កីឡាអន្តរជាតិ
អន្តរជាតិ
Bordeaux ដាក់លក់ក្លិបតម្លៃ៨៦លានដុល្លារ ខណៈអ្នកជំនួញអាមេរិកកំពុងចរចា
× Bordeaux ត្រូវបានគេរាយការណ៍ថាកំពុងចរចាលក់ក្លិបនៃក្របខណ្ឌ Ligue 1 របស់បារាំងនេះ ទៅឲ្យមូលនិធិវិនិយោគអាមេរិក។ នេះបើយោងតាមកាសែតក្នុងស្រុក Sud Ouest។
ម្ចាស់ភាគហ៊ុនធំរបស់ក្លិបដែលមានមូលដ្ឋានក្នុងក្រុង Bordeaux នេះគឺក្រុមអ្នកសារព័ត៌មានបារាំង M6 ដែលជាម្ចាស់ទូរទស្សន៍ M6 និង W9។ ចំណែកក្រុមវិនិយោគដែលកំពុងមកចរចាទិញក្លិបនេះត្រូវបានគេស្គាល់ថាជាអ្នកជំនួញជនជាតីអាមេរិកលោក Joseph DaGrosa Jr ដែលជាសហស្ថាបនិកនៃក្រុមហ៊ុន 1848 Capital Partners។
កាសែតបារាំង Sud Ouest បាននិយាយថាលោក Nicolas De Tavernost ប្រធាន M6 បានអញ្ជើងអ្នកជំនួញអាមេរិកខាងលើនេះទៅទស្សនាការប្រកួតរវាង Bordeaux និង Nice កាលពីថ្ងៃទី ២៥ ខែកុម្ភៈនៅកីឡដ្ឋាន Matmut Atlantique Stadium ដែលផ្ទុកទស្សនិកជនបាន ៤២.០០០ កៅអី។
បន្ទាប់មកកាលពីសប្តាហ៍មុនទស្សនាវដ្តីអាជីវកម្មរបស់បារាំង Challenges ក៏បានសរសរដែរថា M6 កំពុងស្វែងរកអ្នកទិញក្លិបរបស់ខ្លួន Bordeaux ហើយបានកំណត់តម្លៃអប្បបរមា ៧០លានអឺរ៉ូ (៨៦លានដុល្លារអាមេរិក)៕
© រក្សាសិទ្ធិដោយ thmeythmey.com