ជាតិ
សេដ្ឋកិច្ច
ទំហំទឹកប្រាក់ចិន វិនិយោគនៅកម្ពុជាជាង ១៤ប៊ីលានដុល្លារអាមេរិក
× ភ្នំពេញ៖ ប្រទេសចិន បានដាក់ទុនវិនិយោគនៅកម្ពុជា មានទំហំទឹកប្រាក់ជាង១៤ប៊ីលានដុល្លារអាមេរិក ។ តួលេខវិនិយោគនេះ សបញ្ជាក់ថា ចិនជាប្រទេសឈរនៅចំណាត់ថ្នាក់ទី១ ក្នុងការដាក់ទុនវិនិយោគធំជាងគេ នៅកម្ពុជា។
រដ្ឋលេខាធិការក្រសួងពាណិជ្ជកម្ម លោក ឈួន ដារ៉ា បាននិយាយថា កំណើនវិនិយោគចិន នៅកម្ពុជា បានរីកចម្រើនខ្លាំង ដែលនាំឲ្យទំហំទឹកប្រាក់វិនិយោគ មានចំនួន១៤,៣ ប៊ីលានដុល្លារអាមេរិក ឬស្មើ២៧ភាគរយ នៃទឹកប្រាក់វិនិយោគពីបរទេសសរុប ក្នុងឆ្នាំ២០១៧។ លោកថា ទំហំទឹកប្រាក់នេះបានកើនឡើងស្ទើរពាក់កណ្ដាល នៃតួលេខវិនិយោគកាលពីឆ្នាំ២០១៦ ដែលមានត្រឹម៧៤៨លានដុល្លារអាមេរិកប៉ុណ្ណោះ។
កំណើនវិនិយោគរបស់ចិន បានសម្រួលដល់ការធ្វើពិពិធកម្មវិស័យការងារសម្រាប់ប្រជាជន និងកំណើនសេដ្ឋកិច្ចកម្ពុជា ។ គម្រោងចិនភាគច្រើនផ្តោតសំខាន់លើវិស័យសំណង់ កសិកម្ម ថាមពល ឧស្សាហកម្មកាត់ដេរ ធនាគារ និងហិរញ្ញវត្ថុ ទូរគមនាគមន៍ និងទេសចរណ៍ ដែលជាសសរស្តមសំខាន់ៗនៃសេដ្ឋកិច្ច។ នេះបើតាមលោក ឈួន ដារ៉ា ។
បើតាមរបាយការណ៍ ពាណិជ្ជកម្មនៃប្រទេសទាំងពីរ សម្រេចបាន ដល់៥,៧៩០លានដុល្លារអាមេរិក ពោលគឺបានកើនឡើង២១,៧ភាគរយ បើប្រៀបធៀប នឹងឆ្នាំ២០១៦។ ចំណែកភ្ញៀវទេសចរចិន បានចូលមកកម្ពុជា កាលពីឆ្នាំ២០១៧ មានចំនួន ១,២លាននាក់ កើនឡើងជិត៤៦ភាគរយ បើប្រៀនធៀបនឹងឆ្នាំ ២០១៦ ៕
ប្រភព៖AKP
© រក្សាសិទ្ធិដោយ thmeythmey.com