អន្តរជាតិ
ឌូទើតេ ប្រាប់សូជី ៖ កុំខ្វល់នឹងការរិះគន់របស់ក្រុមសកម្មជនសិទ្ធិមនុស្ស
លោក រ៉ូឌ្រីហ្គោ ឌូទើតេ និងទីប្រឹក្សារដ្ឋ អ៊ុងសាន ស៊ូជី ក្នុងជំនួបកន្លងមក (រូបភាព៖ Reuters)
×![]()
មេដឹកនាំកំពូលហ្វីលីពីន លោក រ៉ូឌ្រីហ្គូ ឌូទើតេ បានថ្លែងលើកទឹកចិត្តមេដឹកនាំកំពូលអាស៊ានដូចគ្នា លោកស្រី អ៊ុងសាន ស៊ូជី កុំសូវយកចិត្តទុកដាក់ជាមួយនឹងចលនារបស់សកម្មជនសិទ្ធិមនុស្ស ។ ប្រមុខដឹកនាំកំពូលហ្វីលីពីន យល់ឃើញថា វា ជាទម្លាប់ទៅហើយ ដែលសកម្មជនសិទ្ធិមនុស្ស តែងតែរំខានដល់ការដឹកនាំរបស់រដ្ឋាភិបាល ។
លោកប្រធានាធិបតី រ៉ូឌ្រីហ្គូ ឌូទើតេ នៅថ្ងៃ២៧ មករា បានថ្លែងសារទៅកាន់ទីប្រឹក្សារដ្ឋ អ៊ុងសាន ស៊ូជី តាមរយៈវេទិកាធុរកិច្ចហ្វីលីពីន-ឥណ្ឌា ថា លោកស្រី ស៊ូជី មិនគួរខ្វាយខ្វល់ទៅនឹងការរិះគន់ពីការបរាជ័យក្នុងការដោះស្រាយវិបត្តិរ៉ូហ៊ីងយ៉ាដោយសកម្មជនសិទ្ធិមនុស្សនោះទេ ។ លោក បានប្រៀបធៀបក្រុមសកម្មជនទាំងនោះ ថាជាក្រុមមនុស្សរំខាន ។
បើតាមសារព័ត៌មាន Jakarta Globe ប្រមុខរដ្ឋហ្វីលីពីនរូបនេះ ក៏បានបង្ហាញសារជំរុញទឹកចិត្តមេដឹកនាំកំពូល de facto មីយ៉ាន់ម៉ាយ៉ាងដូច្នេះថា៖« ខ្ញុំ ពិតជាអាណិតគាត់(លោកស្រីស៊ូជី)ណាស់ ។ លោកស្រី គឺជាម្ចាស់ពានរង្វាន់ណូប៊ែលសន្តិភាព ដែលកំពុងតែជួបរឿងចម្រូងចម្រាស់ខ្លាំង ។ លោកស្រី រងការរិះគន់ខ្លាំងពេកហើយ»។
សូមជម្រាបផងដែរ មិនមែនមានតែលោកស្រីអ៊ុងសាន ស៊ូជី ប៉ុណ្ណោះនោះទេ ដែលទទួលរងការរិះគន់ខ្លាំងពីសំណាក់អង្គការសិទ្ធិមនុស្ស និងក្រុមសកម្មជនសិទ្ធិមនុស្សនោះ ពាក់ព័ន្ធនឹងការធានាពីសិទ្ធិមនុស្សនោះ ។ លោក រ៉ូឌ្រីហ្គូ ឌូទើតេ គិតចាប់ពីឡើងកាន់តំណែងជាប្រធានាធិបតីហ្វីលីពីន ក៏រងការថ្កោលទោសពីសហគមន៍អន្តរជាតិខ្លាំងផងដែរ ។
លោកស្រី ស៊ូជី ជ័យលាភីណូបែលសន្តិភាពឆ្នាំ១៩៩១ រងការរិះគន់ខ្លាំងពីក្រុមអង្គការការពារសិទ្ធិមនុស្សខ្លាំង ព្រោះរដ្ឋាភិបាលលោកស្រីមិនចាត់វិធានការសមស្របដើម្បីដោះស្រាយអំពើហិង្សាលើក្រុមជនជាតិភាគតិចរ៉ូហ៊ីងយ៉ា។ ជនភាគតិចមូស្លីមមួយក្រុមនេះ បានរត់គេចទៅកាន់បង់ក្លាដែស ខណៈដែលលោករដ្ឋាភិបាលក្រុងណៃពិដោ ក៏បានរឹតត្បិតការផ្ដល់ជំនួយសង្គ្រោះទៅទៀត។
ចំណែកឯលោក ឌូទើតេ វិញ សង្គ្រាមបោសសម្អាតគ្រឿងញៀនរបស់លោក ក៏ធ្វើឲ្យលោករងការថ្កោលទោសមិនធម្មតាដែរ។ មនុស្សរាប់ពាន់នាក់ត្រូវបានសម្លាប់ក្នុងយុទ្ធនាការនេះ ហើយភាគច្រើនគឺស្ថិតក្នុងករណីសម្លាប់ក្រៅប្រព័ន្ធតុលាការតែម្ដង។ អាមេរិក អឺរ៉ុប អង្គការសហប្រជាជាតិបានស្នើឲ្យលោក ឌូទើតេ ពិនិត្យប្រតិបត្តិការនេះឡើងវិញ ព្រោះមនករណីរំលោភសិទ្ធិមនុស្សធ្ងន់ធ្ងរ។ ប៉ុន្តែលោក បែរជាប្រើប្រាស់សម្ដីគំរោះគំរើយដាក់វិញជាបន្តបន្ទាប់។
ក្នុងជំនួបដដែល ប្រធានាធិបតីហ្វីលីពីនរូបនេះ ក៏រិះគន់អង្គការសហប្រជាជាតិដែលមិនជួយដោះស្រាយបញ្ហាលើពិភពលោកអ្វីឡើយ។ លោក ឌូទើតេ លើកឡើងថា អង្គការសហប្រជាជាតិគ្មានគោលដៅបម្រើមនុស្សជាតិអ្វីទេ ព្រោះមិនបានជួយទប់ស្កាត់សង្គ្រាម និងការសម្លាប់រង្គាលមនុស្សឡើយ តែបែរជារិះគន់លោកដែលការពារប្រទេសទៅវិញ៕
លោកប្រធានាធិបតី រ៉ូឌ្រីហ្គូ ឌូទើតេ នៅថ្ងៃ២៧ មករា បានថ្លែងសារទៅកាន់ទីប្រឹក្សារដ្ឋ អ៊ុងសាន ស៊ូជី តាមរយៈវេទិកាធុរកិច្ចហ្វីលីពីន-ឥណ្ឌា ថា លោកស្រី ស៊ូជី មិនគួរខ្វាយខ្វល់ទៅនឹងការរិះគន់ពីការបរាជ័យក្នុងការដោះស្រាយវិបត្តិរ៉ូហ៊ីងយ៉ាដោយសកម្មជនសិទ្ធិមនុស្សនោះទេ ។ លោក បានប្រៀបធៀបក្រុមសកម្មជនទាំងនោះ ថាជាក្រុមមនុស្សរំខាន ។
បើតាមសារព័ត៌មាន Jakarta Globe ប្រមុខរដ្ឋហ្វីលីពីនរូបនេះ ក៏បានបង្ហាញសារជំរុញទឹកចិត្តមេដឹកនាំកំពូល de facto មីយ៉ាន់ម៉ាយ៉ាងដូច្នេះថា៖« ខ្ញុំ ពិតជាអាណិតគាត់(លោកស្រីស៊ូជី)ណាស់ ។ លោកស្រី គឺជាម្ចាស់ពានរង្វាន់ណូប៊ែលសន្តិភាព ដែលកំពុងតែជួបរឿងចម្រូងចម្រាស់ខ្លាំង ។ លោកស្រី រងការរិះគន់ខ្លាំងពេកហើយ»។
សូមជម្រាបផងដែរ មិនមែនមានតែលោកស្រីអ៊ុងសាន ស៊ូជី ប៉ុណ្ណោះនោះទេ ដែលទទួលរងការរិះគន់ខ្លាំងពីសំណាក់អង្គការសិទ្ធិមនុស្ស និងក្រុមសកម្មជនសិទ្ធិមនុស្សនោះ ពាក់ព័ន្ធនឹងការធានាពីសិទ្ធិមនុស្សនោះ ។ លោក រ៉ូឌ្រីហ្គូ ឌូទើតេ គិតចាប់ពីឡើងកាន់តំណែងជាប្រធានាធិបតីហ្វីលីពីន ក៏រងការថ្កោលទោសពីសហគមន៍អន្តរជាតិខ្លាំងផងដែរ ។
លោកស្រី ស៊ូជី ជ័យលាភីណូបែលសន្តិភាពឆ្នាំ១៩៩១ រងការរិះគន់ខ្លាំងពីក្រុមអង្គការការពារសិទ្ធិមនុស្សខ្លាំង ព្រោះរដ្ឋាភិបាលលោកស្រីមិនចាត់វិធានការសមស្របដើម្បីដោះស្រាយអំពើហិង្សាលើក្រុមជនជាតិភាគតិចរ៉ូហ៊ីងយ៉ា។ ជនភាគតិចមូស្លីមមួយក្រុមនេះ បានរត់គេចទៅកាន់បង់ក្លាដែស ខណៈដែលលោករដ្ឋាភិបាលក្រុងណៃពិដោ ក៏បានរឹតត្បិតការផ្ដល់ជំនួយសង្គ្រោះទៅទៀត។
ចំណែកឯលោក ឌូទើតេ វិញ សង្គ្រាមបោសសម្អាតគ្រឿងញៀនរបស់លោក ក៏ធ្វើឲ្យលោករងការថ្កោលទោសមិនធម្មតាដែរ។ មនុស្សរាប់ពាន់នាក់ត្រូវបានសម្លាប់ក្នុងយុទ្ធនាការនេះ ហើយភាគច្រើនគឺស្ថិតក្នុងករណីសម្លាប់ក្រៅប្រព័ន្ធតុលាការតែម្ដង។ អាមេរិក អឺរ៉ុប អង្គការសហប្រជាជាតិបានស្នើឲ្យលោក ឌូទើតេ ពិនិត្យប្រតិបត្តិការនេះឡើងវិញ ព្រោះមនករណីរំលោភសិទ្ធិមនុស្សធ្ងន់ធ្ងរ។ ប៉ុន្តែលោក បែរជាប្រើប្រាស់សម្ដីគំរោះគំរើយដាក់វិញជាបន្តបន្ទាប់។
ក្នុងជំនួបដដែល ប្រធានាធិបតីហ្វីលីពីនរូបនេះ ក៏រិះគន់អង្គការសហប្រជាជាតិដែលមិនជួយដោះស្រាយបញ្ហាលើពិភពលោកអ្វីឡើយ។ លោក ឌូទើតេ លើកឡើងថា អង្គការសហប្រជាជាតិគ្មានគោលដៅបម្រើមនុស្សជាតិអ្វីទេ ព្រោះមិនបានជួយទប់ស្កាត់សង្គ្រាម និងការសម្លាប់រង្គាលមនុស្សឡើយ តែបែរជារិះគន់លោកដែលការពារប្រទេសទៅវិញ៕
Tag:
ហ្វីលីពីន
មីយ៉ាន់ម៉ា
អាស៊ាន
សិទ្ធិមនុស្ស)
© រក្សាសិទ្ធិដោយ thmeythmey.com
