ភ្នំពេញ​៖ នៅក្នុង​ប្រទេស​កម្ពុជា​ជាទូទៅ​គេ​ឃើញ​មាន​ប័ណ្ណ​កម្ម​សិ​ទិ្ធ​កាន់កាប់​ដី​ចំនួន​បី​ប្រភេទ​ដែល​ត្រូវបាន​ប្រើប្រាស់​នៅ​ទូទាំងប្រទេស​។ ប្លង់​កម្ម​សិទ្ធ​ទាំងនេះ​រួមមាន​៖ ប្លង់រឹង ប្លង់​ទន់ និង​ប្លង់​កម្មសិទ្ធិ​រួមគ្នា (strata title ដែលជា​ប្លង់​កម្មសិទ្ធិ​អនុញ្ញាតឱ្យ​ជនបរទេស​មានកម្ម​សិទ្ធិ​កាន់កាប់​ខុន​ដូ​ទៅតាម​លក្ខខណ្ឌ​ជាក់លាក់​)​។ ប្លង់​កម្មសិទ្ធិ​នីមួយៗ​ផ្តល់​សិទ្ធិ និង​ភាពរឹងមាំ​ខុសៗ​គ្នា​។ បច្ចុប្បន្ននេះ​មាន​ប័ណ្ណកម្មសិទ្ធិ​កាន់កាប់​ដី​មួយ​ផ្សេងទៀត​ដែល​គេ​ហៅថា​ប្លង់រឹង​ប្រព័ន្ធ​ហៅថា​ជា​ភាសា​អង់គ្លេស​ថា LMAP ត្រូវបាន​ចាត់ជា​ទម្រង់​ប័ណ្ណកម្មសិទ្ធិ​ដីធ្លី​ដែល​ត្រូវ​ផ្តល់ជូន​សម្រាប់​អ្នកទិញ និង​ម្ចាស់​អចលនទ្រព្យ​។

 

​ដើម្បី​ស្វែងយល់​អំពី​បរិបទ​ថ្មី​នៃ​ប្លង់រឹង​ប្រព័ន្ធ ក្នុង​អត្ថបទ​ភាគ​១ យើង​នឹង​បង្ហាញថា​អ្វី​ជា​ប្លង់រឹង​ប្រព័ន្ធ  និង​អត្ថប្រយោជន៍​របស់​វា និង​ថា​តើ​ប្លង់រឹង​ប្រព័ន្ធ​នេះ​មាន​សារៈសំខាន់​យ៉ាងដូចម្តេចខ្លះ​ចំពោះ​អ្នក​។ អត្ថបទ​នេះ​ផ្តល់ជូន​ដោយ Realestate.com.kh​។​

 

​ប្រព័ន្ធ​នៃ​ការផ្តល់​ប័ណ្ណ​កម្ម​សិទ្ធ​ដែល​ហៅថា ប្លង់រឹង​ប្រព័ន្ធ ឬ​LMAP (​ដែល​ពី​អង់គ្លេស​ថា Land Management and Administration Project មានន័យថា​គម្រោង​គ្រប់គ្រង និង​រដ្ឋបាល​ដីធ្លី​) គឺជា​វិញ្ញាបនបត្រ​នៃ​ប័ណ្ណកម្មសិទ្ធិ​ដីធ្លី​។ នេះ​ជា​គម្រោង​មួយ​ដែល​បានដាក់​ឱ្យប្រើ​ប្រាស់​ជា​លើកដំបូង​នៅក្នុង​ប្រទេស​កម្ពុជា​ក្នុង​ឆ្នាំ​២០០២​ដោយ​ធនាគារពិភពលោក បន្ទាប់ពី​ទទួលបាន​ការយល់ព្រម​ពី​រដ្ឋាភិបាល ហើយ​គម្រោង​នេះ​បង្កើតឡើង​ក្នុង​គោលបំណង​លើកកម្ពស់​សុវត្ថិភាព​លើ​កម្មសិទ្ធិ​កាន់កាប់​ដីធ្លី​តាមរយៈ​ការចុះបញ្ជី និង​ការចេញ​ប្លង់​កម្មសិទ្ធិ​ដល់​ម្ចាស់​អចលនទ្រព្យ​ជាពិសេស​សម្រាប់​ម្ចាស់​អចលនទ្រព្យ​ងាយ​រងគ្រោះ​។ ក្រសួង​រៀបចំ​ដែនដី​នគរូបនីយកម្ម និង​សំណង់​គឺជា​ភ្នាក់ងារ​ដែល ទទួលខុសត្រូវ​អនុវត្ត​ន៍​សម្រាប់​ដំណើរការ​នេះ​នៅក្នុង​ប្រទេស​ក្រ​កម្ពុជា​។​
 

​ប្លង់រឹង​ប្រព័ន្ធ​គឺជា​ប្រភេទ​ប័ណ្ណ​កម្ម​សិទ្ធ​ដីធ្លី​ដែល​រឹងមាំ​បំផុត និង​មាន​សុវត្ថិភាព​ជាងគេ​បំផុត​ដោយសារ​គេ​បាន​ប្រើប្រាស់​ប្រព័ន្ធ GPS ដែល​ដៅ​កូអរដោនេ​ច្បាស់លាស់​សម្រាប់​ក្បាល​ព្រំដី​នីមួយៗ​នៅក្នុង​ដំណើរការ​ចុះបញ្ជី​ក្បាល់ដី​ទាំងអស់​នៅក្នុង​ប្រទេស​។​
 

​មុន​ពេលចេញ​ប្លង់រឹង​ប្រព័ន្ធ​ជូន​ពលរដ្ឋ​ក្រសួង​រៀបចំ​ដែនដី​នគរូបនីយកម្ម និង​សំណង់​មាន​កត​ព្វ​កិច្ច ចាំបាច់​ត្រូវ​ដោះស្រាយ​លើ​រាល់​វិវាទ​នៅក្នុង​ដំណើរការ​ផ្តល់​ប្លង់​កម្មសិទ្ធិ​ដែល​កើតឡើង​ដោយសារ​ភាពមិនច្បាស់លាស់​ទាក់ទង​នឹង​ព្រំប្រទល់ និង​តំបន់​ដែលមាន​ភាពចម្រូងចម្រាស​ខាង​កម្មសិទ្ធិ​ដីធ្លី​។ គោលដៅ​ចុងក្រោយ​របស់​ក្រសួង​រៀបចំ​ដែនដី​នគរូបនីយកម្ម និង​សំណង់​គឺ​បង្កើត​ប្រព័ន្ធ​រដ្ឋបាល​ដីធ្លី​ដោយ​ប្រសិទ្ធភាព និង​ភាពស្មោះត្រង់​។​
 

​ចំពោះ​ម្ចាស់​ដី​ដែលមាន​ប្លង់រឹង​ប្រព័ន្ធ​រួចហើយ​នេះ​មានន័យថា​ក្បាលដី​របស់​ពួកគេ​ត្រូវបាន​វាស់វែង យ៉ាងច្បាស់​ដោយ​មន្ត្រី​សុរិយោដី  ហើយ​ព្រំ​ដែនដី​របស់​ពួកគេ​មានការ​ព្រមព្រៀងគ្នា និង​ផ្តិតមេដៃ​បញ្ជាក់​ដែល​អាច​បញ្ជក់​បន្ថែម​លើ​សុវត្ថិភាព​នៃ​កម្មសិទ្ធិ​លើ​អចលនទ្រព្យ​។​
 

​ប្លង់រឹង​ប្រព័ន្ធ​អាច​ផ្តល់​ភាពច្បាស់លាស់​ដល់​ម្ចាស់​អចលនទ្រព្យ​លើ​គ្រប់​ទិដ្ឋភាព​ទាំង​អស់នៃ​អចលនទ្រព្យ​របស់​ពួកគេ ហើយ​នេះ​ក៏​ជា​វិធី​មួយ​ដើម្បី​ការពារ​ជម្លោះ​ដូចជា​ជម្លោះ​ព្រំដី​រវាង​ម្ចាស់​អចលនទ្រព្យ​ម្នាក់ៗ​នាពេល​អនាគត​។ លើសពីនេះ​ទៀត​ប្លង់រឹង​ប្រព័ន្ធ​គឺជា​ប័ណ្ណកម្មសិទ្ធិ​ស្របច្បាប់​១០០%​ដែល​ម្ចាស់​អចលនទ្រព្យ​ត្រូវ​ទទួលបាន​។​
 

​ការស្វែងយល់​ពី​ប្លង់រឹង​ប្រព័ន្ធ​នៅ​កម្ពុជា (​ភាគ​ទី​២)
 

​ជាទូទៅ​ការចេញ​ប្លង់រឹង​ប្រព័ន្ធ គឺជា​ការទទួលខុសត្រូវ​របស់​ក្រសួង​រៀបចំ​ដែនដី​នគរូបនីយកម្ម និង​សំណង់ ដោយ​ម្ចាស់​ដី មិន​ចំណាយ​ថ្លៃ​សេវា​សម្រាប់​ប្រតិបត្តិ​ការចេញ​ប្លង់រឹង ប្រព័ន្ធ​នេះនោះ​ទេ​។  ទោះជា​យ៉ាងណាក៏ដោយ ប្រសិនបើ​អ្នក​ដាក់ ពាក្យសុំ​ប្លង់រឹង​ប្រព័ន្ធ ឬ​ផ្ទេរ​ទៅ​ប្លង់រឹង​ប្រព័ន្ធ អ្នកនឹង​ត្រូវ​បង់ ថ្លៃ​សេវាកម្ម ៤% ដូចគ្នា​ទៅនឹង​ការផ្ទេរ​ប្លង់​កម្មសិទ្ធិ ទូទៅ​ដែរ​។​

​ប្រសិនបើ​អ្នក​ចង់​សិក្សា​បន្ថែម​អំពី​ដំណើរ​នៃ​ការផ្ទេរ​ប្លង់​កម្មសិទ្ធិ​នៅ​កម្ពុជា​។​
 

​បន្ថែម​លើសពីនេះ​ទៀត ប្រសិនបើ​អចលនទ្រព្យ ដែល​ត្រូវធ្វើ​ប្លង់រឹង​ប្រព័ន្ធ ឬ​ត្រូវ​ផ្ទេរ​ប្លង់​នោះ​មិនទាន់ បង់ពន្ធ​ប្រចាំឆ្នាំ ឬ​ពន្ធ​ផ្សេងៗ​ទៀត (​ពន្ធ​ទាំងនេះ​អាស្រ័យ​លើ​តំបន់ ដែល​ដី​របស់​អ្នក​ស្ថិតនៅ​) អ្នក​ត្រូវ បង់ពន្ធ​ទាំងអស់នោះ​ជាមុនសិន មុនពេល​អាច​ចេញ​ប្លង់​ឲ្យ​បាន​។​
 

​ដំណើរ​ការផ្តល់​ប្លង់រឹង​ប្រព័ន្ធ​គឺ​មិនទាន់​ត្រូវបាន​បញ្ចប់​នៅ​ទូទាំងប្រទេស​នៅឡើយ​ទេ​។ ដំណើរការ​នេះ បាន​ប្រើប្រាស់​ប្រព័ន្ធ GPS ដៅ​កូអរដោនេ​ច្បាស់លាស់ សម្រាប់​ក្បាល​ព្រំដី នីមួយៗ​នៅក្នុង​ដំណើរការ ចុះបញ្ជី​ក្បាលដី​ទាំងអស់ ហើយ​ជា​លទ្ធផល ផែនទី​នៃ​ប្លង់ដី​ត្រូវបាន​បង្ហាញ​ពី​ព្រំដី ដី​ដែល​នៅជាប់​គ្នា និង​ទិន្នន័យ​នៃ​ការចុះបញ្ជី​ដី​នោះ​។ បច្ចុប្បន្ន​ប្រតិបត្តិការ ចេញ​ប្លង់រឹង​ប្រព័ន្ធ​នៅ​ទូទាំងប្រទេស ត្រូវបាន គេ​ប៉ាន់ប្រមាណ​ថា​ត្រូវបាន​បញ្ចប់​ប្រមាណ​80%​។​
 

- ទីមួយ​ប្រសិនបើ​ក្រសួង​ដែនដី កំពុងធ្វើការ​ធ្វើ​ប្លង់រឹង​ប្រព័ន្ធ​ដល់​តំបន់​វិនិច្ឆ័យ ដែល​តំបន់​នោះ​ជា​ភូមិ ឬ​តំបន់​ដែល​អ្នក​រស់ ឬ​ដី​របស់​អ្នក​ទៅ​ទីនោះ  នោះ​មានន័យថា​អ្នក​គ្រាន់តែ ត្រូវ​ធ្វើតាម​អ្វី ដែល​អាជ្ញាធរ មូលដ្ឋាន​ប្រាប់​អ្នក​ជូនដំណឹង​។ រាល់​ការងារ​ទាំងនោះ​ជាការ​ទទួលខុសត្រូវរ​បស់​អជ្ញាធរ និង​មន្ត្រី​ពាក់ព័ន្ធ ដែល​ពួកគេ​នឹង​ទំនាក់ទំនង​ជាមួយ​អ្នក​។​
 

- ទី​ពីរ​ប្រសិនបើ​ដំណើរ​ចេញ​ប្លង់រឹង​ប្រព័ន្ធ​បានបញ្ចប់​រួចរាល់​នៅក្នុង​តំបន់​របស់​អ្នក ឬ​តំបន់ ដែលមាន​ដី​របស់​អ្នក ហើយ​អ្នក​មិនទាន់​បានធ្វើ​ប្លង់​នេះ អ្នក​អាចដាក់​ពាក្យស្នើសុំ​ធ្វើ ប្លង់​នៅពេល​ក្រោយ​បាន ដែល​ប្លង់​នេះ​ហៅថា "​ប្លង់រឹង ប្រព័ន្ធ​បំពេញបន្ថែម​"​។​
 

- ទី​បី​ប្រសិនបើ​តំបន់​របស់​អ្នក​មិនទាន់​ជា​តំបន់​វិនិច្ឆ័យ​សម្រាប់​ការចេញ​ប្លង់រឹង​ប្រព័ន្ធ​ដោយ​រដ្ឋាភិបាល​ទេ ប្រាកដ​ណាស់​អ្នក មិន​អាចដាក់​ពាក្យសុំ​ធ្វើ​ប្លង់រឹង​ប្រព័ន្ធ​បានទេ​។ ប៉ុន្តែ​អ្នក​អាចដាក់​ពាក្យសុំ​ធ្វើ​ប្លង់រឹង​បាន​។ ប្លង់រឹង​គឺជា​ទម្រង់​នៃ ប្លង់​កម្មសិទ្ធិ​រឹងមាំ​ផុត​បន្ទាប់ពី​ប្លង់រឹង​ប្រព័ន្ធ ហើយ​នៅតែ​ផ្តល់ឱ្យ​អ្នក​នូវ​សិទ្ធិ​ស្របច្បាប់​លើដី​របស់​អ្នក​។​
 

​និតិ​វិធី​ស្នើសុំ​ប្លង់រឹង​ប្រព័ន្ធ (​ភាគ​ទី​៣)
 

​ការដាក់​ពាក្យស្នើសុំ​ប្លង់រឹង​ប្រព័ន្ធ​ត្រូវ​ឆ្លងកាត់​ក្រសួង​រៀបចំ​ដែនដី នគរូបនីយកម្ម និង​សំណង់ និង​មន្ត្រី​សូ​រិ​យោ​ដី​។ នេះ​ដោយសារតែ​ប្លង់​នេះ​ត្រូវ​ចុះឈ្មោះ និង​ទទួលស្គាល់​ថ្នាក់ជាតិ​។ ដំណើរ​ចេញ​ប្លង់​កម្មសិទ្ធិ​នេះ​ត្រូវ​ចំណាយពេល ១២ សប្តាហ៍ ដើម្បី​បញ្ចប់​ការកំណត់​ដី​នៅលើ​ប្លង់ដី​។ មើល​គេហទំព័រ Realestate.com.kh's ការផ្ទេរ​ប្ថ​ង់​កម្មសិទ្ធិ​ដីធ្លី​នៅ​កម្ពុជា សម្រាប់​ព័ត៌មាន​បន្ថែម​។​
 

​លើសពីនេះ និតិ​វិធី​នេះ​ទាមទារ​ឱ្យ​ម្ចាស់​ដី​ដាក់ពាក្យ​ស្នើរ​សុំ ដោយ​ភ្ជាប់​ជាមួយ​ឯកសារ​ត្រឹមត្រូវ ទៅ​ការិយាល័យ​សូ​រិ​យោ​ដី​។ ឯកសារ​ចាំបាច់​ទាំងនេះ​រួមមាន វិ​ក័យ​ប​ត្រ ឬ​ចុងសន្លឹក​បញ្ជាក់​ពី​កម្មសិទ្ធិ សម្រាប់​ដី​ដែល​មិនទាន់​កម្ម​សិទ្ធ ប្លង់​កម្មសិទ្ធិ​(​ប្លង់រឹង ឬ​ប្លង់​ទុន និង​កិច្ចសន្យា​ទិញ​លក់​ដី​សម្រាប់​ដី​ទិញ​លក់​ដែលមាន​កម្ម​សិទ្ធ​រួចហើយ​។ ឯកសារ​បន្ថែម​មានដូចជា​៖ អត្តសញ្ញាណ ប័ណ្ណ សៀវភៅ​គ្រួសារ អត្រានុកូលដ្ឋាន និង​លិខិត​អា​ពា​ណ៌​ពិ​ពា​ហ៌​។​
 

​ពេល​ដាក់ពាក្យ​ស្នើសុំ​រួចហើយ សំណើ​របស់​អ្នក​នឹងត្រូវ​ពិនិត្យ​ដោយ​ក្រសួង​រៀបចំ​ដែនដី នគរូបនីយកម្ម និង​សំណង់ ហើយ​មន្ត្រី​ពាក់ព័ន្ធ​នឹង​ពិនិត្យមើល​រាល់​ឯកសារ​ថា​តើ​វា​ត្រឹមត្រូវ​តាម ផ្លូវច្បាប់ ឫ​អត់​។​
 

​ពេល​ពិនិត្យ​ពាក្យស្នើសុំ ក្រសួង​នឹង​កំណត់ថា​តើ​ដី​នោះ​ជា​ដី​របស់​រដ្ឋ ឬ​ជា​កមុ្ម​សិទ្ធ​ឯកជន​។ ក្នុងករណី​ដែលមាន​ជម្លោះ​ក្នុងចំណោម​ម្ចាស់​ដី​មន្ត្រី​ពាក់ព័ន្ធ​អាច​លើកយក​បញ្ហា​នេះ​ទៅ​គណកម្មការ​ក្នុង​តំបន់ ដើម្បី​ដោះស្រាយ​វិវាទ​ដោយ​មិនចាំបាច់​យក​បញ្ហា​នេះ​ឡើង​តុលាការ​។​
 

(​ទទួលបាន​សិទ្ធិ​ដកស្រង់​ទាំងស្រុង​ពី​គេហទំព័រ  https://www.realestate.com.kh/km/news/LMAP-Titles-Explained-Part-3/) 

 

​