អន្តរជាតិ
ប្រមុខការទូតអាមរិកព្រលយថា យោធាវ៉េណេស៊ុយអេឡាអាចទម្លាក់លោក ម៉ាឌូរ៉ូ ពីតំណែង
×![]()
ដោយ: តន ចាន់រិទ្ធារ៉ា
នៅថ្ងៃទី១ ខែកុម្ភៈ ប្រមុខការទូតអាមេរិក រិច ធីល័រសិន បានលើកឡើងពីលទ្ធភាពដែលយោធាវ៉េណេស៊ុយអេឡាឈប់គាំទ្រប្រធានាធិបតី នីកូឡាស់ ម៉ាឌូរ៉ូ ហើយទម្លាក់លោកពីតំណែងតែម្ដង។ បើតាមលោក ធីល័រសិន ការលូកដៃរបស់យោធាក្នុងវិបត្តិនយោបាយមិនមែនជារឿងថ្មីឡើយនៅតំបន់អាមេរិកឡាទីន។ យ៉ាងណាក្ដី លោក ធីល័រសិន បានស្នើឲ្យលោក ម៉ាឌូរ៉ូ ចាកចេញពីតំណែងតាមសម្រួលវិញ។
វិបត្តិនយោបាយនៅវ៉េណេស៊ុយអេឡា នៅតែបន្តជាប់គាំងដោះស្រាយមិនទាន់ចេញ ខណៈដែលលោកប្រធានាធិបតី នីកូឡាស់ ម៉ាឌូរ៉ូ នៅក្រាញអំណាច ហើយសេដ្ឋកិច្ចវ៉េណេស៊ុយអេឡាទាំងមូលធ្លាក់ចុះយ៉ាងខ្លាំង។ រដ្ឋាភិបាលវ៉េណេស៊ុយអេឡា បានចោទអាមេរិកថា នៅពីក្រោយវិបត្តិក្នុងស្រុក បង្កចលាចល មានបំណងលួចធនធានប្រេង និងបង្កើតក្រុមស្ដាំនិយមជ្រុលដើម្បីផ្លាស់ប្ដូរប្រព័ន្ធសង្គមនិយមនៅអាមេរិកខាងត្បូង។
យ៉ាងណាមិញ រដ្ឋមន្ត្រីការបរទេសអាមេរិក រិច ធីល័រសិន និយាយថា អាមេរិកគ្មានបំណងផ្លាស់ប្ដូររបបនៅវ៉េណេស៊ុយអេឡាឡើយ តែលោកបានព្រលយថា វាជារឿងស្រួល ប្រសិនបើលោក ម៉ាឌូរ៉ូ ជ្រើសរើសការចាកចេញដោយខ្លួនឯង។ លោក ធីល័រសិន ទស្សទាយថា ការផ្លាស់ប្ដូរនឹងកើតមាននៅវ៉េណេស៊ុយអេឡា ហើយអាមេរិកចង់ឲ្យការផ្លាស់ប្ដូរនេះធ្វើឡើងដោយសន្តិភាព។ ក្នុងន័យនេះ លោកលើកឡើងពីលទ្ធភាពដែលយោធាវ៉េណេស៊ុយអេឡាលូកដៃបញ្ចប់វិបត្តិ។
ឆ្លើយនឹងសំណួរថា ការផ្លាស់ប្ដូរលោក ម៉ាឌូរ៉ូ ជារឿងចាំបាច់ ឬក៏អាមេរិកនឹងលូកដៃចូលវិបត្តិនេះ លោក ធីល័រសិន បញ្ជាក់ថា អាមេរិកមិនបានស្វែងររកការផ្លាស់ប្ដូរលោក ម៉ាឌូរ៉ូ ឡើយ តែចង់ឲ្យមានការគោរពរដ្ឋធម្មនុញ្ញឡើងវិញ។ ចំពោះមុខនិស្សិតនៅរដ្ឋតិចសាស់នៅថ្ងៃទី១ ខែកុម្ភៈ មុនដំណើរទៅកាន់អាមេរិកឡាទីន ប្រមុខការទូតអាមេរិករូបនេះបង្ហើបទៀតថា កម្លាំងខាងក្នុងអាចនឹងធ្វើសកម្មភាពមិនខាន។
ក្នុងប្រវត្តិសាស្ត្ររបស់វ៉េណេស៊ុយអេឡា និងនៅតំបន់ឡាទីនទាំងមូល ជារឿយៗយោធាតែងចេញមុខដោះស្រាយបញ្ហា។ នេះជាសម្ដីរបស់ប្រមុខការទូតអាមេរិក ផ្សាយដោយទីភ្នាក់ងារព័ត៌មាន Reuters ដែលបន្តថា យោធានឹងចាត់ចែងការផ្លាស់ប្ដូរអំណាចដោយសន្តិវិធី ពេលប្រទេសជួបបញ្ហា ហើយពួកគេយល់ថា រដ្ឋាភិបាលមិនអាចបម្រើប្រជាជនទៀតទេ។ យ៉ាងណាមិញ លោក ធីល័រសិន មិនច្បាស់ថា ប្រវត្តិសាស្ត្រអាចកើតឡើងច្រំដែលឡើយ។
កន្លងមក បណ្ដាមេយោធាជាន់ខ្ពស់ស្ថិតនៅពីក្រោយការកាន់អំណាចរបស់លោក ម៉ាឌូរ៉ូ ប៉ុន្តែកូនទាហានជាច្រើនអត់អាហារ ដល់ថ្នាក់ដើរសុំអាហារពីប្រជាជនដើម្បីបំពេញក្រពះ។ ការលើកឡើងខាងលើរបស់លោក ធីល័រសិន ទំនងជាសញ្ញាបង្ហាញពីការប្រេះឆារបស់កងទ័ព និងលោក ម៉ាឌូរ៉ូ ទោះជាលោកគ្មានភស្តុតាបញ្ជាក់ក្ដី។ ចុងក្រោយ លោក ធីល័រសិន បានប្រាប់លោក ម៉ាឌូរ៉ូ ទៅសោយសុខនៅគុយបាវិញ៕
វិបត្តិនយោបាយនៅវ៉េណេស៊ុយអេឡា នៅតែបន្តជាប់គាំងដោះស្រាយមិនទាន់ចេញ ខណៈដែលលោកប្រធានាធិបតី នីកូឡាស់ ម៉ាឌូរ៉ូ នៅក្រាញអំណាច ហើយសេដ្ឋកិច្ចវ៉េណេស៊ុយអេឡាទាំងមូលធ្លាក់ចុះយ៉ាងខ្លាំង។ រដ្ឋាភិបាលវ៉េណេស៊ុយអេឡា បានចោទអាមេរិកថា នៅពីក្រោយវិបត្តិក្នុងស្រុក បង្កចលាចល មានបំណងលួចធនធានប្រេង និងបង្កើតក្រុមស្ដាំនិយមជ្រុលដើម្បីផ្លាស់ប្ដូរប្រព័ន្ធសង្គមនិយមនៅអាមេរិកខាងត្បូង។
យ៉ាងណាមិញ រដ្ឋមន្ត្រីការបរទេសអាមេរិក រិច ធីល័រសិន និយាយថា អាមេរិកគ្មានបំណងផ្លាស់ប្ដូររបបនៅវ៉េណេស៊ុយអេឡាឡើយ តែលោកបានព្រលយថា វាជារឿងស្រួល ប្រសិនបើលោក ម៉ាឌូរ៉ូ ជ្រើសរើសការចាកចេញដោយខ្លួនឯង។ លោក ធីល័រសិន ទស្សទាយថា ការផ្លាស់ប្ដូរនឹងកើតមាននៅវ៉េណេស៊ុយអេឡា ហើយអាមេរិកចង់ឲ្យការផ្លាស់ប្ដូរនេះធ្វើឡើងដោយសន្តិភាព។ ក្នុងន័យនេះ លោកលើកឡើងពីលទ្ធភាពដែលយោធាវ៉េណេស៊ុយអេឡាលូកដៃបញ្ចប់វិបត្តិ។
ឆ្លើយនឹងសំណួរថា ការផ្លាស់ប្ដូរលោក ម៉ាឌូរ៉ូ ជារឿងចាំបាច់ ឬក៏អាមេរិកនឹងលូកដៃចូលវិបត្តិនេះ លោក ធីល័រសិន បញ្ជាក់ថា អាមេរិកមិនបានស្វែងររកការផ្លាស់ប្ដូរលោក ម៉ាឌូរ៉ូ ឡើយ តែចង់ឲ្យមានការគោរពរដ្ឋធម្មនុញ្ញឡើងវិញ។ ចំពោះមុខនិស្សិតនៅរដ្ឋតិចសាស់នៅថ្ងៃទី១ ខែកុម្ភៈ មុនដំណើរទៅកាន់អាមេរិកឡាទីន ប្រមុខការទូតអាមេរិករូបនេះបង្ហើបទៀតថា កម្លាំងខាងក្នុងអាចនឹងធ្វើសកម្មភាពមិនខាន។
ក្នុងប្រវត្តិសាស្ត្ររបស់វ៉េណេស៊ុយអេឡា និងនៅតំបន់ឡាទីនទាំងមូល ជារឿយៗយោធាតែងចេញមុខដោះស្រាយបញ្ហា។ នេះជាសម្ដីរបស់ប្រមុខការទូតអាមេរិក ផ្សាយដោយទីភ្នាក់ងារព័ត៌មាន Reuters ដែលបន្តថា យោធានឹងចាត់ចែងការផ្លាស់ប្ដូរអំណាចដោយសន្តិវិធី ពេលប្រទេសជួបបញ្ហា ហើយពួកគេយល់ថា រដ្ឋាភិបាលមិនអាចបម្រើប្រជាជនទៀតទេ។ យ៉ាងណាមិញ លោក ធីល័រសិន មិនច្បាស់ថា ប្រវត្តិសាស្ត្រអាចកើតឡើងច្រំដែលឡើយ។
កន្លងមក បណ្ដាមេយោធាជាន់ខ្ពស់ស្ថិតនៅពីក្រោយការកាន់អំណាចរបស់លោក ម៉ាឌូរ៉ូ ប៉ុន្តែកូនទាហានជាច្រើនអត់អាហារ ដល់ថ្នាក់ដើរសុំអាហារពីប្រជាជនដើម្បីបំពេញក្រពះ។ ការលើកឡើងខាងលើរបស់លោក ធីល័រសិន ទំនងជាសញ្ញាបង្ហាញពីការប្រេះឆារបស់កងទ័ព និងលោក ម៉ាឌូរ៉ូ ទោះជាលោកគ្មានភស្តុតាបញ្ជាក់ក្ដី។ ចុងក្រោយ លោក ធីល័រសិន បានប្រាប់លោក ម៉ាឌូរ៉ូ ទៅសោយសុខនៅគុយបាវិញ៕
Tag:
អាមេរិក
វ៉េណេស៊ុយអេឡា
រិច ធីល័រសិន
នីកូឡាស់ ម៉ាឌូរ៉ូ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
