ពីនេះ ពីនោះ
ព័ត៍មានសុខភាព
ការសិក្សា៖ ទុកឲ្យកូនយំនឹងពង្រឹងដល់ការគេងរបស់គេ
× យោងទៅតាមសេចក្តីរាយការណ៍របស់សារព័ត៌មាន Daily Mail បានឲ្យដឹងថា ទារកដែលគេងបានយ៉ាងល្អលុះត្រាតែទុកឲ្យគេយំ។ ការសិក្សាដ៏តូចមួយនេះបានឲ្យដឹងថា ការដែលបណ្តោយទារកយំនឹងបង្កើនរយៈពេលនៃការគេងរបស់ពួកគេ ហើយក៏បន្ថយការភ្ញាក់ច្រើនដងនៅពេលយប់ផងដែរ។ ការគ្រប់គ្រងការយំរបស់ទារកមានការរងចាំរយៈពេលមួយខណៈពេលដែលកូនកំពុងតែយំ ដោយមិនមានការលើកគេឡើងនោះទេ។
ការសិក្សាបានធ្វើការប្រៀបធៀបវិធីសាស្ត្រមួយនេះជាមួយនឹងវិធីសាស្ត្រអប់រំនៃការគេងបែបស្តង់ដែរ ដោយផ្អែកទៅលើទម្លាប់ម៉ោងគេងបែបស្តង់ដារមួយ ព្រមទាំងវិធីសាស្ត្រផ្សេងមួយទៀត ដោយឲ្យគេយំជាប់។
លទ្ធផលនៃការសិក្សានេះបានឲ្យដឹងថា វិធីសាស្ត្រទាំងពីមានប្រសិទ្ធភាពជាងវិធីសាស្ត្រអប់រំការគេងតែមួយដែលជាការគ្រប់គ្រងកូនឲ្យគេងតែមួយគត់។រឿងនេះមិនមែនមានន័យថា នឹងបង្កើនភាពស្ត្រេសដល់ទារក ឬប៉ះពាល់ដល់ការសាងចំណងទំនាក់ទំនងរវាងម្តាយនឹងកូនឡើយ។
អ្វីដែលជាបញ្ហាលើការសិក្សានេះគឺថា វាមានទំហំតូច ដោយមានទារកចូលរួមតែ ១៤ ទៅ១៥នាក់ប៉ុណ្ណោះ។ វាក៏ជារឿងមួយដែលមិនគ្រប់គ្រាន់ដែរក្នុងការប្រើលើជីវិតពិតប្រាកដរបស់មនុស្សគ្រប់គ្នាដែលមានកូនតូច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com