កីឡាជាតិ
ជាតិ
NOCC ប្រគល់ថវិកាបានពីព្រឹត្តិការណ៍ម៉ារ៉ាតុនជាង១១ម៉ឺនដុល្លារ ដល់មន្ទីរពេទ្យនិងអង្គការចំនួន១០
×![]()
កាលពីព្រឹកថ្ងៃទី៣ មេសា ឆ្នាំ២០១៨ គណៈកម្មាធិការជាតិអូឡាំពិកកម្ពុជា(NOCC) បានយកថវិកាប្រមាណជាង១១ម៉ឺនដុល្លារដែលបានពីការរៀបចំព្រឹត្តិការណ៍រត់ប្រណាំងម៉ារ៉ាតុនអន្តរជាតិអង្គរ ប្រគល់ជូនមន្ទីរពេទ្យនិងអង្គការមនុស្សធម៌ចំនួន១០។ ថវិកាសប្បុរសធម៌ឆ្នាំនេះមានការកើនឡើងជាង១ម៉ឺនដុល្លារ បើធៀបទៅនឹងឆ្នាំមុន។ នេះបើតាមការបញ្ជាក់របស់លោក វ៉ាត់ ចំរើន អគ្គលេខាធិការ NOCC។
ថវិកាចំនួន១១៦,០០០ដុល្លារ ដែលបានពីការរៀបចំព្រឹត្តិការណ៍រត់ប្រណាំងម៉ារ៉ាតុនអន្តរជាតិអង្គរ កាលពីថ្ងៃទី២២ ធ្នូ ឆ្នាំ២០១៧ នៅខេត្តសៀមរាបកន្លងទៅ ត្រូវបាន NOCC តាមរយៈលោក វ៉ាត់ ចំរើន យកមកប្រគល់ជូនមន្ទីរ និងអង្គការសប្បុរសធម៌ចំនួន១០រួចហើយ កាលពីព្រឹកថ្ងៃទី៣ មេសា ឆ្នាំ២០១៨ នៅទីស្នាក់ការ NOCC។
អង្គការកាកបាទក្រហមកម្ពុជាទទួលបានថវិកាចំនួន១ម៉ឺនដុល្លា, មន្ទីរពេទ្យកុមារអង្គរ៨,២០០ដុល្លារ, មន្ទីរពេទ្យគន្ធបុប្ផា៦ពាន់ដុល្លារ, Cambodia Trust ៣,៦០០ដុល្លារ, Cambodia Disable Athletics Federations(CDAF) ៣,៤០០ដុល្លារ, Handicap International Belgium ៣ពាន់ដុល្លារ និងអង្គការក្រោមគម្រោងរបស់ Heart of Gold រួមមាន Support Disable Athletics ទទួលបាន២,៤០០ដុល្លារ, New Child Care Center, Physical Education Project និង Youth Development Project ទទួលបាន២ពាន់ដុល្លាររៀងៗខ្លួន។
អគ្គលេខាធិការ NOCC លោក វ៉ាត់ ចំរើន បានថ្លែងថា ថវិកាសប្បុរសធម៌ឆ្នាំនេះមានការកើនឡើង១៤,០០០ដុល្លារ បើធៀបនឹងឆ្នាំមុនដែលមានចំនួន១០២,០០០ដុល្លារ។ ការកើនឡើងនេះ ដោយសារមានការកើនឡើងនៃចំនូនអ្នកចូលរួម។ ថវិកាសប្បុរសធម៌នេះ ទទួលបានពីប្រភពបី គឺតាមរយៈការចុះឈ្មោះចូលរួម ការបរិច្ចាគផ្ទាល់ពីសប្បុរសជន និងការឧបត្ថម្ភពីក្រុមហ៊ុន។
ទន្ទឹមនឹងនេះ លោក សែម ផល្លា នាយកគ្រប់គ្រងព្រឹត្តិការណ៍ម៉ារ៉ាតុននិងពាក់កណ្តាលម៉ារ៉ាតុនអន្តរជាតិ ស្នើឲ្យអ្នកចូលរួមរត់ប្រណាំងក្នុងព្រឹត្តិការណ៍ម៉ារ៉ាតុននិងពាក់កណ្តាលម៉ារ៉ាតុនអន្តរជាតិទាំងអស់ត្រូវសិក្សាស្វែងយល់ពីគោលបំណងនៃព្រឹត្តិការណ៍នេះឲ្យបានច្បាស់លាស់។ ការក្រើនរំលឹកនេះ ដោយសារមានអ្នកចូលរួមមួយចំនួន នៅតែរិះគន់ចំពោះចំនួនប្រាក់រង្វាន់លើកទឹកចិត្តសម្រាប់ម្ចាស់ជ័យលាភី។
ពាក់ព័ន្ធនឹងគោលបំណង លោក សែម ផល្លា បានបញ្ជាក់ថា ព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនអន្តរជាតិត្រូវបានរៀបចំឡើង ដើម្បីស្វែងរកមូលនិធិជួយមន្ទីរពេទ្យ និងអង្គការមនុស្សធម៌ ពោលគឺមិនមែនដើម្បីរកកំរៃនោះឡើយ។ ហើយសម្រាប់ប្រាក់រង្វាន់ គឺផ្តល់ជូនដើម្បីលើកទឹកចិត្ត ក៏ដូចជាជួយសម្រួលបន្ទុកលើការចំណាយរបស់អត្តពលិកតែប៉ុណ្ណោះ។
ដើម្បីបញ្ចប់ការរិះគន់ ក៏ដូចជាជួយអភិវឌ្ឍន៍វិស័យកីឡាអត្តពលកម្មនៅកម្ពុជា នាយកគ្រប់គ្រងព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនអន្តរជាតិរូបនេះបានអះអាងថា លោករួមជាមួយអ្នកពាក់ព័ន្ធបាននិងកំពុងពិភាក្សាគ្នាពីលទ្ធភាពបង្កើតព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនដាច់ដោយឡែកមួយទៀតនាពេលខាងមុខ។ ប៉ុន្តែ លោកមិនទាន់បានបញ្ជាក់ច្បាស់លាស់ពីពេលវេលាជាក់លាក់នៃការបង្កើតនៅឡើយទេ៕
ថវិកាចំនួន១១៦,០០០ដុល្លារ ដែលបានពីការរៀបចំព្រឹត្តិការណ៍រត់ប្រណាំងម៉ារ៉ាតុនអន្តរជាតិអង្គរ កាលពីថ្ងៃទី២២ ធ្នូ ឆ្នាំ២០១៧ នៅខេត្តសៀមរាបកន្លងទៅ ត្រូវបាន NOCC តាមរយៈលោក វ៉ាត់ ចំរើន យកមកប្រគល់ជូនមន្ទីរ និងអង្គការសប្បុរសធម៌ចំនួន១០រួចហើយ កាលពីព្រឹកថ្ងៃទី៣ មេសា ឆ្នាំ២០១៨ នៅទីស្នាក់ការ NOCC។
អង្គការកាកបាទក្រហមកម្ពុជាទទួលបានថវិកាចំនួន១ម៉ឺនដុល្លា, មន្ទីរពេទ្យកុមារអង្គរ៨,២០០ដុល្លារ, មន្ទីរពេទ្យគន្ធបុប្ផា៦ពាន់ដុល្លារ, Cambodia Trust ៣,៦០០ដុល្លារ, Cambodia Disable Athletics Federations(CDAF) ៣,៤០០ដុល្លារ, Handicap International Belgium ៣ពាន់ដុល្លារ និងអង្គការក្រោមគម្រោងរបស់ Heart of Gold រួមមាន Support Disable Athletics ទទួលបាន២,៤០០ដុល្លារ, New Child Care Center, Physical Education Project និង Youth Development Project ទទួលបាន២ពាន់ដុល្លាររៀងៗខ្លួន។
អគ្គលេខាធិការ NOCC លោក វ៉ាត់ ចំរើន បានថ្លែងថា ថវិកាសប្បុរសធម៌ឆ្នាំនេះមានការកើនឡើង១៤,០០០ដុល្លារ បើធៀបនឹងឆ្នាំមុនដែលមានចំនួន១០២,០០០ដុល្លារ។ ការកើនឡើងនេះ ដោយសារមានការកើនឡើងនៃចំនូនអ្នកចូលរួម។ ថវិកាសប្បុរសធម៌នេះ ទទួលបានពីប្រភពបី គឺតាមរយៈការចុះឈ្មោះចូលរួម ការបរិច្ចាគផ្ទាល់ពីសប្បុរសជន និងការឧបត្ថម្ភពីក្រុមហ៊ុន។
ទន្ទឹមនឹងនេះ លោក សែម ផល្លា នាយកគ្រប់គ្រងព្រឹត្តិការណ៍ម៉ារ៉ាតុននិងពាក់កណ្តាលម៉ារ៉ាតុនអន្តរជាតិ ស្នើឲ្យអ្នកចូលរួមរត់ប្រណាំងក្នុងព្រឹត្តិការណ៍ម៉ារ៉ាតុននិងពាក់កណ្តាលម៉ារ៉ាតុនអន្តរជាតិទាំងអស់ត្រូវសិក្សាស្វែងយល់ពីគោលបំណងនៃព្រឹត្តិការណ៍នេះឲ្យបានច្បាស់លាស់។ ការក្រើនរំលឹកនេះ ដោយសារមានអ្នកចូលរួមមួយចំនួន នៅតែរិះគន់ចំពោះចំនួនប្រាក់រង្វាន់លើកទឹកចិត្តសម្រាប់ម្ចាស់ជ័យលាភី។
ពាក់ព័ន្ធនឹងគោលបំណង លោក សែម ផល្លា បានបញ្ជាក់ថា ព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនអន្តរជាតិត្រូវបានរៀបចំឡើង ដើម្បីស្វែងរកមូលនិធិជួយមន្ទីរពេទ្យ និងអង្គការមនុស្សធម៌ ពោលគឺមិនមែនដើម្បីរកកំរៃនោះឡើយ។ ហើយសម្រាប់ប្រាក់រង្វាន់ គឺផ្តល់ជូនដើម្បីលើកទឹកចិត្ត ក៏ដូចជាជួយសម្រួលបន្ទុកលើការចំណាយរបស់អត្តពលិកតែប៉ុណ្ណោះ។
ដើម្បីបញ្ចប់ការរិះគន់ ក៏ដូចជាជួយអភិវឌ្ឍន៍វិស័យកីឡាអត្តពលកម្មនៅកម្ពុជា នាយកគ្រប់គ្រងព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនអន្តរជាតិរូបនេះបានអះអាងថា លោករួមជាមួយអ្នកពាក់ព័ន្ធបាននិងកំពុងពិភាក្សាគ្នាពីលទ្ធភាពបង្កើតព្រឹត្តិការណ៍ម៉ារ៉ាតុន និងពាក់កណ្តាលម៉ារ៉ាតុនដាច់ដោយឡែកមួយទៀតនាពេលខាងមុខ។ ប៉ុន្តែ លោកមិនទាន់បានបញ្ជាក់ច្បាស់លាស់ពីពេលវេលាជាក់លាក់នៃការបង្កើតនៅឡើយទេ៕
Tag:
NOCC
វ៉ាត់ ចំរើន
សែម ផល្លា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
