ក្រុមកីឡាបាល់ទាត់ជម្រើសជាតិអ៊ីរ៉ង់ដែលបានកៅអីទៅរុស្ស៊ីសម្រាប់ការប្រកួតពានរង្វាន់ FIFA World Cup ឆ្នាំ២០១៨ ស្ថិតនៅពូល B ត្រូវជួបជាមួយ ព័រទុយហ្គាល់ អេស្ប៉ាញ និងម៉ារ៉ុក។ នេះជាការបង្ហាញវត្តមានលើកទី៥ហើយសម្រាប់ក្រុមមកពីតំបន់អាស៊ីមួយនេះចាប់តាំងពីចូលរួមដំបូងឆ្នាំ ១៩៧៨។
គ្រូបង្វឹក៖ លោក Carlos Queiroz (ព័រទុយហ្គាល់)
អ្នកចាត់ការសញ្ជាតិព័រទុយហ្គាល់ វ័យ៦៥ឆ្នាំ មានបទពិសោធច្រើនដោយធ្លាប់ដឹកនាំក្រុមប្រកួតក្នុងពានរង្វាន់ World Cup ចំនួន២លើករួចមកហើយក្នុងនោះដឹកនាំព័រទុយហ្គាល់ឆ្នាំ ២០១០ និង អ៊ីរ៉ង់ឆ្នាំ២០១៤ រួមទាំងនៅរុស្ស៊ីឆ្នាំ២០១៨នេះ។ លោកក៏ជាអតីតជំនួយការលោក Sir Alex Ferguson ដែរកាលនៅដឹកនាំ Manchester United ចន្លោះពីឆ្នាំ២០០៤ដល់២០០៨។
ក្រៅពីនេះលោក Queiroz ក៏បានដឹកនាំក្រុមជម្រើសជាតិព័រទុយហ្គាល់អាយុក្រោម២០ឆ្នាំឈ្នះពាន FIFA U-20 World Cup ចំនួន២លើកផងដែរ។
កីឡាករឆ្នើម៖ Sardar Azmoun
ខ្សែប្រយុទ្ធវ័យ២៣ឆ្នាំរូបនេះ បានបង្ហាញទម្រង់លេងដ៏សម្បូរបែបសម្រាប់ប្រទេសរបស់គេចាប់តាំងពីព្រឹត្តិការណ៍ AFF Asian Cup ឆ្នាំ ២០១៥មក។ Azmoun ជាតួរអង្គសំខាន់បំផុតដែលបានជួយឲ្យអ៊ីរ៉ងអាចឈានទៅ World Cup ឆ្នាំ២០១៨ នៅរុស្ស៊ី។ បច្ចុប្បន្នរូបគេកំពុងប្រកបអាជីពជាមួយក្រុម Rubin Kazan នៃលីកកំពូលរុស្ស៊ី។
ប្រវត្តិក្នុង World Cup ៖
នេះជាវត្តមានលើកទី ៥ របស់ក្រុមជម្រើសជាតិអ៊ីរ៉ង់សម្រាប់ក្រុមដែលបានកៅអីពីតំបន់អាស៊ីបន្ទាប់ពីបង្ហាញខ្លួន៤លើករួចមក ចាប់តាំងពីឆ្នាំ ១៩៧៨, ១៩៩៨, ២០០៦ និង២០១៤។ អ៊ីរ៉ង់ ស្ថិតក្នុងចំណាត់ថ្នាក់លេខ ៣២ ពិភពលោកក្នុងតារាង FIFA Ranking៕
កម្មវិធីប្រកួត៖
១៥ មិថុនា៖ ម៉ារ៉ុក vs អ៊ីរ៉ង់ (ម៉ោង ១០យប់)
២១ មិថុនា៖ អ៊ីរ៉ង់ vs អេស្ប៉ាះ (ម៉ោង ១រំលងអាធ្រាត្រ)
១២៦មិថុនា៖ អ៊ីរ៉ង់ vs ព័រទុយហ្គាល់ (ម៉ោង ១រំលងអាធ្រាត្រ)