អន្តរជាតិ
ចិន៖« អាមេរិកចង់ឲ្យអាហ្វ្រិកនៅតែក្ររហាម ទើបរិះគន់ចិនដែលបន្តជួយអាហ្វ្រិក»
លោក Lin Songtian អគ្គរដ្ឋទូតចិនប្រចាំអាហ្វ្រិកខាងត្បូង (រូបភាព៖ China Africa)
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក រិច ធីល័រសិន បានរិះគន់ចិនយ៉ាងខ្លាំង ក្នុងដំណើរទស្សនកិច្ចលើកដំបូង នៅអាហ្វ្រិក។ លោកចាត់ទុកការផ្ដល់ជំនួយ និងប្រាក់កម្ចីរបស់ចិន ជាការលើកទឹកចិត្តឲ្យអាហ្វ្រិកពឹ ងផ្អែកលើគេ និងអាចបង្កើតជាវិបត្តិបំណុលផង។ ចិនបានទាត់ចោលពាក្យរិះគន់ របស់ប្រមុខការទូតអាមេរិករួចហើយ។ នៅថ្ងៃទី១២ ខែមីនា អគ្គរដ្ឋទូតចិនប្រចាំអាហ្វ្រិកខាងត្បូង ក៏វាយបកសម្ដី លោក ធីល័រសិន ទៀត និងចោទអាមេរិកថា ចង់ឲ្យអាហ្វ្រិកក្រ និងបែកបាក់ដូចពីមុន។
អគ្គរដ្ឋទូតចិនប្រចាំប្រទេសអាហ្វ្រិកខាងត្បូង Lin Songtian បានឆ្លើយតបការអធិប្បាយរបស់លោក រិច ធីល័រសិន ជុំវិញការផ្ដល់ជំនួយ និងកម្ចីរបស់ចិនទៅឲ្យរដ្ឋអាហ្វ្រិក។ ក្នុងដំណើរទស្សនកិច្ច៥ប្រទេសនៅអាហ្វ្រិក ដែលបញ្ចប់នៅថ្ងៃទី១២ ខែមីនា លោក រិច ធីល័រសិន បានរិះគន់ចិនមិនសំចៃមាត់ឡើយ លើរឿងផ្ដល់ជំនួយនេះ និងបានប្រាប់ឲ្យរដ្ឋអាហ្វ្រិកទាំងអស់ ត្រូវប្រយ័ត្នប្រយែង នៅពេលទទួលជំនួយរបស់ចិន។
ក្នុងសន្និសីទសារព័ត៌មាន នៅថ្ងៃទី១២ ខែមីនានេះដែរ លោក Lin បានហៅសម្ដីរិះគន់របស់ លោក ធីល័រសិន លើតួនាទីរបស់ចិននៅតំបន់អាហ្វ្រិក ជារឿងមិនពិត ហើយការបង្ខូចឈ្មោះចិន ប្រៀបដូចជាការបំបាក់មុខខ្លួនឯងទៅវិញ។ លោកបន្តថា ប្រមុខការទូតអាមេរិក បានជ្រើសរើសកន្លែងខុស ប្រធានបទខុស និងកន្លែងខុស នៅពេលរិះគន់ចិន។ អគ្គរដ្ឋទូតចិន ក៏បានរំឮកសម្ដីមេដឹកនាំអាហ្វ្រិកខ្លះ ដែលរិះគន់ទង្វើអាមេរិកទៀតផង។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
លើសពីនោះទៅទៀត មន្ត្រីទូតចិនដដែលនេះ ក៏បានរៀបរាប់ពីសមិទ្ធផលជាច្រើន ដែលចិន ឬក្រុមហ៊ុនចិន បានធ្វើនៅទ្វីបអាហ្វ្រិក។ លោក Lin អះអាងថា ក្រុមហ៊ុនចិនបានបណ្ដាក់ទុនចំនួនច្រើនជាង១០០ពាន់លានដុល្លារ សាងសង់ផ្លូវរថភ្លើងប្រវែង៦,៥០០គីឡូម៉ែត្រ សាលារៀនច្រើនជាង២០០ខ្នង និងពហុកីឡដ្ឋាន៨០ឯណោះ។ ចិនក៏បានបង្កើតការងារ ផ្ទេបច្ចេកវិទ្យា និងបានផ្លាស់ប្ដូរជីវិតប្រជាជនអាហ្វ្រិកឲ្យប្រសើរ។ លោកនិយាយឌឺថា លោក ធីល័រសិន ទំនងជាជិះលើផ្លូវរបស់ចិនផងក៏ថាបាន។
ទន្ទឹមនឹងនិយាយការពារខ្លួនហើយនោះ លោកអគ្គរដ្ឋទូតចិន ក៏បានវាយប្រហារអាមេរិកវិញដែរ។ លោក Lin បានចោទអាមេរិកថា៖ «អ្វីដែលពួកគេក៏បានពិតប្រាកដ គឺទុកឲ្យអាហ្វ្រិកនៅបែកបាក់ ក្ររហាម និងត្រូវបានគ្រប់គ្រងដោយប្រទេសផ្សេងដូចពេលកន្លងមក។ អ្វីដែលពួកគេបារម្ភ គឺអាហ្វ្រិកមានឯករាជ្យខាងសេដ្ឋកិច្ច ដោយមានចិនជួយពីក្រោយ និងអាហ្វ្រិកមួយដ៏រឹងមាំ ដែលអាចឲ្យប្រទេសផ្សេងបញ្ជាតាមចិត្ត»។
ជុំវិញរឿងបំណុលវិញ តំណាងក្រុងប៉េកាំងរូបនេះរិះគន់ថា អាមេរិកបារម្ភតែមាត់ តែមិនបានផ្ដល់កម្ចីឲ្យអាហ្វ្រិកដើម្បីអភិវឌ្ឍខ្លួន ឬក៏ជំរុញអ្នកវិនិយោគឲ្យបណ្ដាក់ទុន រកស៊ីនៅអាហ្វ្រិកឡើយ។ ខុសពីអាមេ រិក ចិនបានបោះទុនរាប់ពាន់លានដុល្លារនៅអាហ្វ្រិក និងផ្ដល់ហិរញ្ញវត្ថុដើម្បីសាងសង់ហេដ្ឋារចនា សម្ព័ន្ធធំជាច្រើននៅទ្វីបមួយនេះ។ លើសពីនោះ ចិន មិនត្រឹមតែបោសសម្អាតអំពើពុករលួយក្នុងស្រុកឡើយ តែក៏បានរួមចំណែកក្នុងយុទ្ធនាការអន្តរជាតិដែរ៕
អគ្គរដ្ឋទូតចិនប្រចាំប្រទេសអាហ្វ្រិកខាងត្បូង Lin Songtian បានឆ្លើយតបការអធិប្បាយរបស់លោក រិច ធីល័រសិន ជុំវិញការផ្ដល់ជំនួយ និងកម្ចីរបស់ចិនទៅឲ្យរដ្ឋអាហ្វ្រិក។ ក្នុងដំណើរទស្សនកិច្ច៥ប្រទេសនៅអាហ្វ្រិក ដែលបញ្ចប់នៅថ្ងៃទី១២ ខែមីនា លោក រិច ធីល័រសិន បានរិះគន់ចិនមិនសំចៃមាត់ឡើយ លើរឿងផ្ដល់ជំនួយនេះ និងបានប្រាប់ឲ្យរដ្ឋអាហ្វ្រិកទាំងអស់ ត្រូវប្រយ័ត្នប្រយែង នៅពេលទទួលជំនួយរបស់ចិន។
ក្នុងសន្និសីទសារព័ត៌មាន នៅថ្ងៃទី១២ ខែមីនានេះដែរ លោក Lin បានហៅសម្ដីរិះគន់របស់ លោក ធីល័រសិន លើតួនាទីរបស់ចិននៅតំបន់អាហ្វ្រិក ជារឿងមិនពិត ហើយការបង្ខូចឈ្មោះចិន ប្រៀបដូចជាការបំបាក់មុខខ្លួនឯងទៅវិញ។ លោកបន្តថា ប្រមុខការទូតអាមេរិក បានជ្រើសរើសកន្លែងខុស ប្រធានបទខុស និងកន្លែងខុស នៅពេលរិះគន់ចិន។ អគ្គរដ្ឋទូតចិន ក៏បានរំឮកសម្ដីមេដឹកនាំអាហ្វ្រិកខ្លះ ដែលរិះគន់ទង្វើអាមេរិកទៀតផង។ នេះបើតាមការផ្សាយរបស់ទីភ្នាក់ងារព័ត៌មាន Xinhua ។
លើសពីនោះទៅទៀត មន្ត្រីទូតចិនដដែលនេះ ក៏បានរៀបរាប់ពីសមិទ្ធផលជាច្រើន ដែលចិន ឬក្រុមហ៊ុនចិន បានធ្វើនៅទ្វីបអាហ្វ្រិក។ លោក Lin អះអាងថា ក្រុមហ៊ុនចិនបានបណ្ដាក់ទុនចំនួនច្រើនជាង១០០ពាន់លានដុល្លារ សាងសង់ផ្លូវរថភ្លើងប្រវែង៦,៥០០គីឡូម៉ែត្រ សាលារៀនច្រើនជាង២០០ខ្នង និងពហុកីឡដ្ឋាន៨០ឯណោះ។ ចិនក៏បានបង្កើតការងារ ផ្ទេបច្ចេកវិទ្យា និងបានផ្លាស់ប្ដូរជីវិតប្រជាជនអាហ្វ្រិកឲ្យប្រសើរ។ លោកនិយាយឌឺថា លោក ធីល័រសិន ទំនងជាជិះលើផ្លូវរបស់ចិនផងក៏ថាបាន។
ទន្ទឹមនឹងនិយាយការពារខ្លួនហើយនោះ លោកអគ្គរដ្ឋទូតចិន ក៏បានវាយប្រហារអាមេរិកវិញដែរ។ លោក Lin បានចោទអាមេរិកថា៖ «អ្វីដែលពួកគេក៏បានពិតប្រាកដ គឺទុកឲ្យអាហ្វ្រិកនៅបែកបាក់ ក្ររហាម និងត្រូវបានគ្រប់គ្រងដោយប្រទេសផ្សេងដូចពេលកន្លងមក។ អ្វីដែលពួកគេបារម្ភ គឺអាហ្វ្រិកមានឯករាជ្យខាងសេដ្ឋកិច្ច ដោយមានចិនជួយពីក្រោយ និងអាហ្វ្រិកមួយដ៏រឹងមាំ ដែលអាចឲ្យប្រទេសផ្សេងបញ្ជាតាមចិត្ត»។
ជុំវិញរឿងបំណុលវិញ តំណាងក្រុងប៉េកាំងរូបនេះរិះគន់ថា អាមេរិកបារម្ភតែមាត់ តែមិនបានផ្ដល់កម្ចីឲ្យអាហ្វ្រិកដើម្បីអភិវឌ្ឍខ្លួន ឬក៏ជំរុញអ្នកវិនិយោគឲ្យបណ្ដាក់ទុន រកស៊ីនៅអាហ្វ្រិកឡើយ។ ខុសពីអាមេ រិក ចិនបានបោះទុនរាប់ពាន់លានដុល្លារនៅអាហ្វ្រិក និងផ្ដល់ហិរញ្ញវត្ថុដើម្បីសាងសង់ហេដ្ឋារចនា សម្ព័ន្ធធំជាច្រើននៅទ្វីបមួយនេះ។ លើសពីនោះ ចិន មិនត្រឹមតែបោសសម្អាតអំពើពុករលួយក្នុងស្រុកឡើយ តែក៏បានរួមចំណែកក្នុងយុទ្ធនាការអន្តរជាតិដែរ៕
Tag:
ចិន
អាមេរិក
អាហ្វ្រិក
រិច ធីល័សិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
