អន្តរជាតិ
ចិនមិនទោមនស្សឡើយ បើវៀតណាម-អាមេរិក មានកិច្ចសហប្រតិបត្តិការយោធាបែបធម្មតានោះ
×![]()
រដ្ឋាភិបាលចិន មិនមានប្រតិកម្មខ្លាំងក្លាតបទៅនឹងវត្តមានរបស់ប្រមុខការពារជាតិអាមេរិកទៅកាន់វៀតណាមឡើយ ។ នេះ អាចជាលើកដំបូងហើយ ដែលក្រុងប៉េកាំង បង្ហាញជំហរធម្មតាជាមួយនឹងក្រុងវ៉ាស៊ីនតោន ដ្បិតកន្លងមក ភាគីទាំងពីរ តែងមានរឹងទទឹងដាក់គ្នាខ្លាំងចំពោះកិច្ចសហប្រតិបត្តិការសន្តិសុខអាមេរិក-វៀតណាម ។
ទំនងជាជំនួបរបស់រដ្ឋមន្ត្រីការពារជាតិអាមេរិកលោក ជេម ម៉ាធីស ជាមួយនឹងសមភាគីវៀតណាម មិនដាក់គោលដៅខ្លាំងលើឥទ្ធិពលរបស់មហាយក្សចិន ជាពិសេសលើផ្នែកសន្តិសុខនៅក្នុងតំបន់ដូចសព្វមួយដងហើយបានជាចិនបែរជាបង្ហាញសារសាទរចំពោះកិច្ចសហប្រតិបត្តិការរវាងអ្នកជិតខាងខ្លួនវៀតណាមជាមួយនឹងអាមេរិកនោះ ។
នាសន្និសីទសារព័ត៌មានប្រចាំថ្ងៃនាថ្ងៃ២៦ មករា របស់ក្រសួងការបរទេសចិន អ្នកសារព័ត៌មានបានចោទសួរថាតើ ចិនមានការព្រួយបារម្ភទេ ចំពោះសេចក្តីប្រកាសរបស់រដ្ឋមន្ត្រីការពារជាតិអាមេរិកជាមួយនឹងសមភាគីវៀតណាមថានាវាផ្ទុកយន្តហោះសហរដ្ឋអាមេរិកនឹងទៅទស្សនាកំពង់ផែវៀតណាមនៅក្នុងខែមិនាខាងមុខជាលើកដំបូង គិតចាប់ពីឆ្នាំ១៩៧៥ ។
« ចិន តែងតែសាទរជានិច្ចចំពោះការអភិវឌ្ឍនៃទំនាក់ទំនងមិត្តភាព និងកិច្ចសហប្រតិបត្តិការសាមញ្ញរបស់រដ្ឋនីមួយៗ ។ យើងក៏មិនប្រតិកម្មអ្វីដែរចំពោះការផ្លាស់ប្តូរយោធារវាងអាមេរិក និងវៀតណាម ប្រសិនបើ ភាគីទាំងពីរនេះ អនុវត្តគោលនយោបាយដែលមានចរិកលក្ខណៈធម្មតានិងដើម្បីសន្តិភាពនិងស្ថិរភាពនៅក្នុងតំបន់»។ នេះគឺជាជំហររបស់ចិនដែលត្រូវបានឆ្លើយតបដោយអ្នកនាំពាក្យក្រសួងការបរទេសចិនលោកស្រី ហួរ ឈួនអ៊ីង នាសន្និសីទសារព័ត៌មាននោះ ។
បើយោងតាមសេចក្តីប្រកាសព័ត៌មានរបស់ក្រសួងការបរទេសអាមេរិក ចុះថ្ងៃ២៥ មករា ក្រៅពីការប្រកាសពីវត្តមាននាវាដឹកយន្តហោះអាមេរិកទៅកាន់វៀតណាមប្រមុខការពារជាតិអាមេរិក និងវៀតណាម ក៏បានព្រមព្រៀងគ្នាក្នុងបន្តកិច្ចសហប្រតិបត្តិការដើម្បីធានាឲ្យការអនុវត្តនីតិរដ្ឋ ច្បាប់អន្តរជាតិ ដើម្បីធ្វើឲ្យតំបន់ឥណ្ឌូ-ប៉ាស៊ីហ្វិកកាន់តែបើកចំហ និងសេរី ។ ការលើកកម្ពស់សន្តិសុខ និងស្ថិរភាពក្នុងតំបន់ និងសេរីភាពនៃការធ្វើនាវាចរណ៍ ក៏ស្ថិតនៅក្នុងកិច្ចសន្ទនានោះដែរ ។
ដោយឡែក បញ្ហាសមុទ្រចិនខាងត្បូង ដែល ជាជម្លោះអធិបតេយ្យរវាងចិន និងវៀតណាមនិងរដ្ឋអាស៊ានផ្សេងទៀត ដែលអាមេរិក តែងអះអាងថា ជាក្តីបារម្ភសន្តិសុខមួយរបស់ខ្លួននោះ មិនត្រូវបានបញ្ជាក់នៅក្នុងសេចក្តីប្រកាសព័ត៌មានសង្ខេបពីជំនួបរដ្ឋមន្ត្រីការពារជាតិអាមេរិកនិងវៀតណាមឡើយ ។ នេះ ខុសពីសព្វមួយដងដែលរាល់ជំនួបអាមេរិកនិងវៀតណាមពាក់ព័ន្ធសន្តិសុខតែងតែបង្ហាញក្តីបារម្ភ និងថ្កោលទោសពីការបំពានច្បាប់អន្តរជាតិរបស់ចិននៅក្នុងសមុទ្រចិនខាងត្បូងនោះ ៕
ទំនងជាជំនួបរបស់រដ្ឋមន្ត្រីការពារជាតិអាមេរិកលោក ជេម ម៉ាធីស ជាមួយនឹងសមភាគីវៀតណាម មិនដាក់គោលដៅខ្លាំងលើឥទ្ធិពលរបស់មហាយក្សចិន ជាពិសេសលើផ្នែកសន្តិសុខនៅក្នុងតំបន់ដូចសព្វមួយដងហើយបានជាចិនបែរជាបង្ហាញសារសាទរចំពោះកិច្ចសហប្រតិបត្តិការរវាងអ្នកជិតខាងខ្លួនវៀតណាមជាមួយនឹងអាមេរិកនោះ ។
នាសន្និសីទសារព័ត៌មានប្រចាំថ្ងៃនាថ្ងៃ២៦ មករា របស់ក្រសួងការបរទេសចិន អ្នកសារព័ត៌មានបានចោទសួរថាតើ ចិនមានការព្រួយបារម្ភទេ ចំពោះសេចក្តីប្រកាសរបស់រដ្ឋមន្ត្រីការពារជាតិអាមេរិកជាមួយនឹងសមភាគីវៀតណាមថានាវាផ្ទុកយន្តហោះសហរដ្ឋអាមេរិកនឹងទៅទស្សនាកំពង់ផែវៀតណាមនៅក្នុងខែមិនាខាងមុខជាលើកដំបូង គិតចាប់ពីឆ្នាំ១៩៧៥ ។
« ចិន តែងតែសាទរជានិច្ចចំពោះការអភិវឌ្ឍនៃទំនាក់ទំនងមិត្តភាព និងកិច្ចសហប្រតិបត្តិការសាមញ្ញរបស់រដ្ឋនីមួយៗ ។ យើងក៏មិនប្រតិកម្មអ្វីដែរចំពោះការផ្លាស់ប្តូរយោធារវាងអាមេរិក និងវៀតណាម ប្រសិនបើ ភាគីទាំងពីរនេះ អនុវត្តគោលនយោបាយដែលមានចរិកលក្ខណៈធម្មតានិងដើម្បីសន្តិភាពនិងស្ថិរភាពនៅក្នុងតំបន់»។ នេះគឺជាជំហររបស់ចិនដែលត្រូវបានឆ្លើយតបដោយអ្នកនាំពាក្យក្រសួងការបរទេសចិនលោកស្រី ហួរ ឈួនអ៊ីង នាសន្និសីទសារព័ត៌មាននោះ ។
បើយោងតាមសេចក្តីប្រកាសព័ត៌មានរបស់ក្រសួងការបរទេសអាមេរិក ចុះថ្ងៃ២៥ មករា ក្រៅពីការប្រកាសពីវត្តមាននាវាដឹកយន្តហោះអាមេរិកទៅកាន់វៀតណាមប្រមុខការពារជាតិអាមេរិក និងវៀតណាម ក៏បានព្រមព្រៀងគ្នាក្នុងបន្តកិច្ចសហប្រតិបត្តិការដើម្បីធានាឲ្យការអនុវត្តនីតិរដ្ឋ ច្បាប់អន្តរជាតិ ដើម្បីធ្វើឲ្យតំបន់ឥណ្ឌូ-ប៉ាស៊ីហ្វិកកាន់តែបើកចំហ និងសេរី ។ ការលើកកម្ពស់សន្តិសុខ និងស្ថិរភាពក្នុងតំបន់ និងសេរីភាពនៃការធ្វើនាវាចរណ៍ ក៏ស្ថិតនៅក្នុងកិច្ចសន្ទនានោះដែរ ។
ដោយឡែក បញ្ហាសមុទ្រចិនខាងត្បូង ដែល ជាជម្លោះអធិបតេយ្យរវាងចិន និងវៀតណាមនិងរដ្ឋអាស៊ានផ្សេងទៀត ដែលអាមេរិក តែងអះអាងថា ជាក្តីបារម្ភសន្តិសុខមួយរបស់ខ្លួននោះ មិនត្រូវបានបញ្ជាក់នៅក្នុងសេចក្តីប្រកាសព័ត៌មានសង្ខេបពីជំនួបរដ្ឋមន្ត្រីការពារជាតិអាមេរិកនិងវៀតណាមឡើយ ។ នេះ ខុសពីសព្វមួយដងដែលរាល់ជំនួបអាមេរិកនិងវៀតណាមពាក់ព័ន្ធសន្តិសុខតែងតែបង្ហាញក្តីបារម្ភ និងថ្កោលទោសពីការបំពានច្បាប់អន្តរជាតិរបស់ចិននៅក្នុងសមុទ្រចិនខាងត្បូងនោះ ៕
Tag:
ចិន
វៀតណាម
អាមេរិក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 19 ម៉ោង
