កីឡាអន្តរជាតិ
អន្តរជាតិ
លោក Armfield វីរបុរសជម្រើសជាតិអង់គ្លេស និងក្លិប Blackpool ស្លាប់ក្នុងអាយុ៨២ឆ្នាំ
× លោក Jimmy Armfield អតីតខ្សែការពារក្រុមជម្រើសជាតិអង់គ្លេស និងជាវីរបុរសក្លិប Blackpool បានទទួលមរណភាពក្នុងអាយុ៨២ឆ្នាំ ក្រោយការញាំញីដោយជំងឺមហារីក ចាប់តាំងពីឆ្នាំ២០១៦មក។
លោក Armfield ត្រូវបានចាត់ទុកជាវីរបុរសជាតិម្នាក់ បើទោះបីជាលោកបានខកខានលើកពាន FIFA World Cup ឆ្នាំ១៩៦៦ ដោយសារបញ្ហារបួសក៏ដោយ។ ចន្លោះពីឆ្នាំ១៩៥៤ ដល់ឆ្នាំ១៩៦៦ លោកបានលេងឲ្យជម្រើសជាតិអង់គ្លេសចំនួន៤៣លើក និងធ្វើជាប្រធានក្រុម១៥លើក។
ក្នុងក្លិបអាជីព លោកបានបង្ហាញខ្លួនជាកំណត់ត្រារហូតដល់ទៅ៦២៧លើកចន្លោះពីឆ្នាំ១៩៥៤ ដល់ឆ្នាំ១៩៧១ សម្រាប់ Blackpool តែមួយគត់។ សម្រាប់តួនាទីជាគ្រូបង្វឹក លោក Armfield នាំ Bolton Wanderers ឈ្នះពានក្របខណ្ឌលំដាប់ទីបី នារដូវកាលឆ្នាំ១៩៧២-៧៣ និងនាំឲ្យ Leeds United ឈានដល់វគ្គផ្តាច់ព្រ័ត្រ European Cup នៅឆ្នាំ១៩៧៤-៧៥ ។
លោកក៏ធ្លាប់ធ្វើជាអ្នកវិភាគបាល់ទាត់ប្រចាំ BBC Radio Five Live ផងដែរ។
© រក្សាសិទ្ធិដោយ thmeythmey.com