អន្តរជាតិ
ក្រោយ ត្រាំ ចាត់ទុកជាគូប្រជែង ចិនស្នើអាមេរិកឲ្យមើលខ្លួនក្នុងផ្លូវត្រូវផង
លោក ដូណាល់ ត្រាំ ជួបជាមួយលោក ស៊ី ជិនពីង កន្លងមក (រូបភាព៖ Reuters)
×![]()
ដោយ: តន ចាន់រិទ្ធារ៉ា
ក្នុងសុន្ទរកថាទៅកាន់សភានៅថ្ងៃទី៣០ ខែមករា ប្រធានាធិបតី ដូណាល់ ត្រាំ បាននិយាយចំៗថា ចិន និងរុស្ស៊ី ជាគូប្រជែងរបស់អាមេរិក ទាំងវិស័យសេដ្ឋកិច្ច និងវិស័យយោធា។ ចិនហាក់ស្រងាកចិត្តនឹងសុន្ទរកថារបស់លោក ត្រាំ ដែលផ្ទុយពីជំហររបស់ប្រធានាធិបតីអាមេរិកមុនៗ។ ចិនបានប្រាប់ឲ្យអាមេរិកបោះបង់គំនិតចាស់គំរិលបែបនេះចោល ព្រោះអាចធ្វើឲ្យទំនាក់ទំនងទ្វេភាគីល្អក់កករ និងជ្រើសរើសកិច្ចសហប្រតិបត្តិការដែលជាផ្លូវត្រូវវិញ។
«យើងសង្ឃឹមថា អាមេរិកអាចបោះបង់គំនិតចាស់គំរិលសល់ពីសង្គ្រាមត្រជាក់ និងការលេងល្បែងមួយខាត មួយចំណេញ ព្រមទាំងមើលចិន និងទំនាក់ទំនងចិន-អាមេរិកក្នុងផ្លូវត្រូវ។» នេះជាសម្ដីរបស់លោកស្រី Hua Chunying អ្នកនាំពាក្យក្រសួងការបរទេសចិននៅថ្ងៃទី៣១ ខែមករា ឆ្លើយតបទៅនឹងសំណួរអ្នកសារព័ត៌មានពាក់ព័ន្ធនឹងការអធិប្បាយរបស់ប្រធានាធិបតីអាមេរិក ដែលចាត់ទុកចិនជាគូប្រជែង។
ចំពោះមុខសមាជិកសភាទាំងពីរ លោក ដូណាល់ ត្រាំ បានប្រកាសពង្រឹងវិស័យការពារជាតិដើម្បីទប់ទល់ឥទ្ធិពលចិន និងរុស្ស៊ី ព្រោះមហាអំណាចទាំងពីរនេះប្រជែងផលប្រយោជន៍ សេដ្ឋកិច្ច និងតម្លៃអាមេរិក។ ក្នុងន័យនេះ លោក ត្រាំ បានស្នើឲ្យសភាអាមេរិកអនុម័តថវិកាសម្រាប់វិស័យការពារជាតិឲ្យពេញលេញ ព្រោះកម្លាំងមិនអាចប្រៀបបាន គឺជាអាវុធការពាររបស់អាមេរិក។ ដោយមិននិយាយចំឈ្មោះចិន លោក ត្រាំ ក៏សន្យាការពារកម្មសិទ្ធិបញ្ញាក្រុមហ៊ុនអាមេរិកផងដែរ។
ក្នុងសន្និសីទសារព័ត៌មានដដែល អ្នកនាំពាក្យក្រសួងការបរទេសចិនបានទទួលស្គាល់ថា ចិន និងអាមេរិក ពិតជាមានគំនិតផ្ទុយគ្នាមែន ប៉ុន្តែផលប្រយោជន៍រួមរបស់ប្រទេសទាំងពីរមានទំហំធំជាង និងសំខាន់ជាង។ បើតាមអ្នកនាំពាក្យខាងលើ មេរៀនពីអតីតកាល និងបច្ចុប្បន្ន បានបង្ហាញថា កិច្ចសហប្រតិបត្តិការ គឺជាជម្រើសត្រឹមត្រូវតែមួយគត់ ហើយទំនាក់ទំនងល្អប្រសើរនៅពេលខាងមុខ អាចស្ដែងចេញបានតាមរយៈកិច្ចសហប្រតិបត្តិការឈ្នះ-ឈ្នះ។
ការអធិប្បាយរបស់លោក ត្រាំ ដែលចាត់ទុកចិនជាគូប្រជែងគ្រប់វិស័យ បានឃ្លាតឆ្ងាយពីជំហររបស់រដ្ឋបាលប្រធានាធិបតីអាមេរិកមុនៗ។ ក្រោមអាណត្តិលោក ប៊ីល គ្លីនតុន, ចច ដាប់ប៊លយូ ប៊ូស និងបារ៉ាក់ អូបាម៉ា ជាដើមនោះ អាមេរិកចាត់ទុកចិនជាដៃគូប្រជែងតែវិស័យសេដ្ឋកិច្ចប៉ុណ្ណោះ ហើយបានព្យាយាមអូសទាញចិនឲ្យចូលរួមប្រព័ន្ធពាណិជ្ជកម្មបង្កើតដោយអាមេរិក ជាជាងឲ្យចិនបង្កើតប្រព័ន្ធមួយខ្លួនឯង។
ការប្រកាសរបស់លោក ត្រាំ គឺស្របតាមយុទ្ធសាស្ត្រការពារជាតិថ្មីចេញផ្សាយក្នុងខែមករា ដែលក្នុងនោះអាមេរិកនឹងផ្ដោតឡើងវិញលើការកើនឡើងឥទ្ធិពលរបស់រុស្ស៊ី និងចិន។ នេះក៏ព្រោះ រាប់សិបឆ្នាំមកនេះ អាមេរិកផ្ដោតខ្លាំងលើយុទ្ធនាការប្រយុទ្ធប្រឆាំងភេរវកម្មនិយម ខណៈដែលចិនប្រឹងប្រែងអភិវឌ្ឍសេដ្ឋកិច្ច និងយោធាជាលំដាប់។ ប៉ុន្តែចិនហាក់មានគំនិតសុទិដ្ឋិនិយមលើទំនាក់ទំនងទ្វេភាគីខ្លាំងជាងអាមេរិក៕
«យើងសង្ឃឹមថា អាមេរិកអាចបោះបង់គំនិតចាស់គំរិលសល់ពីសង្គ្រាមត្រជាក់ និងការលេងល្បែងមួយខាត មួយចំណេញ ព្រមទាំងមើលចិន និងទំនាក់ទំនងចិន-អាមេរិកក្នុងផ្លូវត្រូវ។» នេះជាសម្ដីរបស់លោកស្រី Hua Chunying អ្នកនាំពាក្យក្រសួងការបរទេសចិននៅថ្ងៃទី៣១ ខែមករា ឆ្លើយតបទៅនឹងសំណួរអ្នកសារព័ត៌មានពាក់ព័ន្ធនឹងការអធិប្បាយរបស់ប្រធានាធិបតីអាមេរិក ដែលចាត់ទុកចិនជាគូប្រជែង។
ចំពោះមុខសមាជិកសភាទាំងពីរ លោក ដូណាល់ ត្រាំ បានប្រកាសពង្រឹងវិស័យការពារជាតិដើម្បីទប់ទល់ឥទ្ធិពលចិន និងរុស្ស៊ី ព្រោះមហាអំណាចទាំងពីរនេះប្រជែងផលប្រយោជន៍ សេដ្ឋកិច្ច និងតម្លៃអាមេរិក។ ក្នុងន័យនេះ លោក ត្រាំ បានស្នើឲ្យសភាអាមេរិកអនុម័តថវិកាសម្រាប់វិស័យការពារជាតិឲ្យពេញលេញ ព្រោះកម្លាំងមិនអាចប្រៀបបាន គឺជាអាវុធការពាររបស់អាមេរិក។ ដោយមិននិយាយចំឈ្មោះចិន លោក ត្រាំ ក៏សន្យាការពារកម្មសិទ្ធិបញ្ញាក្រុមហ៊ុនអាមេរិកផងដែរ។
ក្នុងសន្និសីទសារព័ត៌មានដដែល អ្នកនាំពាក្យក្រសួងការបរទេសចិនបានទទួលស្គាល់ថា ចិន និងអាមេរិក ពិតជាមានគំនិតផ្ទុយគ្នាមែន ប៉ុន្តែផលប្រយោជន៍រួមរបស់ប្រទេសទាំងពីរមានទំហំធំជាង និងសំខាន់ជាង។ បើតាមអ្នកនាំពាក្យខាងលើ មេរៀនពីអតីតកាល និងបច្ចុប្បន្ន បានបង្ហាញថា កិច្ចសហប្រតិបត្តិការ គឺជាជម្រើសត្រឹមត្រូវតែមួយគត់ ហើយទំនាក់ទំនងល្អប្រសើរនៅពេលខាងមុខ អាចស្ដែងចេញបានតាមរយៈកិច្ចសហប្រតិបត្តិការឈ្នះ-ឈ្នះ។
ការអធិប្បាយរបស់លោក ត្រាំ ដែលចាត់ទុកចិនជាគូប្រជែងគ្រប់វិស័យ បានឃ្លាតឆ្ងាយពីជំហររបស់រដ្ឋបាលប្រធានាធិបតីអាមេរិកមុនៗ។ ក្រោមអាណត្តិលោក ប៊ីល គ្លីនតុន, ចច ដាប់ប៊លយូ ប៊ូស និងបារ៉ាក់ អូបាម៉ា ជាដើមនោះ អាមេរិកចាត់ទុកចិនជាដៃគូប្រជែងតែវិស័យសេដ្ឋកិច្ចប៉ុណ្ណោះ ហើយបានព្យាយាមអូសទាញចិនឲ្យចូលរួមប្រព័ន្ធពាណិជ្ជកម្មបង្កើតដោយអាមេរិក ជាជាងឲ្យចិនបង្កើតប្រព័ន្ធមួយខ្លួនឯង។
ការប្រកាសរបស់លោក ត្រាំ គឺស្របតាមយុទ្ធសាស្ត្រការពារជាតិថ្មីចេញផ្សាយក្នុងខែមករា ដែលក្នុងនោះអាមេរិកនឹងផ្ដោតឡើងវិញលើការកើនឡើងឥទ្ធិពលរបស់រុស្ស៊ី និងចិន។ នេះក៏ព្រោះ រាប់សិបឆ្នាំមកនេះ អាមេរិកផ្ដោតខ្លាំងលើយុទ្ធនាការប្រយុទ្ធប្រឆាំងភេរវកម្មនិយម ខណៈដែលចិនប្រឹងប្រែងអភិវឌ្ឍសេដ្ឋកិច្ច និងយោធាជាលំដាប់។ ប៉ុន្តែចិនហាក់មានគំនិតសុទិដ្ឋិនិយមលើទំនាក់ទំនងទ្វេភាគីខ្លាំងជាងអាមេរិក៕
Tag:
ចិន
អាមេរិក
ដូណាល់ ត្រាំ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
