ជាតិ
សមត្ថកិច្ចបញ្ជូនលោក ឡាយ វណ្ណៈ ទៅតុលាការដើម្បីសួរពីករណីស្ត្រីម្នាក់ ធ្វើអត្តឃាតដោយចងក
× មកដល់ពេលនេះ សមត្ថកិច្ច បានដឹកលោក ឡាយ វណ្ណៈ អភីតបាលខេត្តតាកែវ ចេញពីក្រសួងមហាផ្ទៃហើយ នៅព្រឹកថ្ងៃទី២ ខែមេសា ឆ្នាំ២0១៨ ដើម្បីនាំទៅសួរចម្លើយនៅចំពោះមុខព្រះរាជអាជ្ញានៃអយ្យការអមសាលាដំបូងរាជធានីភ្នំពេញ។ លោក ឡាយ វណ្ណៈ កំពុងស្ថិតក្នុងការសង្ស័យរបស់តុលាការ ជុំវិញមរណភាពរបស់លោកស្រី ចេវ សុវឌ្ឍនា ដែលជាស្រីកំណាន់របស់លោក។
លោក ឡាយ វណ្ណៈ ត្រូវបានសមត្ថកិច្ច ចាប់ខ្លួន ហើយបញ្ជូនពីខេត្តតាកែវ ទៅកាន់ក្រសួងមហាផ្ទៃ កាលពីថ្ងៃទី១ ខែមេសា ដើម្បីសួរនាំពីករណីខាងលើ។ លោក ឡាយ ណារិទ្ធ ស្នងការរងខេត្តតាកែវ ដែលជាបងប្រុសបង្កើតរបស់លោក រួមទាំងនគរបាលមួយចំនួនទៀត ក៏ត្រូវបានបញ្ជូនទៅតុលាការដែរ ដោយស្ថិតក្នុងសំណុំរឿងនេះដូចគ្នា។
គួររម្លឹកថា លោកស្រី ចេវ សុវឌ្ឍនា មានវ័យ៣៦ឆ្នាំ ត្រូវបានគេប្រទះឃើញ ស្លាប់ ដោយស្ថានភាពចងក នៅក្នុងផ្ទះ ដែលស្ថិតក្រុងដូនកែវ ខេត្តតាកែវ កាលពីចុងខែមករា ឆ្នាំ២០១៨។ ប៉ុន្តែសាធារណជនខ្លះ សង្ស័យថា មរណភាពរបស់លោកស្រី ចេវ សុវឌ្ឍនា ទំនងជាមិនមែនដោយសារការធ្វើអត្តឃាតនោះទេ៕
Tag:
ចេវ សុវឌ្ឍនា
ឡាយ វណ្ណៈ
© រក្សាសិទ្ធិដោយ thmeythmey.com