ពីនេះ ពីនោះ
ព័ត៍មានសុខភាព
ផ្លែទទឹមអាចបំបាត់ផលវិបាកនៃភាពចាស់របស់មនុស្សបាន
× យោងទៅតាមសេចក្តីរាយការណ៍ពី The Daily Telegraph បានឲ្យដឹងថា ផ្លែទទឹមអាចបន្ថយដំណើរការណ៍នៃភាពចាស់បានតាមរយៈ ជម្រុញដល់កោសិកាបង្កើនឡើងវិញ និងជួសជុលខ្លួនឯង។ ប៉ុន្តែមុនពេលអ្នកសម្រេចចិត្តទិញផ្លែឈើមួយនេះស្តុកទុកនោះ ចូរចាំថា ការសិក្សានេះគឺធ្វើទៅលើព្រូន និងកណ្តុរទេ។
សារធាតុមួយដែលមានឈ្មោះថា Urolithins ត្រូវបានផលិតចេញពីបាក់តេរីក្នុងពោះវៀននៅពេលធ្វើការរំលាយអាហារដូចជា ផ្លែទទឹម គ្រាប់ធញ្ញជាតិ និងបឺរី។ អ្នកស្រាវជ្រាវបានរកឃើញថា ផ្លែឈើមួយក្នុងចំណោមអាហារទាំងនេះអាចផលិត Urolithin A ដែលអាចបង្កើនការរស់នៅរបស់ព្រូនមូលបានពាក់កណ្តាល។ វាក៏ជួយពង្រឹងដល់មុខងារសាច់ដុំក្នុងសត្វកណ្តុរផងដែរ។
Urolithin A ហាក់បីដូចជាជួយពង្រឹងដល់ភាពចាស់របស់សាច់ដុំតាមរយៈការជះឥទ្ធិពលទៅលើ Mitochondria របស់កោសិកា។ សមាសធាតុជីវសាស្ត្រមួយនេះច្រើនតែត្រូវបានគេចាត់ទុកថាជាថ្មពិលរបស់កោសិកា ដោយសារតែវាជាផ្នែកមួយនៃកោសិកាសម្រាប់បំលែងអាហារទៅជាថាមពល។ ក្នុងពេលអាយុកាន់តែច្រើន វានឹងមានការថយចុះនូវមុខងាររបស់ Mitochondria។ ការស្រាវជ្រាវបានឲ្យដឹងថា Urolithin A ធ្វើឲ្យកោសិកាអាចយកឈ្នះការខូចខាតរបស់ Mitochondria ហើយក៏បង្កើនផលិតផលជា Mitochondria ល្អៗដើម្បីជំនួសទៅវិញ។
មិនខ្វល់ថាលទ្ធផលស្រដៀងគ្នានេះនឹងកើតឡើងលើមនុស្សឬអត់ឡើង តែការសិក្សានេះកំពុងតែស្ថិតក្នុងការរំពឹងទុកខ្លាំងណាស់ហើយ។ មនុស្សចាស់អាចនឹងមានភាពរឹងមាំលើសាច់ដុំ ព្រមទាំងបេះដូងនិងសួតដែរនោះតាមរយៈការហាត់ប្រាណទៀងទាត់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com