ជាតិ
រដ្ឋបាលខេត្តសៀមរាបកំពុងដំឡើងភ្លើងស្ដុបចំនួន៥បន្ថែមដើម្បីកាត់បន្ថយការកកស្ទះចរាចរណ៍
×![]()
ដោយ: ថ្មីៗ
សៀមរាប៖ រដ្ឋបាលខេត្តសៀមរាប បាននិងកំពុងដំឡើងភ្លើងស្ដុបចំនួន៥ទីតាំងបន្ថែមទៀត ក្នុងបំណងកាត់បន្ថយការកកស្ទះចរាចរណ៍ក្នុងក្រុង។ ការដំឡើងភ្លើងស្ដុបថ្មីបន្ថែមនេះ គឺកៀកថ្ងៃព្រឹត្តិការណ៍អង្គរសង្ក្រាន្ត ដែលធ្វើឱ្យចរាចរណ៍ក្នុងក្រុងមានភាពណែនណាន់ជាងសព្វមួយដង។
គោលដៅដែលរដ្ឋបាលខេត្តសៀមរាប បាននិងកំពុងដំឡើងបង្គោលភ្លើងស្ដុបថ្មីនោះ រួមមានទី១ផ្លូវជាតិលេខ៦ កែងនឹងផ្លូវក្រវ៉ាត់ក្រុង ទី២ ផ្លូវជាតិលេខ៦ កែងផ្លូវ៦០ម៉ ឬទល់មុខសណ្ឋាគារ ស្មាយលីង ទី៣ ផ្លូវជាតិលេខ៦ កែងផ្លូវលោកតាណឺយ ទី៤ ផ្លូវមុខមន្ទីរពេទ្យគន្ធបុប្ផា កែងផ្លូវស្ពាននាគ និងទី៦ នៅរង្វង់មូលទៅព្រលានយន្តហោះអន្តរជាតិសៀមរាប។
អាជ្ញាធរបញ្ជាក់ថា ការដំឡើងភ្លើងស្ដុបថ្មីនេះ នឹងសម្រួលដល់ការធ្វើចរាចរណ៍ដល់ប្រជាពលរដ្ឋ ពិសេសទេសចរដែលមកកម្សាន្តនៅក្នុងព្រឹត្តិការណ៍អង្គរសង្ក្រាន្តផង។ បច្ចុប្បន្នក្រុងសៀមរាបមានបង្គោលភ្លើងស្ដុបចំនួនជាង១០ ដែលបំពាក់នៅតាមផ្លូវជាតិលេខ៦ និងគ្រោងបំពាក់បន្ថែមទៀត ដោយមានការផ្តល់ជំនួយពីរាជរដ្ឋាភិបាលជប៉ុន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
