ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
CAM-ASEAN រៀបចំកម្មវិធីប្រកួតប្រជែងវគ្គផ្តាច់ព្រ័ត្រ «ASEAN Knowledge Line Contest» ដើម្បីវាស់ចំណេះយុវជនពីអាស៊ាន
31, Dec 2017 ,
8:13 pm
រូបភាព
×
ដោយ:
ភ្នំពេញ៖ វិទ្យាស្ថានអន្តរជាតិកម្ពុជាអាស៊ាន(Cam Asean) បានរៀបចំការប្រកួតប្រជែងវគ្គផ្តាច់ព្រ័ត្រធំប្រចាំឆ្នាំ២០១៧ ស្តីពី« ASEAN Knowledge Line Contest » ។ នេះជាលើកទី៣ ដែលសាលា CAM-ASEAN បានរៀបចំកម្មវិធី«ASEAN KNOWLEDGE LINE Contest»នេះ ។ កម្មវិធីប្រកួតប្រជែងវគ្គផ្តាច់ព្រ័ត្រធំនេះបានប្រព្រឹត្តទៅកាលពីព្រឹកថ្ងៃទី៣០ ខែធ្នូ នៅសាកលវិទ្យាល័យពុទ្ធិសាស្ត្រ។
លោក ស៊ាង សុបញ្ញា អគ្គនាយវិទ្យាស្ថានអន្តរជាតិកម្ពុជាអាស៊ាន(Cam Asean)ថ្លែងថា នេះជាលើកទី៣ ដែលសាលា CAM-ASEAN បានរៀបចំកម្មវិធី«ASEAN KNOWLEDGE LINE Contest»។ លោកថ្លែងបន្តថា កម្មវិធីនេះរៀបចំឡើង ដើម្បីផ្តល់ចំណេះដឹងបន្ថែម ដល់យុវជនពីបច្ចុប្បន្នភាពនៃអាស៊ាន និងការវិវឌ្ឍនៃសហគមន៍អាស៊ាន ហើយក៏ជំរុញឲ្យបេក្ខជនស្រាវជ្រាវ សរសេរ និងជជែកវែកញែកបន្ថែមទៀត អំពីសហគមន៍អាស៊ាន។ តាមរយៈការប្រកួតនេះ លោក ស៊ាង សុបញ្ញា សង្កេតឃើញថា យុវជនកម្ពុជាសុទ្ធសឹងតែមានសមត្ថភាព យល់ដឹងបានស៊ីជម្រៅ ជុំវិញប្រធានបទដែលផ្តោតទៅលើអាស៊ាន។
លោក យ៉ាន ឧត្តម ប្រធានមជ្ឈមណ្ឌលសិក្សាអាស៊ាន នៃវិទ្យាស្ថាន CAM-ASEAN បានលើកឡើងថា មុននឹងមកដល់វគ្គផ្តាច់ព្រ័ត្រនេះ បេក្ខជនបានឆ្លងកាត់បួនដំណាក់កាល។ លោក រៀបរាប់ថា ទី១ បេក្ខជនបានវបំពេញពាក្យចូលរួមប្រកួត, ទី២ បេក្ខជនបានចូលរួមសិក្ខាសាលាធំស្តីពី«សហគមន៍អាស៊ាន» ដែលមានការចែករំលែកវាគ្មិនពីក្រសួងការបរទេស ក្រសួងអប់រំ ក្រសួងពាណិជ្ជកម្ម តំណាងស្ថានទូត និងសាកលវិទ្យាល័យ ដើម្បីចែករំលែកចំណេះដឹងពីអាស៊ាន, ទី៣ បេក្ខជនបានដាក់ពាក្យ ហើយនៅក្នុងដំណាក់នេះដែរ សាលាបានជម្រុះបេក្ខជនទុកត្រឹមតែ៤០នាក់ ដើម្បីធ្វើបទបង្ហាញ ដល់គណៈកម្មការ ហើយបន្ទាប់មកសាលាជ្រើសរើសយកត្រឹមតែ១០នាក់ប៉ុណ្ណោះ ដើម្បីបន្តទៅដល់ដំណាក់កាលទី៤, ហើយទី៤ ជាដំណាក់កាលធ្វើបទបង្ហាញខ្លីផង និងជជែកវែកញែកដេញដោលផង។
បេក្ខជន៤០នាក់ ដែលបានដាក់ពាក្យប្រកួតកម្មវិធី « ASEAN Knowledge Line Contest » ត្រូវបានជម្រុះជាបន្តបន្ទាប់ ហើយមានបេក្ខជនត្រឹម១០នាក់ប៉ុណ្ណោះ ដែលបានចូលរួមប្រកួតក្នុងវគ្គផ្តាច់ព្រ័ត្រ។ ក្រោយពីប្រកួតយ៉ាងស្វិតស្វាញមានរួចមក និស្សិត ហ៊ីម រស្មី មកពីវិទ្យាស្ថានភាសាបរទេសបានជ័យលាភីលេខ១ និស្សិត សុទ្ធី ពិសិទ្ធ មកពីវិទ្យាស្ថានភាសាបរទេសបានជ័យលាភីលេខ២ និងនិស្សិត គន្ធី វិរៈ មកពីសាកលវិទ្យាល័យហ្សាម៉ាន់ បានជ័យលាភីលេខ៣។ បេក្ខជនជ័យលាភីទាំងបីរូបនេះ ទទួលបានពាន់រង្វាន់មួយ មេដាយមួយ ទស្សនកិច្ចសិក្សារយៈពេលខ្លីទៅប្រទេសសិង្ហបុរី និងម៉ាឡេស៊ី ប្រាក់លើកទឹកចិត្ត អាហារូបករណ៍រយៈមួយឆ្នាំ នៅCAM-ASEAN និងរង្វាន់ជាច្រើនទៀត។
គួរបញ្ជាក់ផងដែរថាមជ្ឍមណ្ឌលសិក្សាពីអាស៊ាន នៃវិទ្យាស្ថានអន្តរជាតិកម្ពុជា-អាស៊ាន(CAM-ASEAN) បានរៀបចំកម្មវិធីជាច្រើន។ នេះជាលើកទី៣ ដែលសាលា CAM-ASEAN បានរៀបចំកម្មវិធី«ASEAN KNOWLEDGE LINE Contest»នេះ ពោលគឺតាំងពីឆ្នាំ២០១៥មក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ASEAN Knowledge Line Contest
CAM-ASEAN
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
3 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
5 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
3 ថ្ងៃ
តើពាក្យងារជា «សម្តេច» មានន័យដូចម្តេច?
7 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
3 ថ្ងៃ
អត្ថបទពេញនិយមបន្ថែម