿជាក់ និងឈប់ទទួលក្រុងវ៉ាស៊ីនតោនជាសន្ធានការីអព្យាក្រឹត្យដែលជួយសម្រុះសម្រួលការចរចាសន្តិភាពជាមួយអ៊ីស្រាអែលទៀត ព្រោះតែលោក ដូណាល់ ត្រាំ ហ៊ានទទួលស្គាលទីក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលជាឯកតោភាគី បំពានច្បាប់អន្តរជាតិ។
ទីប្រឹក្សាប្រធានាធិបតីប៉ាឡេស្ទីនផ្នែកកិច្ចការអន្តរជាតិលោក Nabil Shaath បានប្រាប់ទូរទស្សន៍ចិន CGTN ថា ចិនសក្តិសមណាស់សម្រាប់សន្ធានការីដោះស្រាយជម្លោះប៉ាឡេស្ទីន-អ៊ីស្រាអែល ហើយទាំងប៉ាឡេស្ទីន ទាំងអ៊ីស្រាអែលសុទ្ធតែមិនអាចបដិសេធតួនាទីដ៏សំខាន់របស់ចិនឡើយ។ លោក Shaath និយាយបែបនេះ បន្ទាប់ពីចូលរួមសន្និសីទស្ដីពីប៉ាឡេស្ទីន និងអ៊ីស្រាអែល ដែលក្រុងប៉េកាំងធ្វើជាម្ចាស់ផ្ទះ។
លោក Shaath អះអាងថា ទស្សនកិច្ចរបស់លោកនៅទីក្រុងប៉េកាំង មានគោលដៅធំដើម្បីអញ្ជើញចិនឲ្យក្លាយជាភាគីមួយនៃយន្តការអន្តជាតិដើម្បីគាំទ្រដំណើការស្វែងរកសន្តិភាពនៅមជ្ឈិមបូព៌ា។ សន្និសីទខាងលើនេះពិតជាសំខាន់ ហើយបង្ហាញថា ចិនអាចដើរតួនាទីជាអ្នកសម្របសម្រួលមិនលម្អៀងក្នុងការដោះស្រាយវិបត្តិនេះ។
លទ្ធភាពដែលចិនអាចអង្គុយកន្លែងអាមេរិកក្នុងនាមជាតួអង្គកណ្ដាល បានកើនឡើងខ្លាំង ខណៈដែលតួនាទីរបស់អាមេរិកលែងមានន័យទៅហើយ។ ប្រធានធិបតីប៉ាឡេស្ទីន Mahmoud Abbas បានប្រកាសជាចំហលែងទទួលស្គាល់អាមេរិកជាតួអង្គអព្យាក្រឹត្យរួចស្រេចហើយ ក្រោយការសម្រេចចិត្តថ្ងៃទី៦ ខែធ្នូ របស់លោក ត្រាំ ។ ខុសពីអាមេរិក ចិនហាក់ប្រកាន់ជំហរកណ្ដាល និងជាពិសេសប្រកាន់ខ្ជាប់ដំណោះស្រាយរដ្ឋពីរ។
ជុំវិញដំណោះស្រាយវិបត្តិនៅមជ្ឈិមបូព៌ា ចិនគាំទ្រការបង្កើតរដ្ឋរបស់ប៉ាឡេស្ទីន ដែលមានទីក្រុងហ្ស៊េរុយសាឡិមខាងកើតជារដ្ឋធានីផ្លូវការរបស់ខ្លួន ស្របតាមខ្សែព្រំដែនឆ្នាំ១៩៦៧ ។ ក្នុងសន្និសីទកាសែតថ្ងៃទី២៦ ខែធ្នូ អ្នកនាំពាក្យក្រសួងការបរទេសចិននិយាយថា បើប៉ាឡេស្ទីនក្លាយជាពេញលក្ខណៈ អ៊ីស្រាអែលក៏មានសន្តិភាពដែរ ហើយបើវិបត្តិប៉ាឡេស្ទីន-អ៊ីស្រាអែលត្រូវបានដោះស្រាយដោយសន្តិវិធី ស្ថានភាពនៅមជ្ឈិមបូព៌ាក៏ប្រសើរឡើងដែរ៕
មន្ត្រីជាន់ខ្ពស់ប៉ាឡេស្ទីនបានស្នើឲ្យចិនដើរតួជាអ្នកដោះស្រាយជម្លោះប៉ាឡេស្ទីន-អ៊ីស្រាអែល ជំនួសអាមេរិកដែលប្រកាន់ជំហរទៅរកអ៊ីស្រាអែល។ ប៉ាឡេស្ទីនលែងជឿជាក់ និងឈប់ទទួលក្រុងវ៉ាស៊ីនតោនជាសន្ធានការីអព្យាក្រឹត្យដែលជួយសម្រុះសម្រួលការចរចាសន្តិភាពជាមួយអ៊ីស្រាអែលទៀត ព្រោះតែលោក ដូណាល់ ត្រាំ ហ៊ានទទួលស្គាលទីក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលជាឯកតោភាគី បំពានច្បាប់អន្តរជាតិ។
ទីប្រឹក្សាប្រធានាធិបតីប៉ាឡេស្ទីនផ្នែកកិច្ចការអន្តរជាតិលោក Nabil Shaath បានប្រាប់ទូរទស្សន៍ចិន CGTN ថា ចិនសក្តិសមណាស់សម្រាប់សន្ធានការីដោះស្រាយជម្លោះប៉ាឡេស្ទីន-អ៊ីស្រាអែល ហើយទាំងប៉ាឡេស្ទីន ទាំងអ៊ីស្រាអែលសុទ្ធតែមិនអាចបដិសេធតួនាទីដ៏សំខាន់របស់ចិនឡើយ។ លោក Shaath និយាយបែបនេះ បន្ទាប់ពីចូលរួមសន្និសីទស្ដីពីប៉ាឡេស្ទីន និងអ៊ីស្រាអែល ដែលក្រុងប៉េកាំងធ្វើជាម្ចាស់ផ្ទះ។
លោក Shaath អះអាងថា ទស្សនកិច្ចរបស់លោកនៅទីក្រុងប៉េកាំង មានគោលដៅធំដើម្បីអញ្ជើញចិនឲ្យក្លាយជាភាគីមួយនៃយន្តការអន្តជាតិដើម្បីគាំទ្រដំណើការស្វែងរកសន្តិភាពនៅមជ្ឈិមបូព៌ា។ សន្និសីទខាងលើនេះពិតជាសំខាន់ ហើយបង្ហាញថា ចិនអាចដើរតួនាទីជាអ្នកសម្របសម្រួលមិនលម្អៀងក្នុងការដោះស្រាយវិបត្តិនេះ។
លទ្ធភាពដែលចិនអាចអង្គុយកន្លែងអាមេរិកក្នុងនាមជាតួអង្គកណ្ដាល បានកើនឡើងខ្លាំង ខណៈដែលតួនាទីរបស់អាមេរិកលែងមានន័យទៅហើយ។ ប្រធានធិបតីប៉ាឡេស្ទីន Mahmoud Abbas បានប្រកាសជាចំហលែងទទួលស្គាល់អាមេរិកជាតួអង្គអព្យាក្រឹត្យរួចស្រេចហើយ ក្រោយការសម្រេចចិត្តថ្ងៃទី៦ ខែធ្នូ របស់លោក ត្រាំ ។ ខុសពីអាមេរិក ចិនហាក់ប្រកាន់ជំហរកណ្ដាល និងជាពិសេសប្រកាន់ខ្ជាប់ដំណោះស្រាយរដ្ឋពីរ។
ជុំវិញដំណោះស្រាយវិបត្តិនៅមជ្ឈិមបូព៌ា ចិនគាំទ្រការបង្កើតរដ្ឋរបស់ប៉ាឡេស្ទីន ដែលមានទីក្រុងហ្ស៊េរុយសាឡិមខាងកើតជារដ្ឋធានីផ្លូវការរបស់ខ្លួន ស្របតាមខ្សែព្រំដែនឆ្នាំ១៩៦៧ ។ ក្នុងសន្និសីទកាសែតថ្ងៃទី២៦ ខែធ្នូ អ្នកនាំពាក្យក្រសួងការបរទេសចិននិយាយថា បើប៉ាឡេស្ទីនក្លាយជាពេញលក្ខណៈ អ៊ីស្រាអែលក៏មានសន្តិភាពដែរ ហើយបើវិបត្តិប៉ាឡេស្ទីន-អ៊ីស្រាអែលត្រូវបានដោះស្រាយដោយសន្តិវិធី ស្ថានភាពនៅមជ្ឈិមបូព៌ាក៏ប្រសើរឡើងដែរ៕
Tag:
ចិន
អាមេរិក
ប៉ាឡេស្ទីន
អ៊ីស្រាអែល
ហ្ស៊េរុយសាឡិម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
