អន្តរជាតិ
រដ្ឋមន្ត្រីការពារជាតិរុស្ស៊ីថា រដ្ឋអាស៊ានខ្លះចង់ទិញខែលការពារមីស៊ីល S-400
×![]()
ដោយ: តន ចាន់រិទ្ធារ៉ា
ពីរដ្ឋធានីហាណូយ ប្រទេសវៀតណាម រដ្ឋមន្ត្រីការពារជាតិរុស្ស៊ី ឧត្តមសេនីយ៍ Sergei Shoigu បាននិយាយថា ប្រទេសជាច្រើនបានចាប់អារម្មណ៍ប្រព័ន្ធការពារមីស៊ីលដ៏មានឥទ្ធិពល S-400 ក្នុងនោះមានប្រទេសនៅមជ្ឈិមបូព៌ា និងតំបន់អាស៊ាន។ ប៉ុន្តែ លោក Shoigu មិនបានបញ្ចេញឈ្មោះប្រទេសណាឡើយ តែបានព្រលយថា ការចរចាកំពុងបន្តនៅឡើយ។
គុណភាពនៃប្រព័ន្ធការពារមីស៊ីលស៊េរីទំនើប S-400 កំពុងទាក់ទាញអតិថិជនបានយ៉ាងច្រើន។ តួកគីទើបតែបញ្ជាទិញប្រព័ន្ធនេះរួចរាល់ ហើយការផ្គត់ផ្គង់នឹងចាប់ផ្ដើមនៅឆ្នាំ២០២០។ ប្រមុខការពារជាតិរុស្ស៊ី Sergei Shoigu នៅថ្ងៃទី២៣ ខែមករា លើកឡើងថា រដ្ឋនៅមជ្ឈិមបូព៌ា និងអាស៊ីអាគ្នេយ៍ក៏បានបង្ហាញចំណាប់អារម្មណ៍ចង់បានប្រព័ន្ធការពារមីស៊ីលនេះដែរ។
លោក Shoigu ដែលកំពុងស្ថិតក្នុងដំណើរទស្សនកិច្ចនៅវៀតណាម បាននិយាយអួតអាងពីអានុភាពរបស់ប្រព័ន្ធការពារ S-400 ដែលកំពុងធ្វើប្រតិបត្តិការនៅស៊ីរី។ បើតាមទីភ្នាក់ងារព័ត៌មានរុស្ស៊ី TASS រដ្ឋមន្ត្រីការពារជាតិរុស្ស៊ីអះអាងថា S-400 ជាប្រព័ន្ធដ៏ពិសេស និងមានឥទ្ធិពលដែលប្រព័ន្ធការពារអាកាសផ្សេងទៀត មិនអាចប្រៀបធៀបបានឡើយ។ លោកចាត់ទុកការកុម្ម៉ង់ទិញរបស់តួកគីជាការទទួលស្គាល់គុណភាពនៃប្រព័ន្ធនេះ។
ទន្ទឹមគ្នានោះ ក្រុងមូស្គូ នឹងចែករំលែកបទពិសោធន៍របស់ខ្លួនទៅកាន់អតិថិជនដែលទិញ S-400 ទៀតផង។ មូស្គូបានពង្រាយប្រព័ន្ធការពារធុន S-400 ចំនួនពីរនៅស៊ីរីដើម្បីការពារដែនអាកាសស៊ីរីផង និងប្រយុទ្ធប្រឆាំងក្រុមភេរវកម្មផង ហើយក៏ទទួលបានលទ្ធផលគួរឲ្យកត់សម្គាល់ផងដែរ។ ប្រព័ន្ធការពារនេះក៏ត្រូវប្រើប្រាស់ក្នុងប្រព័ន្ធការពារអាកាសរបស់រុស្ស៊ីផងដែរ ព្រមគ្នានឹងប្រព័ន្ធការពារមីស៊ីលផ្សេងទៀតដូចជា Pantsir និង S-300 ជាដើមផង។
យ៉ាងណាមិញ ប្រមុខការពារជាតិរុស្ស៊ីមិនបានបង្ហើបឈ្មោះរដ្ឋអាស៊ីអាគ្នេយ៍ ដែលចង់ទិញប្រព័ន្ធ S-400 នេះទេ។ ប៉ុន្តែមុនទៅដល់វៀតណាម លោក Shoigu ក៏ទើបបញ្ចប់ទស្សនកិច្ចនៅមីយ៉ាន់ម៉ាថ្មីៗ ដែលរុស្ស៊ីបានសម្រេចចិត្តលក់ឲ្យមីយ៉ាន់ម៉ានូវយន្តហោះចម្បាំងធុន Su-30 ចំនួន៦គ្រឿង។ ក្រៅពីប្រទេសទាំងពីរនេះ ឥណ្ឌូណេស៊ី និងថៃក៏ជាម៉ូយអាវុធរបស់រុស្ស៊ីដែរ ខណៈហ្វីលីពីនក៏ចាប់ផ្ដើមងាករកផលិតផលរបស់រុស្ស៊ីដូចគ្នា។
S-400 ជាប្រព័ន្ធការពារមីស៊ីលចម្ងាយឆ្ងាយ ដែលផលិតដោយក្រុមហ៊ុន Rostec របស់រុស្ស៊ីផ្ទាល់ និងចូលបម្រើយោធាក្នុងឆ្នាំ២០០៧ ។ ប្រព័ន្ធនេះមានសមត្ថភាពបាញ់ទម្លាក់យន្តហោះ មីស៊ីលនាំផ្លូវ និងមីស៊ីលបាលីស្ទិករាប់ទាំងមីស៊ីលចម្ងាយមធ្យម ក៏ដូចជាគោលដៅលើគោកផង។ ខែលការពារ S-400 នេះដែរ អាចចំគោលដៅដែលនៅចម្ងាយ៤០០គីឡូម៉ែត្រ និងរយៈកម្ពស់៣០គីឡូម៉ែត្របាន។ ចិន ជាប្រទេសដំបូងគេដែលបញ្ជាទិញប្រព័ន្ធការពារធុននេះ៕
គុណភាពនៃប្រព័ន្ធការពារមីស៊ីលស៊េរីទំនើប S-400 កំពុងទាក់ទាញអតិថិជនបានយ៉ាងច្រើន។ តួកគីទើបតែបញ្ជាទិញប្រព័ន្ធនេះរួចរាល់ ហើយការផ្គត់ផ្គង់នឹងចាប់ផ្ដើមនៅឆ្នាំ២០២០។ ប្រមុខការពារជាតិរុស្ស៊ី Sergei Shoigu នៅថ្ងៃទី២៣ ខែមករា លើកឡើងថា រដ្ឋនៅមជ្ឈិមបូព៌ា និងអាស៊ីអាគ្នេយ៍ក៏បានបង្ហាញចំណាប់អារម្មណ៍ចង់បានប្រព័ន្ធការពារមីស៊ីលនេះដែរ។
លោក Shoigu ដែលកំពុងស្ថិតក្នុងដំណើរទស្សនកិច្ចនៅវៀតណាម បាននិយាយអួតអាងពីអានុភាពរបស់ប្រព័ន្ធការពារ S-400 ដែលកំពុងធ្វើប្រតិបត្តិការនៅស៊ីរី។ បើតាមទីភ្នាក់ងារព័ត៌មានរុស្ស៊ី TASS រដ្ឋមន្ត្រីការពារជាតិរុស្ស៊ីអះអាងថា S-400 ជាប្រព័ន្ធដ៏ពិសេស និងមានឥទ្ធិពលដែលប្រព័ន្ធការពារអាកាសផ្សេងទៀត មិនអាចប្រៀបធៀបបានឡើយ។ លោកចាត់ទុកការកុម្ម៉ង់ទិញរបស់តួកគីជាការទទួលស្គាល់គុណភាពនៃប្រព័ន្ធនេះ។
ទន្ទឹមគ្នានោះ ក្រុងមូស្គូ នឹងចែករំលែកបទពិសោធន៍របស់ខ្លួនទៅកាន់អតិថិជនដែលទិញ S-400 ទៀតផង។ មូស្គូបានពង្រាយប្រព័ន្ធការពារធុន S-400 ចំនួនពីរនៅស៊ីរីដើម្បីការពារដែនអាកាសស៊ីរីផង និងប្រយុទ្ធប្រឆាំងក្រុមភេរវកម្មផង ហើយក៏ទទួលបានលទ្ធផលគួរឲ្យកត់សម្គាល់ផងដែរ។ ប្រព័ន្ធការពារនេះក៏ត្រូវប្រើប្រាស់ក្នុងប្រព័ន្ធការពារអាកាសរបស់រុស្ស៊ីផងដែរ ព្រមគ្នានឹងប្រព័ន្ធការពារមីស៊ីលផ្សេងទៀតដូចជា Pantsir និង S-300 ជាដើមផង។
យ៉ាងណាមិញ ប្រមុខការពារជាតិរុស្ស៊ីមិនបានបង្ហើបឈ្មោះរដ្ឋអាស៊ីអាគ្នេយ៍ ដែលចង់ទិញប្រព័ន្ធ S-400 នេះទេ។ ប៉ុន្តែមុនទៅដល់វៀតណាម លោក Shoigu ក៏ទើបបញ្ចប់ទស្សនកិច្ចនៅមីយ៉ាន់ម៉ាថ្មីៗ ដែលរុស្ស៊ីបានសម្រេចចិត្តលក់ឲ្យមីយ៉ាន់ម៉ានូវយន្តហោះចម្បាំងធុន Su-30 ចំនួន៦គ្រឿង។ ក្រៅពីប្រទេសទាំងពីរនេះ ឥណ្ឌូណេស៊ី និងថៃក៏ជាម៉ូយអាវុធរបស់រុស្ស៊ីដែរ ខណៈហ្វីលីពីនក៏ចាប់ផ្ដើមងាករកផលិតផលរបស់រុស្ស៊ីដូចគ្នា។
S-400 ជាប្រព័ន្ធការពារមីស៊ីលចម្ងាយឆ្ងាយ ដែលផលិតដោយក្រុមហ៊ុន Rostec របស់រុស្ស៊ីផ្ទាល់ និងចូលបម្រើយោធាក្នុងឆ្នាំ២០០៧ ។ ប្រព័ន្ធនេះមានសមត្ថភាពបាញ់ទម្លាក់យន្តហោះ មីស៊ីលនាំផ្លូវ និងមីស៊ីលបាលីស្ទិករាប់ទាំងមីស៊ីលចម្ងាយមធ្យម ក៏ដូចជាគោលដៅលើគោកផង។ ខែលការពារ S-400 នេះដែរ អាចចំគោលដៅដែលនៅចម្ងាយ៤០០គីឡូម៉ែត្រ និងរយៈកម្ពស់៣០គីឡូម៉ែត្របាន។ ចិន ជាប្រទេសដំបូងគេដែលបញ្ជាទិញប្រព័ន្ធការពារធុននេះ៕
Tag:
រុស្ស៊ី
អាស៊ាន
S-400
Sergei Shoigu
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
