ជាតិ
កម្ពុជានឹងប្រើបច្ចេកវិទ្យារបស់រុស្ស៊ី សម្រាប់ដំណើរការបោះឆ្នោត នៅឆ្នាំ២០២២ និង២០២៣
×![]()
ភ្នំពេញ៖ កម្ពុជា នឹងប្រើប្រាស់បច្ចេកវិទ្យារបស់រុស្ស៊ី សម្រាប់ដំណើការបោះឆ្នោតតាមបែបទំនើប នៅឆ្នាំ២០២២ និង២០២៣ ដើម្បីធានាពីសុវត្ថិភាពនៃការបោះឆ្នោតឲ្យកាន់ប្រសើរឡើងថែមទៀត។ ការលើកឡើងរបស់គណៈកម្មាធិការរៀបចំការបោះឆ្នោតនេះ ធ្វើឡើងក្រោយពីរដ្ឋាភិបាលរុស្ស៊ី សន្យាផ្ដល់ជំនួយបោះឆ្នោតដល់កម្ពុជា។
គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជូនមន្ត្រីជំនាញទៅសិក្សាអំពីបច្ចេកទេសទំនើបនៃការបោះឆ្នោតរបស់រុស្ស៊ី ដើម្បីត្រៀមរៀបចំការបោះឆ្នោតនៅកម្ពុជា ឲ្យកាន់តែមានប្រសិទ្ធភាពខ្ពស់។ អគ្គលេខាធិការរងគ.ជ.ប លោក សោម សូរីដា បាននិយាយថា ការបោះឆ្នោតដោយប្រើបច្ចេកទេសរបស់រុស្ស៊ី នឹងជួយឲ្យដំណើរការបោះឆ្នោតកាន់តែមានភាពងាយស្រួល ដែលធានាសុវត្ថិភាព និងមានអព្យាក្រឹតភាពខ្ពស់ក្នុងការរាប់សន្លឹកឆ្នោត។ លោក សូរីដា បន្ថែមថា បច្ចេកវិទ្យាទំនើបដែលគ្រោងអនុវត្តតាមរុស្ស៊ីនោះ មានដូចជាការរាប់សន្លឹកឆ្នោតតាមប្រព័ន្ធកុំព្យូទ័រ និងការបំពាក់កាមេរ៉ាសុវត្ថិភាពក្នុងបន្ទប់បោះឆ្នោត ដើម្បីធានាមិនឲ្យមានការលួចបន្លំសន្លឹកឆ្នោតជាដើម។
ថ្លែងប្រាប់សារព័ត៌មានថ្មីៗ អគ្គលេខាធិការរងរូបនេះ បាននិយាយថា៖«ការបំពាក់កាមេរ៉ា សុវត្ថិភាពនេះ គឺមិនធ្វើឲ្យប៉ះពាល់ដល់ភាពសម្ងាត់នៃការគូសសន្លឹកឆ្នោតរបស់អ្នកបោះឆ្នោតឡើយ។ សម្រាប់ដំណើរការបោះឆ្នោតតាមប្រព័ន្ធបច្ចេកទេសនេះ រុស្ស៊ីបានប្រកាសថាខ្លួននឹងចូលរួមជួយកម្ពុជា ដូចជាការផ្ដល់នូវសម្ភារ និងការបណ្ដុះបណ្ដាលធនធានមនុស្ស។ ចំពោះការចំណាយទឹកប្រាក់ដើម្បីឲ្យមានដំណើរការបោះឆ្នោតដោយប្រព័ន្ធបច្ចេកទេសនេះ គ.ជ.ប នៅមិនទាន់អាចវាយតម្លៃពីការចំណាយបាននៅឡើយទេ»។
ទាក់ទងនឹងការបោះឆ្នោតនេះដែរ កម្ពុជានឹងរៀបចំការបោះឆ្នោត ជ្រើសរើសសមាជិកព្រឹទ្ធសភា នៅថ្ងៃទី២៥ កុម្ភៈ ឆ្នាំ២០១៨ និងការបោះឆ្នោតជ្រើសរើសតំណាងរាស្ត្រ នៅថ្ងៃទី២៩ កក្កដា ឆ្នាំ២០១៨។ សម្រាប់ដំណើការបោះឆ្នោតនេះ រដ្ឋាភិបាលចិន បានផ្ដល់ជំនួយជាសម្ភារៈ៣០មុខហើយ ដល់គណៈកម្មាធិការរៀបចំការបោះឆ្នោត ខណៈភាគីជប៉ុនគ្រោងផ្ដល់ថវិកាជាង៧លានដុល្លារអាមេរិក។ ជំនួយរបស់រដ្ឋាភិបាលចិន និងជប៉ុននេះ ធ្វើឡើងក្រោយពីសហភាពអឺរ៉ុប និងអាមេរិក សម្រេចព្យួរជំនួយដល់គ.ជ.ប ដោយសារបញ្ហានយោបាយនៅកម្ពុជា។តែយ៉ាងណា រដ្ឋាភិបាលបានត្រៀមកញ្ចប់ថវិកាជាង៥០លានដុល្លារសម្រាប់ដំណើការបោះឆ្នោតនេះ។ នេះបើតាម គ.ជ.ប៕
គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជូនមន្ត្រីជំនាញទៅសិក្សាអំពីបច្ចេកទេសទំនើបនៃការបោះឆ្នោតរបស់រុស្ស៊ី ដើម្បីត្រៀមរៀបចំការបោះឆ្នោតនៅកម្ពុជា ឲ្យកាន់តែមានប្រសិទ្ធភាពខ្ពស់។ អគ្គលេខាធិការរងគ.ជ.ប លោក សោម សូរីដា បាននិយាយថា ការបោះឆ្នោតដោយប្រើបច្ចេកទេសរបស់រុស្ស៊ី នឹងជួយឲ្យដំណើរការបោះឆ្នោតកាន់តែមានភាពងាយស្រួល ដែលធានាសុវត្ថិភាព និងមានអព្យាក្រឹតភាពខ្ពស់ក្នុងការរាប់សន្លឹកឆ្នោត។ លោក សូរីដា បន្ថែមថា បច្ចេកវិទ្យាទំនើបដែលគ្រោងអនុវត្តតាមរុស្ស៊ីនោះ មានដូចជាការរាប់សន្លឹកឆ្នោតតាមប្រព័ន្ធកុំព្យូទ័រ និងការបំពាក់កាមេរ៉ាសុវត្ថិភាពក្នុងបន្ទប់បោះឆ្នោត ដើម្បីធានាមិនឲ្យមានការលួចបន្លំសន្លឹកឆ្នោតជាដើម។
ថ្លែងប្រាប់សារព័ត៌មានថ្មីៗ អគ្គលេខាធិការរងរូបនេះ បាននិយាយថា៖«ការបំពាក់កាមេរ៉ា សុវត្ថិភាពនេះ គឺមិនធ្វើឲ្យប៉ះពាល់ដល់ភាពសម្ងាត់នៃការគូសសន្លឹកឆ្នោតរបស់អ្នកបោះឆ្នោតឡើយ។ សម្រាប់ដំណើរការបោះឆ្នោតតាមប្រព័ន្ធបច្ចេកទេសនេះ រុស្ស៊ីបានប្រកាសថាខ្លួននឹងចូលរួមជួយកម្ពុជា ដូចជាការផ្ដល់នូវសម្ភារ និងការបណ្ដុះបណ្ដាលធនធានមនុស្ស។ ចំពោះការចំណាយទឹកប្រាក់ដើម្បីឲ្យមានដំណើរការបោះឆ្នោតដោយប្រព័ន្ធបច្ចេកទេសនេះ គ.ជ.ប នៅមិនទាន់អាចវាយតម្លៃពីការចំណាយបាននៅឡើយទេ»។
ទាក់ទងនឹងការបោះឆ្នោតនេះដែរ កម្ពុជានឹងរៀបចំការបោះឆ្នោត ជ្រើសរើសសមាជិកព្រឹទ្ធសភា នៅថ្ងៃទី២៥ កុម្ភៈ ឆ្នាំ២០១៨ និងការបោះឆ្នោតជ្រើសរើសតំណាងរាស្ត្រ នៅថ្ងៃទី២៩ កក្កដា ឆ្នាំ២០១៨។ សម្រាប់ដំណើការបោះឆ្នោតនេះ រដ្ឋាភិបាលចិន បានផ្ដល់ជំនួយជាសម្ភារៈ៣០មុខហើយ ដល់គណៈកម្មាធិការរៀបចំការបោះឆ្នោត ខណៈភាគីជប៉ុនគ្រោងផ្ដល់ថវិកាជាង៧លានដុល្លារអាមេរិក។ ជំនួយរបស់រដ្ឋាភិបាលចិន និងជប៉ុននេះ ធ្វើឡើងក្រោយពីសហភាពអឺរ៉ុប និងអាមេរិក សម្រេចព្យួរជំនួយដល់គ.ជ.ប ដោយសារបញ្ហានយោបាយនៅកម្ពុជា។តែយ៉ាងណា រដ្ឋាភិបាលបានត្រៀមកញ្ចប់ថវិកាជាង៥០លានដុល្លារសម្រាប់ដំណើការបោះឆ្នោតនេះ។ នេះបើតាម គ.ជ.ប៕
Tag:
បោះឆ្នោត
គជប
រុស្ស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 12 ម៉ោង
