អន្តរជាតិ
×![]()
ដោយ: តន ចាន់រិទ្ធារ៉ា
រដ្ឋបាលប្រធានាធិបតីអាមេរិក ដូណាល់ ត្រាំ នឹងបញ្ជូនមន្ត្រីជាន់ខ្ពស់ទទួលបន្ទុកកិច្ចការលក់អាវុធឲ្យចូលរួមពិព័រណ៍អាកាសនៅឯសិង្ហបុរី។ នេះជាលើកជាដំបូងក្នុងពេលប៉ុន្មានឆ្នាំមកនេះដែលអាមេរិកបញ្ជូនមន្ត្រីរបស់ខ្លួនចូលរួមក្នុងកម្មវិធីបង្ហាញផលិតផលយោធាសម្រាប់ការងារផ្លូវអាកាស។ គោលដៅសំខាន់ គឺស្វែងរកអតិថិជនឲ្យក្រុមហ៊ុនអាវុធអាមេរិក ស្របតាមនយោបាយរបស់លោក ត្រាំ ក្នុងការជំរុញនយោបាយ «ទិញផលិតផលអាមេរិក Buy American»។
លោកស្រី Tina Kaidanow ឧបការីស្ដីទីនៃក្រសួងការបរទេសអាមេរិក នឹងមានវត្តមានក្នុងពិព័រណ៍អាកាសនៅសិង្ហបុរី ចាប់ពីថ្ងៃទី៦ ដល់ថ្ងៃទី១១ ខែកុម្ភៈ ដើម្បីទាក់ទាញអតិថិជនឲ្យទិញផលិតផលយោធារបស់ក្រុមហ៊ុនអាមេរិក។ កម្មវិធីនៅសិង្ហបុរីឆ្នាំនេះ គឺជាឱកាសល្អសម្រាប់រដ្ឋបាលលោក ត្រាំ ក្នុងការជំរុញការលក់សព្វាវុធអាមេរិកតាមរយៈការតាំងបង្ហាញចំពោះមុខមន្ត្រីទទួលបន្ទុកកិច្ចការសន្តិសុខមកពីប្រទេសជាច្រើន។
យន្តហោះចម្បាំងប្រភេទថ្មី F-35 របស់ក្រុមហ៊ុនLockheed Martin Corp និងមីស៊ីលរបស់ក្រុមហ៊ុន Raytheon Co គឺជាផលិតផលដែលអាចទាក់ទាញអតិថិជនតំបន់អាស៊ីបាន។ វត្តមានលោកស្រី Kaidanow គឺជាផ្នែកមួយនៃគំនិតផ្ដួចផ្ដើម «ទិញផលិតផលអាមេរិក» របស់លោក ត្រាំ ដែលជំរុញឲ្យមន្ត្រីការទូត និងអនុព័ន្ធយោធាអាមេរិកនៅបរទេស ជួយផ្សព្វផ្សាយផលិតផលអាវុធអាមេរិកទៅកាន់ទីផ្សារអន្តរជាតិ។
ពិព័រណ៍នៅសិង្ហបុរីលើកនេះ នឹងក្លាយជាកន្លែងសាកល្បងនៃយុទ្ធសាស្ត្រថ្មីរបស់លោក ត្រាំ ដែលក្នុងនោះក្រសួងការពារជាតិ និងក្រសួងការបរទេសអាមេរិកចេញមុខចរចាលក់អាវុធកាន់តែខ្លាំងជាងមុន ខណៈកិច្ចព្រមព្រៀងលក់ទាំងអស់ត្រូវមានការអនុញ្ញាតពីក្រសួងការបរទេសសិន។ មន្ត្រីក្រសួងការបរទេសអាមេរិកម្នាក់និយាយថា ជាមួយនឹងការប្រឹងប្រែងរបស់រដ្ឋាភិបាល និងក្រុមហ៊ុន ការលក់អាវុធនឹងកើនឡើងមិនខាន។
តំបន់អាស៊ីប៉ាស៊ិហ្វិក គឺជាទីផ្សារអាវុធដ៏ធំមួយរបសអាមេរិក ព្រមគ្នានឹងតំបន់អឺរ៉ុបដែរ។ បើតាមរបាយការណ៍ក្រសួងពាណិជ្ជកម្មអាមេរិកឆ្នាំ២០១៦ អាស៊ីនាំចូលអាវុធពីអាមេរិកក្នុងតម្លៃ៤៩,៥ពាន់លានដុល្លារ ខណៈអាមេរិកនាំចូលទៅអឺរ៉ុបមានតម្លៃ៤៩,៨ពាន់លានដុល្លារ។ ជប៉ុន កូរ៉េខាងត្បូង តៃវ៉ាន់ ថៃ សិង្ហបុរី ម៉ាឡេស៊ី និងវៀតណាម ជាម៉ូយទិញអាវុធដ៏ធំរបស់អាមេរិកក្នុងតម្លៃរាប់សិបលានដុល្លារ។
ជំនួញអាវុធរបស់អាមេរិកបានកើនឡើងខ្លាំងនៅដំណាច់អាណត្តិអតីតប្រធានាធិបតី បារ៉ាក់ អូបាម៉ា និងបានបន្តកើនឡើងថែមទៀតក្នុងដំណាក់កាលឆ្នាំទីមួយរបស់លោក ត្រាំ ។ គេអាចចាំបានថា ក្នុងទស្សនកិច្ចសម្ព័ន្ធមិត្តអាមេរិកនៅមជ្ឈិមបូព៌ា និងនៅអាស៊ីកាលពីឆ្នាំ២០១៧ លោក ត្រាំ គៀងគរកិច្ចព្រមព្រៀងទិញលក់អាវុធក្នុងទំហំទឹកប្រាក់រាប់ពាន់លានដុល្លារឯណោះ។ ច្បាស់ណាស់ថា ចំនួននេះនឹងមានសន្ទុះកាន់តែខ្លាំង ព្រោះនយោបាយរបស់លោក ត្រាំ ៕
លោកស្រី Tina Kaidanow ឧបការីស្ដីទីនៃក្រសួងការបរទេសអាមេរិក នឹងមានវត្តមានក្នុងពិព័រណ៍អាកាសនៅសិង្ហបុរី ចាប់ពីថ្ងៃទី៦ ដល់ថ្ងៃទី១១ ខែកុម្ភៈ ដើម្បីទាក់ទាញអតិថិជនឲ្យទិញផលិតផលយោធារបស់ក្រុមហ៊ុនអាមេរិក។ កម្មវិធីនៅសិង្ហបុរីឆ្នាំនេះ គឺជាឱកាសល្អសម្រាប់រដ្ឋបាលលោក ត្រាំ ក្នុងការជំរុញការលក់សព្វាវុធអាមេរិកតាមរយៈការតាំងបង្ហាញចំពោះមុខមន្ត្រីទទួលបន្ទុកកិច្ចការសន្តិសុខមកពីប្រទេសជាច្រើន។
យន្តហោះចម្បាំងប្រភេទថ្មី F-35 របស់ក្រុមហ៊ុនLockheed Martin Corp និងមីស៊ីលរបស់ក្រុមហ៊ុន Raytheon Co គឺជាផលិតផលដែលអាចទាក់ទាញអតិថិជនតំបន់អាស៊ីបាន។ វត្តមានលោកស្រី Kaidanow គឺជាផ្នែកមួយនៃគំនិតផ្ដួចផ្ដើម «ទិញផលិតផលអាមេរិក» របស់លោក ត្រាំ ដែលជំរុញឲ្យមន្ត្រីការទូត និងអនុព័ន្ធយោធាអាមេរិកនៅបរទេស ជួយផ្សព្វផ្សាយផលិតផលអាវុធអាមេរិកទៅកាន់ទីផ្សារអន្តរជាតិ។
ពិព័រណ៍នៅសិង្ហបុរីលើកនេះ នឹងក្លាយជាកន្លែងសាកល្បងនៃយុទ្ធសាស្ត្រថ្មីរបស់លោក ត្រាំ ដែលក្នុងនោះក្រសួងការពារជាតិ និងក្រសួងការបរទេសអាមេរិកចេញមុខចរចាលក់អាវុធកាន់តែខ្លាំងជាងមុន ខណៈកិច្ចព្រមព្រៀងលក់ទាំងអស់ត្រូវមានការអនុញ្ញាតពីក្រសួងការបរទេសសិន។ មន្ត្រីក្រសួងការបរទេសអាមេរិកម្នាក់និយាយថា ជាមួយនឹងការប្រឹងប្រែងរបស់រដ្ឋាភិបាល និងក្រុមហ៊ុន ការលក់អាវុធនឹងកើនឡើងមិនខាន។
តំបន់អាស៊ីប៉ាស៊ិហ្វិក គឺជាទីផ្សារអាវុធដ៏ធំមួយរបសអាមេរិក ព្រមគ្នានឹងតំបន់អឺរ៉ុបដែរ។ បើតាមរបាយការណ៍ក្រសួងពាណិជ្ជកម្មអាមេរិកឆ្នាំ២០១៦ អាស៊ីនាំចូលអាវុធពីអាមេរិកក្នុងតម្លៃ៤៩,៥ពាន់លានដុល្លារ ខណៈអាមេរិកនាំចូលទៅអឺរ៉ុបមានតម្លៃ៤៩,៨ពាន់លានដុល្លារ។ ជប៉ុន កូរ៉េខាងត្បូង តៃវ៉ាន់ ថៃ សិង្ហបុរី ម៉ាឡេស៊ី និងវៀតណាម ជាម៉ូយទិញអាវុធដ៏ធំរបស់អាមេរិកក្នុងតម្លៃរាប់សិបលានដុល្លារ។
ជំនួញអាវុធរបស់អាមេរិកបានកើនឡើងខ្លាំងនៅដំណាច់អាណត្តិអតីតប្រធានាធិបតី បារ៉ាក់ អូបាម៉ា និងបានបន្តកើនឡើងថែមទៀតក្នុងដំណាក់កាលឆ្នាំទីមួយរបស់លោក ត្រាំ ។ គេអាចចាំបានថា ក្នុងទស្សនកិច្ចសម្ព័ន្ធមិត្តអាមេរិកនៅមជ្ឈិមបូព៌ា និងនៅអាស៊ីកាលពីឆ្នាំ២០១៧ លោក ត្រាំ គៀងគរកិច្ចព្រមព្រៀងទិញលក់អាវុធក្នុងទំហំទឹកប្រាក់រាប់ពាន់លានដុល្លារឯណោះ។ ច្បាស់ណាស់ថា ចំនួននេះនឹងមានសន្ទុះកាន់តែខ្លាំង ព្រោះនយោបាយរបស់លោក ត្រាំ ៕
Tag:
អាមេរិក
សិង្ហបុរី
ដូណាល់ ត្រាំ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
