កីឡាអន្តរជាតិ
អន្តរជាតិ
វៀតណាមបង្កើតប្រវត្តិសាស្ត្រឲ្យអាស៊ានតាមរយៈការឈានទៅវគ្គផ្តាច់ព្រ័ត្រ AFC U23
ពលរដ្ឋវៀតណាមអបអរពេញដងផ្លូវក្រោយជ័យជម្នះក្រុមខ្លួនលើកាតា។រូបថត AFP
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិអាយុក្រោម២៣ឆ្នាំវៀតណាម បានក្លាយជាក្រុមពីតំបន់អាស៊ានទីមួយដែលឈានទៅកាន់វគ្គផ្តាច់ព្រ័ត្រក្នុងព្រឹត្តិការណ៍ប្រចាំទ្វីបអាស៊ី AFC U23 Championship នៅប្រទេសចិន។ ពួកគេត្រៀមខ្លួនសម្រាប់ជំនួបវគ្គផ្តាច់ព្រ័ត្រជាមួយអ៊ូសបេគីស្ថាន នាថ្ងៃទី២៧ ខែមករា ខាងមុខនេះ។
វៀតណាម បានឈានទៅកាន់វគ្គផ្តាច់ព្រ័ត្រនៃព្រឹត្តិការណ៍ដណ្តើមជើងឯកអាយុក្រោម២៣ឆ្នាំប្រចាំទ្វីបអាស៊ី ក្រោយជ័យជម្នះដ៏រំភើបនៅវគ្គពាក់កណ្តាលផ្តាច់ព្រ័ត្រ លើកាតា កាលពីរសៀលថ្ងៃទី២៣ ខែមករា។ កាតាដែលបានចំណាត់ថ្នាក់លេខ៤កាលពីឆ្នាំ២០១៦ បាននាំមុខវៀតណាម ១-០ នៅតង់ទីមួយដោយកីឡាករ Akram Afif ហើយវៀតណាមតាមស្មើវិញនៅតង់ទីពីរ ដោយ Nguyen Quang Hai ។
នៅបីនាទីមុនបញ្ចប់ការប្រកួត Almoez Ali រកបានគ្រាប់បាល់នាំមុខសារជាថ្មីឲ្យក្រុមនៅអាស៊ីខាងលិច ប៉ុន្តែមួយនាទីក្រោយ Nguyen Quang Hai តាមស្មើសារជាថ្មីម្តងទៀត ដែលនាំឲ្យការប្រកួតឈានដល់ការបន្ថែម១៥នាទីពីរដង។ លទ្ធផលស្មើ ២-២ ត្រូវរក្សារហូតដល់១២០នាទី ដែលនាំឲ្យមានការស៊ុតបាល់ប៉េណាល់ទីសម្រេចក្តី។ បើទោះបីជា Quang Hai ធ្វើមិនបានសម្រេចក៏ដោយ តែវៀតណាមបញ្ចប់ការប្រកួតដោយភាពរីករាយ តាមរយៈលទ្ធផល ៤-៣ ដោយសារ Ahmed Moein និង Sultan Al-Brake សុទ្ធតែបានធ្វើឲ្យឱកាសបាត់បង់សម្រាប់កាតា។
ដោយឡែក អ៊ូសបេគីស្ថានឯណោះវិញ ពួកគេរកបានរហូតដល់៣គ្រាប់នាអំឡុងនៃការបន្ថែម៣០នាទី ក្នុងជំនួបជាមួយកូរ៉េខាងត្បូង។ Zabikhillo Urinboev រកបានគ្រាប់បាល់បញ្ចូលទីនាំមុខនៅនាទី៣៣ ហើយ Hwang Hyun-soo វាយបកតាមស្មើវិញនៅនាទី ៥៨សម្រាប់កូរ៉េខាងត្បូង មុនពេល Jang Yun-ho ដែលជាមិត្តរួមក្រុម ទទួលបានកាតលឿងជាលើកទីពីរ។
ឈានដល់ការបន្ថែមម៉ោង៣០នាទី Azizjon Ganiev, Jasurbek Yakhshiboev និង Akramjon Komilov របស់អ៊ូសបេគីស្ថាន បានស៊ុតបាល់បញ្ចូលទីជាបន្តបន្ទាប់រហូតដល់ទៅ៣គ្រាប់លើកូរ៉េខាងត្បូងដែលមានគ្នាត្រឹម១០នាក់។ បញ្ចប់ការប្រកួត ក្រុមពីអាស៊ីកណ្តាល អ៊ូសបេគីស្ថានឈ្នះកូរ៉េខាងត្បូងដែលជាជើងឯករងក្នុងលទ្ធផល ៤-១ ។
ក្នុងដំណើរទៅកាន់វគ្គផ្តាច់ព្រ័ត្រ វៀតណាមបានទទួលចំណាត់ថ្នាក់លេខ២ក្នុងពូល D ដោយចាញ់កូរ៉េខាងត្បូង ២-១ ឈ្នះអូស្ត្រាលី ១-០ និងស្មើស៊ីរី ០-០ ។ ក្រុមដែលដឹកនាំដោយគ្រូបង្វឹកកូរ៉េខាងត្បូង Park Hang-seo បានបន្តយកឈ្នះអ៊ីរ៉ាក់ម្ចាស់ជើងឯកឆ្នាំ២០១៣ ដោយលទ្ធផលបាល់ប៉េណាល់ទី ៥-៣ ក្រោយស្មើ ៣-៣ ក្នុងការប្រកួត១២០នាទីនៅវគ្គមួយភាគបួនផ្តាច់ព្រ័ត្រ។
ចំពោះអ៊ូសបេគីស្ថាន ពួកគេក៏បានបញ្ចប់ចំណាត់ថ្នាក់លេខ២ពូល A ផងដែរ ក្រោយចាញ់កាតា ១-០ ហើយឈ្នះម្ចាស់ចិន និងអូម៉ង់ ១-០ វិញ។ នៅវគ្គមួយភាគបួនផ្តាច់ព្រ័ត្រ អ៊ូសបេគីស្ថាន ទទួលជ័យជម្នះដ៏ភ្ញាក់ផ្អើលលើម្ចាស់ជើងឯកជប៉ុន ៤-០ ។
U23 វៀតណាម និងអ៊ូសបេគីស្ថាន ត្រូវតទល់គ្នាដណ្តើមពាននាថ្ងៃទី២៧ ខែមករា បន្ទាប់ពីកាតា និងកូរ៉េខាងត្បូង ប្រកួតដណ្តើមចំណាត់ថ្នាក់លេខបី។
វៀតណាមក្លាយជាក្រុមទីមួយនៅតំបន់អាស៊ាន ដែលឈានរហូតដល់ទៅវគ្គផ្តាច់ព្រ័ត្រក្នុងព្រឹត្តិការណ៍ប្រចាំទ្វីបអាស៊ី AFC U23 Championship។ សម្រាប់ព្រឹត្តិការណ៍នៅឆ្នាំនេះ ក្រុមនៅតំបន់អាស៊ាន រួមមានមីយ៉ាន់ម៉ា សិង្ហបុរី ព្រុយណេ ឡាវ ឥណ្ឌូណេស៊ី ទីម័រខាងកើត កម្ពុជា និងហ្វីលីពីន សុទ្ធតែបានធ្លាក់នៅវគ្គជម្រុះ ខណៈវៀតណាម ម៉ាឡេស៊ី និងថៃ ឈានទៅវគ្គចាប់ពូល (Group Stage)។ ម៉ាឡេស៊ី និងថៃ បានធ្លាក់នៅក្នុងពូលរៀងៗខ្លួន ស្របពេលដែលវៀតណាម បន្តដំណើររបស់ខ្លួនរហូតដល់វគ្គផ្តាច់ព្រ័ត្រ៕
វៀតណាម បានឈានទៅកាន់វគ្គផ្តាច់ព្រ័ត្រនៃព្រឹត្តិការណ៍ដណ្តើមជើងឯកអាយុក្រោម២៣ឆ្នាំប្រចាំទ្វីបអាស៊ី ក្រោយជ័យជម្នះដ៏រំភើបនៅវគ្គពាក់កណ្តាលផ្តាច់ព្រ័ត្រ លើកាតា កាលពីរសៀលថ្ងៃទី២៣ ខែមករា។ កាតាដែលបានចំណាត់ថ្នាក់លេខ៤កាលពីឆ្នាំ២០១៦ បាននាំមុខវៀតណាម ១-០ នៅតង់ទីមួយដោយកីឡាករ Akram Afif ហើយវៀតណាមតាមស្មើវិញនៅតង់ទីពីរ ដោយ Nguyen Quang Hai ។
នៅបីនាទីមុនបញ្ចប់ការប្រកួត Almoez Ali រកបានគ្រាប់បាល់នាំមុខសារជាថ្មីឲ្យក្រុមនៅអាស៊ីខាងលិច ប៉ុន្តែមួយនាទីក្រោយ Nguyen Quang Hai តាមស្មើសារជាថ្មីម្តងទៀត ដែលនាំឲ្យការប្រកួតឈានដល់ការបន្ថែម១៥នាទីពីរដង។ លទ្ធផលស្មើ ២-២ ត្រូវរក្សារហូតដល់១២០នាទី ដែលនាំឲ្យមានការស៊ុតបាល់ប៉េណាល់ទីសម្រេចក្តី។ បើទោះបីជា Quang Hai ធ្វើមិនបានសម្រេចក៏ដោយ តែវៀតណាមបញ្ចប់ការប្រកួតដោយភាពរីករាយ តាមរយៈលទ្ធផល ៤-៣ ដោយសារ Ahmed Moein និង Sultan Al-Brake សុទ្ធតែបានធ្វើឲ្យឱកាសបាត់បង់សម្រាប់កាតា។
ដោយឡែក អ៊ូសបេគីស្ថានឯណោះវិញ ពួកគេរកបានរហូតដល់៣គ្រាប់នាអំឡុងនៃការបន្ថែម៣០នាទី ក្នុងជំនួបជាមួយកូរ៉េខាងត្បូង។ Zabikhillo Urinboev រកបានគ្រាប់បាល់បញ្ចូលទីនាំមុខនៅនាទី៣៣ ហើយ Hwang Hyun-soo វាយបកតាមស្មើវិញនៅនាទី ៥៨សម្រាប់កូរ៉េខាងត្បូង មុនពេល Jang Yun-ho ដែលជាមិត្តរួមក្រុម ទទួលបានកាតលឿងជាលើកទីពីរ។
ឈានដល់ការបន្ថែមម៉ោង៣០នាទី Azizjon Ganiev, Jasurbek Yakhshiboev និង Akramjon Komilov របស់អ៊ូសបេគីស្ថាន បានស៊ុតបាល់បញ្ចូលទីជាបន្តបន្ទាប់រហូតដល់ទៅ៣គ្រាប់លើកូរ៉េខាងត្បូងដែលមានគ្នាត្រឹម១០នាក់។ បញ្ចប់ការប្រកួត ក្រុមពីអាស៊ីកណ្តាល អ៊ូសបេគីស្ថានឈ្នះកូរ៉េខាងត្បូងដែលជាជើងឯករងក្នុងលទ្ធផល ៤-១ ។
ក្នុងដំណើរទៅកាន់វគ្គផ្តាច់ព្រ័ត្រ វៀតណាមបានទទួលចំណាត់ថ្នាក់លេខ២ក្នុងពូល D ដោយចាញ់កូរ៉េខាងត្បូង ២-១ ឈ្នះអូស្ត្រាលី ១-០ និងស្មើស៊ីរី ០-០ ។ ក្រុមដែលដឹកនាំដោយគ្រូបង្វឹកកូរ៉េខាងត្បូង Park Hang-seo បានបន្តយកឈ្នះអ៊ីរ៉ាក់ម្ចាស់ជើងឯកឆ្នាំ២០១៣ ដោយលទ្ធផលបាល់ប៉េណាល់ទី ៥-៣ ក្រោយស្មើ ៣-៣ ក្នុងការប្រកួត១២០នាទីនៅវគ្គមួយភាគបួនផ្តាច់ព្រ័ត្រ។
ចំពោះអ៊ូសបេគីស្ថាន ពួកគេក៏បានបញ្ចប់ចំណាត់ថ្នាក់លេខ២ពូល A ផងដែរ ក្រោយចាញ់កាតា ១-០ ហើយឈ្នះម្ចាស់ចិន និងអូម៉ង់ ១-០ វិញ។ នៅវគ្គមួយភាគបួនផ្តាច់ព្រ័ត្រ អ៊ូសបេគីស្ថាន ទទួលជ័យជម្នះដ៏ភ្ញាក់ផ្អើលលើម្ចាស់ជើងឯកជប៉ុន ៤-០ ។
U23 វៀតណាម និងអ៊ូសបេគីស្ថាន ត្រូវតទល់គ្នាដណ្តើមពាននាថ្ងៃទី២៧ ខែមករា បន្ទាប់ពីកាតា និងកូរ៉េខាងត្បូង ប្រកួតដណ្តើមចំណាត់ថ្នាក់លេខបី។
វៀតណាមក្លាយជាក្រុមទីមួយនៅតំបន់អាស៊ាន ដែលឈានរហូតដល់ទៅវគ្គផ្តាច់ព្រ័ត្រក្នុងព្រឹត្តិការណ៍ប្រចាំទ្វីបអាស៊ី AFC U23 Championship។ សម្រាប់ព្រឹត្តិការណ៍នៅឆ្នាំនេះ ក្រុមនៅតំបន់អាស៊ាន រួមមានមីយ៉ាន់ម៉ា សិង្ហបុរី ព្រុយណេ ឡាវ ឥណ្ឌូណេស៊ី ទីម័រខាងកើត កម្ពុជា និងហ្វីលីពីន សុទ្ធតែបានធ្លាក់នៅវគ្គជម្រុះ ខណៈវៀតណាម ម៉ាឡេស៊ី និងថៃ ឈានទៅវគ្គចាប់ពូល (Group Stage)។ ម៉ាឡេស៊ី និងថៃ បានធ្លាក់នៅក្នុងពូលរៀងៗខ្លួន ស្របពេលដែលវៀតណាម បន្តដំណើររបស់ខ្លួនរហូតដល់វគ្គផ្តាច់ព្រ័ត្រ៕
Tag:
AFC U23
U23 វៀតណាម
បាល់ទាត់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
