វិទ្យាសាស្រ្ត និង បច្ចេកវិទ្យា
អន្តរជាតិ
×![]()
ដោយ: ធីតា
ដោយសារតែមានភាពមិនប្រក្រតីមួយចំនួនបានកើតឡើងកាលពីអំឡុងឆ្នាំ២០១៧ បណ្តាញសង្គមវីដេអូ YouTube បានកំណត់លក្ខខណ្ឌថ្មី និងតឹងរឹងបន្ថែមទៀត សម្រាប់អ្នកដែលត្រូវបានទទួលចំណូល (Monetization) ពីកម្មវិធី YouTube Partner Program (YPP)។
ចាប់ពីថ្ងៃទី២០ ខែកុម្ភៈ តទៅ គណនីដែលអាចរកលុយបានពី YouTube ទាល់តែមានចំនួន Subscriber យ៉ាងតិចបំផុត១០០០ និងការទស្សនាយ៉ាងហោច ៤០០០ម៉ោង នាអំឡុងរយៈពេល១២ខែ ខណៈគោលការណ៍បច្ចុប្បន្ន តម្រូវឲ្យមានចំនួនទស្សនាសរុប ១០ម៉ឺនដង។
លោក Neal Mohan ប្រធានផ្នែកផលិតកម្ម និងលោក Robert Kyncl ប្រធានផ្នែកអាជីវកម្មរបស់ YouTube បានសរសេររួមគ្នានៅលើប្លក់របស់ YouTube ថា គោលការណ៍របស់ YouTube ចាប់ពីឆ្នាំ២០១៨នេះ គឺដើម្បីការពារអ្នកផលិតវីដេអូថ្មីៗ និងមានប្រយោជន៍ ហើយមិនប៉ះពាល់ដល់អារម្មណ៍មនុស្សទូទៅ។
ចំពោះគណនីចាស់ YouTube នឹងវាយតម្លៃក្រោមលក្ខខណ្ឌដ៏តឹងរឹងបំផុត នៅពេលដែលពួកគេទទួលបាន Subscriber ចំនួន១០០០ និងការទស្សនា៤០០០ម៉ោងក្នុងរយៈពេល១ឆ្នាំ មុននឹងសម្រេចឲ្យពួកគេទទួលបានចំណូលពីការផ្សាយពាណិជ្ជកម្ម។ រីឯគណនីថ្មី ត្រូវឆ្លងកាត់ដំណាក់ស្នើសុំ។
ជាមួយគ្នានេះ ថ្នាក់ដឹកនាំជាន់ខ្ពស់ YouTube បន្តរំលឹកដល់ម្ចាស់គណនីគោរពឲ្យបានតាមលក្ខខណ្ឌនានា ដូចជា YouTube’s Community Guidelines, Monetization Basics & Policies, Terms of Service និងកម្មវិធី Google AdSense។ អ្នកដែលរំលោភលក្ខខណ្ឌ ប្រឈមនឹងការលុបចេញ៕
Tag:
បណ្តាញសង្គម
YouTube
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
