អន្តរជាតិ
មេដឹកនាំរបបយោធាថៃ ឧត្តមសេនីយ៍ប្រាយុទ្ធ ចន្ទអូចា (រូបភាព៖ AFP)
×![]()
ដោយ: តន ចាន់រិទ្ធារ៉ា
របបសឹកដែលកំពុងដឹកនាំប្រទសថៃ កំពុងរងការរិះគន់កាន់តែខ្លាំងឡើងៗ បន្ទាប់ពីសភានីតិបញ្ញត្តិប្រទេសនេះសម្រេចចិត្តពន្យារពេលអនុវត្តច្បាប់ស្ដីពីការជ្រើសរើសសមាជិកសភារយៈពេល៩០ថ្ងៃ ក្រោយចូលធរមាន។ ការពន្យារពេលនេះ នឹងនាំដល់ការផ្អាកការបោះឆ្នោតថ្នាក់ជាតិនៅខែវិច្ឆិកា ដែលគេទន្ទឹងជាយូរមកហើយនោះ។ បក្សនយោបាយធំៗរបស់ថៃ បានរិះគន់រដ្ឋាភិបាលយោធាថា ចង់អូសបន្លាយការកាន់អំណាចឲ្យបានយូរថែមទៀត។
អ្នកនយោបាយធំៗនៅប្រទេសថៃ សង្ស័យថា ការសម្រេចចិត្តពន្យារពេលអនុវត្តច្បាប់ច្បាប់ស្ដីពីការជ្រើសរើសសមាជិកសភាពីសំណាក់សភានីតិបញ្ញត្តិ ដែលនាំដល់ការពន្យារពេលការបោះឆ្នោតដែរនោះ គឺធ្វើឡើងតាមការទាមទាររបស់របបយោធា។ ពួកគេជឿថា រដ្ឋាភិបាលយោធារបស់ឧត្តមសេនីយ៍ ប្រាយុទ្ធ ចន្ទអូចា នឹងរងសម្ពាធកាន់តែខ្លាំង ឬក៏ប្រឈមមុខនឹងធ្វើបាតុកម្មតវ៉ាទៀតផង។
នៅថ្ងៃទី២៧ ខែមករា លោក Abhisit Vejjajiva មេបក្សប្រជាធិបតេយ្យ បានស្នើឲ្យក្រុមប្រឹក្សាដើម្បីសន្តិភាព និងសណ្ដាប់ធ្នាប់ (NCPO) ដែលជាស្ថាប័នកំពូលរបស់របបយោធា ចេញមកបញ្ជាក់គោលជំហររបស់ខ្លួនច្បាស់ជុំវិញការបោះឆ្នោត។ យោងតាមកាសែតបាងកកប៉ុស្តិ៍ អ្នកនយោបាយរូបនេះនិយាយថា ប្រសិនបើ NCPO ចង់ពន្យារពេលបោះឆ្នោត ស្ថាប័ននេះគួរប្រាប់ប្រជាជនដោយត្រង់ បើមិនដូច្នោះទេ វាអាចប៉ះពាល់មុខមាត់ខ្លួនមិនមាន។
បើតាមអតីតនាយករដ្ឋមន្ត្រីថៃដដែលនេះ រដ្ឋាភិបាលយោធានឹងរងសម្ពាធពីសំណាក់អន្តរជាតិដោយសារតែការសម្រេចចិត្តរបស់សភានីតិបញ្ញត្តិកាលពីថ្ងៃទី២៥ ខែមករា។ ការពន្យារពេលអនុវត្តច្បាប់ច្បាប់ស្ដីពីការជ្រើសរើសសមាជិកសភារហូតដល់៩០ថ្ងៃ នឹងរុញកាលបរិច្ឆេទបោះឆ្នោតខែវិច្ឆិកា ឆ្នាំ២០១៨ ទៅដល់ខែកុម្ភៈ ឆ្នាំ២០១៩ វិញ។
ច្បាប់រដ្ឋធម្មនុញ្ញថៃឆ្នាំ២០១៧ ចែងថា ការបោះឆ្នោតត្រូវរៀបចំនៅរយៈពេល១៥០ថ្ងៃ ក្រោយច្បាប់សំខាន់ទាំង៤ ដែលបម្រើឲ្យការបោះឆ្នោត ចូលជាធរមាន។ ដោយគន់គូរតាមពេលវេលានេះ លោក ប្រាយុទ្ធ ផ្ទាល់ជាអ្នកប្រកាសថា ការបោះឆ្នោតដែលពន្យារពេលជាច្រើនលើក នឹងរៀបចំនៅខែវិច្ឆិកា ឆ្នាំ២០១៨ នេះ ស្របតាមផែនទីចង្អុលផ្លូវរបស់ខ្លួន។
លោក Worachai Hema អ្នកនយោបាយបក្សភឿថៃ លើកឡើងថា សម្ដីរបស់លោកនាយករដ្ឋមន្ត្រី ប្រាយុទ្ធ មិនអាចជឿបានទៀតទេ។ អតីតតំណាងរាស្ត្ររូបនេះក៏ព្រមានពីលទ្ធភាពនៃការតវ៉ាដើម្បីទាមទារឲ្យលោក ប្រាយុទ្ធ រក្សាពាក្យសន្យារៀបចំការបោះឆ្នោតនៅខែវិច្ឆិកា។ យ៉ាងណាមិញ អ្នកនាំពាក្យ NCPO បាននិយាយការពារខ្លួនថា ការពន្យារពេលអនុវត្តច្បាប់ខាងលើ គឺជាការទុកឱកាសឲ្យបក្សនយោបាយ និងអាជ្ញាធរមានពេលគ្រប់គ្រាន់ដើម្បីត្រៀមខ្លួនសម្រាបការបោះឆ្នោត៕
អ្នកនយោបាយធំៗនៅប្រទេសថៃ សង្ស័យថា ការសម្រេចចិត្តពន្យារពេលអនុវត្តច្បាប់ច្បាប់ស្ដីពីការជ្រើសរើសសមាជិកសភាពីសំណាក់សភានីតិបញ្ញត្តិ ដែលនាំដល់ការពន្យារពេលការបោះឆ្នោតដែរនោះ គឺធ្វើឡើងតាមការទាមទាររបស់របបយោធា។ ពួកគេជឿថា រដ្ឋាភិបាលយោធារបស់ឧត្តមសេនីយ៍ ប្រាយុទ្ធ ចន្ទអូចា នឹងរងសម្ពាធកាន់តែខ្លាំង ឬក៏ប្រឈមមុខនឹងធ្វើបាតុកម្មតវ៉ាទៀតផង។
នៅថ្ងៃទី២៧ ខែមករា លោក Abhisit Vejjajiva មេបក្សប្រជាធិបតេយ្យ បានស្នើឲ្យក្រុមប្រឹក្សាដើម្បីសន្តិភាព និងសណ្ដាប់ធ្នាប់ (NCPO) ដែលជាស្ថាប័នកំពូលរបស់របបយោធា ចេញមកបញ្ជាក់គោលជំហររបស់ខ្លួនច្បាស់ជុំវិញការបោះឆ្នោត។ យោងតាមកាសែតបាងកកប៉ុស្តិ៍ អ្នកនយោបាយរូបនេះនិយាយថា ប្រសិនបើ NCPO ចង់ពន្យារពេលបោះឆ្នោត ស្ថាប័ននេះគួរប្រាប់ប្រជាជនដោយត្រង់ បើមិនដូច្នោះទេ វាអាចប៉ះពាល់មុខមាត់ខ្លួនមិនមាន។
បើតាមអតីតនាយករដ្ឋមន្ត្រីថៃដដែលនេះ រដ្ឋាភិបាលយោធានឹងរងសម្ពាធពីសំណាក់អន្តរជាតិដោយសារតែការសម្រេចចិត្តរបស់សភានីតិបញ្ញត្តិកាលពីថ្ងៃទី២៥ ខែមករា។ ការពន្យារពេលអនុវត្តច្បាប់ច្បាប់ស្ដីពីការជ្រើសរើសសមាជិកសភារហូតដល់៩០ថ្ងៃ នឹងរុញកាលបរិច្ឆេទបោះឆ្នោតខែវិច្ឆិកា ឆ្នាំ២០១៨ ទៅដល់ខែកុម្ភៈ ឆ្នាំ២០១៩ វិញ។
ច្បាប់រដ្ឋធម្មនុញ្ញថៃឆ្នាំ២០១៧ ចែងថា ការបោះឆ្នោតត្រូវរៀបចំនៅរយៈពេល១៥០ថ្ងៃ ក្រោយច្បាប់សំខាន់ទាំង៤ ដែលបម្រើឲ្យការបោះឆ្នោត ចូលជាធរមាន។ ដោយគន់គូរតាមពេលវេលានេះ លោក ប្រាយុទ្ធ ផ្ទាល់ជាអ្នកប្រកាសថា ការបោះឆ្នោតដែលពន្យារពេលជាច្រើនលើក នឹងរៀបចំនៅខែវិច្ឆិកា ឆ្នាំ២០១៨ នេះ ស្របតាមផែនទីចង្អុលផ្លូវរបស់ខ្លួន។
លោក Worachai Hema អ្នកនយោបាយបក្សភឿថៃ លើកឡើងថា សម្ដីរបស់លោកនាយករដ្ឋមន្ត្រី ប្រាយុទ្ធ មិនអាចជឿបានទៀតទេ។ អតីតតំណាងរាស្ត្ររូបនេះក៏ព្រមានពីលទ្ធភាពនៃការតវ៉ាដើម្បីទាមទារឲ្យលោក ប្រាយុទ្ធ រក្សាពាក្យសន្យារៀបចំការបោះឆ្នោតនៅខែវិច្ឆិកា។ យ៉ាងណាមិញ អ្នកនាំពាក្យ NCPO បាននិយាយការពារខ្លួនថា ការពន្យារពេលអនុវត្តច្បាប់ខាងលើ គឺជាការទុកឱកាសឲ្យបក្សនយោបាយ និងអាជ្ញាធរមានពេលគ្រប់គ្រាន់ដើម្បីត្រៀមខ្លួនសម្រាបការបោះឆ្នោត៕
Tag:
ថៃ
គណបក្សភឿថៃ
គណបក្សប្រជាធិបតេយ្យ
ប្រាយុទ្ធ ចន្ទអូចា
© រក្សាសិទ្ធិដោយ thmeythmey.com
