អន្តរជាតិ
អនុប្រធានាធិបតីឥណ្ឌូណេស៊ី Jusuf Kalla (រូបភាព VOV)
×![]()
រដ្ឋាភិបាលក្រុងហ្សាការតា បានព្រមានពីគោលនយោបាយពាណិជ្ជកម្មរឹតត្បិតរបស់រដ្ឋាភិបាលក្រុងវ៉ាស៊ីនតោន ។ ក្រុងហ្សាការតា មិនបណ្តោយឲ្យក្រុងវ៉ាស៊ីនតោន ធ្វើអ្វីតាមអំពើចិត្តលើលក្ខខណ្ឌពាណិជ្ជកម្ម ដែលភាគីទាំងពីរបានអនុវត្តកន្លងមកបានឡើយ ។
នាសប្តាហ៍មុន រដ្ឋបាលរបស់លោកប្រធានាធិបតីអាមេរិក ដូណាល់ ត្រាំ បានប្រកាសគម្រោងអនុវត្តពន្ធ២៥ ភាគរយ លើផលិតផលដែកថែប និង ១០ ភាគរយលើផលិតផល អាលុយមីញ៉ូម ក្នុងគោលដៅដើម្បីការពារផលិតផលក្នុងស្រុក ។
បើយោងតាមការចុះផ្សាយរបស់សារព័ត៌មាន Jakarta គម្រោងនេះធ្វើឲ្យឥណ្ឌូណេស៊ី ដែលជាបងធំអាស៊ាន មានការព្រួយបារម្ភដែរ។ ប៉ុន្តែក្រុងហ្សាការតាមិនព្រួយបារម្ភពេកឡើយដោយសារ កន្លងមកមានការនាំចេញទៅកាន់ក្រុងវ៉ាស៊ីនតោន ក្នុងទំហំពាណិជ្ជកម្មរាប់លានដុល្លារក៏ដោយ ។
«ប្រសិនបើសង្គ្រាមពាណិជ្ជកម្មរបស់ដូណាល់ ត្រាំ បន្តរីករាលដាល វាក៏អាចប៉ះពាល់ដល់ប្រទេសកសិកម្មផងដែរ ។ ហើយប្រសិនបើ អាមេរិកដាក់របាំងពន្ធសម្រាប់ការនាំចូលផលិតផលដូងប្រេងរបស់យើង យើងនឹងបង្ខាំងការនាំចេញសណ្តែកសៀងរបស់អាមេរិកចូលមកកាន់ឥណ្ឌូណេស៊ីវិញដែរ។ យើងអាចរស់បានដោយខ្លួនឯងបាន » ។ នេះគឺសារខ្លីមួយរបស់លោកអនុប្រធានាធិបតីឥណ្ឌូណេស៊ី Jusuf Kalla នៅនាចុងសប្តាហ៍កន្លងទៅ ។
មួយវិញទៀតនោះ បើតាមនាយកប្រតិបត្តិក្រុមហ៊ុនលោហៈឥណ្ឌូណេស៊ី Hidayat Triseputro កន្លងមក ឥណ្ឌូណេស៊ី បាននាំចេញផលិតផលដែកទៅកាន់អាមេរិកត្រឹមតែ មួយភាគរយប៉ុណ្ណោះ ពោលគឺ បើរដ្ឋបាលត្រាំ អនុវត្តគម្រោងដំឡើងពន្ធនោះ វាក៏មិនប៉ះពាល់ដល់អ្នកផលិតក្នុងស្រុកដែរ។
គួរជម្រាបផងដែរថា គម្រោងបន្ថែមពន្ធរបស់រដ្ឋបាលលោកប្រធានាធិបតី ដូណាល់ ត្រាំ មិនត្រឹមតែរងការប្រតិកម្មពីឥណ្ឌូណេស៊ី ប៉ុណ្ណោះនោះទេ ។ សូម្បីតែ ជប៉ុន និងកូរ៉េខាងត្បូង ដែលជាសម្ព័ន្ធមិត្តចាក់ទឹកមិនលិច ក៏បានសម្តែងការព្រួយបារម្ភផងដែរ ។ ពិសេសនោះ មហាអំណាចថ្មីចិន ក៏ព្រមានពីលទ្ធផលអវិជ្ជមានលើវិស័យពាណិជ្ជកម្មផងដែរ ប្រសិនបើអាមេរិក ជ្រើសរើសយកគោលនយោបាយគាំពារនិយមបែបនេះ ៕
នាសប្តាហ៍មុន រដ្ឋបាលរបស់លោកប្រធានាធិបតីអាមេរិក ដូណាល់ ត្រាំ បានប្រកាសគម្រោងអនុវត្តពន្ធ២៥ ភាគរយ លើផលិតផលដែកថែប និង ១០ ភាគរយលើផលិតផល អាលុយមីញ៉ូម ក្នុងគោលដៅដើម្បីការពារផលិតផលក្នុងស្រុក ។
បើយោងតាមការចុះផ្សាយរបស់សារព័ត៌មាន Jakarta គម្រោងនេះធ្វើឲ្យឥណ្ឌូណេស៊ី ដែលជាបងធំអាស៊ាន មានការព្រួយបារម្ភដែរ។ ប៉ុន្តែក្រុងហ្សាការតាមិនព្រួយបារម្ភពេកឡើយដោយសារ កន្លងមកមានការនាំចេញទៅកាន់ក្រុងវ៉ាស៊ីនតោន ក្នុងទំហំពាណិជ្ជកម្មរាប់លានដុល្លារក៏ដោយ ។
«ប្រសិនបើសង្គ្រាមពាណិជ្ជកម្មរបស់ដូណាល់ ត្រាំ បន្តរីករាលដាល វាក៏អាចប៉ះពាល់ដល់ប្រទេសកសិកម្មផងដែរ ។ ហើយប្រសិនបើ អាមេរិកដាក់របាំងពន្ធសម្រាប់ការនាំចូលផលិតផលដូងប្រេងរបស់យើង យើងនឹងបង្ខាំងការនាំចេញសណ្តែកសៀងរបស់អាមេរិកចូលមកកាន់ឥណ្ឌូណេស៊ីវិញដែរ។ យើងអាចរស់បានដោយខ្លួនឯងបាន » ។ នេះគឺសារខ្លីមួយរបស់លោកអនុប្រធានាធិបតីឥណ្ឌូណេស៊ី Jusuf Kalla នៅនាចុងសប្តាហ៍កន្លងទៅ ។
មួយវិញទៀតនោះ បើតាមនាយកប្រតិបត្តិក្រុមហ៊ុនលោហៈឥណ្ឌូណេស៊ី Hidayat Triseputro កន្លងមក ឥណ្ឌូណេស៊ី បាននាំចេញផលិតផលដែកទៅកាន់អាមេរិកត្រឹមតែ មួយភាគរយប៉ុណ្ណោះ ពោលគឺ បើរដ្ឋបាលត្រាំ អនុវត្តគម្រោងដំឡើងពន្ធនោះ វាក៏មិនប៉ះពាល់ដល់អ្នកផលិតក្នុងស្រុកដែរ។
គួរជម្រាបផងដែរថា គម្រោងបន្ថែមពន្ធរបស់រដ្ឋបាលលោកប្រធានាធិបតី ដូណាល់ ត្រាំ មិនត្រឹមតែរងការប្រតិកម្មពីឥណ្ឌូណេស៊ី ប៉ុណ្ណោះនោះទេ ។ សូម្បីតែ ជប៉ុន និងកូរ៉េខាងត្បូង ដែលជាសម្ព័ន្ធមិត្តចាក់ទឹកមិនលិច ក៏បានសម្តែងការព្រួយបារម្ភផងដែរ ។ ពិសេសនោះ មហាអំណាចថ្មីចិន ក៏ព្រមានពីលទ្ធផលអវិជ្ជមានលើវិស័យពាណិជ្ជកម្មផងដែរ ប្រសិនបើអាមេរិក ជ្រើសរើសយកគោលនយោបាយគាំពារនិយមបែបនេះ ៕
Tag:
ឥណ្ឌូណេស៊ី
អាមេរិក
អាស៊ាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
