អន្តរជាតិ
រូបភាព៖ EPA
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានចេញបញ្ជាឲ្យកម្លាំងប្រដាប់អាវុធទាំងអស់បាញ់សម្លាប់លោក បើលោកហ៊ានបំពានរដ្ឋធម្មនុញ្ញបច្ចុប្បន្ន ហើយក្លាយជាជនផ្ដាច់ការនោះ។ បញ្ជារបស់លោក ឌូទើតេ ធ្វើឡើង ខណៈដែលសម្ព័ន្ធមិត្តរបស់លោកនៅស្ថាប័ននីតិបញ្ញត្តិកំពុងរិះរកផ្លូវកែប្រែរដ្ឋធម្មនុញ្ញ ដើម្បីប្ដូរប្រព័ន្ធដឹកនាំរដ្ឋាភិបាល ហើយការពង្រីកអាណត្តិប្រធានាធិបតី៦ឆ្នាំក៏ស្ថិតក្នុងគម្រោងកែប្រែនេះដែរ។
ធ្លាប់តែទទួលបញ្ជាឲ្យសម្លាប់ឧក្រិដ្ឋជនគ្រឿងញៀន ឬភេរវករ ពេលនេះប៉ូលិស និងទាហានហ្វីលីពីនស្រាប់តែទទួលបញ្ជាឲ្យសម្លាប់ប្រធានាធិបតីវិញម្ដង។ លោក រ៉ូឌ្រីហ្គោ ឌូទើតេ នៅថ្ងៃទី២២ ខែមករា បានចេញបញ្ជាដាច់ណាត់មួយទៅកាន់កងកម្លាំងទាំងអស់ឲ្យបាញ់សម្លាប់លោកភ្លាម បើលោកក្លាយជាមេដឹកនាំផ្ដាច់ការ ហើយបន្តកាន់តំណែងហួសអាណត្តិរយៈពេល៦ឆ្នាំដែលកំណត់ដោយរដ្ឋធម្មនុញ្ញនោះ។
លោក ឌូទើតេ ចេញបញ្ជាបែបនេះ ស្របពេលដែលក្រុមអ្នកគាំទ្ររបស់លោកនៅសភាបើកការពិភាក្សាលើវិសោធនកម្មរដ្ឋធម្មនុញ្ញឆ្នាំ១៩៨៧ ដើម្បីប្ដូរទៅអនុវត្តប្រព័ន្ធដឹកនាំរដ្ឋាភិបាលថ្មីបែបសហព័ន្ធនិយម។ វិសោធនកម្មលើកនេះ នឹងអនុញ្ញាតឲ្យលោក ឌូទើតេ អាចកាន់តំណែងប្រធានាធិបតីបន្តទៀត ទោះជាអាណត្តិរបស់លោកត្រូវចប់នៅត្រឹមឆ្នាំ២០២២ ក្ដី។ នៅហ្វីលីពីន ប្រធានាធិបតីមានអាណត្តិតែ៦ឆ្នាំ ហើយមិនអាចបន្តទៀតឡើយ។
«ប្រសិនបើខ្ញុំកាន់អំណាចហួសអាណត្តិ ហើយចង់ក្លាយជាជនផ្ដាច់ការ បាញ់ខ្ញុំទៅ។ ខ្ញុំមិននិយាយកំប្លែងឡើយ»។ នេះជាបញ្ជារបស់មេដឹកនាំដែលមានរហស្សនាមមាត់អត់គម្រប ដែលផ្សាយដោយសារព័ត៌មាន Rappler ។ ចំពោះមុខទាហានហ្វីលីពីនក្នុងបន្ទាយទាហានមួយកន្លែង លោក ឌូទើតេ បានប្រាប់ពួកគេថា កាត្វកិច្ចរបស់ទាហាន គឺការពាររដ្ឋធម្មនុញ្ញ និងមិនអនុញ្ញាតឲ្យនរណាម្នាក់រញ៉េរញ៉ៃបានឡើយ។
តាមពិតទៅ ការកែប្រែរដ្ឋធម្មនុញ្ញដើម្បីបើកផ្លូវដល់ការអនុវត្តរបបសហព័ន្ធនិយម គឺជាការសន្យារបស់លោក ឌូទើតេ ផ្ទាល់ តាំងពីពេលឃោសនាមកម្ល៉េះ ប៉ុន្តែលោកមិនដែលនិយាយដល់រឿងបន្តអាណត្តិប្រធានាធិបតីឡើយ។ បើតាមលោក ឌូទើតេ ការផ្លាស់ប្ដូរប្រព័ន្ធដឹកនាំរដ្ឋាភិបាល មានគោលដៅកាត់បន្ថយអំណាចប្រមូលផ្ដុំនៅរដ្ឋធានីម៉ានីល និងពង្រីកអំណាចរបស់រដ្ឋបាលថ្នាក់ក្រោមឲ្យមានសមភាពទាំងការងាររដ្ឋបាល និងហិរញ្ញវត្ថុ។
យ៉ាងណាមិញ គម្រោងកែរដ្ឋធម្មនុញ្ញនេះក៏រងការរិះគន់ខ្លាំងដែរ។ ក្រុមអ្នករិះគន់ចាត់ទុកផែនការនេះជាការបន្តអំណាចរបស់ក្រុមសមាជិកសភា ឬក៏ជាការបើកផ្លូវរបស់ក្រុមអ្នកសិទ្ធលោក ឌូទើតេ ដើម្បីឲ្យប្រធានាធិបតីមានប្រជាប្រិយភាពរូបនេះ អាចកាន់តំណែងយូរជាងការកំណត់របស់រដ្ឋធម្មនុញ្ញបច្ចុប្បន្ន។ ប៉ុន្តែលោក ឌូទើតេ ហាក់គ្មានបំណងអង្គុយកៅអីប្រធានាធិបតីយូរឡើយ ហើយថែមទាំងធ្លាប់និយាយថា លោកអាចលាលែងមុនអាណត្តិទៀតផង៕
ធ្លាប់តែទទួលបញ្ជាឲ្យសម្លាប់ឧក្រិដ្ឋជនគ្រឿងញៀន ឬភេរវករ ពេលនេះប៉ូលិស និងទាហានហ្វីលីពីនស្រាប់តែទទួលបញ្ជាឲ្យសម្លាប់ប្រធានាធិបតីវិញម្ដង។ លោក រ៉ូឌ្រីហ្គោ ឌូទើតេ នៅថ្ងៃទី២២ ខែមករា បានចេញបញ្ជាដាច់ណាត់មួយទៅកាន់កងកម្លាំងទាំងអស់ឲ្យបាញ់សម្លាប់លោកភ្លាម បើលោកក្លាយជាមេដឹកនាំផ្ដាច់ការ ហើយបន្តកាន់តំណែងហួសអាណត្តិរយៈពេល៦ឆ្នាំដែលកំណត់ដោយរដ្ឋធម្មនុញ្ញនោះ។
លោក ឌូទើតេ ចេញបញ្ជាបែបនេះ ស្របពេលដែលក្រុមអ្នកគាំទ្ររបស់លោកនៅសភាបើកការពិភាក្សាលើវិសោធនកម្មរដ្ឋធម្មនុញ្ញឆ្នាំ១៩៨៧ ដើម្បីប្ដូរទៅអនុវត្តប្រព័ន្ធដឹកនាំរដ្ឋាភិបាលថ្មីបែបសហព័ន្ធនិយម។ វិសោធនកម្មលើកនេះ នឹងអនុញ្ញាតឲ្យលោក ឌូទើតេ អាចកាន់តំណែងប្រធានាធិបតីបន្តទៀត ទោះជាអាណត្តិរបស់លោកត្រូវចប់នៅត្រឹមឆ្នាំ២០២២ ក្ដី។ នៅហ្វីលីពីន ប្រធានាធិបតីមានអាណត្តិតែ៦ឆ្នាំ ហើយមិនអាចបន្តទៀតឡើយ។
«ប្រសិនបើខ្ញុំកាន់អំណាចហួសអាណត្តិ ហើយចង់ក្លាយជាជនផ្ដាច់ការ បាញ់ខ្ញុំទៅ។ ខ្ញុំមិននិយាយកំប្លែងឡើយ»។ នេះជាបញ្ជារបស់មេដឹកនាំដែលមានរហស្សនាមមាត់អត់គម្រប ដែលផ្សាយដោយសារព័ត៌មាន Rappler ។ ចំពោះមុខទាហានហ្វីលីពីនក្នុងបន្ទាយទាហានមួយកន្លែង លោក ឌូទើតេ បានប្រាប់ពួកគេថា កាត្វកិច្ចរបស់ទាហាន គឺការពាររដ្ឋធម្មនុញ្ញ និងមិនអនុញ្ញាតឲ្យនរណាម្នាក់រញ៉េរញ៉ៃបានឡើយ។
តាមពិតទៅ ការកែប្រែរដ្ឋធម្មនុញ្ញដើម្បីបើកផ្លូវដល់ការអនុវត្តរបបសហព័ន្ធនិយម គឺជាការសន្យារបស់លោក ឌូទើតេ ផ្ទាល់ តាំងពីពេលឃោសនាមកម្ល៉េះ ប៉ុន្តែលោកមិនដែលនិយាយដល់រឿងបន្តអាណត្តិប្រធានាធិបតីឡើយ។ បើតាមលោក ឌូទើតេ ការផ្លាស់ប្ដូរប្រព័ន្ធដឹកនាំរដ្ឋាភិបាល មានគោលដៅកាត់បន្ថយអំណាចប្រមូលផ្ដុំនៅរដ្ឋធានីម៉ានីល និងពង្រីកអំណាចរបស់រដ្ឋបាលថ្នាក់ក្រោមឲ្យមានសមភាពទាំងការងាររដ្ឋបាល និងហិរញ្ញវត្ថុ។
យ៉ាងណាមិញ គម្រោងកែរដ្ឋធម្មនុញ្ញនេះក៏រងការរិះគន់ខ្លាំងដែរ។ ក្រុមអ្នករិះគន់ចាត់ទុកផែនការនេះជាការបន្តអំណាចរបស់ក្រុមសមាជិកសភា ឬក៏ជាការបើកផ្លូវរបស់ក្រុមអ្នកសិទ្ធលោក ឌូទើតេ ដើម្បីឲ្យប្រធានាធិបតីមានប្រជាប្រិយភាពរូបនេះ អាចកាន់តំណែងយូរជាងការកំណត់របស់រដ្ឋធម្មនុញ្ញបច្ចុប្បន្ន។ ប៉ុន្តែលោក ឌូទើតេ ហាក់គ្មានបំណងអង្គុយកៅអីប្រធានាធិបតីយូរឡើយ ហើយថែមទាំងធ្លាប់និយាយថា លោកអាចលាលែងមុនអាណត្តិទៀតផង៕
Tag:
ហ្វីលីពីន
រ៉ូឌ្រីហ្គោ ឌូទើតេ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
