ជាតិ
ស្ថានទូតអាមេរិក ចែកសញ្ញាបត្រដល់និស្សិតខ្មែរ១១នាក់ ដែលបញ្ចប់ការសិក្សានៅអាមេរិក
×![]()
ភ្នំពេញ៖ ស្ថានទូតអាមេរិកប្រចាំកម្ពុជា បានរៀបចំកម្មវិធីចែកសញ្ញាបត្រដល់និស្សិតខ្មែរ ដែលបានបញ្ចប់ការសិក្សានៅសហរដ្ឋអាមេរិកនាពេលកន្លងមក។ និស្សិតខ្មែរទាំងនោះ បានបន្តការសិក្សាថ្នាក់អនុបណ្ឌិត និងបណ្ឌិតនៅសហរដ្ឋអាមេរិក តាមរយៈកម្មវិធី Fulbright រួមទាំងនិស្សិតផ្លាស់ប្ដូរការសិក្សាក្នុងរយៈពេលខ្លីផងដែរ។ 
និស្សិតកម្ពុជា ១១រូប ដែលបញ្ចប់ការសិក្សា និងផ្លាស់ប្ដូរការសិក្សានៅសហរដ្ឋអាមេរិក បានទទួលសញ្ញាបត្រពីស្ថានទូតអាមេរិកប្រចាំកម្ពុជា។ ក្នុងចំណោមនិស្សិតទាំង១១រូប មាន៧រូប ជានិស្សិតបន្តការសិក្សានៅសហរដ្ឋអាមេរិក តាមរយៈកម្មវិធី Fulbright និង ៤រូបផ្សេងទៀត ជានិស្សិតដែលផ្លាស់ប្ដូរការសិក្សាក្នុងរយៈពេលខ្លី។
ក្នុងពិធីចែកសញ្ញាបត្រដល់និស្សិតខ្មែរ ដែលបញ្ចប់ការសិក្សានៅសហរដ្ឋអាមេរិក លោក William A. Heidt ឯកអគ្គរដ្ឋទូតអាមេរិកប្រចាំកម្ពុជា បាននិយាយថា អាមេរិក នឹងបន្តគាំទ្រដល់និស្សិតកម្ពុជា ក្នុងការបន្តការសិក្សានៅអាមេរិក។ បើតាមលោក William A. Heidt ក្នុងឆ្នាំ២០១៧កន្លងទៅ និស្សិតកម្ពុជាជាង ៥០០នាក់ បានបន្តការសិក្សានៅអាមេរិក ដោយកើនឡើង ៥៣ភាគរយ បើប្រៀបធៀបទៅនឹង៥ឆ្នាំមុន។
លោក William A. Heidt បញ្ជាក់ថា៖« តាមរយៈកម្មវិធី Fulbright និស្សិតដែលបញ្ចប់ការសិក្សា បានចូលរួមជួយសង្គមយ៉ាងច្រើន»។ ឯកអគ្គរដ្ឋទូតអាមេរិកប្រចាំកម្ពុជារូបនេះ សង្ឃឹមថានិស្សិត Fulbright ជំនាន់មុន នឹងបន្តសហការជាមួយស្ថានទូត ក្នុងការជំរុញនិស្សិតកម្ពុជា ទៅសិក្សានៅអាមេរិក។
លោក យក់ ង៉ុយ រដ្ឋលេខាធិការក្រសួងអប់រំ យុវជន និងកីឡា បានលើកឡើងថា និស្សិតកម្ពុជា ដែលបានបន្តការសិក្សានៅក្រៅប្រទេស បានចូលរួមចំណែកក្នុងការអភិវឌ្ឍសង្គម តាមរយៈការបម្រើការងារទាំងវិស័យរដ្ឋ និងឯកជន។ បើតាមរដ្ឋលេខាធិការក្រសួងអប់រំរូបនេះ និស្សិតដែលបានបន្តការសិក្សា និងផ្លាស់ប្ដូរការសិក្សានៅអាមេរិក ភាគច្រើនផ្ដោតលើមុខវិជ្ជា សេដ្ឋកិច្ច ច្បាប់ អប់រំ និងវិស្វកម្មជាដើម។
សូមបញ្ជាក់ថា អាហារូបករណ៍ Fulbright ជាអាហារូបករណ៍របស់រដ្ឋាភិបាលអាមេរិក ដែលបង្កើតឡើងតាំងពីឆ្នាំ១៩៤៦។ អាហារូបករណ៍នេះ ត្រូវការពិន្ទុភាសាអង់គ្លេស TOELT i យ៉ាងហោចណាស់ ៨៨ ឬពិន្ទុ IELTS យ៉ាងហោចណាស់ ៧.០៕
និស្សិតកម្ពុជា ១១រូប ដែលបញ្ចប់ការសិក្សា និងផ្លាស់ប្ដូរការសិក្សានៅសហរដ្ឋអាមេរិក បានទទួលសញ្ញាបត្រពីស្ថានទូតអាមេរិកប្រចាំកម្ពុជា។ ក្នុងចំណោមនិស្សិតទាំង១១រូប មាន៧រូប ជានិស្សិតបន្តការសិក្សានៅសហរដ្ឋអាមេរិក តាមរយៈកម្មវិធី Fulbright និង ៤រូបផ្សេងទៀត ជានិស្សិតដែលផ្លាស់ប្ដូរការសិក្សាក្នុងរយៈពេលខ្លី។
ក្នុងពិធីចែកសញ្ញាបត្រដល់និស្សិតខ្មែរ ដែលបញ្ចប់ការសិក្សានៅសហរដ្ឋអាមេរិក លោក William A. Heidt ឯកអគ្គរដ្ឋទូតអាមេរិកប្រចាំកម្ពុជា បាននិយាយថា អាមេរិក នឹងបន្តគាំទ្រដល់និស្សិតកម្ពុជា ក្នុងការបន្តការសិក្សានៅអាមេរិក។ បើតាមលោក William A. Heidt ក្នុងឆ្នាំ២០១៧កន្លងទៅ និស្សិតកម្ពុជាជាង ៥០០នាក់ បានបន្តការសិក្សានៅអាមេរិក ដោយកើនឡើង ៥៣ភាគរយ បើប្រៀបធៀបទៅនឹង៥ឆ្នាំមុន។
លោក William A. Heidt បញ្ជាក់ថា៖« តាមរយៈកម្មវិធី Fulbright និស្សិតដែលបញ្ចប់ការសិក្សា បានចូលរួមជួយសង្គមយ៉ាងច្រើន»។ ឯកអគ្គរដ្ឋទូតអាមេរិកប្រចាំកម្ពុជារូបនេះ សង្ឃឹមថានិស្សិត Fulbright ជំនាន់មុន នឹងបន្តសហការជាមួយស្ថានទូត ក្នុងការជំរុញនិស្សិតកម្ពុជា ទៅសិក្សានៅអាមេរិក។
លោក យក់ ង៉ុយ រដ្ឋលេខាធិការក្រសួងអប់រំ យុវជន និងកីឡា បានលើកឡើងថា និស្សិតកម្ពុជា ដែលបានបន្តការសិក្សានៅក្រៅប្រទេស បានចូលរួមចំណែកក្នុងការអភិវឌ្ឍសង្គម តាមរយៈការបម្រើការងារទាំងវិស័យរដ្ឋ និងឯកជន។ បើតាមរដ្ឋលេខាធិការក្រសួងអប់រំរូបនេះ និស្សិតដែលបានបន្តការសិក្សា និងផ្លាស់ប្ដូរការសិក្សានៅអាមេរិក ភាគច្រើនផ្ដោតលើមុខវិជ្ជា សេដ្ឋកិច្ច ច្បាប់ អប់រំ និងវិស្វកម្មជាដើម។
សូមបញ្ជាក់ថា អាហារូបករណ៍ Fulbright ជាអាហារូបករណ៍របស់រដ្ឋាភិបាលអាមេរិក ដែលបង្កើតឡើងតាំងពីឆ្នាំ១៩៤៦។ អាហារូបករណ៍នេះ ត្រូវការពិន្ទុភាសាអង់គ្លេស TOELT i យ៉ាងហោចណាស់ ៨៨ ឬពិន្ទុ IELTS យ៉ាងហោចណាស់ ៧.០៕
Tag:
និស្សិត
ស្ថានទូតអាមេរិក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
