កងទ័ពកម្ពុជា និងកងទ័ពចិន នឹងធ្វើសមយុទ្ធរួមគ្នា ក្រោមប្រធានបទ «ប្រឆាំងភេរវកម្ម»

ជាតិ

កងទ័ពកម្ពុជា និងកងទ័ពចិន នឹងធ្វើសមយុទ្ធរួមគ្នា ក្រោមប្រធានបទ «ប្រឆាំងភេរវកម្ម»

15, Mar 2018 , 7:59 am

រូបភាព

ដោយ: ថ្មីៗ

ភ្នំពេញ៖ ចាប់ពីថ្ងៃទី១៧ ដល់ ថ្ងៃទី៣១ ខែមីនា ឆ្នាំ២០១៨ កងយោធពលខេមរភូមិន្ទកម្ពុជា និងកងទ័ពរំដោះប្រជាជនចិន នឹងធ្វើលំហាត់រួមគ្នា (សមយុទ្ធ) ដែលមានឈ្មោះថា នាគមាសឆ្នាំ២០១៨។ ការធ្វើលំហាត់រវាងកងទ័ពនៃប្រទេសពីរ គឺស្ថិតនៅក្រោមប្រធានបទ «ប្រឆាំងភេរវកម្ម និងការងារមនុស្សធម៌» ដែលប្រព្រឹត្តនៅឯតំបន់ភ្នំធំម្រះព្រៅ ស្រុកសំរោងទង ខេត្តកំពង់ស្ពឺ។

ទីភ្នាក់ងារសារព័ត៌មានកម្ពុជា (AKP) បានឲ្យដឹងថា ក្នុងការធ្វើលំហាត់នេះ កងទ័ពចិន មានឧទ្ធម្ភាគចក្រចំនួន៣គ្រឿង រថពាសដែក៨គ្រឿង និងគ្រឿងបំពាក់ផ្សេងៗទៀត ដែលសរុបទាំងអស់ មានចំនួន២៥គ្រឿង។ ចំណែក កងទ័ពកម្ពុជា ប្រើប្រាស់ឧទ្ធម្ភាគចក្រចំនួន៦គ្រឿង រថពាសដែក៨គ្រឿង និងរថយន្តបម្រើការលើសមយុទ្ធនេះ ជាដើម។

AKP បញ្ជាក់ថា ថវិកាភាគច្រើន គឺភាគីចិន ជាអ្នកចំណាយ ទៅលើការរៀបចំសមយុទ្ធនេះ៕